快船廊

營業中

休息中

訂左一晚住宿套票連晚餐buffet，多年前食過快船廊嘅晚餐buffet，環境舒服食物選擇不算特別多但勝在精緻，每一樣都十分好食。重有我很喜歡嘅生蠔任食❤️❤️❤️因為之前嘅經驗，所以今次我對晚餐buffet 有廷高的期望😀當天供應嘅海鮮有六樣：鮮蝦/青口/龍蝦/鮑魚/翡翠螺/麵包蟹🥺竟然無左我最鍾意嘅生蠔😭😭😭😭😭龍蝦肉質正常，鮑魚無味，青口同翡翠螺正常發揮，麵包蟹我不太喜歡沒有食。見到無生蠔已經有啲唔開心😞😞😞壽司刺身區冷清，連師傅都無，因為刺身唔係即叫即切，全部切好一盤盤放喺度俾大家夾，感覺唔係好新鮮壽司飯太淋，醋味唔夠，同埋感覺壽司已紅放了一段長時間（因為buffet 分兩個時段進入6:30 & 8:30，當天我是8:30進場）白酒煮青口，有碎殼及味道有點腥甜品係當晚最好食嘅東西，特別係文華最出名嘅芝士蛋糕，但係好可惜芝士蛋糕只出左一次，之後就無refill 了😢熱食我無影相，因為真係太失望了，只有大概12款左右嘅熱食，連最基本嘅碳水化合物都只有泰式炒米粉&鰻魚炒飯☹️米粉—— 同粥粉麵檔無太大分別，只係多左少少肉類炒飯—— 鰻魚極少，而且鰻魚味道並不突出，與茶記楊洲炒飯無異結論：短時間

對上一次嚟已經六七年前仍記得食品種類唔多但貴精類別重要有吸睛嘅甜品。8月份加價到758一位未計加一，電話中得知由任食生蠔改為每人4隻，但增加每人一客韓牛，心諗唔緊要反正近年食自助餐任食生蠔已經係無間得，反而限定份量嘅生蠔會出色點，文華東方品牌從來無質疑過，但原來我錯了，錯得很徹底。。。安排好坐位後出去例行巡視，第一盤韓式炒粉絲😨，無嘢呀，快船廊喎，758蚊食韓式粉絲，再行見到炸雞，餃子，一堆疑似天婦羅，炒年糕。。。吓！炒粉絲炒年糕😵‍💫剩返個無變嘅凍海鮮區，說實話食開自助餐都知哩堆凍海鮮從來唔會有驚喜，由其是波龍及鮑魚，全部都係無味，但感覺上會有貴嘢食吓睇埋個甜品區，咦~啲甜品係屋企樓下轉角間餅鋪拎貨㗎，咁多一杯杯一粒粒嘅，啲切餅糖水去晒邊🥴日式牛肉炒飯，日式炒雜菜，麵豉湯，人參雞湯，一塊比信用咭大小小5mm厚嘅煎韓牛，鞋過煲完湯湯渣嘅即切燒肉眼。。。餐茶叫咗香片，但從個茶壺倒出嚟嘅時候見到有樹枝，竟然用有樹枝級數嘅茶葉😩今餐用咗758蚊嘅價值同快船廊買伏送食物，多謝。另服務方面，睇會到快船廊仍想保持一種同客人互動知客人下一步想要乜嘅主動式服務，但同六七年前比已一去不返了。當晚入坐率達

首先tea set最下層就係一堆凍三文治,我本身唔中意三文治,同埋比人好慳皮既感覺,另外再用細碟上份熱既芝士火腿三文治(set上有同口味但凍既,多此一舉不如一齊上)其他甜品食落不過不失,主要想講2樣Scones 味道只係一般,係靠玫瑰果醬撘救,但jam冇我想像中好食,只可以話特別Signature cheesecake,近日式既味道,唔係唔好食,但比佢更出色有好多打卡角度出發,餐具好簡約😅普通cafe都精緻過佢。樓底超矮有壓迫感,嘈。服務以五星黎講算差,去到留低no.叫佢有位就通知,點知係冇左件事,特登行番去先知未full。lead坐位又係好差,第一個位係正中央,比其他食客圍住,轉第二個位係餐具櫃,全程聽住餐具碰撞聲

同朋友訂左住一晚，套票包在這餐廳早及晚餐自動餐！😎充滿期望，加錢再訂下午茶。好可借期望越大失望越大我好懷疑自己去左間九流餐廳早，晚都要排隊入埸唔緊要，入埸食野選擇少，當日最受歡迎既魚都不外如是難食，其他食物比街外餐廳差，無咪既乾淨淨既蕉濃既更有員工上菜擺盤擺到成堆垃圾咁。。。。最好食既係哈密瓜👍早餐。煎蛋最出色，蛋白脆皮同理咖啡加西柚汁。。。其他既又係乾同乾爭爭無分別。。。。貴為一間5星酒店我要求啦算高，好食，食得入口就夠。。。但唔見有。最後我唔再比機會取消左個下午茶

8月1號自助餐加入韓國菜主題，伏伏伏！韓國年糕一大盤，餃子一大盤，所謂雜菜一大盤，沙白蜆一大盤，再來都是炸一堆天婦羅一大盤加多一大盤一舊舊嘅炸雞！再加一盤大粉絲，一些又係雜菜盤，見到呢啲真影相為証就算，不食也吧！行了兩個圈食了些海鮮，凍海鮮就是一堆堆的算是新鮮但全無味道的凍肉！就想想飲個熱湯，心想應該有個南瓜湯或忌廉湯又或者係老火湯！但想也沒過會是麵豉湯和韓式人參雞湯，請問點算？點陪襯文華東方嘅面包芝士？！人參雞湯都算，但那賣相味道真不能形容的差，伏！其餘甜品雪糕朱古力蛋糕朱古力餅黑松露朱古力就是唯一安慰！

文華東方酒店Clipper Lounge afternoontea set $788/2位，本身麻麻地食甜嘢，不過有人請🤭，同埋志在同朋友見面傾計，就一齊high個 tea☕️今次個set同護膚品品牌XOVE crossover，所以其中一款甜品有feature呢個brand，食完仲有sample同coupon送添🥰食物方面都係酒店級甜品嘅賣相同味道，其中較為特別嘅係一款波蘿椰子甜點，入口清新，另外就係個scone夠鬆軟，凍泡沫咖啡亦好香滑❤️

這次文華東方酒店staycation可選快船廊自助早餐自助早餐款式頗多香港點心亦是一大賣點這些迷你蒸籠小巧精緻肉類方面有不同的煙肉即製奄列、蕃茄、菇、豬肉腸、煙肉自製all day breakfast無難度麵包款式亦非常多，牛角包、西多士、軟包、冬甩、鬆餅等還可以自製格仔餅和班戟

今次嚟到文華酒店staycation, package包左一個下午茶tea set 本身都有幾大期望 話哂都係老牌大酒店 質素應該唔會差得去邊 而且佢地既scone好似都算係幾出名點知嚟到之後發現完全唔係果回事…Scone確實係唔錯 有烘熱到外脆內軟 入邊keep到鬆軟濕潤既口感 但係其他咸點甜點完全唔得🙁咸點一式一樣全部都係三文治 完全冇啲食high tea期望會有啲精緻啲既咸點甜點：個檸檬撻撻皮唔脆之餘 超級勁酸中間個朱古力蛋糕冇特別左邊個招牌芝士蛋糕都唔覺有特別出色完全唔明點解佢會咁出名囉😅完全唔值

文華東方酒店呢個名細細個就聽過往往都俾人一種低調奢華 高雅嘅感覺因為疫情嘅關係終於有機會平價入住Staycation 除咗包一晚住宿之外，亦都包免費自助早餐。我哋係check out 嗰日去食嘅。職員非常有禮貌，帶我哋入座位簡單介紹放置食物嘅位置，幫我哋order飲品。我選擇左熱朱古力。有別於一般茶餐廳嘅熱朱古力，文華嘅熱朱古力特別香，佢哋擁有自家嘅朱古力工場。聽講佢哋嘅朱古力係由唔同產地嘅可可豆混合製作而成。咁落口嘅時候唔係剩係得一個甜字，一試難忘，再試投降。食物方便質素都好高，中式西式樣樣齊。比較喜歡嘅就係煙三文魚，炒蘑菇。希望未來有機會再入住😊

期待已久文華自助晚餐，適逢家人生日要食好D, 開開心心慶祝星期五晚上6點半入到文華酒店客人不多，入坐率不夠一半，自助餐區範圍唔算太大，目測款式亦不太多，凍盤海鮮有生蠔、長腳蟹、龍蝦、鮑魚、凍蝦等等........生蠔細隻唔算太新鮮鮮甜，有少少腥龍蝦亦唔係太鮮味，魚質有點硬，一般般....長腳蟹、鮑魚、青口、凍蝦都係好一般，雪得有點過龍，唔太鮮有點硬刺身～三文魚、吞拿魚正常味道，不過不失。八爪魚入口奇韌無比，唔能夠咬難，差燒牛肉～都係一般，多筋有點肥。羊肉～都係比較硬身.....還有熟食比較好食有炒米粉，蒸魚係比較好味。食到一半真係好失望，真係唔係太多好食既食物嚟到甜品可說是最好味，亦多款式，有芝士蛋糕、抹茶蕉糖敦蛋、 朱古力蛋糕、藍莓蛋糕.....文華真係甜品、朱古力最好味，如果嚟餐係甜品自助餐一定係滿分嚟到朋友生日酒店有送到一款蛋糕甜品比家人，但以為會好好味，可惜生日嚟款蛋糕甜點唔好味，只係得個甜，食唔到有其它味，真係.....不過生日都係開開心心，食物水平好一般，甜品出色，但環境還舒適，睇著中環夜景都唔錯最後食埋個雪糕、飲埋杯餐茶，結束今次文華之夜。整體食物水平唔太出色，職員服

文華東方酒店自助晚和早宅渡假套餐包括自助晚餐冷凍海鮮包括（生蠔，麵包蟹，龍蝦，青口，翡翠螺，鮑魚等。。。。。。）刺身（三文魚，吞拿魚，北寄貝等。。。）壽司，卷物中西湯沙律菜，煙三文魚，芝士熱葷，蒸魚，炒飯，小龍蝦，羊架，蔬菜等燒肉眼，燒豬鞍甜品，生果等等等。。。以上所有食物都因應餐廳當日餐飲為準冷凍海鮮，refill快，新鮮熱葷中規中矩亮點是甜品😂😂😂小編對甜品要求頗高，如果以自助晚餐來說，這間👍👍👍早餐不多說，中規中矩，pass😂不過乳酪有點失望😅，沒有想過沒有獨立包裝的😂總結來說自助晚餐🈵5分為最好⭐️快船廊味道指數：😋😋😋😋CP食指數：👍👍👍👍服務指數：👍👍👍👍環境指數：😍😍😍😍~~~~~~~~~~~~~~~~~~~~~~~~

今個6月簡直破咗個人生食自助餐嘅高峰， 喺一個星期之內食咗四餐自助餐， 仲要連續食咗文華。 屋企人慶祝生日食聞話就梗㗎啦， 貪佢地幾樣嘢啫， 刺身夠新鮮， 凍盤有鮑魚， 蠔比較靚， 龍蝦的膏比較多。 最緊要嘅地方唔算大，食嘅嘢一眼睇曬， 反而唔使諗行嚟行去一入去梗係整盤刺身先啦， 三文魚係真係肥美嘅， 仲有佢嗰個北寄貝。 之後就梗係食凍盤呀， 我好耐冇試過食咁多生蠔， 但係中文華東方一嚟就一打， 長腳蟹我都食咗四隻， 龍蝦小小哋食咗一隻， 麵包蟹少少啦。 鮑魚有啲刃都食咗兩隻。之後就梗係食嘅海南雞啦，右邊嗰隻雞髀，一定係滑啲啦。 之後就睇佢啲麵包同埋芝士， 再殺上下啲沙律嗰啲麻麻地我唔係咁鍾意。 甜品我都唔係咁好。 最surprised佢個羊小腿，非常嫩滑，蒸魚都唔錯。

今日5月11號星期，連落左兩星期雨🥹決定食餐好d調節下心情😂 想食佢好耐，點解呢，因為知道有鮑魚龍蝦生蠔麵包蟹任食！聽人講好似幾正😂 一試真係正 龍蝦我食左十幾隻😂鮑魚生蠔各十幾隻，真心嘢食全部都新鮮魚生就正常過得去，都係大路野其他嘢我好少食因為主要轉攻龍蝦生蠔鮑魚😂重點重點 佢甜品真係好正. 🥹🥹人大咗都好少食自助餐唔想咁飽 亦都冇後生咁好胃口 但喺度真係食唔停。佢甜品我基本上每款都有試😂7成係好銀正，2成係正，1成普通，整體高洗準，圖如下自助餐用餐時間兩個鐘 食咗個半鐘終於夠 😂好味好味。不過短期內唔使再食buffet啦好L飽😂😂

今天為了慶祝生日和周年紀念，訂了文華酒店的套房staycation ，費用包括早餐和晚餐自助餐。晚餐自助餐分兩個時段，6:00和8:30 ，選擇了6:00 ，本來諗住會比較少人，不過大約6:30 ，已經坐滿了七成人，後來問侍應，平日到時都是這麼旺埸的。食物種類有海鮮、海南雞、熱食、麵包和芝士、生蠔、刺身、生果、巧克力、甜品、自家製雪糕。女廚師將燒牛肉厚切，肉質豐富，在自助餐內，個人已經甚少吃燒牛肉，不過這裏的燒牛肉太好味，我吃了兩塊。👍👍👍👍👍刺身方面，有三文魚、油甘魚、北寄貝、八爪魚和壽司，其中以吞拿魚最為鮮甜美味。生蠔是法國的，雖然個子比較小，不過味道鮮甜。海南雞肉質鮮嫩可口。甜品有很多款，其中以芝士蛋糕最為出色。雪糕方面，有七款，都是自家製的。

每逢我本人生日及太太生日，我們都會選一間星級酒店來享受一個英式下午茶。始終，我同太太都在英國生活過一段長時間，對英國的 Afternoon Tea 情有獨鍾。這一次，我們選了文華東方酒店的《Clipper Lounge》，以她們的英式下午茶慶生。對比一下環境，《Clipper Lounge》 沒有華麗的感覺，位置在低層，窗外的景色亦只是車水馬龍的干諾道中。其實，有點點像坐在商場內飲食的一樣。不過，服務細心，坐位舒適，再加上是文華東方酒店的這一個品牌，又值回票價既。既然是英式下午茶，我們當然每人來一壺 tea。同樣地，這兒有好多不同口味的茶供選擇。而我們都選上了一些平日沒什麼機會飲到的茶種。具體是什麼口味的茶我們都開心到忘了，只知道其中一個是濃口味，另一個是比較淡的 (看茶色)。而且，香滑的英式茶，不加奶更是好喝的啊。而兩位小朋友就每人一杯熱朱古力。首先來的，是為太太預訂的素食下午茶。三層的食物如下:底層 (烤蔬菜三文治、番茄香蒜三文治、華杜夫沙律三文治及黑松露雞蛋三文治)中層 (1963文華芝士餅、蘋果紅桑子金寶)頂層 (栗子雲呢拿撻、70%朱古力奶油布朗尼、香梨慕絲蛋糕)熱點 (法式