忠記粥品 (鴉打街)

營業中

休息中

食物一般, 員工服務態度惡劣以後唔會再來員工不停叫你轉位, 讓比同胞坐唔配合仲要比說話你聽仲要係咁用手指指住你既食物示範比其他人係咩來, 好無禮貌衛生程度差, 不停有昆蟲飛來飛去

叫6樣漏3樣，仲要話佢地冇錯，新同事唔記得放一齊啫，佢地冇收錢，平台收，冇得食啫，自己搵平台退錢咪得，明白！最錯係顧客選擇一間冇責任心嘅店舖😡😡😡😡😡😡😡😡😡

港鐵站油麻地c出口位置，一出便可到達的粥店，款式與大部分粥店一樣。價錢合宜對於在市中心來說是十分吸引，特別對我們平日經常出外進食的人士來說，一間粥店能讓我們清一清腸胃，以及關注一下我們身體的健康。座位上與一般粥店一樣只求方便進食不宜久座，約多人時會出現人靠背的情況，服務態度上一般，但皮蛋粥的粥底濃厚味道好以及腸粉味道可接受。是次沒有進食炸兩及煎堆牛脷酥等食物，但眼見同一張枱的食客食得津津有味，下次可以再次品嚐一次。

食物差，態度更差，唔會再幫襯！腸粉過林，有怪味， 炒麵唔好食， 啲嘢唔熱。 最大問題係態度差，完全係趕客嘅態度。 好耐之前幫襯過，之前都冇咁差，但越嚟越差，唔怪得越嚟越少人幫襯。

在油麻地小店不要求高級服務質素，但至少不要像這間店的態度超級差劣，唔會叫得停個服務員落單，落單只是大聲向住服務員大聲叫，叫抹抬就話隻手有嘢點同你抹，唔好話無禮貌，連乜嘢叫基本服務都無；整間店衞生欠奉，除了粥底及腸粉過得去，炸油器唔脆，炸兩難食，食到一肚氣走，第一次就忍，第二次都係咁衰，店員對個個客都一樣差。

炸兩 又霖 有宿味話師傅走咗預先整定所以係林嘅 你唔啱食會有客啱食 以前都幾好 今次真係極之差 再叫多一碟齋腸添 到差了 錢照收 下次都係唔會幫襯 唔怪得知登打士街嗰間都做唔住 每間舖頭結業 都因為質素每況愈下！

每次宵夜想食粥都會去忠記，座位算闊落，樓底高可以清清靜靜邊休息邊享用食物。食物介紹，最喜歡碎牛粥綿綿還有傳統炸米！腸粉滑溜配鼓油很好吃，配個油條凍豆漿，飽肚又滿足！

第一次寫食評獻俾你，我第一次食你呢間嘢，由於寫夠200字先可以劣評，我就嘔心瀝血寫夠俾你，我外賣$39蚊海鮮粥，點都估唔到得兩條蟹柳，堅嬲，我叫個白粥都冇咁嬲，白粥都係$11蚊，果兩條蟹柳值$28，仲有蟹柳係海鮮？🙄我真係多謝你！另外仲叫佐鮮蝦腸粉，炸兩，牛利酥，牛肉及第粥，鮮蝦腸粉同炸兩都係好厚粉，蝦腸少蝦，炸兩同牛利酥都係凍冰冰一舊麵粉咁，個牛肉粥唔係我食所以我唔知道咩味，我未試過食一間外賣食到咁既質素，仲要開佐咁多間分店，真係冇下次！

Congee is one of those homey comfort food that make me a proud Chinese. The food ain’t great here so won’t come back but I did enjoy the neighbourhood interactions, small business air and the thriving sense of it all. Everyone was just working so hard. Bbq pork rice flour rollsVery hearty thick pork! Impressed. The roll skin is also thicker so I guess it’s supposed to be balanced but it’s not. Roll skin must never be thick. Never. Added spicy sauce and it was much spicier than your average shop

外賣自取瘦肉魚片粥，食物預備速度頗快。店面感覺衛生。食物類型都多，除了粥品外，也有麵和酥餅等。粥夠綿滑，瘦肉夠味道。瘦肉和魚片也足料。下次可以試試其他食物。外賣不需加錢。

中午同朋友光顧呢間粥品，入内都係啲舊式裝修，吾好預環境好寬躺，但至少都吾會坐得好迫。同朋友各自叫左免治牛肉粥，一碗加左皮蛋，同埋炸兩同潤腸。啲粥係生滾粥，熱辣辣既，吾係整定個啲。另外，腸粉亦好嫩滑，雖然未去到玻璃腸咁，但個腸粉都係好食既，價錢上亦吾貴，性價比都高，會再光顧的粥品之一。

有時候口啖啖只想食粥麵的我會食呢間的， 忠記粥品店， 有牛肉粥， 腸粉等， 好適合我一個人想食少少野的時候呢！粥品方面都不錯， 熱騰騰的， 腸粉又滑滑的， 總結的覺得合格有突

抗疫時期，好多餐廳連午飯時間都人丁單薄。得4-5個人食。本身好鍾意食，經過油麻地見到有忠記粥品就入去試下，本身諗住食魚蛋河😆店舖都幾大，枱與枱之間都分隔得好開。粥品款式好多，睇咗陣決定叫「滑牛魚腩粥」$37 咁大碗確係抵食。而家好多粥店 $65-$100 碗粥，份量少唔在講，仲食得出加咗味精，埋單仲要加一。食咗百幾蚊好似食風咁😅所以覺得忠記呢碗勁抵食😂滑牛大概有6片左右，都幾嫩滑魚腩有兩件，唔算好大件，一件好滑，一件就好似煮嘅時間耐左啲，冇咁滑。食完埋單盛惠$37唔使加一，抵

呢到好近果欄, 啱曬去完果欄買🍇生果之後過黎開餐, 而臨近中秋食左好多月餅, 所以今晚決定食粥減輕胃部負擔, 呢間粥店比香港普遍既街坊粥店新少少同企理, 我地之前都有幫襯過, 嗰次仲叫左件白糖糕, 好味清甜無酸味, 但近排我個甜品胃比月餅填到滿瀉左, 下次啦。我地叫左艇仔粥, 鹹蛋碎牛粥, 油炸鬼, 腸粉同豆漿, 艇仔粥我無食, 問老公覺得點, 佢話: 材料黎講唔夠前排我地食元朗新記嗰間豐富, 但$18碗仲想點。我就食鹹蛋碎牛粥, 我個人認為鹹蛋同粥係絕配, 但我係香港幫襯過既粥店都無見過有賣鹹蛋粥除左呢間, 而碎牛粥我覺得可以列入香港經典食物之一, 好味又有特色。佢地既粥底係偏清淡既口味。值得一讚既係油炸鬼, 雖然送黎既時候係凍既但係仲脆架, 好味。

食物方面：普普通通，普通粥舖質素；粥底正常，油器炸得比較油膩，腸粉唔夠滑，但一分錢 一分貨，價錢唔算太貴。環境方面：有裝修，但坐位比較逼夾，坐得唔太舒服，冷氣足；堂食筷子有小部分比較污漕，眼見有污跡，建議先取杯滾水浸一浸。店員質素：中年阿叔侍應比較燥底，催佢會發脾氣比佢鬧；唯一最唔好，係依家疫情下，見佢用指甲差落碗粥，送到客人枱面，都唔知食唔食好，因為佢隻手負責過收銀整體：如附近無任何粥店，又非常想食粥，而又無乜要求就焗住幫襯，否則比錢買難受。