忠記粥品 (鴉打街)

營業中

休息中

多款生滾粥可以揀！眼花撩亂生滾粥即叫即煮，叫左肉丸鯪肉球粥，粥底又甜又綿，極入味，唔會好稀，好好食！夠大碗！個小白菜雖然貴d，但都值，加左生油，夠入味夠稔，唔會乾真真另外叫左鮮蝦腸粉，份量略少，只有6舊不過味道正常，不過不失價錢略貴

Came here for a quick dinner before heading to the movies. Ordered a fish congee, radish cake and a twist cruller rice roll. The food was served quite quickly. Congee was nice, just the rice consistency, and quite a lot of fish in it. The radish cake was quite disappointing though... it was steamed, and the radish was cut into cubes... I personally prefer shredded radish and of course fried ones... However, the twist cruller rice roll was nice as it was made to order. The twist cruller was still

明火白粥😎$10炸兩腸粉😚$12最近大家都比較注重身體😝盡量避免去啲多人嘅地方🙈近期食嘢都無乜所謂😂最緊要快靚正😚當然都要暖胃又飽肚😁明火白粥，夠熱夠綿👍炸兩，凍咗少少😗油炸鬼夠脆口，抵食😋忠記粥品 (油麻地)油麻地鴉打街46-58號雅寶大廈地下1號舖

今天補假，做個晨早陪食早餐員。油麻地「忠記粥店」，粥底唔錯，夠綿滑、唔會太杰又唔會太稀。 好鍾意食呢度個「皮蛋碎牛肉粥」，因為啲皮蛋好靚，溏心得嚟柔軟香甜，唔係舊粥鋪就一定有靚皮蛋的。喺呢度食粥通常我會叫「炸両」，但係一定要叫佢即刻整，因為一早佢會整定晒喺度，好似今朝咁，佢一聽到我落單就拎出嚟擺喺枱面想送過嚟，我即刻話唔要啊！因為已經焗到林pat pat，咁樣食我寧願唔食。其實佢即刻整，講緊都係5至10分鐘內會整到，而店家都好樂意即刻整嘅，不過佢驚你等得耐啫！即刻整起嘅「炸両」，外軟內脆、油炸鬼仲係熱辣辣嘅！咁樣先係有質素嘅「炸両」吖嘛！價錢大眾化，一定平過「海皇粥店」lor!忠記粥品 網址: https://s.openrice.com/QrbS0j28900~uZBsBAA地址: 油麻地鴉打街46-58號雅寶大廈地下1號舖電話: 27923428=====================

今日路過在「忠記粥品」吃粥作午餐，忠記粥品油麻地分店相比旺角分店坐得舒適得多。這裏的生滾粥是不錯的，上次嘗試過，今次點選我的至愛豬紅粥和炸兩，豬紅粥，白粥底好綿滑，粥底也比較清淡，換言之是冇或很少味精，豬紅的份量也頗多，最滿意和有少許驚喜的是炸兩，拉得很薄很幼滑的腸粉，包裹的油炸鬼，雖然不是剛剛炸起那種香脆口感，但咀嚼落仍然吃到有部分仍很脆口，總比起那些腍謝謝的油炸鬼，口感層次 好得多了，我食量不大，這個粥品也滿足午餐需要。

今天下午到YMT覆診，就診前，先來個午餐，但想食清淡的食物。而剛好看到這家粥品店，所以入內就座。落單要豬膶粥，但呈上的卻是及第粥。我真係好喜歡食豬膶嫁！為何變了及第粥！　　及第粥，有豬肚，肉丸，粉腸和豬膶。 豬心：學生時期常常食豬心！只是香港一般粥店很少供應豬心，現在就遇到令人懷念的豬心，那些年的味蕾記憶！  豬肚：豬肚彈牙但味道不明顯。  肉丸：不彈牙但有肉味。粉腸：就是十二指腸，帶有甘味。  豬膶：表面不平滑，肝小葉還出現粒粒白點。開始幻想：係咪脂肪肝！　豬膶無啤水，没有把血塊洗淨，豬膶內的血塊及膽汁仍在，所以豬膶口感較粉較硬和帶點甘苦之味。　而綿綿粥卻是最美味！有豬膶醃料之外，也有其他食材的精華。可是及第粥很大碗，需要一點時間將其消滅。

係廟街附近上完堂，有點肚餓就比我見到忠記粥品店，灣仔果間就成日食，今次經過就入去食些東西醫一醫肚，坐底四圍望睇下，Menu清楚列明價錢，我無睇錯粥品價錢都好經濟實惠，約$20 咋！簡簡單單飽肚便是。碎牛粥 $18成日覺得粥點嘅碎牛最好味，口感裡除肉之外還有有米粉，粥底夠綿也不錯。整多個炸兩 $12 食下先，不過可能過左下午，包著的油條但油條已經轉諗了，當然豉油甜醬麻醬都不能少啦。

小弟經常幫襯北角及灣仔店, 覺得品質、份量及價錢都十分滿意。 昨天到油麻地見到也有忠記, 諗住入去醫肚啦, 但食物嘅質素及份量都與北角及灣仔店相差好多。唔知係咪租貴, 碟牛肉腸粉同油條嘅份量都細好多, 油條翻炸過, 又硬又油, 食完立即要到對面凉茶舖飲五花茶。 叧外亦叫南瓜粥, 呢様我就未係其他忠記食過, 啲南瓜煲到糊狀, 之後先再放落白粥, 上碟亦冇攪混, 起初仲以為真係南瓜同粥底ㄧ齊煲, 有少少南瓜粒。整體感覺真係好麻麻, 就算租贵, 份量少啲可了解, 但品質都要認真啲啦。

那天經過，又熱又攰，又唔知食咩好，見到有間粥店，所以就衝左入去🤣🤣🤣唔行過都唔知有間粥店係到，雖然裝修簡簡單單，但粥既品種都唔少，而且都幾多特別款式👍👍👍我們點了一個，豬心豬腰粥，魚片鯪魚球粥，炸兩，牛腸粥底綿綿的，豬心和豬腰又唔會太老，很爽口。鯪魚和魚片都很鮮甜炸兩和牛腸，腸粉漿不會太厚，滑do do 的腸粉👍👍👍而且價錢非常貼地👏👏👏更發現原來這間店舖有派飯活動，所以更難能可貴，值得欣賞

餐餐都大魚大肉的話，腸胃總會有一天作投訴的。所以間中小弟也會隨意的吃碗粥或食碟腸粉就攪定一餐....印象中這一所粥店主要是開在港島那一邊。這次開在正正油蔴地港鐵站旁，對於我這九龍人而言，真可是莫大的方便呢....先來一客所謂的陳皮牛肉腸。腸粉皮有點嚡口及黏筷認真麻麻；牛肉非常碎濕，雖真的有陳皮味但咬落卻嗒出不少筋來，𡁻多兩下便忍不住吐了出來....粥點了一碗豬潤肉丸粥。粥底說實話是做得不錯的，很綿滑米花亦已全爆開；豬潤蠻厚身的，頗新鮮沒怪味是不俗，若然淖得不那麼熟就更好；肉丸是就偏滑溜多過彈牙的一路，肉團中藏有不少的脂肪的，怪不得是如此滑口....腸粉一般，但粥又不錯，算是拉勻個平手啦....

未試過有一間態度咁差的粥品店，點了熱豆漿，用膠杯裝比我，點了炸両是正常，但點了鹹肉糉，店員不先問清楚就淋上豉油，我說我不用豉油，她拿去倒掉，再用滾水淥過隻粉再比我食，比水淥完成隻糉都痴笠笠一pat野咁再比返我，我說這樣吃不了，她堅持說我沒有講，不肯再換一隻給我，但是她也沒有問吧！最後自費再買返一隻來食，第一次見到咁樣的店員，真的大開眼界了，雖然這家店食評不多，還是要記錄一下，免得有其他朋友下次再中伏！

今天要上興趣班，所以一清早便來到油麻地。因趕時間，便先到附近忠記粥店吃個快早餐。今早並不十分肚餓，又不想吃熱騰騰的粥，因此只是叫了一碟陳皮牛肉腸粉。腸粉不消一會兒便到，雖然粉皮不薄，但亦頗滑。腸粉內的饀是碎牛肉，有淡淡陳皮的香味。腸粉沾了甜甜微咸的鼓油，更為美味。滑滑碎牛肉的份量不算少，吃起來也充實。這款腸粉對牙齒不甚好的老人家和小孩子應該是個好選擇。不到十分鐘，我已吃掉整碟腸粉，感覺滿足。付了賬後，又怱怱趕去上堂了！

老實講，之前食過呢間嘅粥同腸粉都覺得麻麻地。不過我問朋友話食咩，自己又講咗冇所謂，所以佢揀呢間我就照去。好在佢揀呢度係話食湯飯，咁我又試吓，可能佢湯飯好食好多呢。不過湯飯同打邊爐一樣，兩樣嘢，湯底同食材。呢個湯底還可以，普普通通嘅清湯，有啲似係雞粉，又有啲似係豬骨。但起碼唔會一大浸味精味，同食完飯都唔會口乾。餸菜方面，都係普通嘅選擇，墨丸幾好食，皮蛋唔香。朋友嘅薯仔同蔬菜份量好多。呢個辣椒豉油都幾辣，越食越辣，同埋係剁椒，有陣鮮香味。

準備外遊差不多兩星期，有時間係機上寫食評。出左街，本來有間店好想食，但到埗收左工，好頹（有機會我一定會去，到時介紹俾大家）。呢輪天氣凍番啲，突然間好想食粥。剛巧呢樹有間粥店，買我最愛嘅碎牛粥同蘿蔔糕，安撫我食唔到我想試個間。6點幾，未係食飯時間，都有啲人幫襯。環境算係開揚，唔會好逼。所有醬佢另外放，可以自己加。碎牛粥$18，粥綿綿的，碎牛都夠多，有啲油係合理，唔算太多。蘿蔔糕$12，個人覺得一般，唔夠蘿白。整體還好，粥類可以食。

在油麻地行街行累了，於是便到了忠記粥品吃個中式下午茶醫肚。這粥店面積不大，座位不多，但食客絡繹不絕。這裏的粥品種類很多，而且還有多種腸粉和油器。不喜歡吃熱騰騰的粥，還可選擇其他飲品。艇仔粥 （$18）粥底煲得綿綿的，配上的材料亦頗為豐富，有牛肉碎、魷魚和豬皮等等。粥的味道調配得適中，不會太鹹 或過淡。炸兩 （$12）炸兩中規中矩，腸粉皮不算厚，包著的油炸鬼不甚脆，但加了醬油來吃炸兩，味道尚可。只是$30便吃到飽了，非常便宜。