彩龍茶樓

營業中

休息中

即興的一句「不如飲早茶」，朋友仔仲以為踢對拖落街，實情是「上川龍喎」隨即出發！！！由街市街附近坐綠色小巴上山，三、四個字就到，快到呢！到埗時為九點幾，未算人多！騰上騰落最終揀了外出的有瓦遮頭的露天位，陣陣微風，出奇地唔熱。朋友仔俾我話晒事食乜，入番去拎點心位，有個阿哥突然對住我講，「阿妹，新鮮熱辣剛剛切好，要唔要番碟呀？」一朝早就食燒腩肉？我望住碟腩肉，好似對住我講「拎我返去啦，拎我返去啦」，咁就中招，第一轉拎了蝦餃、炸物三寶同埋燒腩肉。蝦餃：細size，一口一粒，皮薄蝦肉爽口，唔覺有肥豬肉粒，但唔多明點解只係得蝦餃用鐵籠，究竟是以之分辨價錢，還是另有烹調上的秘技？炸物三寶：自拼鹹水角、春卷同炸雲吞各一，三件炸物都凍咗，但鹹水角個皮仲脆脆地，夠煙韌，只嫌內裏有點肥肉，之不過枱枱都有有拎呢款點心囉！其餘兩件炸物都仲脆，尤其喜歡春卷，皆因是小妹喜愛的芋絲餡。燒腩肉：真係熱架，皮脆肉鬆化，只夾住兩層薄薄的肥肉，少少肥，唔肥膩，當初朋友仔見我拎碟燒腩肉做早茶點心，都O了嘴，好在佢都覺得好食，不過，少食多滋味，要留肚食其他點心，最後要打包。第N轉：大包：見其他枱都有拎，唔拎似乎會後悔，掰開個包之

今朝同左女友上來川龍飲早茶,上到來o既時間已經9點幾,所以冇乜人,但都仲有野食,呢度o既其中一樣出名o既係山水沖茶,今日一試,的而且確係多左分清新,但唔代表佢d茶好飲,因為佢d茶葉好似酸酸地.......呢度係要自己出去攞野食o既,我就攞左燒賣,大飽,鳳爪,排骨,鮮竹卷,馬拉糕......總共9籠野,老實講質素同賣相佢一定唔得,但佢真係實而不華果d,每籠o既分量都唔少,而且兩個人都只係食左$92,係$92,己經連左茶錢,你仲可以講咩!!

一早開完call, 男友仔黎車我去飲茶. 去到岩岩有張枱, 坐低後男友仔去沖茶....因為自己沖既關係, d茶都香濃d!先去睇睇有咩點心食..全部都熱辣辣, 但我地只有兩個人, 所以唔叫得多野. 雞扎 - 好耐無見到d雞扎咁舊式, 有火腿, 豬肚, 芋頭, 魚肚, 腐皮, 雞肉. 好新鮮, 好好味! 叉燒包 - 好彩只有兩個, 如果三個實食唔晒. 不過都好好食, 好夠汁, 唔會太稀或太杰, 叉燒食落唔似隔夜馬拉糕, 開頭以為係舊式個d, 食落先知原來係千層馬拉糕. 好鬆軟, 甜甜地, 幾清 鳳爪 - 幾惹味, 雞腳唔會太淋, 有得咬下 排骨 - 咁多樣較遜色一樣, 無乜特別, 但勝在夠熱, 仲辣口的豆腐花 - 都滑, 但碎左d, 同埋一早"不"晒出黎放o係枱面, 無野包住, 有d唔衛生感覺埋單都只係6x蚊, 幾抵食. 有機會會再黎

成日睇電視，話E度幾好，環境又好，食物又有風味(好味)，咪山長水遠走黎試下law。我之前都有上網睇下D食評，d人都話麻麻地，點之自己試完仲衰過垃圾，個d死人大包，都唔知擺左幾耐，個女待應見我地咁水魚，就叫我地食，一食就知道自己中了計，個包d皮又乾又硬，又唔好食。蝦餃又無乜味，不過個皮，同D蝦幾彈下。雞扎ok啦!小籠包多汁，不過個皮厚過我面皮law。燒賣都係麻麻地。而每樣點心，都有一個共通點，都係暖ge，無一樣係熱個law，而且d味道怪怪地。各位朋友，唔好信電視講ge野，九成九係大話，呢間野，我打死都唔會再去，我去富臨食下午茶都好過佢，起碼唔會食到成身汗先啦!D野起碼唔會凍先啦

一個龐陀大雨的早上，大家也不計較黃色暴雨影響，照原定計劃上川龍飲茶，尤記得在多年前OR大遊行後，一直未來過。去了較近車站的彩龍，雖然當日是假期，可能受天雨的關係，只有幾枱客人。揀好有利位置後，第一時間去自助斟茶洗碗筷，之後立即落樓下各取自己喜愛的點心。不可不食是山上馳名的西洋菜，看似很嫩綠，其實與一般酒樓貨式無異，不過在川龍食，心理上較為新鮮。一大蒸籠的大包，有人看見立即要兩大個，包皮很厚，質地很實、水分較多，入口很粗糙，饀料簡單只有雞肉混了點梅菜，沒有傳統的大包有鵪鶉蛋、叉燒等之類的東西。馬拉糕-不是發得高高又鬆軟，兩塊又扁又薄的糕，中間有一層薄薄的奶皇，似吃三文治多一點。叉燒及牛肉腸粉-粉質一點也不滑。奶皇包-包皮同樣粗鞋，奶皇又少又不夠香。燒賣-只有肥豬肉，沒有蝦肉等增加爽牙口感。其實專呈來食只是吃這裡獨有的風味，再加上是日大雨，雨點"的的撻撻"滴在屋頂的聲響，更有鄉村的味道。

一直都想到川龍飲茶，終於如願了。先自行找位，再自行沖茶，又自行拿點心吃，全自助的飲茶，卻令人覺得特別開心。什麼點心都拿來吃，最好吃的是西洋菜，很新鮮，只需蘸少少醬油已經很好吃。蝦餃個頭小小，不算特別好吃。牛柏葉是我喝茶的必點之選，這裡做的也很夠味。鳳爪不用說了，是男友的至愛。奶皇包很差，皮是濕的，餡的顏色也不對勁，不甜也不流沙的。燒賣一般。鵪鶉蛋燒賣雖然極不健康，不過味道不錯。炸雲吞是一般水準。豆腐花是滿懷期望的，可惜覺得不夠滑也不夠豆香。蒸豆腐反而很不錯，熱騰騰的很好味。芝麻卷是友人指定點的，不出所料味道一般，我覺得太粉了。完全不知道各款點心多少錢，最後結賬是$144，不貴。吃完到外面走一走，呼吸一下新鮮空氣，好一個舒適的週日﹗

食物款式雖然地道, 但味道同質素都好掂!今日叫了:奶皇包白灼西洋菜春卷咸水角蘿蔔糕蒸魚雲兩大兩小合共$96大元

2009年3月1 日是日遠足兼去川龍飲茶,乘港鐵去荃灣站,經綠楊新邨, 石圍角邨, 老圍村, 圓玄學院和上了幾百級石級,終於到咗川龍嘅彩龍茶樓,嘩.....人山人海,由搵位, 沖茶, 攞點心, 全是自助,第一眼見到放點心的點心枱,真係好壯觀兩人食了, 蝦餃 燒賣 牛肉球 牛肉腸粉 叉燒包 炸雪吞 煎釀茄子 芝麻卷合共100元正,個人覺得物有所值, 全部食品都熱辣辣(除了芝麻卷),不是一般酒樓交來的貨式,正....

因為想要張現金券所以又再出關.呢間係我近期比較喜歡既茶樓,價錢唔駛講.味道絕對好過一般坊間酒樓.向現今酒樓水準每況愈下既情況下呢類可以食到昔日味道既茶樓就更顯珍貴.黎呢度最好攞番籠蝦餃燒賣.小點價錢好食過出面特點.另外本人最推介芝麻卷同燒腩.菲林芝麻卷出面幾乎絕種,有都未必好食.呢間就非常唔錯.芝麻味香濃,又軟熟.不過一定要堂食.試過外賣雪左日就走晒樣.燒腩又係意外驚喜,塊皮好x脆,又好有肉味.好過出面大部份燒臘店多多聲.連埋車費都抵食過出面.如果屋企煮飯既記得向出面買埋菜先走,不過佢地星期日先擺出黎.

從第二站到這裡花了一小時，因為要從旺角坐地鐵及再走一段路才可轉乘小巴到達，也好！正好給我倆有時間消化那些早餐。從食評上綜合，主要其實是想試三樣東西，第一是那山水泡的茶、第二是新鮮的菜，而最後的是那又肥又黑的芝麻卷。找了位置後，二話不說，到樓下取點心，見有大包及鵪鶉蛋燒賣等老派點心，豈有不叫之理，另外也點了一碟新鮮的菜心，再而是點了每次到茶樓必吃的鳳爪，也當然要滿足來的心願─芝麻卷，很可惜的是，阿姐說今天沒有弄，所以冇得吃了，唯有退而求其次，點了另外相貌討好的馬拉糕作甜品。先來的是喝一口茶，雖然說實話，那些茶葉絕對不是好貨，但勝在水夠清，且茶葉是任下的，足以彌補這缺陷。鳳爪跟一般街坊茶樓沒啥分別，偏油的；大包就教我有點後悔了，包身是不熱的，而內部的餡也不熱，不好吃，還大大的佔據了我倆的胃；白灼菜心是很鮮甜，雖然纖維不夠幼嫩，偏老，多渣，但真的是很鮮甜，不用加任何醬油了；鵪鶉蛋燒賣也做得不錯，那鵪鶉蛋絕對豐富了那件點心，縱然膽固醇是高了一點，但平時難有機會吃，哪管它什麼膽固醇了；最後的馬拉糕是很好吃的，除了符合基本要求夠熱外，也鬆軟及很香蛋味，雖然跟在大榮華吃的還是有距離，但也足以合格有餘

還在假期中的日子,實在要好好珍惜.為了充實每天,我差不多天天都去跑步.今天走畢城門水塘,我與友人到彩龍飲茶.老實講,唔係朋友講都唔會識e個地方.邊個會無端端坐80號小巴上來,不過倒有不少有心人會開車上來飲茶.茶樓好細,分兩層,地下有counter拿點心同沖茶.但因為我地去到已經成點鐘,所以變左寫紙仔,而且好幾樣點心都賣晒.坐低就送我地兩碗例湯,多渣少味精的,正!我地叫了叉燒包,燒賣,雞扎,鳳爪排骨飯.叉燒包同出面有d唔同,包比較乾身,有口感,叉燒係半肥廋,醬唔係好甜,係一個包感比較重的包(唔係肉感)!燒賣亦唔係平日貨色,燒賣肉係厚切豬肉片,有肉味(唔係豬味),有口感.雞扎,無咩特別,係大大件.鳳爪排骨飯唔係特別香,不過排骨半肥廋幾好食,d豆豉好稔好好味.原本想叫e度出名的山水豆腐花或芝麻卷,可惜要假日先有.不過運動一輪,飽餐一頓,心滿意足,甜品就留下次再來食過罷.

呢間茶樓位置偏遠，一間幾懷舊的茶樓，所有嘢都要親力親為包括攞點心，攞茶水，攞位等幾得意，幾有復古味道點心都算抵，幾蚊至十幾蚊就有大大份，仲有少見的大包可惜味道唔算好好﹐唔會吸引我山長水遠再入嚟食

細細個就聽過lee個名喇~~~因為廿年前我來過幾次,都係屋企人帶我去,今天難得天氣咁好,我和老公嚟嘆茶,呼吸下新鮮空氣不過今日唔係假期,沒有山水豆腐花供應西洋菜係必食之選,只係白灼,沒有落油,綠油油得很,食落嫩口爽脆,再加少少甜鼓油食就一流,因為附近有一個西洋菜田,只摘嫩葉部份,唔好食就難,而且一定新鮮.鳳爪蒸籠裡面只剩兩籠,我地兩籠都要晒,一人一籠唔洗爭,鳳爪軟身好林,連骨既位置都好入味,碟底唔會好多油.牛肉要自己落喼汁,牛肉好軟熟,又有馬蹄粒粒,爽與林之間交替,腐皮吸收牛肉汁好入味,加上喼汁味道更加鮮.炸雲吞係另外落order,熱辣辣脆卜卜,好厚要一層一層食,甜酸汁比較稀.叉燒包餡料多,用半肥瘦叉燒,叉燒腸要自己加油,叉燒夠大舊,凸晒出嚟,腸粉滑溜.排骨飯排骨唔算多,不過好入味,好好食,飯比較軟(啱晒我),可能多老人家嚟食,所以唔會好硬.我地邊食邊嘆報紙,又有陽光既溫暖,又有新鮮空氣,真係好舒服又優閒.可以去西洋菜田邊睇下魚毛仔,蜻蜓都不錯.

高達兄又再聚集眾人飲早茶,今次就上大帽山,一邊喝山水泡出來的茶,一邊吸一口清新空氣,一樂也.周日茶客行山客絡繹不絕,我們十多人,要兩張檯拍埋成眼鏡形,才能坐得下,都坐得很逼峽.安頓之後,就動身去拿點心.山水泡出來的茶,特別香甜,無須用靚茶葉.如果人客少一點,坐在外面,聽住黎明過後的雀仔叫,感受迎面而來的微風,才是最佳享受.未吃點心前,先吃一碟菜,不要看少碟菜,是新鮮貨色,碧綠爽脆,用來作前奏,心情也開朗.柴娃娃有什麼拿什麼,旋即拿到一檯都係.排骨飯,蒸魚雲,蝦餃,大飽,鮮竹卷,馬拉糕,等等,全部逃不出我們的法眼.燒腩新鮮出爐,燒皮卜卜脆,肉質鬆化.點些芥辣很好吃.其他點心水準也不俗,夠平均,但不算是天上有,地下無.家弟見到鵪春蛋燒賣剛出爐,二話不說拿回來.小弟最愛懷舊點心之一,又豈能錯過?豆腐是否用山水造就不曉得,但荳香濃,吃落夠滑.糯米雞份量大,兩個人分也吃不下,另外市面少見的芝麻卷,我們稱之為菲林卷,也可在此吃到.風光的建造機械樂園,現今石屎森林範圍越擴越大,在風光明媚下喝茶已是奢侈事,如果可以的話,荃灣的川龍村,應該自動納入保育之列.

第一次來這些地方飲茶,去到後,覺得一早起身也是值得的,環境舒適,食物也不錯,第一印象加很多分食了蝦餃,排骨,炸兩腸粉,鵪鶉蛋燒賣,牛肉丸,燒賣這裡的鵪鶉蛋燒賣和牛肉丸很好味燒賣我覺得"實"了點,但也不差