忠記粥品 (鴉打街)

營業中

休息中

天氣時冷時熱，今天決定去吃碗粥。經過油麻地見忠記生意不俗就決定一試。點了豬肉丸拼豬潤生滾粥以及豉油王炒麵。粥底非常綿滑，而且亦算足料，有4顆肉丸及4/5片豬潤。值得推薦的是豬肉丸，吃得出真才實料而且爽口彈牙。炒麵炒得乾身，推薦加甜醬一起吃，唯一不足的是預先炒起，所以不夠新鮮熱辣。

今天得閒去上海街走走，經過呢間粥店，被新鮮出爐的油炸鬼吸引住，好想食返小時候的味道，便入去試試先。值得一讚的是服務態度，熱情、笑容滿面，嘢食價錢超抵食，＄12元的炸兩，幾乎全港最平，仲要是即叫即拉！＄30元的狀元及第粥，真的叫抵食，落單的阿姐，大大聲嗌抵食，當時我也呆了，可能呢個就係術語，由於人多的關係，生滾粥要需時，真係值得等，大大碗，分量十足，又抵食，如今百物騰貴，又能捱貴租的小店，已經很少見。總括嚟講，真的值得支持，會再來食粥！

油麻地搵食話咁易，最近經過地鐵站C出囗發現有間新粥舖，見環境不錯，今日專程去試一下。嘩！好鬼平！比較附近一些粥店，平好多。叫了一碗免治牛肉粥只$18。粥底綿綿，夠熱熨，免治牛肉料不少還好新鮮。非常有口感。咪以為平價店服務一定會差，店員態度好好，地方又乾淨，區內算值得推介。