快船廊

營業中

休息中

今日同朋友farewell，決定食餐靚自助餐，臨急臨忙，好多酒店都full咗，最後誤打誤撞揀咗哩間，結果令人十分滿意🤩。我哋坐比較遠食物枱嘅梳化位，環境十分寧靜有氣派，燈光微暗，感覺悠閑寫意。我哋每人有一隻大閘蟹，蟹膏甜美回甘，好食😋。食物選擇都算幾多，我最關心嘅係冷盤海鮮，佢哋有龍蝦🦞、麵包蟹、長腳蟹、翡翠螺、鮑魚、青口、蝦同蟹鉗，正呀！樣樣都好新鮮清甜甜美，最後食咗兩大碟！另外，我仲試咗佢哋非常有名嘅海南雞，雞十分嫩滑，雞有雞味，醬汁調味一流！芝士種類亦都幾多，我每款都試咗少少，超滿足！甜品亦琳瑯滿目，我最鍾意係佢哋嘅朱古力，芝麻抹茶朱古力片同黑松露香檳朱古力，真係好正！另外唔少得當然係佢哋都好出名嘅芝士蛋糕啦，嘩，真係好掂喎！芝士味十分香濃，口感十分細嫩，食嘅時候有感動嘅感覺！好滿意嘅一餐😍。