快船廊

營業中

休息中

今個6月簡直破咗個人生食自助餐嘅高峰， 喺一個星期之內食咗四餐自助餐， 仲要連續食咗文華。 屋企人慶祝生日食聞話就梗㗎啦， 貪佢地幾樣嘢啫， 刺身夠新鮮， 凍盤有鮑魚， 蠔比較靚， 龍蝦的膏比較多。 最緊要嘅地方唔算大，食嘅嘢一眼睇曬， 反而唔使諗行嚟行去一入去梗係整盤刺身先啦， 三文魚係真係肥美嘅， 仲有佢嗰個北寄貝。 之後就梗係食凍盤呀， 我好耐冇試過食咁多生蠔， 但係中文華東方一嚟就一打， 長腳蟹我都食咗四隻， 龍蝦小小哋食咗一隻， 麵包蟹少少啦。 鮑魚有啲刃都食咗兩隻。之後就梗係食嘅海南雞啦，右邊嗰隻雞髀，一定係滑啲啦。 之後就睇佢啲麵包同埋芝士， 再殺上下啲沙律嗰啲麻麻地我唔係咁鍾意。 甜品我都唔係咁好。 最surprised佢個羊小腿，非常嫩滑，蒸魚都唔錯。

今日5月11號星期，連落左兩星期雨🥹決定食餐好d調節下心情😂 想食佢好耐，點解呢，因為知道有鮑魚龍蝦生蠔麵包蟹任食！聽人講好似幾正😂 一試真係正 龍蝦我食左十幾隻😂鮑魚生蠔各十幾隻，真心嘢食全部都新鮮魚生就正常過得去，都係大路野其他嘢我好少食因為主要轉攻龍蝦生蠔鮑魚😂重點重點 佢甜品真係好正. 🥹🥹人大咗都好少食自助餐唔想咁飽 亦都冇後生咁好胃口 但喺度真係食唔停。佢甜品我基本上每款都有試😂7成係好銀正，2成係正，1成普通，整體高洗準，圖如下自助餐用餐時間兩個鐘 食咗個半鐘終於夠 😂好味好味。不過短期內唔使再食buffet啦好L飽😂😂

今天為了慶祝生日和周年紀念，訂了文華酒店的套房staycation ，費用包括早餐和晚餐自助餐。晚餐自助餐分兩個時段，6:00和8:30 ，選擇了6:00 ，本來諗住會比較少人，不過大約6:30 ，已經坐滿了七成人，後來問侍應，平日到時都是這麼旺埸的。食物種類有海鮮、海南雞、熱食、麵包和芝士、生蠔、刺身、生果、巧克力、甜品、自家製雪糕。女廚師將燒牛肉厚切，肉質豐富，在自助餐內，個人已經甚少吃燒牛肉，不過這裏的燒牛肉太好味，我吃了兩塊。👍👍👍👍👍刺身方面，有三文魚、油甘魚、北寄貝、八爪魚和壽司，其中以吞拿魚最為鮮甜美味。生蠔是法國的，雖然個子比較小，不過味道鮮甜。海南雞肉質鮮嫩可口。甜品有很多款，其中以芝士蛋糕最為出色。雪糕方面，有七款，都是自家製的。

每逢我本人生日及太太生日，我們都會選一間星級酒店來享受一個英式下午茶。始終，我同太太都在英國生活過一段長時間，對英國的 Afternoon Tea 情有獨鍾。這一次，我們選了文華東方酒店的《Clipper Lounge》，以她們的英式下午茶慶生。對比一下環境，《Clipper Lounge》 沒有華麗的感覺，位置在低層，窗外的景色亦只是車水馬龍的干諾道中。其實，有點點像坐在商場內飲食的一樣。不過，服務細心，坐位舒適，再加上是文華東方酒店的這一個品牌，又值回票價既。既然是英式下午茶，我們當然每人來一壺 tea。同樣地，這兒有好多不同口味的茶供選擇。而我們都選上了一些平日沒什麼機會飲到的茶種。具體是什麼口味的茶我們都開心到忘了，只知道其中一個是濃口味，另一個是比較淡的 (看茶色)。而且，香滑的英式茶，不加奶更是好喝的啊。而兩位小朋友就每人一杯熱朱古力。首先來的，是為太太預訂的素食下午茶。三層的食物如下:底層 (烤蔬菜三文治、番茄香蒜三文治、華杜夫沙律三文治及黑松露雞蛋三文治)中層 (1963文華芝士餅、蘋果紅桑子金寶)頂層 (栗子雲呢拿撻、70%朱古力奶油布朗尼、香梨慕絲蛋糕)熱點 (法式

爸爸生日，我哋去咗文華東方酒店快船廊食dinner buffet🥰疫情前一直想去食，但一直都book好耐，一係就book唔到🥲今次佢一放寬晚市，即刻打去，不過都係要waiting list，不過好彩到最後都有位，只係因為佢可以放寬八個人一齊坐😂食物方面，海鮮冷盤尤其出色😍最重要係唔使排隊，連拎生蠔，刺身都唔需要排隊🙌🏻咁樣節省唔少時間，可以有更多時間食🥸另外甜品亦非常好食，特別係芝士蛋糕，奉勸各位去食熱食之前，可以令佢芝士蛋糕食咗先，因為佢出得比較慢☺️熟食方面亦都好多選擇，有扒，海南雞，羊架都有，另外有沙律吧，連泰式青木瓜沙律都有😆座位方面，佢每枱都相隔好開，座位唔多，我諗就係因為咁原因，所以就比較難book，三歲以下小朋友免費，但唯一唔好就係冇得泊車，要過對面大會堂停車場泊。

個人喜好問題食BUFFET我一定MARK定海鮮刺身難得嚟到老牌酒店文華東方，果然薑係越老越辣，佢地嘅海鮮食得出的鮮同甜，生蠔大隻新鮮，蟹肉彈牙！三文魚刺身唔會薄到變紙甜品都值得一讚！精緻之餘，唔會得個甜字絕對對得住依個價錢！

趁住復活節假期，就去左文華東方快船廊食下午茶🫖，秉承住英式下午茶嘅傳統，非常之優雅，絕無花巧，實而不華，成為城中嘅經典，適逢復活節餐廳都會有一啲復活節嘅裝飾，喺枱面都會擺咗幾隻復活蛋🥚，有啲節日嘅氣氛🎉，而且侍應都係一貫嘅專業同親切，令人有賓至如歸嘅感覺Spring Afternoon Tea For Two ($708)文華東方茶🫖文華東方自己調配嘅係呢度嘅招牌，顏色會比較深，茶味濃，會帶有一啲雲呢拿同薰衣草味，同埋會有少少焦糖嘅味👍🏻果味薑茶🫖會有一啲金橘類生果味，少少玉桂味同埋薑味，而姜嘅辣味唔會好辣，個感覺有少少似聖誕節呢度嘅餐具都係會用文華嘅銀器，連茶壺都係銀壺，保溫效果極佳唔會啲茶會凍，而且是應會不斷為客人refill啲熱水👍🏻十字包 🍞復活節酒店做額外有十字包，夠晒應節🥳，麵包油肉桂同埋提子乾，麵包鬆軟英式鬆餅🧈Scone係下午茶嘅靈魂😋，要做到鬆軟而濕潤，要有香濃嘅牛油味又唔會呈一粒粒粉狀，少啲工架都做唔到，呢度可以成為城中最好食嘅scone，可以做到鬆軟、濕潤、香濃於一身😍，再配埋佢招牌嘅玫瑰果醬🌹同clotted cream係完美嘅結合三文治🥪最底層有四款三文治，芫

今日去咗依間酒店食high tea。貴其實預咗。聽人講到世一咁誇張。係好味嘅。不過無講到咁誇張囉。佢個rose jam好出色。係西瓜蛋糕隻味。cream cheese正常。四款三文治。吞拿魚。蛋沙律。都係食開嗰啲味啦。龍蝦沙律。不錯。食到有肉。火腿夾心。有土匪雞翼味。提子肉桂味餐包。完。奶味重cream同raspberry jam 。撈埋又估唔到咁好味。中式菇味酥。完。超甜蛋糕仔加金沙入面粒果仁味嘅面。食得甜嘅Mingorr都覺得甜。New york cheesecake。比平時食開嗰啲軟熟。不錯。Chocolate cake。佢隻味麻麻哋。唔係一般嗰啲chocolate taste。檸味tart。refreshing。解膩不錯。 總結係高檔地方。高檔價錢。係食過地方。食物一般。

身為傳統五星級酒店既下午茶，快船廊當然有番咁上下質素，而我最期待就係佢地個玫瑰醬配scones，聽聞係香港香港最好食既scones之一，果然冇失望，外脆內軟，再配埋陣陣玫瑰花香既醬真係完美！當然佢地個cheese cake都係好好食，好濃郁得芝士味。推薦！

成日聽人講話佢個早餐點心有幾好食。真心我又覺得未至於要捧到天上。，如果出去畀錢大把好食，我講點心。 都係其他嘢都係正常，五星級酒店自助早餐應有嘅嘢啦。講番佢啲蝦餃燒賣，我又唔覺得係特別好食，尤其是個蝦餃皮好厚，厚之餘仲要一夾就散， 個皮痴住喺個籠底，夾咗個蝦出嚟。蝦餃燒賣多人搶，每次都畀人搶曬， 等咗幾round 先有，但我食咗一粒已經唔想再食。 其他中點都中規中矩，未有亮點。文華服務質素出名好，冇得挑剔，我飲到個西瓜汁係有微酸，我唔想其他人飲咗肚痛，就同個 侍應 講，咁佢都有幫我跟進。 而且佢嘅熱飲都order之後都幾快奉上，不過我嗌咗個english breakfast tea佢畀咗earl Grey 。egg Benedict 好食，細細個唔會太飽 。食物冇網上講到驚天地泣鬼神咁好味。好評係畀佢個service，雖然佢有蝦碌，但係都願意補救。有heart 嘅。

快船廊 (中環)中環干諾道中5號香港文華東方酒店閣樓友人：全港最出色嘅scone👍我：St. Regis 稍為 好食啲🤪✔️Clotted cream+Strawberry jam好出色✔️Strawberry jam同scone好夾，酸酸甜甜，仲有啲士多啤梨籽（略甜）✔️鬆脆，香牛油味，軟硬適中，就算室溫食到唔會出事鹹點：全部都係三文治😂✔️款式普通，但每個醬都整得好出色（無論係普通嘅碎蛋/吞拿魚三文治），食落好有層次✔️好多餡，麵包唔乾甜品✔️樸實無華，只有芝士蛋糕/檸檬批/馬德蓮蛋糕✔️芝士蛋糕好rich好滑，不過食完非常飽，一定要最後食✔️所有甜品都太甜了…總結：文華scone真係名不虛傳但唔會想去第二次款式比較普通而且太甜了 感覺係用好vintage好傳統嘅食譜以前啲甜品係好甜嘅…而家間間酒店都經常換下午茶menu吸引人再次光臨但文華sell傳統 係有佢嘅獨特如果想感受一下傳統嘅英式下午茶 文華應該好適合你Igable: 8/10Taste:8/10Worth revisiting:8/10

每年4月1號都會想起哥哥Leslie 佢嘅離開令到大家都傷心難過 今年就特別寫一篇關於文華酒店嘅食評 表面好似冇乜關係 但其實一路食住一路都會想起佢轉返正題 文華酒店除咗會令我想起哥哥之外 其實我同佢都好有淵源 當我好細個時已經常常幫襯佢 每次再光顧時都會令我想起童年時代嘅回憶時至今日我都係非常喜歡食佢哋嘅海南雞飯同埋cheesecake 喺我心目中呢兩款食物絕對係全城最好食 沒有之一 (誰能代替你地位!)海南雞飯set幾個factors都做得好好 雞肉鮮嫩 幾乎唔使咬都可以滑落喉嚨 油飯出色熱辣但唔算太油膩 粒粒飯都均勻飽滿 湯冇味精飲落順喉 連醬汁都好出色 可以吊出鮮嫩雞肉嘅美味至於cheesecake 我好喜歡佢哋嘅口感 綿滑得嚟唔會太硬或太腍 芝士味充滿口腔 但唔會太甜 再配多杯咖啡做ending 無論食到幾飽你都可以繼續食得落

🔖文華東方，都算老字號既餐廳，而佢既下午茶就最出名。🍽 Tea SetTea Set大致都係同大眾既酒店一樣，有鹹點甜點。不過最想講就係佢既英式鬆餅！！我覺得佢係No.1☺️ 鬆餅軟酥新鮮，整體鬆化而不散，帶有牛油香。除左本身個鬆餅好食，佢既醬其實係主菜😂酒店出名既招牌玫瑰花瓣果醬，微酸中帶甜，好香玫瑰味！Clotted Cream非常香滑，奶香味濃。兩隻味我都係好鐘意食！！！要試下！😋食物：️8.5/10🤵🏽‍♂️服務：8.5/10🍴環境：8/10💰人均消費：$200🤩性價比：8//10

第二日我同老公9:30落去食自助早餐，10:30就完早餐時段。早餐可以揀食set或buffet，食完buffet後，我建議都係去食set好啲。自助早餐選擇唔多，款式唔太吸引，而且味道中規中距，但食set個擺盤起碼精緻啲，開心啲。我本身好期待既麵包區每我失望，窩夫比較硬，雖然脆但無料，好似食餅乾甘，無乜野令我有印象覺得好正。除左出面有野飲攞，侍應亦會問你要飲乜野，我地叫左Latte同Mocha，飲完可以再叫。以下係我地食過既野食，好快已經唔知食乜好。

自從上次去玩The Butterfly Room試佢個Tea之後，好似上左癮咁想在試試其他酒店既Tea Set😆今次趁著同朋友慶祝生日，終於有機會黎試下文華東方酒店快船廊嘅下午茶🫖之前一直聽講佢嘅玫瑰醬🌹配英式鬆餅係全香港最好食既scones，真係十分期待啊❤️首先介紹既當然係Scones，果然冇失望！暖暖地既scones再配埋好香既玫瑰花果醬、好滑身既clotted cream，食落真係外面鬆脆酥香，內裡就好鬆軟完全唔會覺得乾，果然係好出色🤤甜品方面有5款，當中最出色莫過於係1963文華芝士餅，佢既芝士味好濃郁、而且質感好綿滑，甜度亦岩岩好，好滿意🤤士多啤梨雲呢拿撻係另一個好滿意既甜品，好香同好滑既士多啤梨味道，當時我地食唔曬拎番屋企再食都仲係好好味😋最後講下杯Signature tea ☕️文華東方傳奇茶，佢地係用烏龍茶底，再加茉莉花、薰衣草、雲尼拿等而製成，飲落好香花香味同埋甜甜地，襯埋其他食物一起都幾夾，可以解下漏🥰其他食物質素都唔錯，將Menu寫係到比大家參考📝《鬆餅》◦ 傳統鬆餅 ◦ 提子鬆餅 ◦ 玫瑰花果醬 ◦ 牛油忌廉《甜品》◦ 1963文華芝士餅◦ 士多啤梨雲呢拿撻◦ 朱