悅滿軒

話說之前朋友已經介紹呢間位於荔枝角饒宗頤文化館入面既法國菜。話好抵食，今日就同佢嚟食午餐先～😋我地叫咗香煎北海道帶子配開心果牛油配芹菜頭蓉。 北海道帶子好新鮮香甜，配上芹菜頭蓉，成個菜好清新。再加上開心果既香，令到整個菜都好特別。😋😋之後我地仲叫咗蟹肉意大利飯配烏魚子。從來無諗過意大利飯同烏魚子可以配搭起來。 烏魚子既味道中和咗意大利飯既膩，唔錯唔錯。😋😋最後我地再試埋香煎法國鵝肝配自家製鴨髀。 一般鵝肝都會跟萍果蓉，但餐廳今次配上花糖燴梨，梨子被花糖煮到好香甜，帶有陣陣花香味道，好特別。😋😋總括而言，呢度既價錢比外面既法國菜親民好多。而且食物品質亦對得住有餘。下次我一次會再試佢地既晚餐😋😋👍🏻👍🏻

今日自己一個遊走美孚💁🏻‍♀️，行到饒宗頤文化館💁🏻‍♀️，俾House of Joy既紅磚牆同西式風格擺設同裝修吸引🤩。店內裝修亦都充滿心思，藍白色為主調，好有南法海邊渡假感覺，一於試下佢🤩。法國冰煙三文魚配法國魚子醬 里考塔芝士 $158，煙三文魚食落口感滑溜，又帶有淡淡的煙燻味，再配上清香嘅魚子醬同埋淡淡既里考塔芝士味😋，整體口感滑溜，又帶有魚子一粒粒嘅質感，配搭得超級好味👍！意大利飯配澳洲鮑魚 海鮮湯$248鮑魚鮮味十足，非常彈牙😍，濃濃既海鮮湯更帶出左鮑魚既鮮甜，再加上意大利飯嘅乾濕恰到好處之餘，又粒粒軟熟分明，真係非常yummy😋。整體用餐舒適度，店員服務同食物質素都係高水準，已經推介朋友下次過黎一齊食。😉

事緣我係網上見到荔枝角返工附近有間高質法國菜餐廳叫悅滿軒，仲要有兩層高，馬上叫埋同事一齊去🤩。去到餐廳發現裝修設計別具心思😍，有藍白皮椅配瓷磚地，裝修高雅，好有歐陸色彩👍🏻 🤩。頭盤係「香煎日本松葉蟹餅配金蘋果蓉 雞尾酒汁 $168」日本松葉蟹餅香口😍，肉質鮮嫩👍🏻 👍🏻，咬落去蟹既鮮味出哂黎，再配上雞尾酒汁，完全無油膩感👍🏻，再加上微微酸甜嘅金蘋果蓉，超級開胃😋主菜有「法式紙包智利紅䱽魚配海鮮汁$288」，紅䱽魚保持到魚既原汁原味，肉質軟腍，非常新鮮😋配埋海鮮汁，更加帶出魚既鮮味，真係食唔停口呀😋。仲有「香辣蒜片蠔肉白酒意大利粉$288」，大讚佢香辣蒜片又香又惹味，再加上有蕃茄乾既微酸，帶出左蠔肉既鮮甜，意粉仲要爽口彈牙，超級美味！😋總括嚟講店員親切，食物滿分，環境寬敞舒適👍🏻 ，決定下次要再嚟☺️

估唔到黎到饒宗頤文化館搵到呢間隱世法式餐廳，裝修好有歐陸色彩，仲有兩層高添，環境已經滿分🤩店員推介烤西班牙八爪魚腳 西班牙辣肉腸燴薏米配阿根廷青醬，果然無介紹錯👍👍八爪魚好有鮮味，咬落爽口彈牙🤤 辣肉腸肉汁豐富，再配上阿根廷青醬酸酸甜甜，味道好夾仲好開胃添！香煎日本松葉蟹餅配金蘋果蓉 雞尾酒汁，日本松葉蟹餅香口得來又唔會油膩😋😋雞尾酒汁配落蟹餅度，令蟹餅更加惹味🤤🤤，再配上金蘋果蓉酸酸甜甜胃口大增👍法國冰煙三文魚配法國魚子醬里考塔芝士，煙三文魚嘅煙熏味香，再配上清香嘅魚子醬同埋里考塔芝士😋😋，三樣食材都好岀色，唔會蓋過其他食物嘅味道👍👍真係好美味好夾呀😍整體好高質，性價比高，環境滿分，旺中帶靜，城市綠洲，去完必定再去既美味法式菜👍👍🤩

假日同朋友行開荔枝角，見到網上推介呢間歐陸式餐廳，我地就坐地鐵去美孚站再行去，好近5分鐘左右就到，都幾易搵😚香煎法國鵝肝配自家製鴨髀 花糖燴梨睇到都流口水🤤鵝肝色香味俱全，啲油流到落牒，見到都忍唔住即刻切嚟食🤭鴨髀肉質鮮嫩😍，花糖燴梨酸酸甜甜夏日開胃之選🤪成個菜式都好好味，配搭都好夾，食完幸福感Max🥰意大利飯配澳洲鮑魚海鮮湯，海鮮湯非常足料濃郁，幸福感Max Max😍 澳洲鮑魚意大利飯，鮑魚肉質彈牙，味道好香。意大利飯煮得啱啱好，唔會太濕，而且口感層次豐富，真係好幸福啊！食物好味而且又坐得舒服，朋友已經決定下星期要再嚟食😉✌🏻

本身都不知道饒宗頤文化館有西餐廳，經朋友介紹就去了試一試。 饒宗頤文化館地理位置比較隔涉， 由地鐵站行過去都要15分鐘。幸好去到餐廳，冷氣充足地方地寬闊。我們選擇了羊鞍，青口意大利飯及朱古力蛋糕。 他們的朱古力蛋糕非常足料，啖啖濃厚朱古力味！如果可以食甜又喜愛朱古力的話，可以試試！

帶左老公嚟到環境幽靜嘅饒宗頤文化館，當然不可以錯過呢一間更上一層樓嘅法國菜啦，點解我會叫佢更上一層樓，因為佢有兩層高嘅室內空間🤩睇過篇飲食雜誌話餐廳會選用冇激素肉類同有機蔬果，對食物有要求嘅老公今次應該可以滿足到佢🥳蟹肉意大利飯配烏魚子，烏魚子甘香美味🤩蟹肉鮮甜，意大利飯夾埋烏魚子同蟹肉，好夾好好味！香煎北海道帶子配開心果牛油。芹菜頭蓉，帶子肉質鮮嫩👍，芹菜頭蓉開胃清新，開心果牛油非常香👍👍，味道好夾！🤩🤩香煎日本松葉蟹餅配金蘋果蓉淋雞尾酒汁🤪，蟹肉餅煎得香噴噴，又唔會油膩，超讚！😚😚再配上金蘋果蓉淋雞尾酒汁，酸甜開胃，配搭好夾！老公非常滿意食物品質，環境既恬靜又寬敞，裝修優雅，服務非凡，兩個字，好食！😝

同朋友係荔枝角行完街，上網搵吓有咩好野食，就搵到一間位於饒宗頤文化館入面嘅法國菜😛好易搵到👍🏻👍🏻香煎北海道帶子配開心果牛油及芹菜頭蓉，帶子嫩滑鮮甜又有口感😛 芹菜頭蓉清新爽胃，兩樣食物一齊食個口感好夾🥳。仲有意大利飯配澳洲鮑魚加海鮮湯，鮑魚肉質彈牙😍，口感豐厚😍，配上濃郁海鮮湯，非常好味👍🏻👍🏻👍🏻最後，蟹肉意大利飯配烏魚子🤪，烏魚子味道好甘香😍，蟹肉香甜😍，意大利飯好creamy🤪🤪我地都非常滿意今次選擇，有口福之餘又可以享受清幽嘅環境，要送💯俾佢🤪

同兩個朋友一齊去饒宗頤文化館影相呃like🤪發現到一間法國菜，於是拉埋朋友一齊入去試🥳先講一下烤小龍蝦意大利粉配西班牙紅蝦汁，佢嘅小龍蝦係來自紐西蘭，紅蝦係來自西班牙，味道鮮甜，龍蝦肉厚，啖啖肉，好好味👍👍朋友叫我試吓個蟹肉意大利飯配烏魚子，蟹肉鮮甜，意大利飯好creamy🥳，烏魚子亦都好甘香🤪朋友大讚西班牙薄切紅蝦配柚子茴香沙律🤩沙律嘅蝦好新鮮，啲肉好厚實。柚子嘅微酸好開胃，加上熱情果汁係上面，更加惹味酸酸甜甜帶岀蝦既鮮味🦐🦐，正！整體來講環境乾淨，服務優質，一試難忘呀！😗

媽咪一直好鍾意食法國菜，今次特別帶佢同爹哋去美孚食一間朋友非常推薦嘅法國菜。果然好近地鐵站，喺B出口行幾分鐘就到，非常方便👍👍見到Menu 特別推介烤西班牙八爪魚腳、西班牙辣肉腸燴薏米，就嗌咗一個🤩。八爪魚嘅鮮甜同辣肉腸既肉汁，配上好好味嘅阿根廷青醬，微酸微辣嘅醬汁更加刺激到味蕾，胃口大開！🤩意大利飯配澳洲鮑魚同海鮮湯，鮑魚非常大隻，而且肉質鮮嫩，入口彈牙，味道鮮甜，爹哋都大讚！🫣海鮮湯鮮味濃郁，份量十足，真係食唔停口！🤩蟹肉意大利飯配烏魚子，烏魚子甘甜香醇，有少少海水味，唔會太鹹亦都無腥味同埋苦澀味，非常優質，再配上鮮甜嘅蟹肉同埋有層次嘅意大利飯，更加令人回味無窮😗😗今餐爹哋媽咪都大滿足啊 😋食物超高質，佢哋下次決定要再嚟🥰

今日做一日文青🤪，同朋友去咗饒宗頤博物館。喺博物館入面發現咗一間性價比高嘅法國菜叫做悅滿軒😳。外面見到格調高雅，又有藍白瓷磚既歐陸色彩，好吸引就入去試下。🤩我同朋友都好鍾意食生蠔於是就嗌左兩種生蠔。首先講吓愛爾蘭路易費莎蠔，味道多層次非常美味，海水味強，再帶出鮮甜味，而且入口爽脆，正！🤪 法國吉拉多蠔，同menu所講既一樣，海水味好濃郁，肉質好厚，口感非常爽脆，仲好鮮甜添，very good!!!!非常推介呢度嘅生蠔🦪！另外，主菜嗌左蟹肉意大利飯配烏魚子，鮮甜美味👍👍，而且飯濕得來唔會太過黏👍👍👍👍。香煎北海道帶子配開心果牛油加芹菜頭蓉，煎出黎既帶子好香，肉質既滑又鮮甜，芹菜頭蓉又清新開胃，夏天食呢一個菜式一流！👍👍餐廳環境整潔衛生，座位舒適，服務亦都唔錯，值得回頭！😝😝

以前住美孚新村好近餐廳，搬走後都好掛住啲嘢食，連續返左七日工，今日特別叫老公一齊坐港鐵黎到美孚站B出口，十分鐘內就到既饒宗頤文化館一再回味House of Joy。🥰餐廳兩層高，又有藍白皮椅配瓷磚地，裝修高雅，非常有歐陸色彩。老公急不及待叫左蟹肉意大利飯配烏魚子、蟹肉鮮甜👍🏻，意大利飯夠哂creamy👍🏻，啱哂喜歡cream既人，即是我🥳🥳。香煎北海道帶子配開心果牛油．芹菜頭蓉，帶子好有鮮味，開心果牛油配搭味道好夾，芹菜頭蓉亦相當清爽開胃😍。西班牙薄切紅蝦配柚子茴香沙律既紅蝦鮮甜多肉🤩🤩，柚子茴香沙律既清新開胃更帶出蝦既鮮味，大讚🤪🤪！最後，烤小龍蝦意大利粉配西班牙紅蝦汁係我老公既至愛🥰，小龍蝦肉質爽口又鮮嫩，配埋紅蝦汁更加係鮮味滿分！🥳🥳🥳總括黎講我地兩公婆一再回味大滿足😋法國菜黎講係物超所值，環境又令人置身於法國之中，真係超級讚👍👍

🥳饒宗頤文化館歷史可追溯遠在1887年（光緒13年），餐廳附近有酒店，文化館建築群更有「天光雲影」、舊更亭及古圍牆等景點，戶外則有九龍關地界碑石、學圃和爬山廊。呢款菜好有特色以🍙薏米執底, 一粒一粒濕潤又軟綿綿的好有咬口, 加埋有少少辣辣地既辣腸入去烘焙過既🦑八爪魚腳, 夾埋食有陣焦香味, 落啲青醬味道更引人入勝🤩鵝肝🥓肉質肥厚, 配搭這餐館自家製鴨批味道好夾, 伴住花糖燴梨尼食消取油膩感又不失鵝肝既回甘, 賣相又好標緻, 一定要再推薦朋友來食 一款很Creamy清香嘅🍵芹菜頭濃湯蓉, 放入煎香過的日本北海道帶子, 溶入新鮮味香濃既開心果, 細膩油潤之外, 芹菜頭既清爽香甜, 成個湯都好有綿密感, 很動人😍💓館內餐廳悅滿軒House of joy服務很貼心，環境格調清優雅緻，館外景緻迷人, 定會再來享受呢度既美食及環境

紅蝦🦐出奇地切得好薄, 入口蝦肉仲係好豐厚, 爽口鮮甜, 足見廚師卓越既刀功, 淋上熱情果汁, 索埋入去d蝦肉, 仲加埋抽子和其他佐料尼食, 成份沙律嘅製作都係超高質!啲蟹肉🦀融入香味濃郁又多汁既意大利飯裡, 飯裡面可能有啲忌廉以致特別香滑, 烏魚子又係香趣多汁, 一邊食一邊從口腔滲透出嘅飄香, 好食得尼又唔覺滯, 的確好好味!🦆鵝肝面脆內軟, 一入口就溶化, 食埋件帶有酒香既鴨批, 伴隨住糖燴梨飄逸住既幽香, 似在享受住香醇既濃酒令人陶醉!👍朋友確係無介紹錯, 我係首次黎呢個饒宗頤文化館，隱蔽於美孚一角, 別具文化氣息的過百年歷史建築物，喺館內餐廳享用完美食, 再出外面既荷花池散步徘徊，很享受這偷得浮生半日閒既感覺！

✓ 呢間餐廳既佈置好雅緻，窗旁既玻璃投射進自然光，令人感到和諧舒適。白色和藍色間隔住既疏化皮，襯以咖啡色既餐桌，感到很暖和及濃濃的歐洲feel很寫意。❤️✓ 日本松葉蟹餅嘅外面煎得很香很鬆化, 蟹味又重, 加配雞尾酒汁後並無流失蟹嘅鮮味, 點住酸甜可口嘅金蘋果蓉去食, 愈食愈開胃。❤️✓ 一向都好中意煙三文魚既唔肥膩又健康, 擺設又吸引, Ricotta芝士同魚子醬係沙律既絕配, 連埋煙三文魚一齊入口, 濃淡適中, 層次感強, 對味蕾既刺激慢慢引發出淡淡既甘香來。❤️✓ 呢度嘅意粉煑得好有質感又好掛得住D sause, 彈牙之餘仲帶D蛋香, 濃厚嘅蒜味帶一點點辣, 非常惹味, 充滿海水味嘅蠔肉加入白酒同煑, 幽幽的酒香更能引發出蠔既鮮味, 實在食得很滿足。❤️