彭慶記

營業中

休息中

9 November 2006 (Thur) - 晚飯去到已經係差不多九點既事，所以完全唔需要排隊，我同姐姐叫咗個士多啤梨生炒骨，同一個金銀蛋硯菜，再加兩碗白飯及例湯，食物真既好唔錯，雖然其實只係好普通既菜式，值得一讚既係佢哋既態度極好及’忻’勤，令人覺得好舒服，不過舖子就細啲～～希望下次去叫多啲人，我好想試下佢其他既餸～

the place is not very big so don't expect to get a private area where you and your freinds can have some descret talks but in general, nice decent decor.the food are all food, great friendly service. definitely worth going if you are looking for a hearty chinese meal.

跑馬地的彭慶記,曾經都去得幾密.一年點都去三數次,以一間酒家晚飯有呢個頻率,對小弟而言已經算密.闊別整年,之前聽聞水準有點下跌,不過身處老銅,吃得經濟的中菜,又要環境不錯,諗來諗去,都係彭慶記,月前與兩名靚女朋友路過跑馬地,諗都唔諗,再一次光顧.再一次見到彭老闆親力親為,在門口招呼客人.來過數遍,基本上唔使睇餐牌,三個人,點回之前幾味吃過的,包無失拖.蒜香雞依然保持水準,蒜味夠濃,雞皮就略淋,肉質嫩滑.炒鮮奶,岩晒懶係要吃得清淡的靚女朋友們.士多啤梨生炒骨,興趣並不大,無點去碰,兩位靚女,吃得津津有味.還好,你有你地吃生炒骨,我有我吃煎藕餅,藕餅煎得很香脆,內餡豬肉同蓮藕比例四六之爭.點上Worchester saurce真係無得頂.加多煲者者通菜,三個人吃到捧腹.在此請客做老細,點都唔會肉赤.平均每人一百左右.除非你地係都要吃些山珍海味.在泉章居逼爆燈之下,彭慶記顯得有點冷眼旁觀,躲埋一角孤芳自賞的世外高人.今時今日,在老銅四個人吃中菜,要四舊水埋單的話.彭慶記依然係首選.不過,應該會越黎越少機會去光顧..時間,quota有限,市面尚有好多菜館,我係想試的.

食咗好多次, 突然發覺未寫過依家餐廳既食評, 現在補上一遍吧.士多啤梨生炒骨: 每次必叫的餸菜, 肉多數是半肥痩的肉, 炒得夠鑊氣, 汁亦上得平均. 甜酸程度亦剛好.話梅猪手煲: 材料全是猪手, 炆得好淋好膠, 加上話梅的酸甜味, 就算吃多兩件亦不覺膩.嘟嘟通菜煲: 蝦醬味聞落好香, 但味道不夠咸香. 都係馬姐通菜好吃.埋單二百餘元, 在跑馬地來說已是大眾化了, 食物水準亦高, 起馬好過銖記.

同預科同學食既生日飯又係一早ｂｋ左位，所以唔駛等一行４人，叫左５個送士多啤梨骨，蒜香雞，炒鮮奶，煎藕餅同埋碧玉蘭花唔駛講～全部都好味～不過炒鮮奶食小小就已經好”流”同埋碧玉蘭花ｄ炸冬菇唔好味囉最重要係係我食完覺得極度口渴，應該落左好多味精，去食要有心理準備不過仍然會搵次試埋糯米蒸蟹同埋焗雞蛋魚腸

我一直都好想試吓呢間食肆, 今天終於有機會試到. 叫咗蟹粉西蘭花, 士多啤梨骨, 仲有例湯. 雖然係例湯, 但係都好唔錯, 好濃郁. 有住家feel喎. 士多啤梨骨真係唔錯, 當然夠脆啦! 每舊排骨都有幽幽的士多啤梨味, 又唔會太濃, 比一般生炒骨更好. d士多啤梨唔知點煮, 熟咗都可以唔酸, 幾得!但蟹粉西蘭花就唔係好得, 唔係好覺有蟹粉/蟹肉, 茨汁好杰, 西蘭花連一般的水平都冇, 可能我鍾意蒜蓉卦....總括都幾好, 但下次一定試吓蒜香雞, 啫啫通菜, 聖子,同蠔....

和其中一位食客一樣的待遇,完全是被趕,簡直是身同感受.

或可能鋪頭太細, 或可能係星期六晚黃金時間, 又或可能多人等位, 但冇理由七個健康正常冇厭食冇瘦身既成年人食一餐六餸既晚飯, 可以短短二十分鐘內完成, 上菜之快, 收碟之速, 還有一連串溫馨親切的提示(如: '仲有冇野要嗌呀?', 'd野上齊未?', '使唔使嗌d甜品', 'd碗碟唔要架呵?' 同埋'你地係咪想埋單呀?'), 感覺如同去阿活或阿樂快餐店速食一個兩餸碟頭飯一樣, 食完就閃. 我未試過九點都未夠就要搵下一個地方落腳既.其實我地唔係快閃黨, 而呢間飯店既食物質素唔曳, 但都唔好因為想做多單生意而咁趕客走啦. 其實你如實話俾我地知, 出面有人等緊, 客氣咁講聲唔好意思, 抑或落d甜頭, 又或俾個折頭俾d客, 咁d客人埋單離開都走得順氣d之如, 佢地又會再來幫襯嘛.跑馬地都有好多地方食飯, 唔係你一間鋪頭做晒既~ 可能我唔係醫神嫂啦, 冇計.

我食左士多啤利骨,焗魚腸,同埋叫左個菜..味道和價錢都是一般啦...HK$270 for 2 person

2005年10月7日x2可在12月順利畢業，在此請supervisors吃謝師宴。今晚好旺，全場爆滿。相熟的sales person 介紹一枝好酒今晚飲，她介紹了這枝智利紅酒CLP Clos Apalta 2000，開瓶後20分鐘喝還是一點也不好飲，不免對這酒質生疑，但過了45分鐘後覺得這酒好易入口，一點也不酸不澀不苦，小頭不懂酒也不會形容但都覺得好好飲，果然沒有信錯人。有美酒也要有佳餚配合﹕螺頭燉水鴨湯(例$180) —鮮甜好飲，足料，雖說是四人份，但六人用也每人一足碗。金牌蒜香雞(一隻$180) —依然皮脆肉嫩味美。鮮蝦炸蟹拑(1隻$40，兩隻起) —好好食，熱辣辣炸起但不會很油膩，蝦肉實淨彈牙。火腿汁扣鵝掌($98) —火腿汁惹味，鵝掌炆得夠腍又入味。順德大良炒鮮奶($78) —依然香滑，x2說覺得比上次更好吃。士多啤梨生炒骨($58) —雖然水準都高，但因為其他菜式太精彩，相比下不算特出。蝦醬通菜煲($48) —砂鍋炒熱上，香噴噴熱辣辣又聲，色香味聲俱全，上次略鹹，和阿姐提一提果然無問題味道剛好。話時話，阿姐好醒目好爽手，又無hard sell貴價菜。美中不足是上菜太快，一會兒

如果有朋友問老銅邊度食中菜好,我一定會叫佢搭丁丁去跑馬地奕蔭街的"彭慶記".價錢唔貴,豐儉由人,老細彭生唔會因為你唔叫山珍海味而黑面.一樣笑面迎人.已經去過好幾次,有幾味真係值得講下:炒鮮奶,每次黎一定會叫,炒得好滑.面頭點石成金的松子,倍添口感.蒜香雞,皮脆肉嫩煎藕餅,唔係好似出面果d無heart的食店,豬肉多過蓮藕.點埋Worchester saurce.絕配.碧玉蘭花,冬菇釀上魚肉,好香口.仲有其他如士多啤梨骨,炸蝦餅,缽仔魚腸等,又係值得一試.四個人飯局大約$400,開瓶費$50支.最好訂定位.

2005年9月30 日本想去住家菜，但勁爆，改來這裡。六時半來到人不多，到七時半走時也未坐滿，沒有以前那麼旺場了。蒜香雞半隻- 超速上檯，真係似預先煮好，但仍保持水準，皮脆肉滑，不過細隻。蝦醬生菜煲- 因為通菜已經不合時令，所以改用生菜。砂鍋上熱辣辣，但生菜較易出水，故賣柤略遜，味道也嫌鹹了些。枝竹炆斑腩- 幾多斑腩，斑腩幾嫩不腥但我嫌骨多，食得麻煩。味道都幾好，如果獻汁稀些更好。一般飯店會用火腩炆斑腩，這裡用燒，都幾特別。下星期會請朋友來吃飯，希望到時師傅不要失手，保持水準呀，最怕請人食飯但餐飯難吃- 不好意思嘛。預先和老細彭生商量請當日不要限時要我們交檯，也得到他慷慨通融。在此謝謝。埋單三百多。

今晚小頭，x2(老公喜歡自稱x2)約了朋友為食和大胃王一齊來吃，人多可以吃多幾味嘛。橫風橫雨中都在六時半前到達，時間尚早人客不多，老闆彭生親自在門口迎接客人，當然熟客會好招呼些。點了蒜香雞一隻($180), 士多啤梨生炒骨($58)，大良炒鮮奶，蝦醬通菜和白飯一碗。為食最欣賞蒜香雞和士多啤梨生炒骨，而大胃王則讚蝦醬通菜好香(煲仔上，香噴噴，熱辣辣)好味，雖然西灣河的太興燒味都有類似菜式，但論色香味這裡就勝人一籌。小頭本人覺得炒鮮奶好香滑，帶子粒新鮮美味;生炒骨酸甜醒胃，粉槳不厚但香脆。原來為食和大胃王初初聽到點炒鮮奶時心中暗叫不妙，因為在澳門順德公吃過好滯的炒鮮奶，但這次食的令他們完全改觀。x2總結- 高質素的中菜，雞好味，在食過的食店中可算數一數二。上菜快速，七時十五分已經食完，收埋碗筷，不過老闆和伙計都沒有催我們埋單交檯。平均每人$110，美味抵食的一餐快餐。

其中糯米蒸蟹的糯米只有蒜香, 冇蟹味, 蟹細, 其中一件還有"押"味!

十點幾先去食晚飯所以見唔到萬人空巷的情景。叫了蝦醬通菜（好香！），士多啤梨生炒骨（果然名不虛傳），鮮冬菇紅燒豆腐（好食但好像不是布包豆腐），最後個粉絲蝦煲就比較失敗啦！好大喜功，用大蝦，必定雪藏啦！部份蝦重系霉霉地！但to be fair，粉絲就好好味。但舊幾水食粉絲，最真系肉痛！埋單$317，不平不貴。