彩龍茶樓

營業中

休息中

承蒙食友邀請，一行人浩浩盪盪由荃灣坐小巴上去大帽山彩龍茶樓，撞正假日行山遊人眾多，而只想品茗的茶客更加多，好不容易才找到兩張檯。這餐極度滿意的品茗，好大因素源自它的「水」，由於附近就是水塘，因利乘便，店家引用山澗引水道的水源來沖茶和煮食，水質清徹之下，沖出來的茶，自然既滑且甜。另外，附近亦有菜農種稙西洋菜或生菜等時蔬，趁剛好收成後，就用山水來灼熟，菜質的爽脆清甜，只是淋上些許醬油和腐乳，已十分好吃，奈何當中有人堅持做食肉獸，一條菜也不起筷，或者年紀大了，也開始注意均衡飲食的重要，抱上開元化的態度，才不會浪費上天的恩賜。最意外的，是這裡的點心水準，竟然比想像中為高，自家師傅的出品，比一般坊間工場的來得出色，更吃回一些現已絕跡於市區的懷舊點心。既有好水之下，用來磨製豆腐和豆漿製品，其豆香和滑溜的口感，又是一個意外。十一、二個人，吃了不知多少碟，每人也只是五十餘元，絕對超值。吃飽後有一半人選擇離開，在遇上明媚風光之下，其餘眾人樂於選擇舒展筋骨和出一身汗了.............

08.08.17(日) 日出看不到，打完一晚霧水搞到一頭霧水，搖身一變成了九隻醬鴨。難得一場黎到大帽山，第一目的雖達不到，第二目的也得完成才不置空手而回。步入彩龍就係超高樓底既點心房 一排排的點心﹑熱氣騰騰製作中的各式腸粉及煮籠令又餓又攰既九醬鴨唾涎﹔急步往上層見左右兩翼地方寬闊飯堂環境膠櫈木板枱懷舊感欠奉。安頓後自行開茶及取點心。久違了的大包﹑芝麻卷重現眼前﹔芋角﹑雞扎﹑蝦餃﹑炸兩﹑蝦腸﹑叉腸﹑沙翁﹑油菜﹑蘿蔔糕﹑鮮竹卷﹑叉燒飽﹑蒸飯﹑豆腐花....，連我們沒點的點心款式倒真不少。雞扎﹑芋角及豆花絕對值得推介，芝麻卷芝麻味香可惜略"鞋"了點，叉燒包是凍的，取點心時真要多加留意，其他點心就是.........填肚作用而已。埋單 $340

２００８／７／２７午餐在攝氏三十三度以上高溫的周日,與朋友踏足這間在川龍村的彩龍茶樓.茶樓正正在80號小巴總站旁邊,帶了列印地圖也用不著了.來到剛好下午一點正,這時候熱力最最最迫人,空氣又悶悶的,攪到人人大汗疊細汗.為了’feel’,最後我也選了坐外面的位子:馬路旁邊,摺檯摺椅,吹著大風扇,地上有垃圾有食物渣滓,開始到結束也是全天候自助式,加送有隻大狗狗’啤’到大家實一實…不過,全因有這堆”特色’,才夠吸引我呢!用山水沖我至愛的水仙,飲落又飲不出有什麼”自然”風味,飲到咁上下,發覺沒有茶葉發得耐而出現的那陣’澀喉’味/感覺,全程喝得很舒喉.前後吃了八款點心.見大家說蝦腸和山竹牛肉是必食.急不及代第一轉拿回來.腸粉皮比坊間吃到的滑少少咁多,內裡的蝦有點糊,本想說很普通而已,但徘徊在口腔內那陣味,令我憶起十幾年前有幸吃這類屬昂貴的蝦腸後,那份獨有味道(很難描述,只因自己才是有最大感覺),現在就算去美心皇宮吃三十蚊一碟蝦腸,也沒有那種’回憶味’了.而山竹牛肉非常大’粒’,又蔥粒又馬蹄粒,無加入古靈精怪的料,保存傳統風味.而坊間少見的魚翅餃,這裡的只有菜肉餡,沒有粉絲扮魚翅沒有荀,加上蒸過火,

1) 個人喜歡自助形式2) 樣樣美味 點心新鮮3) 最緊要食菜 --> 十分新鮮及甜又有菜味4) 山水茶好好味5) 山水豆腐花6) 腸粉好滑5) 空氣清新6) 服務親切如果住得近, 真係朝朝去食完早餐先返工呀不過粥就要星期日先有哦~

上星期，難得有假期，跟大少來這裡飲茶，兩個在外國長大的ABC覺得這裡好熱鬧是buffet形式的方法，吃什麼就自己拎，這樣都好，我比較喜歡這種，哈哈，不用等嘛拎左蝦餃X2，大包，燒賣，腸粉，炸兩，豆腐花X2，燸米雞，就已經好飽好飽蝦餃好得，撞岩佢出爐夠新鮮，皮簿之餘蝦仔亦爽口；大包熱辣辣出爐，好大個，我只吃了少許，其餘的靠大少啦；燒賣，普通，不特別，跟其他酒家出品的沒兩樣；腸粉，好喜歡，因為好得好得，好滑，即叫即正，掂；豆腐花用山水正，入口勁滑，比起出面所謂的山水豆腐花，這兒正宗得多，十蚊一碗亦覺抵；燸米雞用料十足，口感剛剛好，味道唔太咸好對胃口，比起叮叮燸米雞正好多雖然天氣比較熱，上層有些地方冇冷氣，never mind

端午節補假黎左呢度飲茶, 第一次黎呢間飲茶, 見到地下點心部好多野食, 滿心高興.有咩要求, 只想食大包, 因為而家係出面好難搵到大包食. 食落唔係好熱, 點知食落個心度仲係冰凍既添..... 唉....真失望.至於其他食物就一般啦, 都知黎呢度係食風味多.... 不過茶就幾好飲.....

第一次去彩龍,嘩,人山人海; 幸好很快便找到位,拿碗筷沖茶全部自助式服務. 點心方面當然有著名的大包,不過卻叫人失望;包不是熱的,裡面的餡變成一"舊"東西. 蝦餃燒賣,豆腐花和鳳爪都OK;個人則比較喜歡馬拉糕和剛炸起的春卷. 可惜"搶"不到著名的鵪鶉蛋燒賣...一定要提提這裡用山水沖的茶,比外面一般的少了點"腥"味. 不過實在太多人,想慢慢品茗最好等平日.

唔知由幾時開始養成的習慣，差不多每个月也會有一次上大帽山飲早茶，以前會一次端記一次彩龍，但近來就全程彩龍，因感覺上較為"乾淨"一點點(純綷個人感覺)！雞扎、蒸排骨、西洋菜、鵪鶉蛋燒賣、干炒牛河、蒸魚云、沙翁、碳燒腩肉.....通通是吾的最愛！腸粉、鳳爪排骨反、燒賣、蘿蔔糕、粥.....就麻麻地喇！其實來這裏飲茶，食品也不是主打，而是一份懷舊风味，最喜歡飲完茶再去附近的農田行下，又或順道買些"農作物"回家也頗有趣！而且假日能到郊外走走，亦是一件賞心悅事！這些舊式茶樓己買少見少，希望新一代也多些支持，讓這種傳統飲荼文化可好好延續下去！最后也想借此呼噙一下，因其實彩龍是有一个免費大停車場供茶客停泊的，但很多人却貪一時之便泊在路邊，以致经常出現人車爭路，真希望各駕駛人能自律一些！P.S : 今早去完早茶，却出現史無前例的多人，連点心也蒸唔切，茶壺也沒有了.........真的太誇張了，打聽下聽說由於蔡瀾先生剛於昨晚節目介紹過，看來蔡先生果真魅力非凡！

最鍾意舊式飲茶地方'第一次試彩龍'D人湧晒O係門口拎野食'一坐低已經急不及待去拎野食'有大包'蝦餃燒賣'"米需"米雞'西洋菜....樣樣都好好依'同蓮香有得FIGHT

上個月復活節連續四日假期第一日上去~唔萛好早, 人亦都唔多; 可能係因為大部份香港人都唔出晒境啦~我o地上次飲完茶見到呢間, 所以今次試下~我o地食o左山竹牛肉﹑柴魚花生粥﹑糯米卷﹑大包﹑燒賣﹑炸雲吞﹑排骨﹑腸粉~除o左山竹牛肉同炸雲吞比較好食之外, 其他一概唔得.....點心選擇不多分量又少, 其他食物選擇多; 連紅豆糕都有~ 但係好唔好食就唔知啦~最搞笑係你攞o野食, o的人好似驚你攞佢o野咁突然行埋o黎問你要咩~我o地一家已經black list o左佢, 下次都係去返端記茶樓好o的啦~起碼o的點心多選擇o的又好食o的, 始終都係飲茶食點心match o的~

是日偕內同遊, 按圖尋彩龍. 雖聞名已久, 但有尋幽探祕的感覺. 憑著一股股茶香/菜香, 方見真容. 入內已有山翁招呼, 鄉情早已驅除滿身晨霧. 燙杯/洗碗/洗茶雖在家已輕車熟駕，但在酒家卻是頭一回。茶雖普通，但需時才出茶味，非坊間即刻見效所比。點心分兩回。先是"炸兩" "雞扎" "芝麻卷" ，後兩者清淡適宜; 再來"排骨" "蝦餃" "馬拉糕" ，水準較好。 整體而言，假日清晨到此品茗，宛如山中神仙，悠然自得!

好似返左屋企,好free,一切自己攪掂:搵個位,出去取食具,沖茶.坐定就落去搵野食.老闆在附近時會幫你拿想要的點心.每次到來必食:一大碟西洋菜雞馬拉糕山水豆花(如果有)排骨至於其他點心,就要睇供應了.我都會食釀青椒/茄子,燒腩肉,腸粉...等等...任君選擇...真是一個飲茶的好地方!去邊度搵丫~~

一行兩人十二時去到, 被周圍的狗嚇一跳, 但見到新鮮的點心, 便忘記了! 一小時內消滅了蝦餃, 馬拉糕, 鳳爪, 牛柏葉, 煎堆, 春卷, 鯪魚豆腐, 大大碟的西洋菜, 最後加兩件紅豆糕和棷汁糕, 滿足到暈, 哈哈... 比起隔鄰那一間熱鬧多了...

尋日5:30起身由灣仔去荃灣彩龍飲茶, 夠誠意啦掛! 由川龍街有綠van去到佢門口, 小巴哥哥好好人, 雖然晨早流流7點車, 問佢嘢都無木口木面, 重好有笑容添! 看到5蚊車錢, 嘩! 5蚊咪坐好遠. 果然係, 成二十幾分鐘車程, 沿途青草山景, 我地呢d都市人睇到都幾得意. 去到總站, 行二十步就到啦! 入口是二樓, 即係攞野食果層, 位不多, 已被5個伯伯一人一抬”坐滿了”. 有個好人伯伯同我地講上樓上啦! 樓上勁多位. 要自己攞碗筷、杯、茶, 有兩個熱水爐, 我用的一個是水未滾的, 又有一個好人伯伯同我講“呢個d水未滾, 用另一個啦!”嘩! d茶客都好過人, 比著係市區, 話知你死啦! 要自己去樓下攞點心, 無點心紙架, 我地懷疑近…點找數….原來係講個信字, 你去cashier到講你食左幾多碟就得. 我地兩個人食左蝦餃、齋腸、鳳爪、牛肉、鮮竹卷、馬拉榚、燒買、雞扎, 我最鐘意馬拉榚、蝦餃同齋腸. 馬拉榚好香, 齋腸好大碟. 我覺得呢到d點心小油小味精, 所以食開市區酒樓d人咪覺得佢無禁好味囉!環境好新鮮, 食物也ok! 原來平日係無豆腐花食架, c

晨光乍現,亦是自然醒過來飲茶之時.不想到樓下的屋村酒家,倒不如放肆一番,結伴勇闖大帽山.沒有私家車,就算坐交通公具,也很方便,在荃灣川龍街有專線上,暢通無阻的話,十五分鐘之內到步."瀨床"之緣故,上到去已差不多十點,晨羲一早霧散,小鳥不再唱歌,但眉光下看,風景仍俏.遲來當然沒有自助點心,依然可自助沖茶,既然沒有自助,唯有落單,好處就是即叫即蒸.幾種茶葉任選,今次轉口味要水仙,搭上山水,名正言順水滾茶靚,嗒落的確比較甜.兩個人點六樣點心,鳳爪不過爾爾,蝦餃不是傳統之厚皮,澄皮太過黏,蝦肉就幾爽口.友人不吃牛之下,山竹牛肉自然成為囊中物.沒有比梳打粉折騰到發大,在今天的標準上,已是難能可貴.仍是愛雞紮,一向非為吃主角雞肉,而是其他綠葉如芋頭,魚肚,火腿等等,三味也可獨當一面.芋頭軟硬適中,索盡雞肉的味道,軟綿綿的魚肚也一樣,火腿吃落亦咸香.當然主角雞肉也不錯.雞肉夠嫩,其酒香將雞肉本身的味,發揮得淋漓盡至.鮮竹卷的腐皮帶點脆口,餡料亦鮮,再來的蒸排骨,肉汁豐滿.平心而論,並不是什麼驚為天人,吃罷會再三回味之級數,但肯定來講,其自身也有水準.單是其地理環境,充滿著鄉郊風情,在此天空下一盅幾件