悅滿軒

朋友一直推介我試下呢間悅滿軒🍽️，今次系美孚附近辦事，可以順便試下。我地叫左兩個餐，包括：🦀香煎日本松葉蟹餅配金蘋果蓉配雞尾酒汁，蟹餅有好多爽滑清甜的蟹肉，保留蟹原有的鮮美甘甜，結合爽脆的餅乾，濃鬱蟹香，伴隨海水鲜味，保證一試難以忘懷！同埋香煎法國鵝肝配自家製鴨髀配花糖燴梨，鵝肝外層煎得金黃焦脆，有少少海鹽，將美味提升，而且入口即溶，沒有半點渣，鴨髀淡淡肉好入味，花糖燴梨甜甜地幾開胃。👅🥂今次揀咗呢兩份午餐果然沒令我失望👍下次黎試埋晚餐先❤🍴

同事介紹抵食法國菜，由於地理位置麻麻，所以bookmark 左好耐都未試，因為要慶祝生日，終於黎左試。我地叫左2 個lunch set，個蕃茄包好香蕃茄味👍🏻南瓜湯好濃，出色。黑水欖牛油就真係牛油🤣，普通牛油味。前菜出色令我期待主菜，燒澳洲肉眼扒，好大塊好厚，一切就知出事，5成熟但都好鞋🥲香煎盲曹魚扒，腥味好勁。味道一般🥲有期望所以有失望環境氣氛一般，好嘈。

餐廳位於饒宗頤博物館內，離美孚地鐵站一小段距離，感覺有些隱世。餐廳外面環境青幽，內裡裝修很靚。侍應服務很周到，食物美味有驚喜。每一道菜式的擺盤也很精緻，本以為味道只是普通或好，但吃後卻超出預期。好耐冇吃火燒雪山呢類甜品，今日見到有便試。咁熱的天氣下吃著內裡的雪糕，真係好爽呀！沒有設限食飯時間，可以慢慢品嚐菜式。一邊食一邊暢所欲言。而且侍應見我們轉吃main course或甜品時會幫我們換碟，不經不覺便坐了2小時。愉快的一晚！

烤釀智利海鱸魚配地中海汁 $288每樣調味配料都看似平凡但加埋一齊就有好特別嘅化學作用好好味好特別 底部仲有啲好幼細嘅菠菜苗 吸收哂魚身嘅日月精華🥬海鱸魚釀入墨魚蝦膠滑，口感爽口非常彈牙 加上非常多配料香味炒香再放喺魚皮表面，令魚整體更香口，達到更上一層樓嘅感覺🌟意大利粉配薄切西班牙紅蝦。 番茄蟹肉紅蝦汁 $298紅蝦屬高級食材 口感彈牙非常爽口 味道甘甜 番茄蟹肉紅蝦汁同樣有甘香又有番茄嘅酸甜感 配上超級掛汁幼身嘅意大利天使粉🍝美國頂級牛腹肉 $328牛腹肉粉嫩有肉味，配上烤過嘅車厘茄同埋蒜頭，經典組合又非常好食🧄

悦滿軒位於荔枝角饒宗頤文化館裏面，餐廳外牆係紅磚🧱，幾有特色。我呢幾年去過悦滿軒幾次，覺得前幾次整體嘅食物質素好過最近一次去，例如我好鍾意食嘅蕃茄餐包好似已經冇以前咁濃蕃茄味，賣相亦都冇咁吸引。雖然係咁，我依然覺得悦滿軒嘅食物係好食嘅😋藍青口(第二張圖)好軟滑，配上藍芝士忌廉汁，個汁正到我直程要飲晒佢😂泥蟹湯(第三張圖)雖然唔係好食到蟹肉，但係蟹味濃🦀羊扒🐑(第四張圖)嫩滑，配上自家製嘅羊肉腸，羊扒一啲都唔膻，反而羊肉腸好有羊肉味，我唔怕膻就覺得幾好食😛最難忘係個火焰雪糕(第一張圖)，而家出面好少見。但係見到唔好太興奮，記得要吹熄個火，如果唔係就會好似我哋咁，燒燶咗佢🤣🤣🤣焗蘋果麵包布甸🍎(第五張圖)就冇乜特別，冇乜蘋果肉，就好似浸左甜嘢嘅麵包咁。整體嘅用餐體驗係好嘅，個火焰雪糕為餐廳加左唔少分😉附上之前幾次去嘅相(第六至第九張圖)😙💰: HK$400 pp (Dinner)💝: 7.5/10

番茄蟹肉紅蝦汁煮意大利粉配薄切西班牙紅蝦之番茄蟹肉紅蝦汁味道有番茄酸酸嘅味道、番茄蓉稠稠嘅口感，又有蟹肉同紅蝦鮮甜嘅海鮮味道🦐 三樣食材味道非常平均，又鮮又甜！意大利粉質地爽身唔會梅梅爛爛仲有啲咬口最特別係個薄切西班牙紅蝦，西班牙紅蝦蝦膏香濃甘甜之餘 蝦肉爽甜又好鮮美 味道比我最愛嘅龍蝦肉更鮮甜同埋濃厚 好似已經勝過龍蝦穩坐我心目中第一位🏆意大利粉捲成一捲嘅形狀 表面重加上啲開心果粒粒 硬脆硬脆非常有咬口 而且開心果又自帶啲鹹鹹地嘅味道 令菜式層次更豐富

蠔呢間餐廳嘅生蠔可以逐隻逐隻點，嗌一隻得混唔同款嗌又得 自由度十分高！今次嗌咗佢哋有個四款每樣一隻：法國皇家蠔愛爾蘭路易費莎美國黃寶石法國吉拉多蠔當中對比最大係法國皇家蠔同法國吉拉多蠔：我就比較鍾意法國皇家蠔，因為海水味同埋金屬味比較淡，更加容易入口👌法國家鄉焗煲配黃油雞顏色橙紅色原煲上黃油雞雞油雞汁豐盛肉質都幾嫩滑，調味唔單單係番茄嘅酸甜 ，而係食到好似有好多種香料一齊熬製咁👍🏼味道濃郁芳香，感覺新穎，都好似無點食到過呢種味道嘅配搭🍅🐔

平時豬肉乾牛肉乾都食得多 鴨胸乾真係第一次聽第一次見第一次食到佢重要配左個法式烤鴨清湯 風乾鴨胸片比普通烹調嘅鴨胸更重鹹香味 而且鴨油脂好似更集中但無咁油膩🦆🦆乳豬都幾特別架 選用西班牙乳豬再經過蘋果木煙燻方法 同平日炸豬手一樣乳豬皮好香脆 相比較皮就會更薄脆 乳豬豬肉鮮嫩油滋滋又有光澤🐽🐽一大打卡位係店員會係你面前再次燒烤乳豬 令乳豬皮更香脆而且確保上枱嘅時候可以熱辣辣用嘅係蘋果木煙燻 食到多啲果香味參雜乳豬豬肉香味🍎

叫咗個我上網睇到認為係呢間餐廳必點嘅法式海龍王🥣嚟到果然都無令我失望架！你可以見到有超級滿滿嘅海鮮：藍青口、托托蜆、皇帝蝦、帶子、龍蝦肉 都會有 絕對唔會有擔心存在嘅唔新鮮嘅海鮮所帶嘅腥臭味 反而仲食到海鮮嘅鮮味同甜味 非常真材實料又鮮甜👍美國牛腹肉他他配蒜蓉包呢款係前菜 牛腹肉他他無筋位非常容易咀嚼 而且加入咗好多唔同嘅配料拌勻而成 質地鮮嫩有富嚼勁 咬咬下會食到洋蔥嘅辛辣感 番茄酸甜多汁 加上香草獨特香味 多重口感非常之特別又清爽🍃

寶雲酥焗西班牙伊比利亞 羊扒配自家製羊肉腸。 🍷砵酒汁：西班牙伊比利亞 羊扒有軟綿綿嘅質感，經過焗質外皮微微脆羊肉內層又保持到好綿好密嘅肉質👍🏻砵酒汁經過烹調酒味基本上都揮發咗唔少，唔會有令你渾醉嘅感覺 反而係紅酒甜甜帶甘香嘅味道！美國頂級🐮牛腹肉：牛腹肉切成一片片，擺盤好有牛扒嘅感覺 但相比牛扒肉質地會更加軟綿，雖然未至於入口即溶但呢個程度保留少少咬口其實仲好味！最基本點木盤上附上嘅粗鹽已經非常美味🧂生蠔肉非常飽滿絲滑，配送咗番茄醬同酸辣汁，但個人認為擠檸檬汁最好味，最食到蠔鮮味！

牛腹肉他他前菜屬於牛前腹近橫隔膜嘅部位，因為每隻牛只有1塊所以都相當矜貴🤩牛腹肉味道濃郁而且柔軟，因為係生食他他所以感覺咁突出，油分都會比煮熟嘅牛腹肉輕少少 加入好多洋蔥香料感覺就會比較清爽 而且唔會切得太碎保留口感美國頂級牛腹肉^_^叫咗生嘅牛腹肉當然要叫埋煎熟嘅試試對比一下🤪頂級牛腹肉叫5成熟，顏色紅紅 牛肉味比他他會淡翻少少但牛油香就更濃郁更突出 視乎你本身鐘意邊種口感啦，如果鐘意輕盈清爽啲就推薦牛腹肉他他；相反鐘意油脂感覺重就推薦呢款頂級牛腹肉

法式海龍王🦐🦞🐚基本上可以用四個字完美概括佢“濃稠滋味”海龍皇湯質地非常濃杰 飲到好似加入左非常非常多海鮮 然後熬製左一段長時間先可以達到嘅濃稠程度～裡面有多達五款海鮮 分別係去殼龍蝦肉、皇帝蝦、藍青口、托托蜆、帶子龍蝦肉肥嘟嘟非常鮮美🦞皇帝蝦就連殼嘅 估計係唔想佢浸到蝦肉變淋 因為有咁重量嘅海鮮所以湯底非常鮮法式海膽焗蛋🐔🥚💛一上到黎已經聞到海膽嘅氣息 平時都好鍾意滑捋捋燉蛋 呢款重要加埋我愛嘅海膽 焗蛋滑溜配上鮮甜甘香海膽同埋海膽醬非常濃郁 簡單兩款材料已經好好味！

烤釀智利🇨🇱海鱸魚配地中海汁選用來自智利嘅海鱸魚，呢款魚有非常豐富嘅油脂，食上嚟口感比較平淡所以特別適合用嚟做釀嘅菜式，魚肉雪白色，油份適中，聽講仲含有豐富嘅Omega 3脂肪酸所以蘊含豐富營養🐟生蠔叫咗六隻，肉質肥美飽滿非常新鮮，好濃郁嘅海水味，食落去好滋味幸福☺️美國🇺🇸頂級牛腹肉 12安士 主打供應天然無激素同埋無抗生素嘅美國產牛肉！嚟到真係啱啱好完美嘅5成熟 牛肉顏色粉粉嫩嫩 肉質細嫩又有啲油脂都幾飽滿👍🏻最欣賞佢肉味濃郁肉質軟腍但唔會有多餘嘅肥膏，口感感覺好舒服唔會話肥肥膩膩或者過分多油👍

泥蟹湯味道超級濃郁有層次 似係先烤過泥蟹然後再將佢磨碎煮成湯🦀除左有蟹本身嘅味道重好有佢嘅鮮甜味 加上啲碎碎嘅蟹肉碎味道更濃，表面都會再加左啲雪白色嘅忌廉 令泥蟹湯更厚實滑順。黃油雞雞皮烘焗到金黃色，食落非常香脆黃油雞雞肉亦都非常嫩滑，做到經典個個都講嘅皮脆肉嫩、外脆內軟🐔家鄉煲蕃茄洋蔥有酸甜味得嚟唔會蓋過黃油雞本身嘅雞油香味 平衡得非常之好，重點係黃油雞表面仲灑左大量芝士粉末，非常幼細所以唔會有一粒一粒嘅口感，只係增加左芝士鹹香味🧀

烤釀智利海鱸魚配地中海汁海鱸魚肉質鮮美而且魚刺好少，所以食用嘅時候可以好放心唔需要細細啖細細啖🥢烤魚色澤金黃色，皮脆魚肉嫩滑，非常出色🐟 魚肚位置釀咗滿滿嘅材料，可以見到佢有個大肚腩🤣 食到爽彈滑身嘅墨魚膠同埋多種香料配料 食完烤魚肉再食魚肚又係另一種感覺🧅黑啤無講唔知原來台灣人好鐘意食海鮮時候配搭黑啤酒飲 黑啤酒係將麥芽重火烘培釀製而成，有一般啤酒麥芽香氣之外帶有明顯嘅甜甜朱古力味🍫 味道上都會帶有更加明顯嘅甜味同苦味，口感味道豐富配上我哋叫嘅烤智利海鱸魚食到更濃郁鮮味！