復興行

營業中

休息中

黎大澳大家都一落車必經復興行， 好難唔俾佢掛出黎既大墨魚吸引過去。但今日我地冇見到以往1隻隻掛出黎既大墨魚， 疫情令遊客減少左好多， 都好少人幫襯墨魚。其實係咪咁好食？ 個滷水墨魚其實唔係咁入味， 但醒在夠厚肉。 每碗60蚊， 2個人食， 其實都最少每人10舊以上既。 個墨魚身每1件都最少1cm 厚， 個墨魚偏冧身， 唔係話好彈牙既口感。墨魚必食就唔係既， 不過黎到大澳大家都會食， 好似去長洲食芒果糯米糍一樣。抵唔抵就見人見志。

滷水大墨魚 $60佢係一落左巴士行入大澳就會見到既小食店😛佢D墨魚真係超大型 經過幾乎個個都對佢有興趣 但係$60一碗令超多人卻步🤭🤭因為我男朋友超中意食 所以我地都買左一碗😈超好食 佢係完全唔會un 滷得超入味 墨魚肉本身好彈牙 而且連住好多軟骨位好好味😍佢D蘇就更加有咬口 口感超正 雖然真係有D龜丹溪我覺得都值得試下 同埋佢都算大碗既 兩個人食都好滿足🥰·特大爆趣魚旦 $8/粒 $14/2粒呢個都係同一間買既 聽到老闆話佢D與但全部都係用魚大 完全無落粉 好似好legit咁 我地就買左一粒黎食😌超級滿意 佢係真係超級彈牙 好有魚味 食落超級真材實料 我自己覺得佢仲好味過長州大魚蛋添🤤🤤·📍復興行(大澳永安街4D舖)

深知大澳美食多，所以今次週末半天遊留定肚，中午一點半出發抵達大澳先醫肚掃小食。由東涌站乘坐11號巴士去大澳，車程花了50分鐘。落車行到街口就見到復興行小食店，超大粒魚蛋和滷水墨魚相當吸引，朋友之前食過話大魚蛋味道普通，亦見在場不少食客都只係拎住碗滷水大墨魚，所以最終買左碗滷水大墨魚。滷水大墨魚 $60一份有十幾粒墨魚，墨魚粒切得厚身大大粒好有嚼口，口感彈牙非常新鮮，墨魚滷得較淡反而食到鮮味來，細細碗有啲貴但又幾好食，地道野值得一食。

黎到大澳一定要食必食三寶小食:大魚蛋,滷味墨魚,山水豆腐花😋見到復興行呢度有大大粒魚蛋(1串兩粒$12),呢粒魚蛋真係好有驚喜,完全唔同我地市區食開嘅魚蛋,一口咬落去,已經唔可以用彈黎形容,而係用脆彈感黎形容,真係有少少似周星馳電影裡面黎牛丸甘嘅漲爆感,差在無餡係裡面😋😋真係睇距唔出甘好食,所以我地即刻買多串黎食,真心推薦！！！同埋由於我地係臨走戈時買,戈時有特價時段10蚊兩粒,我覺得呢度嘅魚蛋係真心可以黎一試👍😋

我哋買嘢食嗰陣時候，有個負責人行埋，佢一野鶴我哋！問：「你哋做咩呀！話乜啊靚仔！」但我哋當時係完全冇玩過，我哋就喺度影相！佢今本佢嘅服務態度係唔得！我喺度衷心希望佢會改！

大魚旦係大澳嘅名物 ，所以一落船就即刻嚟呢間好近碼頭嘅食店試吓。我嗌左一粒大魚旦加特大墨魚丸(共HK$16)，魚蛋好爽口彈牙，汁都好入味，特大墨魚丸第一次試，好有驚喜，每一啖都食到墨魚，好有嚼勁都幾足料👍🏻

呢間鋪頭好近巴士站，主打大魚蛋、大墨丸同大墨魚，見佢哋賣相唔錯，又排晒長龍咁，所以就每樣買咗一份黎試。首先，雖然大魚蛋嗰層皮同埋啲魚肉有少少分離，但係啲魚肉勝在夠爽口彈牙。大墨魚丸就真係非常好食啦，每咬一啖都食到佢啲墨魚，又香又彈牙，個人認為比起大魚蛋更加好食。最後佢嘅大墨魚真係大過人頭，一樣好好食好鮮甜，同佢用嚟煮墨魚嘅豉油好夾。如果鍾意辣嘅話仲可以加辣椒油，非常惹味。因為實在太好食啦，所以喺走之前，我哋都有再買多一碗嚟食。大家如果黎大澳，記得一定要試佢嘅招牌啊。

一嚟到大澳落咗車行入永安街，就見到復興號既招牌大墨魚，當然要買番一碗坐喺度食。入到嚟鋪頭，見到牆上面貼哂有咩食物，有圖有價錢，方便遊客落單。大大碗墨魚，份量唔算少，正如佢個牌咁寫，真係鮮味無比，加上本身d肉夠厚身，所以咬落去好爽，不過略嫌唔太入味，如果浸耐d就更惹味。

係大澳車站一落車就見到好多人排隊買野食，我當然都唔執輸排埋一份啦！我同朋友叫左大墨魚丸同花膠。佢既大墨魚丸比我想像中好味好多，好彈牙同新鮮，真係有墨丸味，唔會好似出邊既墨魚丸咁多粉，真心值得一試！ 至於佢個花膠我就覺得麻麻，不過先hkd40，都唔會expect太多。佢既花膠比較粗糙同薄，味道口感都一般。買完野可以去餐廳入面坐底食，涼下冷氣休息下再行。餐廳入面裝修好有漁村風味，擺左好多海味花膠同埋蝦膏，可以買黎做手信俾朋友！

聽聞比長洲大魚蛋好味（試過長洲的中曬伏）、又試下睇睇係咪真的。叫左大魚蛋/墨魚丸各一粒、個阿姐一野丟落豉油度彈到我兩條大脾都有豉油！我話吾係下、如果我著白褲咪多謝曬！個阿姐懶理扮聽吾到、不過隔離最右個男人話佢彈到人仲吾拎紙巾比人！講左兩次個阿姐先拎張紙巾比我。一樣還一樣、講番食物。大魚蛋係就係比長洲好D彈牙D、不過魚味吾算豐富，墨魚丸墨魚味吾重、兩粒丸吾算伏但又吾係出色到必食咁囉。本來想試埋大墨魚已經比d豉油搞到無mood再幫趁。

We ordered very big fish ball, they were in golden colour, full of curry taste. Size 4 times normal fish ball, texture was softer. Nice decoration with food.

第一次同佢去大澳，一落車食左知地道豆腐花之後就見到大把長龍，原來係大澳超大墨魚🦑（$50）一碗，以為好少份量，但兩個人食都覺得飽隻墨魚好厚身幾鮮味，除左夠姐講野比較兇狠之外，野食都幾好去大澳大家可以試試

遊走大澳,坐了觀光船,出海走一轉後, 見到這家復興行大澳唯一的滷水大墨魚,就忍不住試試。唔好睇佢50蚊咁細碗, 都有廿小塊,墨魚係唔可以食得太多, 會有好高嘅膽固醇,所以少吃多滋味。味道方面我覺得，這次滷水浸的時間不夠, 單從外表下墨魚根本不上色,還是雪白的多。墨魚新鮮可口, 少一點牙力的老人家不適宜。如果他的滷水浸時間更長,味道會更好。所以,不可以因為賺錢而降低食物嘅質素,下次會再看清楚墨魚的顏色,再考慮試試。

今日同屋企人一家大細去左大澳一日遊，一落車行入去就見到呢間復興行。我俾呢到既大大隻墨魚吸引左，加上長長嘅一條排隊龍，吸引左我排隊去試一試。排咗大約都有15分鐘左右，終於到我啦，雖然＄50一碗仔確實係幾貴下，不過一場黎到，梗係要試一試地道野啦。滷水大墨魚，滷水味非常重，非常入味，墨魚爽口超彈牙。真係後悔只係買一碗咁少，食咗兩、三件就食哂了。呢度除咗有滷水大墨魚之外，仲有大大粒魚蛋同埋大大粒墨魚丸，下次真係可以再試吓佢。

大澳行尾聲，去到新巴士站附近，媽咪想食豆腐花，所以入咗呢間食店，村屋地下，地方幾大，門外放咗啲熟食車仔檔，有魚蛋之類熱嘅小食，店內座位多，大家任意坐，地方唔算乾淨，桌面有點黏手，媽咪食豆腐花，小朋友飲沙冰，落單後耐心等待，食物陸續到！火龍果沙冰（$28）膠杯賣相平實，滿滿一杯，火龍果籽打爛晒，有粒粒口感！沙冰唔會太甜！好味！益力多沙冰（$24）兩個姨甥飲，試咗一啖，乳酸味強烈，酸味味好開胃！菠蘿沙冰（$26）粉黃色好靚，試咗一啖，有絲絲菠蘿肉，微甜清爽！好味凍豆腐花（$15）呢個用中式瓦碗裝好有懷舊味道！不過味道唔好，豆腐花唔滑，已經有啲韌皮咁嘅質感，味道微酸，加黑糖都蓋唔住！埋單後忍不住同店員講豆腐花嘅狀況，佢話會跟一跟！店員爽手唔多說話！估不到沙冰好過豆腐花