彩龍茶樓

營業中

休息中

點心都係佢地親手做..比起大酒樓用大陸工埸既..已經贏晒..馬拉糕..好好味..超鬆軟..我平時唔多食燒賣..但係依個就真係不得不食..蝦肉同豬肉得好爽..好好咬口..反而蝦餃就比唔起燒賣..皮厚左啲..竟然有我最愛既麻容包..出面已經好難搵到..蒸過火..所以包皮有啲濕..不過佢既麻容真係一流..正..鳳瓜有好多隻..味道就有改善既空間..排骨飯好得..多肉小骨..飯好入味..雞扎好Juice..魚肚..雞肉都入晒味..難得..再黎碗免費既西洋菜湯..有媽媽靚湯既感覺..

朋友話睇完電視話山水豆腐花,所以大家約定一早上去飲茶同埋睇下有無結霜晨早6點上到去,霜就見唔到啦~霧水都無滴，即刻轉移陣地去彩龍。晨咁早,已經見到有個阿伯坐咗响度食緊糯米雞一坐底,好自助咁自己走去水吧攞茶壼,碗,杯.....之後出埋去攞嘢食,因為太早,點心仲未出齊首先攞咗碟叉腸,睇住個腸粉伯伯响度即卷即切,D腸粉好滑仲有蝦餃,但天氣太凍卦,攞咗埋位一陣就開始涼跟進再出動,打開個大蒸籠見到D大包,真係好巨,忍唔住要夾2個仲有其他點心,如燒賣,「X春」燒賣,排骨,鳯爪.....腸粉伯伯除咗拉腸粉,仲有卷芝麻卷,D芝麻卷好香芝麻味,又唔太甜,好味等咗好耐個西洋菜終於出啦~,D菜好鮮架,坐旁邊個婆話係佢啱啱收好交俾酒樓架,真係好爽甜,加埋舊腐乳,正~~~~最後,終於等到個終極目標,豆腐花,WOW~真係好流呢餐食得好滿足,個個都捧住個肚返去

31號晚去左BBQ回家果陣都5點朋友錦岩又有車就去左飲早茶喇5點3去到得2 3個人上左一樓 自己整茶飲正~~D茶好正 真係好好飲5點半 有野食喇拎左好多野食燒賣----好大粒 好多肉蝦餃---個皮好好味 肉就一般排骨飯----D飯好入味 底果D都有味 超超超好味雞扎----D棉花好好味大包---無食到 但朋友話D包皮好味叉燒包---正奶黃包-----D奶黃好正蝦米腸---好粗 D蝦米卜卜脆 好想食豆腐花 但係要7點半先有4人食左14碟野多謝 $200 幾貴下 不過新一年第一餐食豪D拉

係月頭,有日因為工作關係, 做完之後同同事去左依間酒樓食野. 唔好睇依間野舊, 都好多人係到飲茶.可能係星期6, 所以睇得出有d係行山人士黎.依間野既特色係乜都要自己黎既.開茶, 羅野食呀..全部都要算自己.依到連點心卡都冇, 自己想食咩就出去羅, 最後埋單呀姐就會數顏色碟, 好似食壽司咁點心:煎腸粉: 好粗下, 食到脆脆地, 食落幾好味, 燒賣: 豬肉幾好食, 蒸耐左d, 所以lum左d, 不過喏晒d公公婆婆蝦餃:隻蝦都幾彈牙~燒肉: 幾好食, 係炭燒既, 燒肉皮夠脆, 好食豆漿: 自家製既, 幾滑又夠豆味~依間茶樓都幾有風味, 不過怕狗既就小心d, 因為都有d茶客帶埋狗黎架~

是日秋高氣爽,又去行山,又想飲茶,便出發去川龍,行了3小時終於行到彩龍,不過今日可能遲o左少少,店內人山人海,行到行唔到,兩人食了:埋單127元,食物味道ok,尤其西洋菜...正呀....不過取食物就麻煩d,好似搶咁.

二年前上過去飲早茶, 覺得d野好新鮮, 好好味但二年後上返去... 質素比以前好似無咁好燒賣粒粒都好硬...芝麻卷... 有芝麻味, 但咬入口唔夠滑有個小肉包就一讚, 可惜無同佢影大頭肉好多汁, 個包都做得好好味服務其實真係唔會太多既因為始終係自助既茶樓嘛

耐吾耐星期日會同家人揸車去川龍飲下早茶, 鐘意佢有懷舊feel, 及有童年回憶, 食物都好新鮮 蝦餃、燒賣少不了 誰料到好景不常 去到的時候出奇地有好多位剩, 原來食物的質素大不如前, 蝦餃的蝦死實實, 燒賣一夾起即刻皮肉分離, 一灘黃色如漿糊般遺留在蒸籠內, 煲仔雞飯的雞雖未至於變壞, 但味帶酸酸地, 牛肉球咬落口還已為是食緊一個隔夜曼頭, 以往我最愛吃的桂花糕居然連筷子都夾吾起, 只有甜味, 桂花的清香不知往那裡去了, 怪不得賣點心的兩位大姐對著盤賣吾去的桂花糕及椰汁糕左右兩手齊下的往嘴裡送, 偷食其實都應該要有技巧一點吧! 雖則是背著老板, 但對著茶客都不太好吧! 唉, 總之一句講曬, 失望, 好失望

I brought my family to Choi Lung for lunch and within seconds of arriving at the restaurant you can tell that the dining experience in Choi Lung was one that was going to be highly enjoyable and one to remember. The staff were very welcoming and friendly as they showed us to our table and described to us how everything worked i.e. get your own tea, cutlery, dim sum etc..There was only four of us but we easily ordered more than we needed as everything looked so good. - Kids would highly enjoy th

因為要去曹公潭戶外康樂中心,當然順道走上川龍飲個茶,食個包.星期六中午,場面冷冷清清,始料未及啊.和周日的賓墟真是相差太大了吧連外面露天位都只開放一半,另一半給汽車停泊.所以要走上去樓上雅座,選了角落的一張小檯,自成一角.雖然天氣非常悶熱,靠的只有旁邊的小風扇吹來的熱風,不過這種味道是這裡專有的.講真你來到這裡就預左要接受大自然洗禮,這是此類茶樓的特點.沖好茶,洗洗手再抹抹汗就正式開餐了.如同熟手技工的我們,拿住個盤,捧住成盤點心,上上落落都輕易而舉.哈哈哈.頭一輪有蝦餃﹑雞扎﹑小籠包和粉果,後兩者都是我們第一次遇到咋.小籠包的皮超級厚和超級硬=_=熱辣辣拎上來都已經是這樣子了.入面舊豬肉都有少少肉汁,而且幾鬆化架,可惜層皮不爭氣,下了勁多紅醋才叫吞得下.粉果層皮都算厚,反而這個我就接受到,可能響外面食慣粉果的皮都是這種SIZE吧.裡頭的餡都是花生,粉葛,蝦米.但味道比外邊吃過的多份惹味,香香地,幾好食.第二轉是魚肉蒸豆腐和油菜.今次的油菜我選了唐生菜,不知為何我的這碟菜比很多茶客的少得多喔T_T…只有半碟,其他人拿的個個都爆滿碟的>_<難道生菜是最貴嗎?次次吃都是菜心

川龍兩間茶樓我也光顧過.本人覺得彩龍比較多選擇,而端記食品較為精緻.兩間的山水豆腐花都很滑, 很好味,值得一試.聽當地人說兩間的豆花是同一人做然後交貨.彩龍出名的燒肉我覺得較為普通與燒味店的差不多.西洋菜,腸粉及芝麻卷是即叫即做.確保新鮮.來吃的話首選是山水豆腐花,西洋菜及芝麻卷.

呢次係跟d一日遊團去行吓，午餐嘅地點就係荃灣大帽山附近嘅彩龍茶樓曾經睇過電視介紹過呢間茶樓嘅食物，今次有機會親身試吓...真係好期待呀旅遊車到左荃錦公路川龍村村口停底，離村口唔遠就已經望到呢間茶樓，兩層高...感覺好村屋feel一入到去茶樓方面就安排我地坐係樓上indoor，事關我地有成十幾枱人（每枱只係坐到5-6個），所以係霸哂indoor所有坐位坐底無耐就開始有野食到，先黎一批點心，再黎兩個小菜，跟住仲有炒粉炒飯，最後仲有甜品添，真係好犀利呀"燒賣"...幾大粒材料有豬肉同蝦，豬肉都幾滑，味道幾好，蝦唔算大隻，但係都幾爽幾夠味總括同出面食到嘅燒賣差唔多，係比其他大粒d"蝦餃"...好的式嘅鐵籠仔裏面裝住4粒好cute嘅蝦餃，皮都幾薄...料都係出面食到嘅一樣，有蝦、竹筍，雖然係細細隻咁，但係d蝦十分爽，一口一隻...相當之正"山竹牛肉"...超大嘅牛肉球味道一般，加上0急汁都ok好食"叉燒腸"...彩粉拉我幾薄幾滑，配埋甜豉油...正"奶皇包"...啱啱蒸起嘅中式飽，好熱...好軟熟，裏面嘅奶皇唔太甜，感覺健康得多鯪魚肉蒸豆腐"...鯪魚肉唔腥，但係無乜味道，再加埋同樣無味嘅豆腐淡

上次行完彩龍茶樓打上去的山路,易行又不辛苦.不錯的體驗~早前我睇完阿蘇介紹,終於確認山下間端記茶樓,旁邊田是可以給遊人參觀,今次決定行埋田的另一邊山路.搭小巴上來時已聽到乘客們紛紛討論:'飲邊間呢'﹑'阿蘇介紹邊間架?'等等.阿蘇效應?!.快到十一點就上到川龍,哇哇哇...站頭至茶樓滿滿是人...大部份人都生口面(因為佢地響度討論緊邊間係阿蘇介紹...XD)本想去端記飲下,但見彩龍有位子,我倆都不理咁多,一支箭就走過去.其實每次來到,吃的點心大致上差不多啦,不過來到川龍村不飲茶又好似差點什麼的.魚肉釀山水豆腐,豆腐很滑,有少許豆香味道,唯獨是塊鯪魚肉有劈透明獻汁包住,有點嘔心=.="春蛋燒賣,我只吃燒賣下面那PART,全是豬肉,但肉汁勁多!糯米雞,我們很少可點一大隻糯米雞來吃.不過見未趁過咪試一隻囉.份量巨型,糯米飯夠熱,夠淋,混合豬肉碎和一大磚火腿,亦夠香.蝦肉燒賣,上面蝦肉下面豬肉,夠油,夠香甜!肉質仲好鬆化雞扎,魚肚大舊,吸汁一流.雞件嫩滑,腐皮又滑又軟油菜,夠哂大碟,無話可說.蝦餃,等到頸長先出籠.一出現我拿到是最後一籠添!勁受歡迎!飽滿多汁的蝦膠,蝦肉,餃皮爽彈.雖然一粒爆破

呢個川龍協定由上星期就開始有,原本諗住自己一個人去,後來變成家庭聚會.....D杯杯碟碟茶盅都要自己洗,雖則燈光都光猛,水仙經浸泡之後都濃返少少,第一泡真係真係好清.....叫左蝦餃....叫做熱過燒賣,不過唔算有咩特別....燒賣....蒸過之後入口只係暖....雞包....我有少少懷疑過係咪菜肉飽,個料少左D蘿蔔糕.....熱就熱啦,粉既@@"以下兩樣野都係好食既*蝦腸 - 人工布拉既,好滑豆腐花 - 六日限定,一樣都係好滑既不過呢兩樣野唔能夠打動我既喊面@@"真係唔值山長水遠去食WOR*

星期日, 打算郊遊一下, 所以搭車上川龍飲茶.我們二人大概一時多才在荃灣出發, 搭小巴上去.一去到已經見到超多人...想搵個位都有點難度...但原來想搵食物仲更加有難度!!!因為自助既關係, 咁走左去廚房拎野食.廚房地下勁濕, 而且好混亂...d杯and碗我好懷疑有冇洗過!!!然後拎野食, 又要勁排隊...排得黎, 手上既食物已經凍晒...好唔容易先拎到3碟野但食食下, 又要趕住入去睇下有冇野食...(因為佢不定時拎d食物出來, 而且超快俾人搶晒...)搞到成日就走來走去, 真係食都食得唔安落!!!至於食物方面, 質素普普通通啦...我地叫左鳳爪排骨飯, 大包, 馬拉糕, 雞扎, 春卷, 豆花, 豆漿, 油麥菜.(其實超想食蝦餃同腸粉, 但真係排好耐先有, 所以冇食到...><)兩個人, 食左$130! 超貴!!咁既質素, 咁既服務, 真係唔洗再食多次!!!另外, 同我地搭枱既阿姐話, 果度以前唔係咁ga wor!唉, 出左名都要keep到水準同服務先得架嘛!

21/3 星期日, 我地兩公婆加埋百厭仔同亞爸, 一朝早向川龍出發, 去見識一下亞蘇介紹o既全自助式茶樓由老公揸車, 9:00已到達, 嘩!真係好多人呀, 人山人海, 我一個箭步上樓上睇下有冇位, 咁啱又有張吉枱喎跟住就自己動手--攞杯,碗, 筷子,匙, 連茶都係自己沖, 茶味濃淡自己話事, 又幾好玩喎! 奉勸D使慣人o既公子小姐就千其唔好黎喇, 呢度係全無服務, 想飲茶食野全部都要自己親力親為一腳踼到落去攞野食喇, 要行惟一一條頗窄的樓梯, 上落都係行佢, 捧住D點心上樓都要好小心一共攞左九個點心--灼西洋菜--真係幾好味喎, D粗梗位置都唔硬, 正!馬拉糕--幾香奶黃味, 就算之後凍左都唔難食蝦餃--新鮮熱辣辣攞出黎, D蝦幾爽, 好味鮮蝦腸粉--睇住師傅即拉, 幾軟滑幾好食牛柏葉--一般無特別咸水角--味道OK, 但個賣相唔得, 每隻都有個洞, 好似比老鼠咬咁菜乾豬骨粥--D粥味道OK, 但D菜乾好硬, 明顯煲得唔夠火路蒸釀豆腐--D豆腐又真係幾滑喎, 唔錯芝麻卷--真係好有芝麻味, 正!一杯豆漿--唔太甜, 但又無咩豆味, 麻麻地埋單$157.00除番開 唔計百厭仔, 每人5