快樂蜂 (力生廣場)

營業中

休息中

無人不喜愛炸雞，快樂蜂既炸雞好食過M記同KFC啲炸雞好多。首先，每次我去買親啲炸雞都一定係熱辣辣，唔似m就記或者kfc甘買炸雞睇彩數，成日買到啲一早整定，凍晒既雞。第二，雞肉好滑同好juicy,咬落去真係會流汁出黎，無得輸!

可能大家對呢間快餐點有啲陌生事關小編都係由工人姐姐介紹先知原來禾稈蓋珍珠質素一啲都唔求其🥰🐥辣脆樂雞..............................$42/套餐質素比另外2間著名快餐店優秀👍🏻就算唔係雞脾 都好嫩滑一定要試！.🐥肉醬意粉套餐配薯條食到悶不妨試吓呢個偏甜嘅茄汁肉醬意粉朋友食到停唔到口.🐥熱情果梳打..............................+$6唔想次次飲可樂咁悶呢個都係唔錯嘅選擇.🐥香芒蜜桃批..............................$8細細件 過吓口癮🐥朱古力脆脆新地飯後甜品🍮勁多脆脆 仲要係KitKat.值得一讚係服務殷勤侍應大部分都係菲律賓姐姐會更主動問顧客嘅需要樂意有耐性解釋😊

好耐無食炸雞啦!!今日好想放縱下，約埋好友LUNCH齊齊去食Jollibee!黎到Jollibee必點皇牌樂脆雞，見到有新出辣樂脆雞點可以唔試! 所有樂脆雞套餐都可以揀辣味架～我揀左C2有2件樂脆雞配薯條，辣樂脆雞炸至金黃酥脆，外皮鬆脆，內裡肉質嫩滑勁JUICY，啖啖肉，火辣又香脆，滋味十足!薯條香脆可口，真係食唔到停口~好友揀左C4有2件樂脆雞配蘑菇飯。辣樂脆雞外酥肉嫩又多汁，金黃油亮，火辣香脆，上枱熱辣辣，保留啖啖肉汁，實在令人無法抗拒!蘑菇飯香濃惹味有咬口，正~ Jollibee 快樂蜂現已獨家加盟網上外賣平台! 咁就隨時隨地都可以嗌樂脆雞外賣啦!足不出戶就嘆到外脆肉嫩既樂脆雞，勁方便!Jollibee分店地址：荃灣力生廣場3樓A舖（港鐵荃灣站A1出口） 

好耐冇食過Jollibee, 咁啱肚餓所以就去咗食而家疫情都仲係比較嚴重，所以自己都希望會衛生少少咁呢樣野就唔關佢哋事嘅力生廣場可能因為多少數族裔人士佢哋衛生意識冇咁高成個商場入面啲人都唔戴口罩好恐怖...🤢真係有少少驚，所以好快就跑到上去3樓既Jollibee然後衝到入去就如入無人之境@_@冇人企喺門口量體溫🤒不過好彩舖頭入面都唔係好多客人，然後啲員工全部都有戴口罩😷見到佢哋工作環境都幾乾淨唔會話亂七八糟good嘢食都係同其他Jollibee一樣好好食佢有下午茶餐不過我哋冇叫，食左C2同N1最鍾意食佢個炸雞好多汁，同埋肉醬意粉係童年回憶可樂要加$5貴左少少不過冇辦法食呢啲唔健康嘅嘢嘅時候一定係要飲可樂😍

疫情之下祖樂比的桌子都擺得非常之疏落，但亦都不乏食客在現場進食。但是，看見很多小夥子，行色匆匆的前去櫃檯看看燈箱顯示的號碼，才發現原來疫情造就了很多外賣專員，好像以往內地的美團外賣速遞。其實也對，如果要四圍頻撲以高價買取口罩勉強外出，倒不如安留在家，多付$5、$10，作為速遞員的酬金，那麼在家都可以享用各類美食。而祖樂比就是我認為其中一種外賣不會令食品質素大幅下降的食物。因為，例如炒粉麵飯，或是湯麵類食品，基本上弄好了然之後放10分鐘，質素已經會大幅下降，但是，反而這兒的炸雞，即使放久了，外皮仍然脆，內裏亦都蘊含豐富肉汁，實在值得稱讚。肉汁多，外皮脆，脆如曲奇塊一般，當然吃得太多會覺膩，但熱食炸雞的確連皮最好。現今的蘑菇飯好像比以往細小了，沒所謂，反正不是我吃的。薯蓉也不見得大份，細細杯如雪糕的。

網上外賣平台外賣係好快呀，司機去舖頭拎貨再送到嚟只係5分鐘，但係食物全部冰凍🤬 即係係舖頭已經係凍既！肉醬意粉凍既，意粉淋過林鄭，入口就爛！入面條腸係大陸超難食既腸，口感溶溶爛爛🤮薯條凍！硬！乾！肯定炸好擺左好耐，食左兩條都食唔落🤮炸雞又細件，又凍，又乾，又超咸！第一啖已經咸到要狂飲水🤢粟米都係凍！硬！乾！仲要係粟米碎🤬得個蜜桃芒果批同可樂係正常啲，整體完全影響食慾，後悔試左呢間野🤮

Jollibee係荃灣都開咗一排，終於有動力行去試下喇😂叫左一個餐💲47 (炸雞、蘑菇飯、可樂、薯條⬅️估唔到有埋) + 💲8 香芒蜜桃批，食完真係超飽😆-#蘑菇飯 好fresh好重蘑菇味，唔係好接受到🙈#炸雞 🍗本身冇乜味，要點左果個蘑菇醬先比較好食#香芒蜜桃批 甜度適中，好重芒果味，做飯後甜品好啱👍🏻

話說之前試過旺角分店，果次感覺麻麻，雞有雪味，環境噪吵，就冇再食過。但之後成日都聽到人話佢嘅炸雞好食，仲好食過另一間快餐店，於是決定俾多次機會佢。今次幫襯荃灣呢間分店，喺力生廣場，商場扶手電梯壞左，要行上去，以為星期六會坐滿哂姐姐，但原來都唔係，坐得算係舒適。叫左一個最基本個餐，炸雞加薯條可樂，而老公果個就唔配薯條而配蘑菇飯。炸雞 - 係好食嘅，個皮炸得脆而薄，唔似出面果d落左好多粉漿，而個雞肉今次係好食好多，完全冇雪味，配合佢個醬汁食，都幾夾薯條 - 麻麻，太腍蘑菇飯 - ok如果只係為炸雞而嚟，都算ok嘅

聽聞Jollibee的炸雞比某些餐廳更好吃，於是去嘗嘗。當日在荃灣，於是到力生廣場的分店，電梯壞了，😂推著bb車很不方便。2件炸雞配上特製的濃稠醬汁，一個小磨菇飯連飲品$43。首先說炸雞，雞件比較細塊，咬下去第一口，勝負已分，難怪多人推薦Jollibee的炸雞！因為雞皮很趣，炸漿很薄，雞肉多汁嬌嫰，而且還有彈性的，至少不是「淋淋嚡嚡」，咸香滿口簡直是邪惡又不能抗拒的誘惑。👍🏻雖然是比其他炸雞店好吃得多，但份量太小了，同等價錢有點兒不夠飽🤣是日平日，因此人流不多，因為聽說假日有很多菲律賓姐姐大排長龍。

尋日終於去咗試快樂鋒，全文他的炸雞好食過某間大型所店，今次叫咗熱狗，四件炸雞，細薯條同百事可樂，先講炸雞，的確比某大型店好味，好juicy好滑,個皮又炸得脆。個薯條就馬馬，唔夠脆。至於個熱狗，係唔得既，個賣相以為ok,食落就馬馬。條腸又唔夠脆，個熱狗非常之失望。至於價錢，我覺得略為貴因為兩個人都食咗110幾蚊。因為我哋帶咗一個餐同埋四件雞。至於個環境，尋日佢竟然唔使搵位，但係就有好多菲律賓姐姐。😂所以呢間淨係食炸雞OK👍🏻

想當年小蜜蜂🐝在香港想品嚐的話便要到中環才買到～真可惜😞其味道相當好吃真的不斷地在我回憶裡想起！但有時候經過門口都好多人等候購買，特別是星期日/公眾假期就會有很多外籍勞工的人潮排隊等候～生意相當不錯！近呢2-3年再度回歸香港，才發現原來小蜜蜂🐝都算菲律賓菜式～現在很多地方也有分店真方便！某日晚上想不到食什麼東西的時候，經過見到小蜜蜂🐝便選擇了試試其味道是否與我記憶相差太多😂於是便選擇了歡樂桶餐B與家人一齊分享，價錢都相當合理！有2個肉醬意粉、6件雞、4個自選美食、4個甜品/忌廉湯+4杯飲料🥤⋯美食都幾多！味道方面覺得肉醬意粉的肉醬十分濃郁多汁，相當不錯👍炸雞🍗方面同另外兩間大公司相比之下我覺得小蜜蜂🐝好吃得多，雞肉嫩滑多汁、味道鮮美可口😋再配合點炸雞🍗的祕製醬汁一齊食，別有一番風味😍果然還是相識的味道，保持到水準～值得推介大家一試！服務方面都聘請了菲律賓/其他外籍人士作員工，以便溝通，也考慮得很周到！值得一讚👏🏻

剛好出遠門到荃灣，一出地鐵站便能看見好幾個Jollibee的廣告及招牌，已慕名一段時間的我便馬上進到滿是菲藉人士及商店的廣場頂樓用膳。櫃檯收銀的是一位菲藉姐姐，廣東話不算流利但滿親切的，應該是店家故意的安排。$40只有一件炸雞有點不足，所謂肉醬意粉是大量地一次煮放置在旁全日、不需多咀嚼已軟腍化開、包裝番茄汁加上切粒香腸、再鋪上丁點無味芝士的產物。本來已不太期待，但炸雞配意粉的組合對我來說很罕見，結果還是天氣不似預期。炸雞皮脆肉嫩，配上肉汁也算不錯，但其實就是沒有用各種香料調味的KFC雞胸肉。當然KFC雞肉的質素並不穩定，假設Jollibee質素穩定就算略勝一籌。套餐飲料選了美年達，略嫌太小一杯。收銀姐姐閒時會離開櫃檯與其他菲藉客人聊天（有可能是熟客），店內大聲播著廣、普、英各種不符合氣氛的音樂，估計是經理自己喜歡的歌。店舖客人很少，有大量空位，送餐時間只需數秒。雖然分店不多，但如非必要無需難為自己遠赴這家分店。如有下次機會再訪，會到更方便的分店點炸雞配薯條的套餐。

經過荃灣地鐵站好多次，每次當我諗唔到食咩，我都會話食炸雞🍗，點知每一次都冇🤷🏻‍♀️今日，唔知點解同行友人竟然肯陪我食Jollibee，終於有機會一試。其實之前食過兩次Jollibee，不過都係幫襯中環嗰間，荃灣呢間都係第一次去。但，呢個商場(力生廣場)環境真係好嚇人！我哋由行人天橋接駁入口進入，嗰一下已經令我好想放棄，因為天橋位只係有大量帆布遮掩四周擋雨，感覺好似臨時搭建，非常簡陋。入到商場，要由一樓上去三樓，當中嘅指示牌相當唔清晰。前後兜咗一個圈，先見到扶手電梯，可惜扶手電梯係冇開㗎，結果要拾級而上。扶手電梯上有大量灰塵垃圾，我一邊行一邊同友人講：「不如放棄啦」🤭🤦🏻‍♀️，不過佢冇理我，可能係想還我一個食炸雞嘅心願罷。上到去，好彩店舖裏面環境都算光鮮，感覺不太差。各自買咗一個兩件炸雞嘅餐，配汽水薯條($40)，我就再加配咗一個芒果批🥭($6)炸雞當然沒有令我失望，雞肉多汁嫩滑，炸粉唔多，亦唔太咸。而且聽友人講，Jollibee提供嘅醬汁，正正係佢好耐以前食炸雞必備(?!?!?)，好有童年回憶喎。但，或者我同佢唔係同一個generation，我完全冇印象食炸雞係會有醬汁㗎囉🤣，佢仲話以

屋企附近沒有這間餐廳， 今天難得耐到荃灣，距離約會尚有時間，就去呢度休息食下野。價錢其實唔平。一件雞＋細薯條＋飲品 30蚊。比起其他類似嘅連鎖餐廳，價錢比較貴。雞都好嫩滑，但唔大件。因為係平日下午去，所以人唔多。坐得好舒服，我會因為想要安靜休息ge 環境而去多次。

話說陳日用完KLOOK後，發現佢有多間店舖優惠做到今日，而附近有依間，當然要用咗佢。快樂蜂對上次食係旺角店剛開時，當時啲雞好重雪藏味，燈箱餐牌設計好難睇，要問收銀先攞張餐牌俾你睇，所以就算附近開咗都無再去。雖然Klook獨家套餐無得對比，但賬面折成廿幾蚊，中杯汽水、肉醬意粉，炸雞兩件，廿幾蚊食梗多嘢都一定抵。中午都無嘜人，抬面放有餐牌任睇唔洗問佢攞，收銀廣東話麻麻亦預咗要英文，出餐好快！要攞機嘟QR Code花咗啲時間，但期間經理收完貨後仲有時間執好哂，送貨佬同我同𨋢來，同𨋢走，係佢慢定我快？不過前後都唔洗十分鐘。汽水未就係過啲款，無特別望；肉醬意粉果然份量同過間啲飯無差，只能有感未能飽，太淋意粉加好醬肉醬？食到幾舊腸；主角炸雞身型唔錯，脆皮剛好，肉質帶滑，但未到出油，仍然無調味，但今次就無食到雪藏味，醬汁係KFC薯蓉過隻汁走胡椒，對我嚟講唔夠味，幫助不大，可能蕃茄醬仲開心。睇返佢餐牌價錢合理，有幾款出面都少見，早餐款式算多，值得回頭。