忠誠盆菜館

營業中

休息中

屋企有長者生日，因為本來長者就係圍村人嘅關係，老人家特別鍾意食盆菜，於是我哋呢班後輩就ordered咗呢個盆菜，到佢屋企同佢賀壽。不過可能唔係農曆年期間嘅關係，我哋打電話去訂盆菜嘅時候，都唔係咁容易，我哋打過好多次電話，打過好多次先至成功有職員接聽定得到。叫呢個盆菜係 "中" 份量嘅盆菜，盆菜的食材都係啲傳統嗰啲，腐竹、馬蹄、蘿蔔、蓮藕、豬腩肉、蝦、芋頭、魚旦、發菜、蠔豉、生菜、魷魚、豬皮、冬菇、雞肉等等， 味道都煮得唔錯，全部都煮得好入味，特別係豬腩肉，煮得肥而不膩， 啲蝦都煮得好好味。全家人都好開心，老人家食到好滿足。

上年3月尾時因工作關係，所以食左一次盤菜，覺得好好味。 一直都對盤菜冇咩好感，但這次令我有意外。今次，諗住年三十晚專程預早3天預訂左鄉村盤菜與家人一起團年，開開心心地食團年飯。首先，豬肉腩肉炆得不夠，蘿蔔太大件之外，一點都唔好食，魚旦、冬菇、豬皮及等等食材一點都好靚，又唔夠醬汁。 食的時候，食材及味道簡直相差的太遠，令家人食得一直投訴。記得店主話會預多一支醬汁給我，但是最後家人想話加入點醬汁，完全冇味，全家人都覺得冇味，唔好食。 相信好難再訂一次食了……最後，又令我及家人再次失望了。 HK$1430都不平，但食完覺得唔值這個價錢……

除了元朗屏山出名盤菜之外..上水既杜記..大埔忠誠亦是名出一山既盤菜大皇。好耐以前同車友遊車河必到的地方..盤菜花樣.各式各樣..隨著時代的要求。越來越煩多美味高貴食材去充斥。

盆菜真係好難整得好食，好多時得一兩餸好食，或者成盆都係一樣味，好少可以食得曬食到尾。不過忠誠既盆菜就算係咁，我哋大年初三叫咗個家鄉傳統盆菜，五人份量，每樣餸都唔錯，雞唔會嚡、蝦都算新鮮、魚蛋係彈牙、腩肉肥瘦適中、冬菇都入味，係就係蘿蔔唔夠稔。每份餸既份量都咁上下，唔會好似連鎖店咁用大量蘿蔔墊底扮豐富，呢度都算足料。整體你話好好食就唔算既，你估真係食中菜咩，不過勝在好意頭，過時過節大家圍埋一齊食好溫暖啫。而外賣自取有九折，都慳唔少架。

入開大美督玩順路買個盆菜回家食 仲擔心個電磁爐吾得要搵GAS爐咁麻煩 好彩又過到熱 聽D阿姐講先用細火滾起個盆菜先較大少少火就吾怕痴底燶底 張鍚紙焗住煲佢十幾分鐘就面果D都熱透曬 熄火慢慢食 不過 五人盆菜三個人食吾曬要分兩餐 魚蛋好大粒大彈牙 亞女好鍾意食豬肉肥瘦適中 不過分量好多食吾曬冬菇好大隻好厚肉支竹又好夠淋芋頭好粉蘿蔔係底好入味魷魚有D 韌大蝦就焗得耐爭D不過 成五百蚊個盆菜 順路買黎食下幾好 特登入去買就吾抵 多幾個人食有送貨就吾同

上網睇到呢度嘅食評見到好多好評 所以特登來買一個盆菜外賣回家做冬 自己準備電爐 放上盆菜就可以整翻熱來食 *留意: 煮熱時要不停調上調下啲野食 否則面頭的食物會好凍*呢度五人份量係海鮮盆菜有蝦鮑片豬皮魚蛋蘿蔔花膠蠔豉冬菇芋頭我地六個人食 份量都適中 不會超飽 但食得多有啲漏 但因為係海鮮拼盤 反而冇咗雞鴨鵝 家人比較喜歡肉😅 我覺得盆菜隻汁都幾好味 咸咸地 唔係南乳汁就太好了😜

得知學校要我幫忙尋找盆菜公司資料時，在網上找了好幾間，價錢、食物、運輸等也有差異！預算有限。最終學校給我決定權，便選擇了 忠誠盆菜，真係無改錯名！起初我是利用它網頁的聯絡方法，留下資料，報價及詳情，等待回覆！未幾，很快便有人聯絡我，告知詳情及細節。非常誠懇有禮，資料也很清晰！之後，我們有資料要更改，也很有耐性對待；這是非常難得！服務業必要的待客之道~他們做得到！很準時！我們八時入席，他們六時就到達了，好讓我們準備，值得一讚！我們是「到會服務」的，選了«家鄉傳統盆菜» $1150/(十二位用)送白飯及菜，每圍加蒸餾水$60，一共六圍，免運費。也頗划算，值得推介！( 但4月便加價了 )螺片軟身、蝦新鮮、芋頭蘿蔔炆得很好，不硬，其他也很入味，不會太鹹，味道剛剛好！我們不斷加水烚菜，湯也不會淡。吃過多次其他公司的盆菜，都是偏鹹的；但這個真是非常好！老師及同學們也讚不絕口，異口同聲說好味、味道拾到好處，我也有同感！希望下次可再合作~總結：這次選擇是沒有錯的，開心！

Go to tai po for New Years reunion 'Poon bowl 'champion country course looks good 😊 at first sight A great feast for 10-11extra green vegetables 🥒 as many as you want we celebrate the second Sunday after Lunar New year About 1320 hk$ per table Very happy 😊 price For early order We buy 12 big bowls 🙇 Maybe because Plenty of Dry oysters my favourite Soybean chicken 🍗 Barbecue 🦆 Mushrooms 🍄 Fish 🐟 balls Bamboo bean curd skinLotus. Fresh roots with nam Yu taste Pig 🐷 skin boil well softened

與影友們預訂了盆菜，第1次來村地吃盆菜，沒想到材料十足外，食物味道也炆得十分入味，好吃得很。沒想到這裏提供的生菜是非常清甜無比的。茄汁蝦大隻外，茄汁味香濃。還有炸魚柳，肉質夠滑，不會感覺太雪藏。鯪魚球炸得香濃，調味十足，雖沒有什麼名貴的材料，但真的是值得推價來吃此盆菜。

大年初三諗住買個盤菜一班人係屋企gathering, 點知個盤菜未滾起已經聞到燶味，以為痴底拿拿聲搵d兜裝起曬d餸啦，跟手夾舊仲係凍既海參同蘿蔔試下，哇吊高你丫d燶味入曬味!!!! 根本唔係岩岩痴底，我肯勁定係佢煮果陣已經燶曬!!! 大年初三，夜晚九點，廿九幾人係屋企你眼望我眼，餓住個肚唔知邊度有野食，pizza佬叫我等兩個鐘，結果個個嬲爆爆話返屋企煮麵食。好心新年流流就咪咁陰質啦，明知有問題都照送貨俾人......你唔好叫忠誠盤菜啦，叫陰質盤菜啦 Hi你個Hi!!

剛過去了的公司一個飯局,因邀請一班拍擋一同聚餐,往年大家一般相約到外食西餐,大家都說有點悶,不知食怎麼好,突然有同事說不如新鮮點叫盤菜食吖,起初有人說會不會太麻煩,但最終大家說試下啦,大家可以食得舒服D,不用周圍走.拍擋話忠誠好食,而大家都冇意見便叫了這一間食。以前我都食過不少盤菜,但好多都名不符實,一係就食材不足,再唔係就太鹹,所以我都唔抱太大的期望。今次我地要左一個傳統盆菜(中盆), d料好ok,有鮑魚, 海參, 花膠, 炸鯪魚球, 腐竹, 炆豬肉, 好大隻o既煎蝦碌, 雞, 鴨真係好多料,大家都食得津津樂道,我相信日後的聚會又有一個好選擇。

今年幫奶奶慶祝生日搞搞新意思,訂咗一個家鄉傳統盤菜(大)熱鬧吓.全家準備就緒等盤菜翻熱,大家首先搶食盤面嘅干煎大蝦.雖然食得出係急凍蝦,但醬汁味道好搭夠.跟住搶食目標係家鄉炆豬肉及五香糟鴨,豬肉上層嘅脂肪晶瑩通透,入口香味十足,就算減肥中嘅我都忍唔住食咗三件! 糟鴨炆得入味,五香味濃,好味.魚蛋,油雞,炸班肉,土魷不過不失,可能因為豬肉糟鴨太出色而蓋過咗.反而下層嘅豬皮,北菇,蘿蔔,枝竹及蓮藕仲精彩! 蓮藕,蘿蔔清甜,北菇夠入味,豬皮枝竹吸收咗豬肉,糟鴨嘅汁超好味! 身為客家人嘅舅母同我,都覺得呢款盤菜家鄉味道十足,正!唯一美中不足係芋頭唔腍唔入味,唔好食.同場加演將剩餘湯汁加水煮滾,作湯底灼菜,肥牛片一流!

大年初二，根據近幾年的慣例，開年飯的主角便是從外叫一大個盤菜回來和大家一同分享。以往媽媽都會再加碼弄一些如炆冬菇及芽菇豬肉一類的菜式，但隨着她年紀漸大，體能上也開始應付不來。十分孝順的幾兄弟亦不想她操勞過度了....所以今年她就只額外煲了個湯，再灼幾味青菜便算了。既是如此，身為主角的盆菜的份量一定要夠大才行，不然怎夠我們十多個大人再加兩個小魔怪來吃 ?近幾年都是在一些連鎖集團的餐廳酒樓去訂盆，水準參差之餘是不太盡如人意，而且收費一點也不便宜，實令人越吃越火滾。今年決定攪攪新意思，在大姑媽的推介之下，在盆菜名店"忠誠"叫了一個大盆回來....若干年前曾吃過這兒的盆菜一次，是有水準的。事隔多年後再嚐，發覺仍是挺不錯....打開錫紙一看，材料堆積如山般放於大面盤上，一睇估計應是夠食有突了。置頂的是最名貴的鮑魚大蝦海參魚肚一類的東西，其餘的則有切雞、蠔豉、扣肉等"全肉"的材料；塾底的則全是最容易嗦汁的如豬皮蘿蔔腐竹的物事，亦是我這個最喜歡撈底找東西吃的人的至愛....所有的材料都被醬汁弄至相當入味，此時也看到大哥們也紛紛添些米飯進碗內撈汁食。鮑魚帶微啜口絕無在吃橡膠feel；雞肉有點咬頭看起來

這已經是第三次外賣盆菜, 每次水準都差不多, 所以推介一下。用料如網上所寫一樣, 款式齊全, 腩肉等肉類炆得十分入味, 只是有時候我最愛的豬皮跟支竹比較少。我們都愛買最小盆($480), 雖然建議4位用, 但如果家中不是有大胃王的話, 其實五六個人也夠吃。一般在家吃的話都會自己買生菜, 在尾聲時再煮菜吸收湯汁, 立即覺得很滿足。盆會用錫紙封好, 再放入紙盒, 只要跟足盒內說明加熱, 享用美味毫無難度雖然自取有9折, 但因為要在大埔墟再轉小巴或者巴士, 下車再行五分鐘才到, 加上就算小盆重量也不可輕視, 所以有私家車會比較方便, 或者+10%作為運費就可以舒舒服服享受到上門服務。祝大家新年快樂!!

好有風味，九個人叫個中盆，有海味，加左半隻雞，今日又凍凍地，煮住黎食好滋味吓。湯汁略鹹，冬菇不俗，豬肉就有少少雪味，煮熱D先食效果會好得多。记住一定要食钵仔薑汁蒸飯，好香又有特色，捞吓D汁一流。今日當做冬食左一千元，九個人盡興而归。最正係近停車位，泊車方便。