後宮 (已結業)

尖沙咀赫德道一帶酒吧林立，當夜色低垂時就愈變得精彩，今天過來特意來一間新開的火鍋店體會後宮三千的感覺拾級而下就來到後宮所在，用餐空間分為包廂和4人檯，大約容納超過60人，而且這裏更有3個卡拉OK區域，2部在包廂，1部在大廳，可以一邊吃火鍋一邊唱K所謂後宮三千其實指的是火鍋鍋底、配料和飲品都多得令人琳琅滿目，燕瘦環肥皆何任意挑選，定價是中價水平，有彈性可以雙拼不同配料，人多人少都有選擇海南椰子文昌雞鍋 $288點單後很快就端上滾燙的鍋底，真材寶料地將原個海南椰子和完整的文昌雞盡展於眼前，店員先將雞件下鍋，再將椰子水倒入鍋內，清香旋即撲鼻而來用可愛的太空人計時器倒數13分鐘就開蓋，文昌雞味道濃郁，肉香而毫不油膩，舀上一口熱湯佐著吃令人神魂顛倒五花趾 $138五花趾是後腿大腿內側的兩小條牛腿肌腱，相當稀少，在鍋內輕焯8秒就可以吃，筋肉分明，口感脆嫩，充滿嚼勁珊瑚蚌 $128入口是爽口彈牙帶有鮮味，吸收了鍋底精華，最愛它不含膽固醇和脂肪，吃多點也不擔心健康鮮牛肉丸 $98餐廳招牌出品之一，新鮮手打牛肉包丸，可以選8種內餡，包括有黑松露、蟹籽、芝士、鵝肝、鹹蛋黃、梅菜、黑蒜和麻辣，選了芝士鹹香十

🍴秘製蘿蔔牛雜窩 238 蚊好足料既牛雜窩 牛雜勁多 有牛肚 肺 豬 胃 金錢肚等等 全部勁入味🐂 加 d大葱芹菜調味食完再打邊爐正🍴牛胸爽98 蚊🐂爽口彈牙既牛胸爽 淥幾秒就食得 🍴韭菜餃68 蚊🥟九菜餃大大隻 皮厚度夠 韭菜好新鮮 🍴五花趾138 蚊🐂彈牙既五花趾 口感爽同牛味濃🍴湖南臭豆腐 68 蚊🌶️臭豆腐個臭香味似大陸嗰 d .帶 d咸辣香 個豆腐入味好軟熟 配菜正 有辣椒 炸菜 好夠酸辣開胃🍴稻庭烏冬 28蚊🍜爽口彈牙既烏冬 🍴東和麵 16 蚊仲有好似公仔麵好有口感既東和麵 配埋牛雜鍋好入味#打邊爐 #酒吧 #牛肉 #牛胸爽 #臭豆腐 #韭菜餃Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#後宮尖沙咀赫德道4 號 the hart地庫~~~~~~~~~~~~

行落地庫下面別有一片天地喺呢度大大聲 大聲啲都冇問題 一路打邊爐，一路暢飲 仲可以拎住支咪大大聲唱K有幾間房可以book 音響 相關配套都唔錯 秘製沙爹湯底 加料 鮮蝦丸 海蝦 稻庭烏冬 出前一丁 茼蒿乾辣椒 魚露蒜蓉花生粒 材料豐富 仲有幾塊豬皮喺度浮吓浮吓爽口豬皮朔晒沙嗲湯精華 建議早少少食 如果最後先食就會有啲鹹麻辣陳皮魚蛋 $48真心價錢係有點貴 不過好食惹味可能貴在個麻辣汁 好香好正特級封門柳 $168Hanger Steak肉質鬆軟嫩滑 封門柳是成隻牛，肉味最濃😌一部分封門柳如此巴閉💢💢，只因全隻牛只有一條，緊貼着橫膈膜，此肉與內臟較接近脂肪不多但肉味濃😍 必食 打邊爐放進熱湯內只要快滾6至8秒便可 入口滑溜香甜

近日又凍凍地，同朋友傾開去邊打邊爐好，佢就介紹尖沙咀呢間後宮，因為除左打邊爐外，仲有得唱K, 睇波，好多野玩，所以就黎試下。黎到真係好另一番境象，可能因為咁新，個場好靚，真係有K 唱。 不過我地今次就冇唱K, 食下野先。 估唔到佢地都有好多湯底，有特色既湯底真係好似個鍋咁，一黎就有好多野食，因為想食多啲肉片，所以都係叫返我地最愛既芫荽皮蛋湯底先。 不得不讚，佢芫荽都真係好多好香，而且湯仲好白，好似魚湯咁，好入味，皮蛋都特別多。 我地叫左封門牛柳，黑毛豬，紐西蘭羊肉，白膳片，冇諗到份量都幾多，因為平時出面既都係得幾塊，佢多人成倍仲要咁大塊，真係好難得。 店員話淥20秒左右就食得，但我地發現就算淥耐左都唔會好縮或者變硬，即係証明佢地既肉有幾新鮮。 今晚大家都食得好開心好飽，下次一定要叫大班friend 黎一邊唱k, 一邊打過邊爐。

呢間餐廳好特別，融合咗港式火鍋同埋唱K文化可以一邊打邊爐一邊唱歌～好新穎嘅idea！雖然喺地牢，但係唔驚上唔到網，connect Free WiFi嘅時候發現原來後宮係養心殿飲食集團全新品牌，唔怪之得有養心殿嘅美人鍋。除此之外仲有其他港式火鍋、粵式及川式火鍋等等，任君選擇。講番食物方面，我哋叫左【海南椰子文昌鷄窩】整整一隻雞～大力推薦～啲雞肉質好嫩好好食～而且湯底非常鮮甜，真係原隻椰子水咁倒落去做湯底～如果滾完啲雞肉，有油嘅話仲可以問店員攞個隔油嘅西，咁就可以飲番啖清湯先打邊爐～同埋，落左雞之後店員會主動幫你計時唔使擔心！時間都岩岩好～牛肉方面，因為2個人食1隻雞都好飽，淨係叫左一盤【本地牛頸背】試下，肉質鮮嫩，牛味都幾重，一盤2個人食完全夠曬～【珊瑚蚌】係新鮮嘅～口感幾好，爽脆鮮甜！唔係度度有得食到～【西洋菜苗】都好鮮甜，食落索左啲湯，唔使點鼓油都得～配料都好多選擇，應有盡有。同埋壺茶都幾好飲，所以無特別叫飲品。

位於尖沙咀 赫德道4號The Hart地庫嘅 *後宮*，酒吧餐廳嘅裝潢，但其實係一間火鍋食店，坐位舒適，每個各落都設有大電視，真係好岩一大班朋友約埋一邊食嘢，一邊睇⚽️，唱K🎤。鍋底都有好多選擇，養生鍋最為吸引🤩，今晚我選擇左鴛鴦鍋，秘製沙嘜鍋同松花皮蛋芫茜：- 松花皮蛋芫茜鍋：皮蛋黃係流心，入口黏滑，芫茜份量好多，一個可以清熱嘅鍋底- 秘製沙嘜鍋，味道好濃厚，入邊仲有好多豬皮，吸收晒湯汁，入口軟淑入味。先點一款小食填下肚，爽滑新鮮鯇魚皮，魚皮非常爽脆，調味汁醬亦恰到好處，夾埋薑絲蔥花、花生豆一併入口，又香又脆，非常開胃嘅前菜，- 美國prime牛小排$288，份量都好多，油花分布均勻，入口軟嫩甘香；- 脆鯇魚腩，肉質肥美爽彈；- 鮮墨魚丸（另加黑松露），松露味道唔算好突出，因墨魚味太鮮，而且中間仲有墨魚粒，真材實料👍🏻- 鮮牛肉丸，外皮薄薄，中間個牛肉餡鮮美厚實，呢個反而好有驚喜。最後order左椰青，一邊食，一邊飲椰青水，既清熱又解渴👍🏻

可以一路打邊爐一路唱K既火鍋店😳❤️‍🔥湯底選擇好多，麻辣都有分台式同川式！另外我地都揀左胡椒豬骨窩🍲估唔到入面仲有骨髓可以食🙈而加真係好少見（不過要早D拎起食，如果唔係就熬湯溜走晒啦）牛肉選擇唔算好多，不過價錢合理質素都唔錯！幾抵食，另外我好鍾意佢既豬肋肉🙈好少可打邊爐咁鍾意食豬～非常推薦👍🏻👍🏻除左唔同既餃類，佢既金沙響鈴都係必試☺️ 響鈴即炸就當然啦，上面再淋上鹹蛋黃醬，比起一般響鈴好味好多😳同朋友食完火鍋就繼續係餐廳唱K🎤🎶呢到開到凌晨六點🙈可以慢慢玩～另外仲有兩間包廂可以預訂，一大班朋友去玩都好岩🫶🏻

【後宮】這個名字令人聯想起皇帝的後宮三千佳麗，老闆改這樣的名，是否想自己有三千佳麗呢？真是想得美。😂😂我的理解是：自己有一個完美的後宮，用來享受生活，最重要是享受美食，天天有美食相伴，真是人生一大賞心樂事，今日就達成我的理想，在【後宮】裡享受最美味的火鍋。後宮位於尖沙咀赫德街4號地庫，就在酒店旁邊，行落樓梯，別有一番景象，餐廳不算很大，但有幾個大房間，可以一邊唱k一邊享受美味的火鍋，🎤🎶🎵真是很受用。我們今天不唱歌只歎美食。為了在自己的後宮裡享受喜愛的美食，我就一早做定功課，上開飯網搜集資料，看看有甚麼火鍋食材，如何組合是健康又美味的。原來我想多了，店員姐姐給我們很好的提意，完全符合我們的需要，以下就是今日的超正美食組合。海南椰子文昌雞窩＄288一大煲椰子湯底裡面，有椰子肉，紅棗，馬蹄，杞子等材料，再加一個新鮮的椰青，將鮮甜清香的椰青水倒進湯裡，再把一碟新鮮文昌雞放入同煮，滾10幾分鐘就可以開餐。😋😋清香甘甜的椰青令整個湯底生色不少，新鮮文昌雞在椰子湯底裡發揮出極品味道。第一次用椰青湯吃火鍋，真是驚為天人，我們一開始就飲湯，文昌雞🐔椰青湯真是太鮮美了，飲完久久回甘，欲罷不能。👍👍👍👍👍

呢間店新開冇幾耐,裝修係潮+型,仲有K房可以唱歌添。叫左個元西皮蛋湯,清清地冇咁熱氣,另外叫左隻雞,好新鮮,侍應幫我地放進去,自製左個雞湯底。雞肉嫩滑,火鍋料我叫左手切牛,味道獨特、口感唔錯,西洋菜洗得好乾淨,清爽、甜!手功丸都好正,賣相仲好好睇添,有d花做點綴。另外叫左一款小食,係wasabi味既水魷魚,wasabi味唔選好重,咁樣既配搭好夾。我地冇叫飲品,因為果壺茶好好飲,個茶壺仲好有feel添。

今晚我和朋友去尖沙咀行街, 行完後有點肚餓. 朋友又說想吃火鍋, 於是便去了這餐廳.吃火鍋, 最重要的還是湯底.我們選了 秘製沙爹鍋 + 番茄魚湯薯仔鍋 ($98):沙爹湯底真的好香好吸引, 好惹味. 沙爹湯一向就同食火鍋係最夾既, 入面仲有很多花生粒, 幾香口.而番茄魚湯薯仔鍋就非常健康, 個湯飲落非常清甜, 幾好飲.鮮蝦丸(入面有芝士, 鹹蛋黃) , $118, 鮮墨魚丸 $98:蝦丸非常彈牙, 幾好食, 蝦味好鮮味.而且加入了芝士, 鹹蛋黃作餡料, 味道更有層次, 口感更豐富, 不錯. 鮮墨魚丸都非常彈牙, 口感好好, 幾好食今晚火鍋的主角: 美國prime牛小排 ($288):牛的肉質非常好, 很鮮嫩, 真的好正, 能吃到是很高質的牛, 重牛味, 不錯.美國特級梅花豬 ($118):梅花豬幾香滑, 挺不錯, 好吃, 肉質不會韌.娃娃菜 ($58): 娃娃菜好鮮甜, 幾好吃, 把娃娃菜放在番茄魚薯仔湯那邊, 味道更加夾, 更鮮甜好吃.

朋友同我黎呢個秘竇，食近期好hit嘅牛雜窩+火鍋，唔係講笑，個秘製蘿蔔牛雜窩真係份量足又好食。尤其是牛肺好爽、牛膀牛肚好入味、蘿蔔無渣仲好甜好淋。未食過咁正嘅魚皮，新鮮鯇魚皮真係好爽滑，夾埋薑蔥食好夾。一般海鮮例如珊瑚蚌、海蝦呢度都有，我地仲叫左皇帝苗，個牛雜湯底滲哂入菜入面，好正。有個特別嘅香茜鮮蝦餃，食落似平時飲茶嘅蝦餃，但個皮煙韌好多，都係好好味。白酒紅酒啤酒、自家製豆漿、可樂好多選擇，有得唱K，有vip房，基本上今晚食嘅野全部都好食。個場都幾岩一大班朋友黎。

我講緊既佳麗係打邊爐D配料姐，你話如果一枱都係雞子三千！！肥牛三千！！鵝腸三千！！鴨血三千！！你都咪話唔過癮，打住邊爐緊係心火盛，咁就要啤啤佢啦，如果唔係點會有鬼佬涼茶既美譽呀！👇🏻📌招 牌 推 介 - ▪️ 海 南 椰 子 文 昌 雞 鍋 - $288▫️ 佢地湯底有好多選擇，我就揀左個招牌「海南椰子文昌雞鍋」，staff先將文昌雞放哂落湯底先，再倒哂成個原隻新鮮椰青水煲滾佢，一開蓋果種清甜鮮味好突出，建議先飲啖湯先，入口個椰香清甜到不得了，文昌雞食落肉質亦唔鞋口，相當嫩滑，呢個湯底絕對係大熱！▪️ 火 鍋 配 料 - ▫️「特級封門柳」雪花分佈均勻，只係需要灼6秒，牛肉入口即化，肉質嫩滑，濃濃牛香味係口腔揮之不去，好食。▫️「美國Prime牛小排」入口油香味突出，食落好有咬口，牛味又係極濃，肉裡面相當Juicy，就算嗌多碟都唔會食到膩！▫️「台山蠔」肥美又大隻，色澤睇落乳白色，食落味道鮮甜又無渣，極富有彈性。▫️「珊瑚蚌」新鮮爽口，絕對係打邊爐恩物！▫️「蟶子皇」夠哂大隻，口感極富彈性，鮮味十足。▫️「麻辣鴨掌」呢個唔洗烚都可以食得，鴨掌吸收哂辣汁既精華，食落膠原豐富，夠哂滑溜。▫️「花甲王」一碟份量

新年前氣溫跌得咁勁，最適合去打邊爐。就朋友就去咗尖沙咀的後宮，係服務態度幾好的餐廳。所以，每位會收茶價$20 再10% ～ 就有一壼茶☕️ 所以我哋都冇另外嗌嘢飲野食方面，我地叫左啲特色野食下。1）牛胸爽2）滑蛋花吊龍。服務員上菜的時候有提醒我們，大概放落滾水8-10秒新可以食得，入口好冧身，但又唔會好油膩。以前會以為係和牛嗰啲先至會入口即溶，但係呢一隻吊龍都有咁嘅口感，但就冇咁油，感覺健康啲椰青🥥 本身諗住將兩個椰青倒落去做湯底，但餐廳上菜嘅時候已經打開晒蓋，刷牙飲管。於是我哋就於心不忍，就當佢飲品。都真係幾清甜。滋補養生窩裡面有啲中藥藥材，口感唔會太濃烈最後我哋叫咗兩個東和麵🍜 感覺似公仔麵一樣～ 可以碌到幾彈牙。🥟韭菜餃（6隻） 餡料唔錯。黑豚腩片：切得幾薄、碌一碌幾快熟。餐廳有難得有的冰菜～ 好彩店員提一提醒，先知道原來唔可以淥咁耐，嚴先爽口。

今日黎到尖沙咀「後宮」打邊爐，最最最大特別係呢到竟然有得一路打邊爐一路唱K約一大班朋友過黎聚會就勁fit!K歌設備完全唔差，唔講都唔知呢到係餐廳，似足K房啲setting有晒梳化大電視手機落單勁方便，唔洗麻煩職員又唔洗等黎等去我地叫左椰子雞煲，真係原個椰子水落去，全程由店員包辦，坐定定玩住等食就得椰子雞勁香濃，雞肉嫩滑煮左好耐都唔老，湯底清甜我地係咁裝黎飲羊肉片，勁高質，勝在夠騷，中意羊肉味既人必叫，食到停唔到口黑毛豬肋條，好香肉味肥瘦適中食落好彈牙軟身，大大件食落好滿足厚切魚腩片，唔算好多骨，好爽口自家製牛肉餃子，好大粒入面放滿晒肉，一啲都無偷工減料，啖啖肉好好食呢到最正係可以唱住K打邊爐，應該係香港唯一，一次滿足兩個願意，場地環境亦唔差，中意既話仲有酒飲，真係一流！

今日去咗一間隱世火鍋店，裝修好特別，有包廂，可以唱卡拉OK，聽住歌食中式晚飯，幾特別，好relax，好適合一大班人聚會，或者慶祝節日。今日食鴛鴦火鍋，湯底揀咗皮蛋芫荽同埋秘製沙嗲湯。開了揀咗「特級封門牛柳片」、「美國特級梅花豬肉片」、「三黃雞」半隻、「美國桶蠔」一份、「鮮蝦雲吞」一份、「唐生菜」一份。上菜前，夥計會拎一個醬料過嚟，放喺你枱面, 係你自己選擇醬料，混入碟中。配料有：芫荽、蔥、炸蒜頭粒、生蒜蓉粒、辣椒、辣椒醬。兩款湯底都好濃味，好足料，皮蛋芫荽湯底入邊有好多芫荽、皮蛋；沙嗲湯入邊好多花生粒、仲有豬皮。配料方面，封門牛柳切得好薄片，喺湯入面幾秒就熟，好重牛味，好新鮮，好香滑，琳琳地。梅花豬都係一樣，好香滑，琳琳地。三黃雞半隻已經好大碟，份量十足，好新鮮，喺湯入面煮耐左，雞脾同雞肉都依然好香滑。美國蠔又係好大碟，好抵食，好新鮮，咬落去充滿鮮味，十分推介。鮮蝦雲吞，調味淡淡，入邊蝦肉好大、好新鮮，用料上乘，皮薄餡靚，好好味。整體，食物好豐富，食材好多選擇，仲有好多食物想試，下次要再嚟幫襯。