悅

營業中

休息中

蕃薯Uncle睇到報紙介紹時代廣場新開咗間功夫粵菜館「悅」，報導登出嘅相片實在好吸引，XO仔就襯喺商場買完聖誕禮物後儲夠五張餐飲現金券，即相約為食小組一齊去試。高級中菜廳環境優雅，裝潢簡潔，用餐大堂排出三行二至四人散枱，滿座都唔覺太嘈，証明厚厚嘅地毯有吸音之效。細問下，得知店內設有幾間闊落舒適嘅私人廂房，均可容納十二人，最低消費額為$6,500/間，將兩間打通要$13,000，打通三間就優惠啲$18,000，聽落都好合理。長輩們最欣賞就係個日式豪華洗手間，男有男讚、女有女讚，不過啲咁個人嘅野都係留返俾讀者們自己去評價啦。飲品牌共有兩頁。由於當日收咗工已先赴歡樂約會，晚飯就決定繼續飲三得利頂級黑啤（$68/380ml）。三十二頁附有彩圖嘅厚本餐牌可於餐店官方網頁下載：http://design.lubuds.com/MENUS/LCW9554%20YUE%20ALC.pdf首兩頁為推介菜式。接著四頁為午市點心。其餘十三頁則為全天供應嘅散點項目。頁尾列出除咗加一之外，其他收費包括茗茶$20/位、前菜$20/碟、白飯$20/碗、淨鮑汁$98（依個小肥都係第一次見，唔知係一碗定一碟呢？）、切餅

朋友想飲茶 係timesqaure 搵到呢間酒樓 如果好似酒店分級數 呢間酒樓都屬於五星級 呢度環境好寬敞 景色開揚 而且服務仲好周到 基本上你飲完一啖茶就會有人幫你refill我哋叫咗椒鹽九肚魚 基本上佢冇加到炸粉都可以炸得好香好好食 加少少喼汁一嚿接一舊咁樣食 推介另外仲嗌左個黑松露燒賣 呢個燒賣夠晒大粒 入邊有原隻蝦同埋豬肉好好食 蝦餃又係水準之作 皮薄餡靚 咬落去仲有啲湯汁爆出黎勁好食另外牛肉燒賣都好好食 牛肉juicy 有牛味最後仲叫咗個蒸排骨 肥瘦均勻 大推介

好高質嘅中菜❤️❤️成間店裝修都好華麗最適合一家大細黎撐枱腳一嚟到飲番杯天生雪菊~ 好香#豉油皇香煎日本淮山 $118淮山被煎成金黃色，好香脆入口好爽口吸收左豉油王嘅汁醬，好有驚喜#梁溪素脆鱔 $98原來素脆鱔係冬菇製成黐黐地，有酸梅嘅味道，入口好酥脆好開胃呢~#金沙鴨紅 $138一上枱已聞到好香咸蛋黃味外層係香脆嘅蛋黃皮入面係軟腍嘅鴨紅~ 好香口#豬肚鳳吞燕 $3,280手工菜一碟~ 一鍋可以12個人享用原隻雞先去掉骨同肉，再將燕窩釀人其中豬肚將原隻雞包裹然後熬製成湯成個湯好香濃，吸收晒雞同豬肚的精華燕窩又養顏，連湯渣都好好食#脆皮蔥油雞 $388/半隻; $668/全隻蔥油醬是重點，由餐廳所秘製有乾蔥醬及青蔥油，整碟蔥油香好吸引龍崗雞炸得香脆，嫩滑嘅雞肉再加埋蔥油令人食到停唔到口#金梅陳醋咕嚕肉 $238咕嚕肉採用西班牙黑毛豬腩肉炸得香脆，仲加入黑蒜提升整體味道金梅陳醋嘅味道酸酸甜甜配搭埋無花果好夾砂窩蟹粉炒飯 $498將蟹粉倒落炒飯然後再拌勻，金黃色嘅炒飯同蟹粉味道相融吃到的是幸福的味道#時果雪梅娘 $68必食嘅一款甜品糯米皮內包裹芒果及忌廉好似食緊Monchi咁

今日黎左銅鑼灣一間高級粵菜食府晚飯~地點好方便喔, 就係時代廣場食通天, 地鐵站一出就到呢餐廳環境優雅寧靜, 設計時尚有品味~~~~餐廳菜式選擇繁多~有多款前菜, 燒味, 湯羹, 海鮮, 肉類, 時蔬, 甜品等....另外仲有魚翅, 鮑參, 海味, 官燕等貴價食材餐廳用上高級餐具~俾人感覺清新優雅, 份外有格調前菜 $28好欣賞佢呢款前菜!! 感覺好有誠意~係滷豆腐&毛豆黎~即使係前菜, 份量都相當多, 味道仲一流!比起外面以同樣既價錢但只有一碟花生真係高幾班~松茸螺頭燉竹絲雞 $228平時自己好少燉湯, 難得見到D咁補既燉湯都想試下~~呢款燉湯滋陰補腎清熱、清理肝補益~好適合呢個天時飲燉湯真材實料, 而且非常足料, 味道濃郁脆皮乳鴿 $78即叫即炸, 上枱熱辣辣~~乳鴿外皮香脆, 一啖咬落去卜卜聲好清脆~乳鴿肉香口入味, 肉嫩多汁椒鹽九肚魚 $108外皮皮薄, 炸得好鬆脆~~九肚魚軟嫩的魚肉肉質嫩滑, 有感入口即溶~金梅陳醋咕嚕肉 $238好鍾意呢款菜式~ 一碟貌似簡單既菜式有著多重口感, 完全係大驚喜!!咕嚕肉以陳醋烹調, 比傳統以白醋烹調既咕嚕肉味道份外不同~ 陳醋含濃郁的熏穀香

今日去開銅鑼灣買嘢，見到呢間好高級嘅中菜廳，見好似新開無耐，啲職員服務好好態度好殷勤咁樣招呼我哋去睇吓個餐牌，咁樣就入去決定試吓啦。入去見到個枱同枱中間個距離都好闊落，侍應數目都好足夠，所以就食落都好舒服。咁佢午餐就食點心，晚餐就食小菜，咁我哋就叫左一個鮮沙薑砂鍋雞煲，脆皮腩仔肉，同埋香辣肉絲炒銀針粉。茶方面我哋揀左鐵觀音，佢係好香嘅，呢度啲職員都會好殷勤咁樣幫你斟茶，服務都好足。個腩仔肉都有好多件，佢入邊呢就肥瘦一段段，個皮好脆咁。㔫而嗰個雞煲呢份量都好大，亦都有啲京蔥啊椒啊等等。啲雞個味道好入味，皮脆，咬落又有汁，點個沙薑醬就錦上添花！最後俾我哋清晒。最後個銀針粉呢佢有啲似乾炒牛河個汁咁，不過加個辣醬食就好唔同，仲好食左好多。兩個人食左三樣已經好飽，見到有人叫佢個桶仔豆腐花都好想食，可惜真係食唔落，唯有下次嚟一定要叫！

Knowing that Times Square have just opened a new dim sum restaurant, I decided to bring my parents there for dim sum today. YUÈ was located at Times Square, Causeway Bay.They served fried and baked dim sum, soup, steamed dim sum, appetizers, rice roll, siu mei and desserts etc. Oolong tea was very clear and refreshing, one of the better quality used.Steamed shrimp dumplings was steamed till chewy and juicy, with huge prawn fillings in it. Steamed rice roll with minced beef and tangerine peel - R

讚1.部份菜式好味，蔥油炸子雞係必叫，蔥油香到PK，隻炸子雞係做得唔錯，但好多餐廳都有咁既水準，加埋蔥油就唔同晒，勁香；頭盤既鮮准山都好惹味，又鬆化；蟹粉炒飯好足料，同埋好夠味2.環境超闊落彈1.有啲創作嘢食就麻麻，鹹蛋黃鴨血係有啲血羶味，脆鱔又好硬

好耐無食高級中菜😍今日同朋友出開銅鑼灣嚟times square試下呢間《悦》之前經過門口巳經覺得好grand今日終於食到✌🏻一入去旁邊有個小酒窖另一邊就間左兩間房枱同枱之間距離寬闊暖黃燈光配合柔和音樂成個環境好舒服👍🏼餐具都好精緻加分❤️❤️前菜係一碗xo醬涼拌蛋白估唔到前菜都咁足料食到好大粒蝦米😮微辣嘅蛋白口感Q彈加埋豆豆感覺幾清新【梁溪素脆鱔】所謂素鱔其實係炸左嘅菇一入口好重焦糖香咬落去口感超鬆脆！再咀嚼耐啲會食到微微醋酸味整體感覺好新穎👍🏼👍🏼【椒鹽九肚魚】賣相好精緻，一口size好貼心一啖就可以感受多重口感外層惹味香脆內層軟滑可口唔錯！唔錯！【金梅陳醋咕嚕肉】咕嚕肉真係外脆內軟😍呢樣真係唔係間間餐廳都做到酸酸甜甜配埋清甜無花果即時fresh晒～【海鮮雜菜煲】超豐富！入面有4、5種蔬菜、菇菌再加埋帶子、魷魚、蝦🤤成煲野勁鮮甜我地連湯都飲埋😂我自己就最欣賞隻蝦鮮味之餘仲好彈牙！

YUE 悅銅鑼灣勿地臣街1號時代廣場13樓1301號舖Shop 1301, 13/F, Times Square, 1 Matheson Street, Causeway Bay點心巧手精緻, 高檔架環境用餐體驗唔錯呀, 可以納入招待貴賓的中菜餐廳名單。中午人均價位$300元起,是一級食府的定價。有氣派闊落架環境, 亦唔會好似傳統茶樓咁嘈。食點心一壺茶怎會小, 茶芥 $20一位$68 黑魚子豚肉北菇燒賣, 平常都是蝦子黠綴在燒賣上面, 換上了更高級名貴的黑魚子, 才對得起這個價位。味道同食開架燒賣差唔多, 第一口有黑魚子多左陣鐵味海水鹹味。已經唔係度度都有架$68芙蓉帶子芋頭盒, 炸到酥香, 個芋泥打到好香滑呀, 加上粒帶子, 一啖入面有著幾重唔同架層次,$98 高湯蟹肉灌湯餃大大隻, 一隻已抵上3-4隻正常湯餃的SIZE啦。弄開一個小洞口先啜湯汁,餡料有豬肉同蟹肉, 因湯通常比較鹹再淋醋有助平均一下。大個一又想食燒味,一隻$78 乳鴿份量絕對剛剛好, 鹹卜卜架乳鴿,皮乾身, 肉架鹹香口感有咬口。$68！蒜豉蒸排骨，懷念簡單的味道，回歸基本步食下蒸排骨，大。胃口架仲可以點碗飯，撈埋個豉

2021年11月8日中午13:30親身體驗已訂位，嚟到門口reception 無人，等咗5分鐘先有人出嚟帶位，帶位無親身帶我哋去到張枱，只是離遠用手指「嗰度嗰張」，咁我哋咪行過去囉，點知有個光頭大隻佬嘅物體攔住張枱好唔客氣咁問：「你哋有無响門口登記呀？你哋呢張枱咩？」跟住個帶位見狀，離遠話：「係呀，我比呢張枱佢哋」，然後我哋先可以坐低！叫咗幾個點心，普通嘢，稻香質素，酒店價錢，點心$6、70起跳，其中個上湯煎粉果衰過鳳城，個焗豬扒飯衰過大家樂一哥豬扒飯，但佢收$298，坦白講絕對唔會再嚟

叉燒包，叉燒腸，出色！芙蓉帶子芋盒，好食！乾蒸牛肉，鮮竹卷，好好味！燒賣，不錯。豆腐花，好滑飲茶嚟講，好好食！當然，價 錢唔平，要用 Times Square dining coupon 就覺得物有所值。環境亦好舒服。飯堂之選！