德美壽司

營業中

休息中

午餐去了德美，不算貴，但幾好吃。一入去就一人一個小沙律，原來lunch set 個個都有沙律，所以落單前直接就送咗一個先我帶咗個便當三段。前菜係茶碗蒸和麵豉湯仲有甜蝦刺身等等，再加上有天婦羅和豬軟骨，這個便當菜式其實款式很多。食完相當滿足。最大問題係冇咩位，如果12點嚟有機會冇位可能要先訂位

令人失望嘅係和牛壽司， $68得兩件，和牛壽司係應該入口即溶又香，但係佢冇即溶嘅口感之餘，仲要有筋，係幾件都有筋啊！作為一件和牛sushi都真係幾差，亦都冇牛味冇香味。講返啲好食嘅，就係隻燒左口魚壽司，佢入口都幾林。油金魚刺身厚切，唔錯，三文魚刺身就見佢冇乜鮮味冇乜驚喜，海膽份量就少。卷物叫左兩款，軟殼蟹牛油果卷同埋帶子卷，都幾好食。食呢到已經食左一千蚊啦😂大埔冇乜壽司鋪揀，依家算叫做質素比較好。

去大埔見客,想搵間無時間限制,食物質素有保證既日本菜,打去德美問下,佢話星期一至四無限時,咁就book左位了。7:30pm準時入座,成間舖已經座無虛席,仲一直見到好多客人walk-in等位,呢個時勢仲可以咁爆場真係唔容易。三個人散叫叫左牛油果海葡萄沙律,壽司拼盤,雞翼+黑豚肉+牛舌串燒(唔記得左影相),赤貝刺身,吞拿魚腩蓉卷,其實佢呢度仲有啲定食set都唔錯,$1xx既價位好合理抵食,不過想食多d款式嘅話當然係散嗌開心啲。而佢呢度都有啲二人餐, 有睇過不過就唔係咁啱食啦。壽司一如其他分店一樣新鮮,質素都幾唔錯,冇話邊一款特別差,所有都above average全晚我最鍾意嘅係佢吞拿魚腩蓉卷,吞拿魚腩蓉份量好多,見到好多人都叫呢款,最重要都係嗰句,新鮮。至於牛油果海葡萄沙律就偏咸,味道一般般未必需要叫。雖然呢度話冇限時但係見到佢外面咁多人等都唔好意思坐咁耐,而唯一的limitation係呢度始終地方比較細,當隔離枱有人好大聲嘅話就會成間鋪都變得好嘈好應聲。

如果想揀一間好食、坐得舒服、價錢合理既日本餐廳，我就會去德美。經常叫佢嘅壽司拼盤，每款經典高質素又好食嘅壽司都包含在內。再叫多個二人或者四人餐，小食、炒飯包羅萬有，就圓滿結束我既晚餐。

星期六中午搵食，還有10分鐘就係12點，見冇咩人排隊，就試吓啦，人剛坐下就即刻送上沙律之後先送上茶，單都未落再嚟個湯，服務非常快速，睇咗一陣餐牌，樣樣都好吸引，最終我叫咗個lunch set 十貫，即係十款唔同嘅壽司套餐，可能我較遲落單都等較耐時間才有得食，呢到嘅壽司全部都係得一個師傅手做，所以壽司餐等較耐。十貫套餐到，第一眼已吸精擺放好好，魚生望落好新鮮，跟住開始食壽司，飯嘅軟硬度好好，亦不會太大舊，味道不會太酸。魚生好新鮮，厚度適中，吞拿魚容份量十足，連下面舊飯都差啲承擔唔到，另外海擔同三文魚子比我想像中非常足夠，味道好鮮甜。下次我會晚餐時段會再嚟一次。

大埔德美 星期五晚市 七點左右 已經排長龍 我地一行二人 等左大約半個鐘左右 座位好密 同隔離位只有大半個身位之隔食物大約十五分鐘左右上菜今次食左鵝肝 剌身壽司拼盤 銀鱈魚 埋單六百幾蚊 味道但唔算平 正常日本野價錢

男朋友唔肯食大型連鎖店，今晚就帶左佢地德美壽司，然後我發現佢都有好多分店嫁！我就問佢呢間算唔算大型連鎖店佢無睬我 哈哈我地兩個人叫左好多野食，先有甜蝦，蝦頭勁多膏然後海膽同三文魚壽司，仲有鰻魚壽司其實仲叫左個蟹籽沙律之後又叫左牛油果軟殼蟹卷，呢個好正呀，勁多軟殼蟹，唔似得出店d餐廳俾一舊仔你最後仲有一個，我都覺得幾值得推介嫁，就係天婦羅温泉蛋好似好少地方有得食！未試過嘅朋友我真係推介你試下吖，口感幾得意嫁。

今日同中學師姐聚會,大家都想有個舒服地方傾下計,德美係個好選擇! 食左個蟹籽沙律,非常清新爽口,係開胃嘅前菜😋再來三文魚腩刺身同埋赤貝刺身,非常好味~三文魚腩好厚,肉質好有口感!赤貝亦好有海水味道哇~~我地好鍾意食蟹膏,所以要求走蟹肉全蟹膏,+5蚊就有全滿蟹膏壽司啦,好享受🤩左口魚邊壽司同鰻魚壽司都好滋味,食唔停啊~再黎油甘魚鮫,夠juicy唔會煎太乾,食完好滿足,價錢亦公道,係我地必定再去嘅地方!☺️

朋友係大埔住，推介左一間餐廳比我。一開始睇出面既裝修以為係酒吧，但原來係一間日本餐廳。食完之後，我比較推薦食魚生，佢既魚生係超級新鮮，入口即融。天婦羅烏冬佢有四種天婦羅，有冬菇﹑蝦﹑蕃薯﹑南瓜。我最愛係佢既南瓜，因為咬落D南瓜好甜﹑好冧同埋仍然係好濕潤。唔會話炸到好乾好硬。而烏冬就係甜甜地既昆布湯，配埋佢栗米同昆布真係好正宗既味道。壽司大盛佢大約有10舊魚生壽司同3件小卷。我覺得佢既三文魚﹑吞拿魚同油金魚真係好新鮮，同入口即融。佢飯既軟硬程度合到好處，同埋即使我將壽司咬斷一半，佢完全冇散開，可見師傅的功力十足。和牛壽喜燒煱可以因應自己的喜好去調教牛既生熟度，而我最鍾意尼個煱既地方係因為佢有好多唔同既菜，D菜吸收晒牛肉同湯既精華。

同家人既lunch set都包有沙律&甜品,我地坐底唔洗1分鍾,都未諗到食咩,店員就先上左一份沙律,味道正常。茶碗蒸蛋,正常,係食過咁多間唔算出色/特別。整體刺身/壽司,唔太食到有鮮甜味道,但唔係差。 MENU上甜蛋印住清清楚楚既『德美』,現實中係我食既咁細牛肉烏冬,味道正常。軟殻蟹的確係夠香脆,但無奈太多醬汁,完係蓋過食物本身既味道,就好似食緊一個有口感既醬一樣。甜品-迷你雪米糍坦白講佢既門面﹑裝潢既和風又美麗,真係好靚,而且餐牌上既全部食物都好吸引,今次係我第一次食德美壽司,但之前都聽過佢個名,唔知係咪期待越多,真實就同心中期望係有段距離。暫時未搵到佢好好食之處。 lunch total $181德美壽司地址 :大埔翠和里1號永發樓地下1A舖電話號碼:34461234營業時間:星期一至日12:00 - 15:00 ; 18:00 - 22:30

第一次來的時候，當然試其中一個招牌菜式，吞拿魚蓉魚子飯！吞拿魚蓉分量一點都不少，足夠送飯，加上配菜和適量芝麻，更加香口，魚蓉味道濃郁，口感香滑，正！只是未能突破到心理關口，不想在飯裡渾入生的鵪鶉蛋呢。跟餐的餐有沙律和蒸蛋，味道新鮮，算是不錯。第二次來吃，點了一個壽司拼盤和牛肉烏冬餐。烏冬的水準一般，沒有很特別的地方。壽司是師傅即場手握，故飯團較細，刺身新鮮，就算普通的熟蝦壽司都吾會難食，不會有嫌棄它的感覺出現。最抵食一定是吞拿魚蓉壽司！其高度比飯身更要高，嘴細的朋友都挺難一次過放在口中呢！最後還有甜品，芝麻味糯米糍。朋友身體不舒服，所以點了熟食雞扒餐，等候時間會較長，但都值得食！平日中午人流都算多，吾想排隊就要早點來喔，如果吾介意，都可以坐bar枱的。

位於屋企樓下嘅德美壽司，每逢weekend就會排晒隊，不過有時興起都會照排隊，因為真係好有質素保證嘅日式餐廳，所以想食到新鮮嘅壽司、刺身，排下隊都唔緊要啦！每次一定會叫玉子，因為香香甜甜，暖暖胃，係不二之選！其次就係叫佢嘅帆立貝鵝肝壽司，兩樣嘢都係我最鍾意食嘅，加埋一齊就仲開心啦！飽肚啲嘅話，就帶一個湯烏冬！fresh 一 fresh就食牛油果沙律🥗總之就係叫乜都好食架～所以呢間德美，簡直係我嘅日式飯堂啊！

好耐之前試過其他分店嘅德美壽司，咁岩今朝又心血來潮想食，下午就捉左男朋友去陪我食啦由於我係壽司控，一睇個menu就簡左呢個餐，佢有沙律、麵豉湯、蒸蛋、7件壽司、一碗細牛肉烏冬同埋甜品相當豐富，壽司就唔算好新鮮，但食到好飽！有啲刺身例如帶子就唔夠甜美啦男朋友叫左個咖哩吉列豬扒飯，反而佢個咖哩汁就好好味，食食下變左食佢個飯，哈哈！

我最想食德美的玉子，所以帶埋朋友們去食呀！呢間玉子切成粒狀，又不是倦形狀呀，玉子是預先製好的，但味道並不差啊！味林非常充足，入口配搭雞蛋味，非常鮮甜又好味，玉子又夠咬口！ 其他就不太介紹了！

朋友係大埔住，推介左一間餐廳比我。一開始睇出面既裝修以為係酒吧，但原來係一間日本餐廳。食完之後，我比較推薦食魚生，佢既魚生係超級新鮮，入口即融。天婦羅烏冬佢有四種天婦羅，有冬菇﹑蝦﹑蕃薯﹑南瓜。我最愛係佢既南瓜，因為咬落D南瓜好甜﹑好冧同埋仍然係好濕潤。唔會話炸到好乾好硬。而烏冬就係甜甜地既昆布湯，配埋佢栗米同昆布真係好正宗既味道。壽司大盛佢大約有10舊魚生壽司同3件小卷。我覺得佢既三文魚﹑吞拿魚同油金魚真係好新鮮，同入口即融。佢飯既軟硬程度合到好處，同埋即使我將壽司咬斷一半，佢完全冇散開，可見師傅的功力十足。和牛壽喜燒煱可以因應自己的喜好去調教牛既生熟度，而我最鍾意尼個煱既地方係因為佢有好多唔同既菜，D菜吸收晒牛肉同湯既精華。