忠誠盆菜館

營業中

休息中

屋企有長者生日，因為本來長者就係圍村人嘅關係，老人家特別鍾意食盆菜，於是我哋呢班後輩就ordered咗呢個盆菜，到佢屋企同佢賀壽。不過可能唔係農曆年期間嘅關係，我哋打電話去訂盆菜嘅時候，都唔係咁容易，我哋打過好多次電話，打過好多次先至成功有職員接聽定得到。叫呢個盆菜係 "中" 份量嘅盆菜，盆菜的食材都係啲傳統嗰啲，腐竹、馬蹄、蘿蔔、蓮藕、豬腩肉、蝦、芋頭、魚旦、發菜、蠔豉、生菜、魷魚、豬皮、冬菇、雞肉等等， 味道都煮得唔錯，全部都煮得好入味，特別係豬腩肉，煮得肥而不膩， 啲蝦都煮得好好味。全家人都好開心，老人家食到好滿足。