念川居 (MOKO新世紀廣場)

營業中

休息中

呢間野嘅座位都幾舒服，不過服務就差少少，唔係話佢哋服務態度唔好！而係嚴重人手不足？態度都OK嘅，但係有陣時會好似平時酒樓咁樣，對你嘅要求唔記得咗定係冇反應（譬如叫佢拎紙巾）講返啲食物，邊度嘅點心其實大致上全部都好味，只係食完之後有一種莫名其妙嘅口渴感覺！係飲水都解決唔到，好明顯係味精太多！我已經冇飲佢嘅湯汁甜品好味，控油抄手都大大粒，有蝦有肉好粥了！金錢肚都新鮮，而且調味都OK ！不過相信都係好多味精呢度嘅白灼牛肉好新鮮，雖然牛肉味唔係話好重，但係非常彈牙嘅肉質都令人難忘～紅燒牛筋以前食過，而家再食係encore!因為大家都記得係好好味！啲牛筋炆得好入味，而且園林式中，彈口得來好容易咬好林

找地方去，旺角-黑色日子及疫猜至今都未來過，順便找朋友。 來到此商塲，想試新嘢，美心暫時停一停，去伯樂朝州及此處取票，前間半小時未叫個一張枱，接待話，訂枱都未入座，所以來此處。 入去熟口熟面，枱布及2個金月亮，跟望月樓及后園同出一轍，牆上龍鳳畫及金魚跟銅鑼灣穴，形神同一畫法，所以同一集團。 價錢跟酒店中菜廳有得揮，酒店有折噃。 來碟金瑤脆皮紅米腸粉$69，瑤柱碎丁點缀面，蝦粗條，甜，皮滑，味好，無新意。 金桔玉葉酥$58，似鳳梨酥，但無佢咁甜，有桔香及味，細件，所以不腻。 紅菜頭海皇水晶棵$59，嫩露荀插頂装飾，馬蒂爽甜，菜頭略硬，味道清淡，又粗蝦粒，水晶皮廷身，名好，餡鲜，但係無突破。 小籠包$49，肉質不是綿實，不是機器攪爛，有質感，有肉香，汁甜美，上等外皮質地。 生磨芝麻卷$59，芝麻微粒感。當然有芝麻味，跟美心差不多。 食完去花園街及探索深水埗 cafe。

見到餐牌，垂涎欲滴，即使得兩個人都入去食。餐廳環境舒適，坐得舒服適合大夥人聚會，亦設有圓形卡位。服務亦非常殷勤，跟平時酒樓一樣，都有前菜，平時係花生，今次係涼拌麻辣雲耳！酸酸辣辣地非常開胃！餐牌實在太多選擇，可惜份量都多，應該多d人share食可以試到多d！所以就叫左2人餐（$728）🌟香辣豬耳絲份量比想像中多！好味！🌟蒜泥白肉佢真係蒜泥！擺係d肉上面唔試以為係沙律醬！🌟川式酸辣海鮮湯非常足料，冬菇絲、蝦微辣！🌟杏汁燉白肺湯好養生，濃濃杏仁味，亦有白菜跟住🌟水煮厚切牛脷見到完全係regular size！好多件牛脷，仲有芽菜、青瓜、薯粉、筍片吸收了麻辣汁，好入味！辣度未算好辣，可以唔配飯食都okk！🌟鼓蒜花生芽西瓜皮好特別的菜式原來係西瓜皮與肉中間白色的部分食落有d似硬的節瓜，雖然係蔬菜但係炒得非常夠鑊氣🌟四川擔擔麵麵質唔係平時陽春麵，而係似金邊粉相比下，我會鍾意陽春麵多些🌟芝麻卷重芝麻味，冇咩特別茶位每位$18當晚我叫了水仙，不停加水都好香茶味。而水去到一半，姐姐們已經自動幫加水！💡💡💡💡💡💡💡💡💡💡💡💡💡💡💡係同長輩gathering的好地方環境一流服務又好二人餐份量其實可以給三人

這間餐廳座位寬敞，食品精緻。而且仲可以用OpenRice訂座， 十分方便。這間餐廳的食品上海餐廳嘅食品種類款式差不多，但味道不錯，而且製作得比較精緻。擔擔面跟一般的上海麵味道有點不同，首先麵質較扁闊，湯底亦有濃厚嘅香草味（應該是九層塔之煩），而湯底嘅味道都濃。個人比較欣賞蒜泥白肉，蒜泥冇得好幼滑，再配入青瓜一起吃，可汁同蒜既濃烈味道，抵銷埋肥膩感。而蘿蔔糕外皮香脆，細細粒方便進食。整體而言，想食得舒服一啲，精美一啲，這間餐廳是一個不錯的選擇。

.鐘意食辣嘅朋友要黎試下呢間川菜!上幾個月黎嘅時候,店員話一定要試個期先有嘅”辣子鱈魚卵”,超好味!另外”砂窩胡椒蝦”都係必叫,海蝦超大隻,蝦肉彈牙;最估唔到係款款甜品都好正,”古法馬拉糕”鬆軟又有蛋香同”生磨芝麻卷”芝麻味超級濃郁,比起出面糖水舖嘅芝麻糊更濃👍🏻.🔻🍽 念川居📌 地址: 旺角太子道西193號MOKO新世紀廣場5樓501號舖.#tummysready #tummysreadytoeat #tummysreadyinhongkong #tummysreadyatmongkok #tummysreadyforchinese#tummysreadyfordessert

今天來了這家高檔的念川居吃午餐，我利用OPENRICE預先訂座。很久之前試過下午茶一次，感覺不錯。今次再來感覺不同，不及第一次。我們一行四人，入座後獲安排一張頗大的六人枱，由於4人一枱關係，感覺張枱很大，我見隔離要用轉盤。環境比較昏暗，這是這個集團餐廳和食市的特色吧，但個人不太喜歡在陰陰暗暗的環境下進餐。我們點了些點心，包括：紅菜頭海鮮棵：眼見有點紅色應該是紅菜頭，但內裡的餡料可能太碎，吃不出有什麼海鮮。蝦餃：賣相可以，但也是吃不出有什蝦的味道，餡料太碎。蝦腸：有六件，每件有原隻蝦，沒有特別。蘋果叉燒酥：這個是差，豬油味太重，難吃！刴椒斑片餃：和其他蒸餃或棵類差不多，饀料太碎，又沒有刴椒味，奇怪這不是辣的。荔茸海鮮角：海鮮饀料太碎，只能吃到荔茸。叉燒包：普通沒有特別芝麻卷：這個出色，芝麻味濃，甜度適中，算是驚喜。其實今次主要試食點心，價錢屬高檔次，但總括不知道吃了什麼海鮮饀料入口。

order左個蜜桃梳打水，個阿姐拎左枝玻璃樽有啲透明液體嘅東西過嚟，好無禮貌咁問我媽依枝係咪佢要個枝。order個陣我哋expect係一杯有啲生果配啲梳打水個種，個阿姐咁問真係呆左。我見到枝嘢我都醒覺可能我哋誤會左，只係枝裝蜜桃味嘅梳打水，唔係我哋諗個種，都會接受，但係佢啲態度有啲差，同埋你作為職員，唔係清楚過我哋咩，就算唔識，都唔係問我哋啦。咁我都要clarify係咪誤會架，我話我哋唔清楚，話係menu見到就order，唔清楚杯嘢係咪就係咁樣。佢聲都唔聲大叫問個高級啲嘅，話就係依枝，個阿姐對返我哋講 「佢話係依枝喎」，個一刻我覺得佢越嚟越無禮貌，然後佢再補多句「x，唔記得開添」我知你個下唔係 x我，但係邊有人係個客面前咁xx聲架，我個個moment都想x你囉。搞到我啲屋企人勁唔鍾意，幾好食都無用啦，況且又唔係真係非常好食，仲要唔平囉 ，但係換嚟咁嘅服務質素 🤷🏻‍♀️

又到星期五，又係時候搵朋友飯聚朋友揀呢間喺正旺角moko,地點交通都好方便人多食中菜就大家都有野啱食，今次因為有朋友唔食辣就冇得試辣餸啦，menu都有好多選擇，唔會話全部都係辣呀，好重口味呀咁第一次黎，環境裝修都新淨同靚，又唔會擺枱好逼咁，我地6個人就分左兩張枱啦，呢度都好適合一家大細黎食晚巿都滿坐，用餐體驗服務都正常，我地6個人叫左4個餸，一個湯一個飯，都好夠食，就係最尾想食甜品啦，叫兩樣都冇，冇甜品就差梗少少野有啲可惜

念川居的二人套餐好抵食728.-. 這個星期去了兩次. 兩款前菜麻辣豬耳, 蒜泥白肉. 杏汁豬肺湯(另可選酸辣海鮮湯). 水煑魚(另酸菜魚或水煑牛脷). 鮮腐竹浸時蔬(或豉椒炒花生芽西瓜皮). 兩碗擔擔麵. 甜品芝麻卷(或蛋白杏仁茶). 以這個價錢就可以食到念川居的招牌菜式. 由前菜至甜品, 每一款都新鮮足料好好味. 最後我和朋友都外賣芝麻卷帶回家. 十分滿足！

個別點心仍保持水準，地方舒適，服務員不夠，可增加人手。今曰冇左9折優惠，食得冇咁開心。蒜泥白肉有D失準，味道太麻，青瓜太薄，白肉太厚。小籠包略失色，皮太厚，肉太林。滿＄600，有兩小時泊車優惠。

今日又去左Moko 食lunch，在念川居食點心一盅兩件，店鋪裝修簡單雅緻，以黑灰色為主調，給人時尚新派的感覺。職員服務態度良好，雖然星期五比較多人，但午市時間都很快可以入座。今次以食點心為主，不過其他菜式都非常吸引。尤其看到其他食客的酸菜魚，招牌辣子雞，份糧十足，賣相吸引，令人流晒口水🤤。可惜我們只得兩人，唯有留待下次約齊朋友再試！💪🍽 灌湯餃雖然是上湯浸餃子，不是傳統的餃子灌注湯汁，但是餡料豐富，上湯鮮甜，值得一試😋🍽 小籠包小籠包皮薄多汁，底下有蘿蔔片，手殘的我也不用怕夾穿流汁！🍽 露筍鮮蝦餃🍽 金瑤脆皮紅米腸腸粉的外皮，中間脆皮包住鮮蝦，口感有層次，又juicy，跟春風得意腸有異典同工之妙！🍽 家常酸辣麵上海酸辣麵就食得多，呢到的酸辣麵嗅起來有酸酸的，食落唔覺辣，但竟然有少少麻的感覺，十分驚喜😆食物同服務質素唔錯，唯午市價格比較貴。早茶、下午茶時段有八折，如時間許可，可以揀優惠時段才試。

第一次係念川居飲茶，對佢嘅食物同服務都滿意。但第二，三次都發生同一問題，就係有一款或兩款食物無幫我落單。 今日第四次，落單時侍應仲話有啲菜式要11點後，你想我幫你落定先，定11點再落，我選擇照落。點知又有兩款未黎，個兩款被定為（叫到先上），但事前無人同我講，一直呆等。 前枱接待女職員問我邊兩款未黎呀？我問佢啲食物係咪已經整好晒，定其實你未ok, 因為我唔想再等。佢唔答我，仍然問你仲有邊兩款未黎呀？我再問佢相同問題，佢好快咁答整左架喇，你邊兩款未黎呀？咪被你定為叫到先上個兩款囉，唔解釋仲要趕客嘅態度，好食都無用。

一直有打聽過這家川菜食府的存在，位處Moko一隅低調地經營着，只是沒有認真品嚐過它的美食而已。甫安座後，雖不像從前外遊時的古式古香，眼前就只有古雅與現代的揉合，惟在現場氛圍下，還有夜上海的復古歌曲的襯托下，我開始了一次味覺之旅。之前已光顧過不少以川菜為主的食店，有的着重於辣，有的着眼於相，但這裏卻是着重於廚師的初心，對成品的品質，對食材的完美配搭，還有考奪天工之手工。多次嚐過擔擔麵，卻良莠不齊，不過這裏這碗麵，從麵質的彈性、嚼勁，到湯底的鮮、麻、辣，逐漸地遞增，再回到了麻，完全不覺有嗆功咽喉的感覺，值得一讚。三款傳統蒸點看似普通，事實並不簡單！作為點心指標的蝦餃，蝦肉的分量足以令餃子飽滿地挺起來，至於蘆筍則有畫龍點睛之效果。野菌餃則是菇菌的表演時間，各種菇菌仍保持着獨特的氣味與質感，也許還隱約嗅到一點松露的香氣，堪稱一絕！麻辣小籠包亦是另一絕。我曾光顧過一家「注射式」小籠包，亦可與這裏平分秋色。帶有花椒辣度的湯汁並無奪去肉餡的鮮味，加上橙色的吸睛外表，真有點「一見鍾情」，很想一口「啃下去」的感覺。最後一款芙蓉海鮮芋角，更是出類拔萃之傑作！炸芋角我可嚐得多，可是這種芋角比只包裹蝦米肉泥的

晚飯都幾多人食 點左二人餐七百幾 費事撿來撿去 上菜雖然實在太過慢 但野食非常唔錯 有點自助餐的感覺。。。因為食左兩個鐘而且飽到飛起豬耳，蒜泥白肉好好食 魚都好食 杏仁茶又好食 屋企人話擔擔麵超級好食但我嫌太鹹。最後翻到屋企瘋狂灌水。。。。。。。。。口渴到飛起

琴日同屋企人一行3人嚟飲茶。 點知唔試由自可，一試便上癮。我哋一共食咗10種點心，甜品加糖水。其中有，金山鵪鶉蛋燒賣，高湯牛肉丸，香茜牛肉腸，芙蓉海鮮芋角，沙嗲金錢肚，雪山叉燒包，鮮蝦香煎腐皮卷，生磨芝麻卷(菲林)，蛋白杏仁茶，桂花薑茶花生湯圓。當中必食推介，生磨芝麻卷芝麻味香濃，口感嫩滑，好似食緊腸粉咁。芙蓉海鮮芋角加咗海鮮做餡料嘅芋角，食落唔會漏， 外皮炸得酥脆可口，一啲都唔油膩，一口氣可以食兩個。另外鍾意食鹹蛋黃同鵪鶉蛋嘅朋友 可以試下 ，金沙鵪鶉蛋燒賣。其實每樣點心都好食，食得出點心師父嘅心機。絕對值得再返嚟試其他點心。