快樂蜂 (力生廣場)

營業中

休息中

很多時坐巴士經過看到這店，一直想去試吓。😊因為很久前在香港吃過，但後來倒閉了。😌今晚一個人食，總於啲起心肝來吃，荃灣這間分店環境不錯，整潔乾淨，空間很多，但客人不多，三五知己在這裡吃也不錯，收銀也很有笑容，收銀及員工好像是菲律賓人。落單後不用五分鐘已可取，今次試漢堡包，味道不錯，最驚喜是那麵包非常軟熟，薯條畧嫌乾硬，幸好還暖暖的，比兩包茄汁扺讚$ 33 元套餐，價錢很抵，下次試炸雞🤗

以前好中意食Jollibee, 但因為住嘅地方唔就腳，所以少咗食。知道荃灣的Jollibee已經開咗一段時間，但未有時間去食！最近中意自己一個人行街食飯，經過力新廣場，決定過去試一試！荃灣Jollibee位於力新廣場3樓，很不幸運地，那邊2層的扶手電梯岩岩壞咗，但都照行上去食，無打消想食Jollibee嘅念頭～入到去其實唔算多人，不過排隊時剛好沒有STAFF... 不過落餐都幾快！小妹叫咗個C2餐配薯條～ $43一個餐雞好熱，同埋點雞嘅醬汁好好味～！ 唔好睇佢咁小野食，一個人食其實已經覺得好飽！

菲律賓名牌，來到播的音樂，清潔姨姨及食客，都讓你覺得身在菲律賓。炸雞外有漢堡，意粉，熱狗，蘑菇飯等，炸雞外都有選擇。收銀取餐是新式的等號碼取餐，出餐快，完全不是M記那種混亂情況，店員也沒有怨氣。炸雞就是炸雞，沒有其他款式，就是好夠熱，也軟滑，但炸雞就是油油的，不是香港人口味喜歡創新。附送的蘑菇汁很香，送飯應該可以食兩大碗。小女認為汽水好飲過其他快餐店。食完可以洗手，地方大，隨便坐冇壓力，三五知己打機讀書都可以。

星期五晚放左工無咩做，同同事黎試下快樂蜂。聽就聽得多，但一次都未食過，試下呢間菲律賓的美式快餐店。七點來到力生廣場，商店已陸陸續續關門，快樂蜂內的食客不多，不用排隊買野之餘仲大把吉枱，點解無人係呢度hea嘅？組樂堡餐（$39）啲餐幾多元化喎，有漢堡，炸雞，意粉，飯等，今次就試下佢個漢堡餐先，汽水要了美琳達，薯條同老麥分別不大，炸定很久，又凍又乾不好吃。漢堡有兩層牛肉同芝士+生菜+蕃茄，穩陣組合。包軟身，漢堡肉多汁，但味道不太牛肉，應該混合了不少東東，味道ok嘅。店員笑容可掬（佢地好似真係返工返得好快樂），餐廳地方大易搵位，枱也很乾淨，食物出得超快雖不太熱，整體算是合格吧。

講咗好耐想試Jollibee終於有機會食啦叫咗1個祖樂堡餐同埋1個夏威夷堡餐都係$39祖樂堡有2塊漢堡屋企人話好有自家製漢堡嘅感覺有少少似肉餅 個汁幾好食夏威夷堡入面有煙肉同菠蘿兩種一齊夾得好好 酸甜唔油膩而且好開胃 個汁都好惹味薯條偏乾身挺身 鍾意食硬身啲薯條嘅人應該會幾鍾意2包薯條畀咗4包茄汁比老麥闊佬好多而且食完比起食老麥飽 不過我覺得杯汽水就好似細過老麥同埋係pepsi嚟嘅整體嚟講我都會繼續去食支持下嘅

呢間Jollibee其實開左一段時間 但一直都無去試但炸雞控朋友A一直向我推介Jollibee既炸雞令到我真係好好奇 究竟係有幾特別某日經過心血來潮買左兩個外賣可能當時唔係太多食客 所以好快就拎得 抵讚叫左兩個兩件雞餐 一個配薯蓉 一個配磨菇飯由拎外賣到開始食 大概中間有十五至二十分鐘佢既炸雞依然係 非。常。熱 係會辣手果隻熱 兩件雞都好脆 炸粉唔厚 仲有肉汁流出嚟有時食K記雞會乾 但Jollibee今次呢四件雞都好Juicy 有驚喜 我覺得就算唔點佢個醬都已經好好味炸雞就好出色喇 其他食物就真係普通喇薯條 著蓉 磨菇飯 味道就一般啦下次可以再挑戰下個意粉既 或者其他分店如果都係一般 我以後淨係會幫襯佢既炸雞因為炸雞真係幾正

見到之前食泰國嘢嘅，開咗間係菲律賓最出名嘅快餐店Jollibee，好耐之前係菲律賓食過，印象中係抵食夾大件喺商場上去最上層，竟然有部自動電梯壞咗，要行上去，入到去個鋪入面，環境比較細，有得用八達通，不過要撳銀碼掣，比較慢今次叫咗個菠蘿漢堡薯條餐，加個香芒蜜桃批，個菠蘿漢堡都幾好食，不過份量比較細，食完個包，都好似冇食過野咁，比起麥當當，個包就真係細咗啲，薯條就好食個麥當當，可能係啱啱炸起，夠熱夠新鮮，不過包茄汁就，竟然係深啡色，好似過咗期咁，即係燒烤醬嘅顏色，番茄醬嘅味道最好食竟然係香芒蜜桃批，不過又係份量比較細，比起麥當當嘅蘋果批細左一半，食咗成＄60，完全唔飽，以咁嘅價錢，我諗啲菲律賓人，都未必會消費得起，我諗下次我下次唔會再係度食

難得自己一個出荃灣當然去試平時冇人陪我食嘅嘢。叫了個n1餐， 43蚊。意粉甜味重，D腸仔唔似平時食個D， 粉粉地咁。芝士味唔重。我自己唔多好， 下次應該唔冉叫。炸雞好好味！ 好食過kfc. 以為會好乾，但一咬D肉汁滴出泥。想食炸雞我會選昵到

Jollibee 係Philippines嘅快餐店～之前去Philippines已經想試😣不過最後無食到～宜加係香港開緊係要去試下啦！食物選擇種類多～有包，熱狗，雞，飯，意粉，薯條，薯蓉etc..🍴🍴雞係岩岩炸好，熱騰騰，肉質滑，個人覺得好食過KFC好多！😋係必試！👍🏼👍🏼👍🏼🍴🍴薯條條條都炸到外面好脆😮😮俾m記好食~~環境就真係一般啦～員工比較少，等左一陣先有人執嘢..不過係快餐店食就預左ga

香港快餐店終於多左個選擇！之前成日聽人講jollibee係外籍人士天地今日終於入去一試叫左兩set一樣既餐 其實係McDonald同KFC既混合版有齊炸雞同薯條 都幾好食！不過不失！

力生頂樓，以往台式餐廳，極之大間；另一邊的日式餐廳也搬了。現在一邊是牛一火鍋，一邊是祖樂比，宣佈開業好像只是不久，這天路過已開張🎊。荃灣店挺大，卡位略多，空間廣闊。如非在星期六日🙋🏾‍♀️🙎🏿‍♀️💁🏾‍♀️菲律賓女傭🇵🇭放假時，閒時日晚上人流少，非常悠閒🙂。菲式笑話，有椅無桌，或拿著拓盤吃，順便做個清談節目也可☺️之後還有活動，隨便分享個餐算。真奇怪，為環保♻️不提供膠手套，值得一讚。堂食時何不也將炸雞放到籃子，免用紙盒🤔，難道是保溫？炸雞，保持一貫水準，多汁，外皮脆，內裏汁多😋，肉質嫩滑，總不會失望都不明白，為何以往叫祖樂比😀，現在現叫作快樂蜂🤔，是中文意譯取代舊有音譯嗎？