忠孝東路

營業中

休息中

好像好久沒有試過跟好友們這樣子的聚餐了，四人晚餐，人少少，可笑聲卻是充斥著整個空間。一整晚以來，我們都在說著這陣子有甚麼好笑的、開心的事，感覺很好呢。 我們點了好幾款食物，就將其中幾款不錯的拿來跟大家分享一下吧。 限定的忠孝水果茶，水果貼邊放，賣相超美的。酸酸甜甜的水果茶十分開胃呢。 忠孝魯肉飯嘛，個人覺得溏心蛋真不錯，滷水的味道蠻香，然後蛋黃中間是流心的，這是我最喜歡的一種煮蛋方法呢。要是魯肉是半肥瘦而且多點點肉汁的話，整個飯的分數應該會直接上升吧。 台灣大甲香芋雞有很濃郁的椰香味，椰香味滲入到芋頭當中，味道香甜。雞件有椰香的甜香，也蠻厚肉的，實在不錯。 干鍋香辣鴨舌不錯喔，在店員把菜式放在台面上的時候，就已經聞到很香的氣味了。鴨舌的辣味剛剛好，要是可以加點麻的話，一定會更棒。 香蒜大蔥芝麻雞撈麵香得很，拌勻以後加上雞絲跟大蔥，可說是不錯的組合啦。 最後這個甜品是忠孝芋圓，底部的仙草加上煙韌的芋圓確實不錯的，還有面頭的芋頭味道的忌廉，整體蠻豐富的說。

中午和幾位同事到忠孝東路吃午餐，等了大約5分鐘就有位了。先說說這裏的環境，空間寬敞，坐得延舒服的。餐牌上的套餐亦都很吸引，有三杯雞、 肉燥飯、牛肉麵、 鹽酥雞等特色台灣美食，看起來十分吸引。我點了看似很濃郁我牛肉麵，因為看到麵條是粗的，應該是很有質感的那種。另外還配有小食，我點了重口味的紅油抄手，再點了水果茶。食物很快便送上，先喝一口湯，味道不錯， 再吃上一口牛肉，味道也不錯， 只是麵條令我有點失望，因為它像一團雲吞皮一樣， 並沒有根根分明，亦沒有煙韌的口感。紅油抄手又沒有油香，水果茶不要 期望是滿滿水果的。整體來說，以這個價錢，又有正餐，又有小食，亦有飲品，算是不過不失了。

見到openrice既評論, 去開尖沙咀做野就試下,一個人食野要搭枱,一枱三組人,12：52分落單, 叫左熱豆浆,三杯雞,同黑松露雲吞, 杯豆浆好快到,1：15份餐 先黎, 中間有催過單, 又話跟左,其他遲過我的落單的都已經食了一半, 就算D 野'食都唔差,我已經一肚子氣. 後來我發現我点既餐同遲過我落單的是一樣, 我想是侍應把我的給了她, 又話自己跟單派餐,結果都係錯. 一心諗試左好的話下次再黎, 但係現在只能少一個選擇

又到年尾既時候，假期都差唔多請得七七八八啦連想去台灣既時間都沒有想吃台灣美食，唔駛去台灣既係香港食都有好好既水準前陣子同朋友黎左依間店都食簡約既裝修，餐牌與牆上的插畫專誠邀請台灣的插畫師黎繪製水吧的位置放左餐廳的門口方便客人買外帶飲品先點餐先，我地點左「黑魔」 $33以黑糖牛乳作奶蓋好香濃，已經融化嘅黑糖留在玻璃杯內令整杯飲品賣相更加吸引而最底下嘅珍珠食起上嚟好Q彈所以飲落去呢杯飲品令人覺得好滿足「忠孝生果茶」$38呢款每日限定嘅水果茶既然寫住限定，一定係好好飲所以我哋就直接叫咗嚟飲茶香唔會蓋過水果味變得飲嘅時候一啲都無苦澀嘅感覺反而令整杯飲品有陣芳香嘅感「櫻花蝦爆包心菜」$68以少少辣椒黎煮包心菜令菜仲惹味，上面放左櫻花蝦飲整體賣相更美「花雕醉鴨舌」 $118將鴨舌排列到咁靚真係第一次見每隻鴨舌都煮得好入味「忠孝魯肉飯」 $65每逢去到台灣嘅餐廳都必定會點魯肉飯黎食呢個魯肉飯上鋪滿魯肉仲有炸蒜同埋榨菜三樣拌勻味道好夾好好味「忠孝牛肉麵」$73有分黑湯同白湯我地兩款都有點牛肉比想像中稔同入味的確好似係台灣食緊牛肉麵咁最後梗係要食甜品「忠孝芋圓」$68QQ既某圓配襯埋芋泥同埋芒果味雪芭味

最近天氣忽冷忽熱,所以盡量食熱食、熟食，避免生病😅。上網見到新開台菜，啱晒！一於試下。環境：設計簡單又modern,屬於線條簡約加一點文青feel。門口有一張坐10人的長型大枱，其餘大大小小的2、4、6人座。服務：有禮貌，同時收拾速度快，由於它給予我做年輕人的生意的印象，所以滿意他們的服務。食物：點了三種食物1）滷水牛筋：超級「淋」同入味，好正。如果你鐘意純食牛筋而唔跟任何肉，呢度啱你。2）櫻花蝦炒菜，比較油，連紅辣椒一齊炒，好野味！3）忠孝東路蚵仔煎：中伏！個廚師肯定未食過蚵仔煎，一係唔鐘意食台灣小吃，有咩理由可以將蚵仔煎搞到三不像。最底層是薄薄不均的煎蛋，上層是極之厚又無味嘅蚵仔加硬粉漿，好 難 食 ！總結，香港搵間似樣的台菜幾難😢

Ordered the set lunches 卤肉饭 and 口水鸡。However was thoroughly disappointed with the chicken as the meat was uncooked and served cold, not even at room temperature. In addition the sauce was disappointing and tasteless. The 卤肉饭 tasted average. The soybean milk and bubble milk tea trust came along the sets were also too sweet.

前排好想食台灣野，尤其係牛肉麵，所以幾個好姐妹行完街就一齊去食台灣菜呢度開左唔係好耐，裝修都幾骨子，好彩我地都算早，所以唔洗等位就入得除左一般常見既台灣菜式之外，呢度某部份既主菜都有d fusion既感覺啵果晚我地要左兩款涼菜做頭盤開開胃，分別要左個“花雕醉雞”HKd$78+10%同“台式慢煮鹽水鴨片”HKd$58+10%兩款既味道都令人滿意，前者酒香十足，後者肉質細嫩跟著就要左兩個熱鍋，分別係“台灣大甲香芋雞”HKd$108+10%同“三杯鴨舌”HKd$128+10%前者芋香滿分，粉糯既芋頭真係食到lumlum脷而後者就入味又惹味，正之後仲嗌左個台灣常食既“豆醬炒A菜”HKd$68+10%同“忠孝牛肉湯麵（配黑湯）”HKd$73+10%個牛肉麵好有水準，牛肉滷得好入味，個麵仲好有韌勁，絕無過熟而糊口，湯底濃郁最後先黎既“慢煮.香草小牛排骨”HKd$298+10%就成為左當晚既亮點，雖然係要等耐啲，但食完之後都覺得係值得等架！肉質色澤粉嫩，入口牛香四散，沾上鹽巴更令牛鮮味道有所提升嘻嘻，女生們既飯聚都少不免甜品環節，呢個“台式黑糖燉蛋”HKd$58+10%獲得我地既一致讚好脆而焦香既

「忠孝東路」台式餐廳真係抵食又好味， 台式鹽水鴨片 ($58) - 鴨片有鹽水浸泡，入口油膩感會減少好多，而且師傅刀工幾好，可以切到咁薄！鴨片幾嫩，切得幾薄，不算太咸，都可以。花雕醉鴨舌滷水鴨舌就食得多，用花雕既真係第一次食。好香酒味，味道唔咸，清清地，質感爽爽的，食到停唔到口呢～滷水拼盤拼盤有牛展，牛筋，滷豆腐，鴨舌，滷水蛋。牛展厚切，有咬口。牛筋係我鍾意食既質地，唔硬但又唔會太淋，好適中啊！☺ 滷豆腐係超級滑，未食過一間餐廳整得咁滑忠孝魯肉飯好怕好多肥肉的我，呢個岩哂我了！食落口一啲都唔肥唔油，加埋蒜同菜一齊撈埋食 忠孝芋圓芋圓好好味呢！煙煙韌韌，加埋底層既仙草同芒果冰一齊食

忙碌了一個上午，到2點幾才有空午餐，見餐廳裝修不錯，又不用等位，所以便就座。裝修是不錯的，但侍應不知何解面黑（我都係叫碗麵，無仼何特別要求），有位貌似經理/老闆的面更黑...看著餐牌，覺得價錢偏貴，但總不算太過份。但吃完才覺得過份。點了招牌忠孝牛肉麵，碗麵很小，麵質很林像泡湯很久，湯味非常重，包你食完超級口喝，與餐廳不給開水的政策非常配合......莫非呢間嘢係食神開嘅...?聖誕食餐咁... 真係有點比悲傷更悲傷...

沒有最差，只有更差！當我以為那間古早味台灣店好難食，呢餐我感受到什麼是更難食更不台灣口味！本身鍾意食台灣菜，所以見新開店都想試試水準，一打餐牌，所有主菜都唔平，$298個小牛排都有，如果唔想食鹽酥蝦，一個黑毛豬腩配鳳梨香醋就要$198。腦海裡以為係生炒骨樣，點知上台就...... 原來係炸薄豬腩肉配一個有少少菠蘿味的汁！個豬食落係無味架！無肉味亦無肥膏香！加一後過二百元食一碟無味炸物，唔知為咩囉...另外，魯肉炒飯味道普通，一粥麵個炒飯仲好味啲；忠孝牛肉麵，我選了白湯，成個湯明顯加入了大量胡椒調味，除左胡椒味就無其他味道... 另外叫左推仲的凍炭焙鳥籠奶茶，一上枱已即入，極缺茶味，淡如奶水，唔知寫餐牌果個人有無飲過，飲過都仲推介的話，我無話可說，唯有下次小心啲唔好中伏...總括來說，如無任何改善，下次不會再試😩

上次經過尼間台式餐廳，門面橙色既飲品bar好搶眼，見餐牌既食物款式多，而且有d食物，係其他台式餐廳食唔到，所以試下。叫左忠孝牛肉麵配白湯底($73)，台灣大甲香芋雞($108)，台式鹽水鴨片($58)，芝麻奶茶($25)，保島珍珠奶茶($28)。牛肉麵一碗有有大約8塊厚厚地既牛肉，我覺得有d似牛展，好食在於煮得入味，仲有d骨膠原，肉嫩唔"鞋"。而湯底可以揀黑湯(牛骨?)/白湯(雞)，揀左既白湯有陣陣胡椒味，冬天食保暖驅寒。麵身係寬片麵，不過略為煮得耐左dd，所以"林林"地，個人鍾意麵身硬少少，有口感。香芋雞一定要試下，因為d芋頭煮完之後，有d芋泥蓉做個汁，而芋頭夠"粉"，起碼有6，7塊芋頭。而雞件方面，份量亦唔少，有9，10件左右。雞滑而且煮完之後吸哂d芋頭味，熱辣辣上枱。鴨片方面，擺盤精緻，仲有朵花，底下有堆吸哂鹽水味既椰菜絲。鴨肉片包住椰菜絲食，爽脆。食尼碟餸菜個陣，就好懷念食鹽水雞。不過鴨肉厚多少少會更有口感。飲品方面，竟然見到有芝麻奶茶，因為好少見到，所以試一試。果然冇失望，芝麻味非常濃厚，加上仲食到好微小既芝麻，一眼望，就已經知落左好多芝麻打碎。尼杯奶茶既奶味較為重。相反，珍

屈指一算，原來自己已經有好幾年沒到過台灣旅遊了，台北市有名的繁華街道忠孝東路也有多年沒有踏足，不過這一夜，我可是來到「忠孝東路」了，只不過，我這天到訪的「忠孝東路」，不在台灣，而在香港；不是街道，而是食肆。 這台菜店子其實開張不久，幸運地這夜客人不是太多，不需等候便可即時入座，相比起就在附近營業的一家來自日本，同樣開業不久的鰻魚飯名店，店前排著 S形的長長人龍，以我估計起碼要排一小時隊才能入座用膳，我可是幸福多了。翻開美麗的餐牌，隨便點了幾款招牌食品，這夜的晚餐正式開始。「忠孝魯肉飯」（$65）和「忠孝牛肉湯麵配黑湯」（$73）都是這兒的推介食品。各點一個，兩夫妻正好分甘同味。「忠孝魯肉飯」質素中上，我覺得比另外兩間台灣菜名店「阿元來了」和「程班長」稍遜一籌，肉燥沒有那麼肥滑而富油香，不過味道可還不錯，溏心蛋靚，而且店子有心思地在魯肉飯上加了一些炸脆片，增加了整碗飯的口感，也讓這飯加了分。這兒的台灣牛肉麵有白湯（即是雞湯）和黑湯（即是牛肉湯）兩款可揀，價錢一樣。我們點的是傳統的牛肉湯，湯色濃而清澈，湯味帶點微微的辣，不太刺激，辣度卻正好可以開胃，厚片的麵條索湯力一流，大約有六七片的牛

好耐都冇寫個食評！ 今次真係忍唔住！同女朋友食，叫左一個「忠考牛肉麵（黑湯）」、一個「三杯蛤蜊」。個牛肉麵，湯底好味精，仲差個街邊果D,牛肉麵沒特別。最特別係個麵，成個雲吞麵皮咁。。。另外個「三杯蛤蜊」，好少肉、又細粒，14個殻、食埋都唔知有冇10隻（其他唔知去左邊），個場地外又有好難聽既音樂伴奏、仲限時75min，服左佢！！！！！！！！！！可一不可再！！！！！！！！！好耐都冇寫個食評！ 今次真係忍唔住！

最近諗起真係好耐無去過台灣，以前一有期就同朋友快閃去轉台灣鬆一鬆，狂掃街食台灣野，真係諗起都覺得正，而家忙工作生活，想快閃都好似抽唔到時間咁，唯有食下台灣菜頂下口癮，最神奇既係唯一得台菜真係食極都唔厭，仲愈食愈唔抗拒，可能我留戀魯肉飯既味道啦早幾日同朋友去左依間台式菜館食晚飯，食物種類繁多，睇餐牌睇到樣樣都想叫黎食，不過都係要取捨既，所以叫左五六樣食物大家一齊食台灣大甲香芋雞本身都愛食芋頭既我，一送黎聞到香噴噴既香芋味道，芋頭入口夠粉，軟脆適中有口感，雞肉嫩滑啖啖肉，沾滿芋頭汁一齊食好滋味，好食到仲想再叫多份，配白飯一流滷水拼盤拼盤中有牛筋、牛展、糖心蛋、滷豆腐同滷水鴨舌，牛筋食落好軟熟帶小小煙韌，滷得好入味，其中滷豆腐係必食，一般食到既滷豆腐都係外皮帶韌，質感較粗糙，但依度既滷得濃郁之外，食落非常嫩滑又好香豆味，超讚啊櫻花蝦爆包心菜食台菜必叫包心菜，包心菜食落爽脆可口，配櫻花蝦炒更加惹味十足三杯蛤蜊用左少許酒調味，穫氣好夠，加上隻隻蜆都大隻肉厚，加分呀！忠孝魯肉飯壓軸既魯肉飯終於送上了，等到頸都長，淨睇賣相已經覺得好好味，除左魯肉碎之外，旁邊放左雪菜、炸蒜碎同大大粒既糖心蛋食啖飯配哂

今日同老公一齊係I square上面做完facial,又到晚飯時候，便行去樓下揾野食，見到忠考東路台灣菜便入去試試啦，果然無揀錯，不單止環境舒適簡約，食物飲品都非常出色。台式鹽水鴨片$58粉紅色的鴨片，買相很不錯，肉質很鮮嫰。三杯鴨舌$128原條鴨舌用煲仔煮得特別香口，最愛裏面的配菜和香料，很惹味。花雕醉牡丹蝦$168上枱時巳聞到陣陣花雕酒香，和大大隻牡丹蝦味道很夾。慢煮香草小牛排骨$298用慢煮方法烹調令肉質保持鮮嫰美味。忠孝魯肉飯$65正宗台式魯肉飯，肉味確很入味。樱花蝦爆包心菜$68菜味很清甜，已且用樱花蝦一齊炒很鲜味。忠考芋圓$68食台式菜一定要點一客芋圓， 煙煙靭靭很有咬口。忠孝生果茶$38充滿果香，飲落很清新祛油膩感覺。黑魔$33黑糖牛乳奶蓋,濃濃奶香，一杯真的唔够喉。