復興行

營業中

休息中

見電視節目介紹大澳的巴士總站附近、位於街口的復興行滷水墨魚，一心唸住入黎試下大澳唯一一檔的滷水墨魚。雖然墨魚大隻厚肉，但一啲都唔韌，滷水汁比想像中淡口、偏甜，好味！但一份$50只得14粒，的確有啲貴。

大澳情報：體會香港漁村風情-試食餐廳： 復興行（大澳永安街4D舖）大澳炭燒美食極上魂燒烤（大澳永安街76號地舖）美味指數： $15四粒瀨尿牛丸（3/10）$20兩件煨魔鬼魚魚翅（7/10）$15碳燒芝士生蠔（7/10）-早前小女子與男友仔山長水遠來到大嶼山，當然要在昂坪市集轉承巴士至大澳，實行歷遍大嶼山。想不到大澳作為香港的水鄉之城，還承傳了香港的美食天堂稱譽。從巴士站進入鄉村，迎面而來的一所小食店，小女子看到它有售瀨尿牛丸，隨即聯想到周星池電影中那美味多汁的瀨尿牛丸，能醫厭食症病人，振興經濟，故要看看現實中的瀨尿牛丸是什麼滋味。牛丸其實似包心丸多於瀨尿牛丸，餡內似是肉碎，不似有瀨尿蝦肉與蝦汁在内，整體味道不算好，有少許失望。小時候到過大澳，知道大澳有許多煨乾貨店，最普遍的會有煨魷魚、瀨尿蝦乾等，不過此店有煨雞泡魚乾、黃花魚春等罕見乾貨，吸引小女子一試。小女子試了煨魔鬼魚魚翅，雖然是煨乾了，但咬下去還有一絲絲魚翅的質感，口感有趣，且店員煨時在魚翅上塗上醬汁，魚翅本身的咸香混合醬汁的油香，份外惹味。走入大街，發現一間只在星期六、日才營業的燒烤小店，價錢比一般的便宜，看得出是自家經營，估計

今個假期同朋友仔去行山，由東涌行去大澳，參觀大澳景色之餘，順便食下當地嘅小食。係每次離開大澳之前，我一定會幫襯係巴士站附近果間小食店，食佢最出名嘅滷水大墨魚。雖然價錢有點貴，但難得我地啲都市人嚟到大澳梗係要食返碗先啦，因為佢啲滷水汁實在做得太出色，所以我食完第一碗之後都忍唔住即刻再添食。店鋪啲滷水汁特別好味，同以往我係外面食到啲滷水汁既味道完全唔同，如果佢啲滷水汁有得買，我都想買返幾十支返屋企自己整。 勁大大大大大隻墨魚 粒粒都好大粒，好厚肉，啖啖肉。去大澳未食過既朋友，千其唔好話自己去過大澳。

屯門碼頭出發搖足一小時渡輪終於到達，急急醫肚先！第一間小食而舖位顯眼真係著數好多，食左先講！咖哩大魚蛋，巨大咖哩魚蛋每粒 $18 蚊，索索聲好假又無魚味又無咖哩味，失望。滷水墨魚鮮甜可口，滷水味清香帶甜，肉質彈彈又嚥韌，魚身非常有咬口，魚鬚勁脆，好好味。菠蘿冰，鮮菠蘿雪到入雪，酸酸甜甜開胃有趣，作小食也不錯啊！紫貝天葵山渣水，還以為係洛神花茶添，淡淡甜味幾好飲，我最怕甜架喇。清新既味道，既解渴又健康。

今日一家人到大澳行下，係臨走時等巴士時見到有好香嘅滷水大墨魚買，心思思就想去買黎試下，45蚊一杯（其實都幾細杯嘅），咁又見到45蚊有一杯花膠仔，咁就決定每樣買一杯黎試下，先講個滷水大墨魚先，好林但唔太入味，亦都只係微暖，一杯大約有十幾件，但小朋友就好鍾意食啦因爲夠哂林，不過大人就怕膽固醇啦。講埋個花膠，一咬落去個感覺好似棉花雞舊棉花，但佢就'鞋'少少，不過就比起滷水墨魚入味，呢個就一杯有大約5塊左右，2杯都幾好味嘅，又近巴士站所以生意十分好，我見老闆都拎左好多轉墨魚出黎賣，老闆十分好人，仲比我d女去拎住隻大墨魚影相tim，

脆爆大魚蛋$14/2枚好正囉！魚蛋係好彈！好彈！好彈！名符其實係爽脆，仲有辣得啱啱好。我覺得……好食過長州嗰啲，臨走上車都要再篤多串！仲有老闆定唔知員工極熱情，於是…我同店內嘅大隻魷魚拍左照。

一來到大澳，必定會經過這裡。看到大墨魚，就不禁要試試。墨魚新鮮，不過可以更入味其實最有驚喜反而是大墨丸及大魚蛋，墨丸彈牙，有別於坊間得粉的墨丸；魚蛋十分爽口彈牙！

裡面賣嘅魷魚真係超級厚，好似食緊花膠咁，點埋個醬食，簡直一流。大件夾抵食之餘又爽口魚蛋爽口彈牙，唔會腥，大大粒，極飽肚紫貝天葵唔會太酸，甘甜消暑，絕對係夏日消暑嘅首選。

難得來到大澳行下，一落車最近就係呢間小食店，離遠已經聞到好香的墨魚味，行近D睇，嘩， 咁大隻滷水墨魚都係第一次見，一於試下，$45一碗，滷水汁比較偏淡， 唔會搶咗墨魚的鮮味， 墨魚好正， 咁厚切的墨魚都係第一次食，墨魚味好濃，而且不太韌。 之後，見隔離間豆腐花店無開， 咁就索性係呢度坐低叫碗凍豆腐花， $15一碗，唔夠凍，豆腐又普通，食完唔會再有下次囉。

<花膠魚蛋/鹵水大墨魚>-$45/$35.海產無得輸架喎🐟🐙復興行呢度近住碼頭，有好出名既大大隻墨魚，45蚊比超多舊超厚肉，口感彈牙又幾紮實，重點係個鹵汁食得出有落香料唔過鹹，仲保留到🐙既鮮味，真心幾唔錯！花膠魚蛋就係用魚肚既其實😂，不過35蚊想點丫🙊，魚蛋係長洲大魚蛋，幾彈牙架，可惜👶🏼叫左辣，真係辣到飛起喊哂口🔥😭，好彩👶🏻仔幫手食埋，都覺得幾香辣椒味既

經過一天傍佗大雨，學校親子旅行活動日，竟是出奇的好天氣。在碼頭空地參與過MASS GAME後，自行離隊四處覓食。第一站是距離巴士站不遠的復興行。鹵水大墨魚和大魚蛋吸引了我的視線。要了一碗大墨魚加一件大魚蛋，$46。有點貴呢。大墨魚比旺角肥姐的更厚肉，不過鹵水汁偏淡，即使加了辣油並未能將味道提昇，如果同樣的大墨魚，以旺角肥姐的處理方式，冰鎮，再沾醬而吃味道相信比現時用鹵水浸更佳。至於大魚蛋大則大矣，但不夠熱，魚味個人覺得不夠。結論是：雖不至於難吃，但有很大改進空間。

上一次來大澳，要數兩年多前。一個小時的車程，已可帶我們遠離煩囂，來到環境清優的大澳，享受大自然風光，感受一下漁港出生的香港昔日的情懷。舊地重遊，沒想到最大的改變是⋯⋯ 下車第一站，不再是隠姑茶果。甫下車，便聞到誘人的咖喱香，精神為之一振。香味把一車又一車的遊客帶到復興行。跟旺角街頭的小食店有幾分相似，有燒賣，魷魚，魚蛋等等。但賣的是超特大大魚蛋，大澳出品的大魷魚，真材實料之外，更香氣逼人。長洲著名大魚蛋來到大澳，竟是如此美味。一口咬下去，彈得咬不下，唇邊盡是咖喱汁，口裡卻空空如也。試了幾次，一大口的咬下去，終於成功了。魚蛋的彈牙度，絕不欺場。咖喱汁比預期辣，十分惹味，怕辣可以試原味。看男友津津有味地吃到滿嘴咖喱汁，提醍了我要抹乾淨才再出發。

其實一直都好想食大大粒魚蛋，之前以為淨係長洲先有得食，原來大澳都有得食，仲要一入到去就見到，真係太開心喇!由於天氣比較熱，我要左唔辣既，我D fd叫左辣。我本身唔係特別中意食魚蛋，去到小食店通常都唔會食魚蛋。但呢間既魚蛋令我食過番尋味，原因係佢食落去軟硬適中，唔會硬到有種假既感覺，又唔會軟到令我覺得有D嘔心，所以覺得好好食 另外值得一提既係，魚蛋既皮，好香口。我D fd話辣魚蛋都好好食 中意食辣既朋友可以試試

天氣炎熱，行經復興行，眼見紅卜卜的搶眼山楂水，總要試一試，消消熱氣。山楂水用料足，山楂味濃，酸中帶甜，開胃好喝。老板另介紹大大粒魚蛋，體積較一般魚蛋大三四倍，以鯊魚肉製成，入口非常結實彈牙，配上搶口香辣汁，同屬推介之選！

一落船第一間見到既食品店就係依間冇留意到佢叫咩名，都係靠地圖搵番原來幫襯左佢佢有好多人圍住買，因為都幾大個ＡＲＥＡ女店主就負責食物，有大大粒魚蛋，其他串燒既平民小食友人太餓咩都唔理買左一串２粒，餓到即滅左佢我影唔切同食唔切！ＸＤ但佢就係咁話好彈好好味，我都相信係既見咁多人買。男店主就睇住獨家炮製既涼茶佢地有羅漢果茶、沙菜＋海燕窩（唔知咩黎＠＠應該買黎試下）紫貝天葵＋山楂，清熱解暑同去濕一流我對紫貝天葵情有獨鐘覺得佢比其他涼茶少有得買＄１２一支個男店主好忙碌，提我飲前要倒轉因為山楂沉底佢就拎住個樽倒轉好似鑽木取火咁轉轉轉示範我睇又問我係咪即刻飲，我話唔係之後佢就好體貼換左樽凍Ｄ既比我之後仲話＄１０就得，平左兩蚊雖然睇落好似好少事，但我感覺好深，好多細心親切既既表現就係睇Ｄ咁細節既位服務態度同食物同樣重要講番味道山楂味幾重，同埋都幾甜下但咁岩係咁熱既天氣佢既甜同酸既濃度就岩岩好好開胃