德美壽司

營業中

休息中

北海道三色魚生飯$86刺身質素一般，無驚喜😐壽司定食配牛肉細烏冬$95壽司🍣款式普通，終於明白鄰店長期排隊原因細牛肉烏冬，份量剛好；配埋壽司飽晒前菜：沙律清新配刺身，一般溫泉蛋牛柳石頭鍋飯$86牛柳嫩滑，大慨8-9件算多，石鍋非常保溫，食到尾仲熱辣辣。前菜：茶碗蒸蛋，味道香滑和風格調似日本居酒屋有一間獨立房2張4人枱。自成一閣🤭Bar枱見著師傅做菜，別有一番風味入門口十分優雅門口怖置充滿東瀛風味整體來講唔差，不過有比較顯得失色🫣食完太口渴，味精重😣

相信住在大埔的都知道這一間日式料理店。無論假日還是平日，午市還是晚市，店外都一定站著不少人等候入座。這次點了德美刺身壽司便當($102)，除了刺身和壽司，還附上沙律、茶碗蒸蛋、味噌湯、炸物和甜品。刺身的質素不錯，三文魚夠肥美，甜蝦和帶子都很新鮮。壽司有我最喜歡的吞拿魚蓉壽司🥰，讚。今次茶碗蒸蛋表面蒸得不太美觀，但裡面都是很滑很好味。而忌廉薯餅炸得剛剛好，外脆內軟。這次的甜品是黑糖豆沙茶粿，外皮口感煙韌，就像一顆珍珠和湯圓混合的感覺，不過不知道有沒有人跟我一樣，很懷念以前的雪糕糯米糍呢？🥲就性價比而言，午市真的超值，不用加一服務費，大概一百元吃到高質的日本料理，十分推介大家來吃。

見佢外面寫外賣九折就叫咗個42蚊嘅牛油果軟殼蟹手卷外賣收錢嗰吓又冇同我講話要俾外賣盒錢，咁就收咗我$3，總數收我$41話嘢食要等10分鐘，咁我就話我出去等啦，點知過咗20分鐘都唔見有人拎外賣出門口，咁我咪入去囉一入去就見到個外賣放咗響門口張摺檯面，我就問係咪拎得，個唔知係侍應或部長或經理話係呀，拎得喇跟手我就話，我已經講咗響出面等都可以無人跟無人理之後我再問個外賣盒係咪一定要收錢？對方答如果你有自備盒可以唔收我話你收錢時無講過外賣盒要收錢，出面poster都無話要收外賣錢對方答咁你想點我唔要外賣盒，我自己手拎對方好無禮貌咁向佢啲同事講話唔要外賣盒喎，俾返$3佢跟手我拎起我個牛油果軟殼蟹手卷同嗰$3走出門口哩間嘢，講真，真係無下次🤬

太和有好幾間日本餐廳，是但揀咗德美，估唔到都有驚喜。🤩好多菜式都好有特色，食材新鮮，刺身好大塊好鮮甜。牛油果軟殼蟹卷口感好特別。燒物質素都好好。整體嚟講價錢唔算特別貴，性價比高。

住大埔既人都知道呢間餐廳，都係一致好評既👍，價錢大眾化，食材新鮮，佢地既牡丹蝦蝦頭🦐可以另外煮既，可以轉整湯叉或者炸蝦頭黎食，生食都得！但係就要另外加錢既！

今日路經太和店德美 諗住試下點知換來態度差的服務 倒瀉我個飯都唔會覺得唔好意思食物係有質素 但態度真係唔似日本餐廳應該有職員唔會幫人添茶 要我主動提出帶位的又唔會理會客人 枱未清理好就叫人入座呢次真係好不爽有一次冇下次

人人讚不絕口嘅德美 每當我滿心期待食佢餐日式料理都搞到咁火滾 係呀之前食佢午市已經唔太愉快 今次落order時都好順利 經理都好熟手 上齊其餘兩款小食先知原來佢將個鰻魚飯落錯咗做另一款小食 咁咪同番落單嘅經理講我地係要鰻魚飯囉好正常 佢就話「你唔係話要嗰款小食咩？」又死口唔忍 咁我同家姐四隻眼都好清楚我地係指著主食嗰餐牌黎叫 啫係嗰度係無其他小食嘅 而落單時經理係望住我地手指點嘅🤷‍♀️anyway佢最後都係換 但身為經理 佢款唔客氣嘅態度坦白講有啲無風度令人唔舒服 咁可能我唔應該對居酒屋有過高期望啦#上樑不正下樑歪呢樣都唔係最火滾 食緊嘅時候都只不過係8點幾 條雞泡魚干仲有兩三條都未完 個waitress就下下行埋黎gum想收走咁 重點係我個位係角落頭🤷‍♀️唔suppose你咁進取呢 問題係嗰時都無第二輪客 對面枱客仲早黎過我地 人地就要乜都有 要水就比 有乜理由我要瘋狂比你差別待遇又ignore🤡三番四次舉手想添水時 你地就淨係應對面枱 到我望到個後生啲嘅waiter拎住個水壺度步到我地枱時 明明見到我地係無水 佢都擺擺尾(唔係抵毀真係搖幾下佢身後嘅水壺)就走鬼咗💩趕收工都唔係唔比水

今日晏晝同家人去食德美壽司，平時都係食晚餐多，未試過午市時去食。一開始嗌咗個三文魚沙律，酸酸地，開胃。跟住嗌咗三文魚腩刺身，呢度六件$78 ，大件夾抵食。呢個係吞拿魚卷物，佢上面啲吞拿魚一啲都冇偷工減料，大大啖吞拿魚，鍾意食吞拿魚嘅朋友唔好錯過。雜錦天婦羅。呢度嘅天婦羅好出色，唔似出邊一啲餐廳咁多炸粉，而且用料新鮮。最後家人想食多少少，但又唔想食一個壽司set咁多，所以就叫咗個午市定食，呢度有主菜、茶碗蒸、麵豉湯、同埋甜品，夾埋都係$102 ，午市仲唔使+1。*除午市定食外，其他都係main Menu食物，需加一。

德美一向俾作為大埔居民的我嘅印象就係當區一間中上價位的日式餐廳，晚市平均一人三百都無走雞，但今日難得放假行開德美見到一個午市lunch set只不過係$138，又海膽、拖羅、三文魚子，無理由唔入去幫襯吓咖嘛。一嚟先上沙律，一般正常水平，但都新鮮，唔hea嘅。茶碗蒸 - 鳴門卷，銀杏，香菇等，配料都幾多，食味正正常常。午市壽司餐 - 赤身、油甘魚、三文魚、立魚、墨魚、車海老、帶子、海膽、三文魚子、拖羅蓉，蟹柳，樣樣新鮮，師父現製，我唔多講，大家可以睇相，係好食抵食嘅。最後跟餐還有一粒日式和果子，比人感覺一啲都唔hea。整體食物質數其實同晚市相若，但價錢就相差一倍，香港地時間果然就係金錢呢。

黎到大埔 朋友介紹呢間必食既日本野入到去就叫左兩個lunch set首先一坐低 就上左兩個沙律 味道唔錯之後就叫左個魚生飯 佢d刺身都大舊同份量都足夠 而且個飯入面仲有d 飯素撈埋一齊味道good good而另外一個much set 就叫左壽司set 跟埋牛肉烏冬兩個餐都跟埋蒸蛋 個蒸蛋都正呀好滑 😁👍最後 食完哂佢仲跟埋一個甜點

我一直都有食開呢間既，如果食夜晚會比較貴。午餐嘅話呢會比較平，有好多定食同餐比你選擇，每個餐都會有麵豉湯，蒸蛋同甜品跟。食材方面非常新鮮，好有鮮味，環境十分好，有bar枱可以直接對住師傅，別有一番風味🥰❣️

星期日中午時段黎到見到仲有lunch set!果段即刻叫下先啦😚呢度樓底幾高，旁邊仲有bar枱可以比你對住。Lunch time去到一坐低就送上沙律🥗、面豉湯🥣-沙律🥗-胡麻味酸醋好開胃。有新鮮生菜🥬、貼心到已經剝皮既蕃茄仔🍅、青瓜🥒、粟米粒🌽仲有少少紫洋蔥絲🧅。茶碗蒸🍵-茶碗蒸個蛋好滑好滑🥚有日式魚餅、新鮮菇🍄同個底有雞肉粒🐔好香濃高湯味既蒸滑蛋😚淨係呢個都值回票價🎫柚子燒三文魚魚生飯🍣$74-有勁多蟹籽🦀️同好温泉蛋！飯份量都十足，夠哂拎黎撈飯🍚燒三文魚都相當夠火候同又厚身又肥美🍣日替便當三段🍱$96-刺身方面包左兩大片厚身三文魚🍣、超級厚肉帶子🐚仲有大大隻玻璃蝦🦐！set仲包有白飯一大碗🍚、汁燒豬軟骨🐷、天婦羅炸蝦🍤、炸蕃薯🍠、比較少見既炸蘆筍等等👍🏻德美刺身壽司便當🍱$104-刺身方面同樣係兩大片厚身三文魚🍣、超級厚肉帶子🐚仲有大大隻玻璃蝦🦐！仲有三件壽司：拖羅蓉壽司、墨魚壽司🦑仲有個唔記得咗係乜嘢魚🐟另外有兩件反卷、甜甜炸堤魚乾仔mix核桃！當然點少得得大大隻字印住德美既蛋卷啦🥚炸物方面有兩塊流心炸蟹餅👍🏻最後甜品係軟糯糯既麻糬，外層係黑糖，內層應該係紅豆蓉🍮

💖德美壽司呢間野可以話係高質平民壽司🤤💰人均$250 dinner依家要搵一間抵食嘅壽司絕對唔容易，仲要搵一間抵食又好食嘅更難！所以德美就成日咁多人排隊🤣平時都係食佢lunch set，第一次食dinner🤔咩都想試吓壽司手卷嗰啲都同平時食午餐冇乜大分別🤔但係佢個卷物真係令我好深印象！我哋揀咗帆立貝鵝肝卷物🤭一食落去真係大滿足，個鵝肝好香而且質素幾好，價錢又唔貴好似都係80幾蚊only🤤

大概下晝2:40到去到餐廳，點餐等餐都需時。食左未到十分鐘，啲侍應已經係你附近車輪轉不停製造的壓力俾你。令到你即刻冇晒食欲，食飯都可以食到成肚火！原來間嘢收3點，但入去個陣又冇人話俾你聽，幾點收鋪！你早啲講我就唔入去食係呀～你冇可能要我15分鐘食完走人吓嘛！

德美一直都好出名，如果晚市冇book位通常都有排等😂 以前試過佢哋嘅二人餐，$428 飽到上心口，啲嘢又好食👍🏻 今次都試試散叫其他嘢試吓，結果都冇令人失望☺️先試三文魚腩膽埋鮮帶子刺身！三文魚腩好鮮甜好肥美🤤 鮮帶子就爽身啲，但個人覺得唔算好特別，試一次就夠🤣蝦沙律入面有幾塊三文魚同其他刺身，隻大蝦好厚肉，加埋個好fresh嘅醬都唔錯，好開胃👍🏻呢個大蝦天婦羅4隻就要$96，但真係值回價錢！ 隻隻蝦都好大隻好多肉，炸皮又薄🥰 剛炸好時一放入口真係好好食👍🏻之後講吓兩個卷物～ 兩份都份量十足！ 炸軟殼蟹卷用曬成隻軟殼蟹，放入口時軟殼蟹仲係香脆㗎！如果牛油果再多啲就更perfect! 而吞拿魚蓉卷真係要極力推介俾大家！！ 首先一上枱已經俾佢慷慨嘅份量嚇親😱 一放入口更加不得了😍 啲吞拿魚蓉嘅質感好似剛剛剁好咁，配上青瓜小卷真係好fresh好鮮甜好好食💕 我同朋友都一致認同下次要再叫呢個🤣最後又推介呢個澳洲海膽🤤 完全對得住$258 呢個價錢！ 海膽非常鮮甜，入口即溶好似雪糕咁🥰 而且份量其實都唔少㗎！！ 大家真係要試試！