彩薈軒 (238中心)

營業中

休息中

酒樓座位及擺枱空間充足，沒有擠迫戶感覺，足夠伙計招待，免開瓶費，食物份量夠，味道適中，不會太咸或太淡。值得一讚伙計見紅酒開壞酒塞，即拿醒酒器解決問題，抵獎！冬瓜盅足夠8人用,可添食。其他小菜都中規中舉。

今日去到佐敦238嗰度食一間好出名嘅中菜！出名啲咩？就係得獎出名啦！呢度傳說中嘅片皮鴨，同埋蝦乾蒸水蛋客家炆豬肉都係王牌菜攞晒獎㗎！我覺得呢間酒樓都係非常有裝修風格、綠色感覺俾人都係好大雅大方既感覺！片皮鴨套餐：片皮鴨半都好好食㗎啦，仲要原隻即叫即片！啖啖肉之餘、青瓜絲香蔥絲都比勁多！又抵食，又滿足又飽肚！仲要片皮鴨一啲都唔肥，唔會食耐超油膩！難怪佢呢個片皮鴨都會攞美食獎！跟住之後就係當紅燒雞：除咗好食，好香脆之外、肉質都好鮮滑好香嫩！重點係咩？好平呀$38有半隻！真係抵到冇朋友！之後仲有覺得獎🏅嘅蝦米乾蒸水蛋唔係講笑，充滿營養！有冬菇粒、西芹、仲有蕃茄粒香蔥粒！食落去除咗好有營養之外，配上蝦乾真係超好食！水蛋勁滑！佐敦彩薈軒佐敦238 2樓全層

晚飯來到佐敦彩薈軒食飯，原先一行四人，但有2人臨時放了飛機，最後二人成行！晚市時間，酒樓都坐了九成滿，好不熱鬧。和其他酒樓比較，彩薈軒裝修簇新，空間寬敞。坐得好舒服！點了餐牌上3個菜。清蒸沙巴龍躉斑，每條都有約1斤2両，價錢不過$88。上枱一刻，真的有驚喜。因為真係好大條，魚肉鮮嫩彈牙，食得出好新鮮！加埋葱香，送飯一流。鮮菠蘿拔絲咕嚕肉用上新鮮菠蘿去炒，酸酸甜甜好惹味！咕嚕肉爽彈有咬口，仲有小番茄，又係送飯之選！石鍋真菌百福豆腐豆腐份量好多，外皮經煎香，鎖住了豆腐的水嫩。大大件外皮帶點煙韌，入口滿滿豆香，加上鮑魚菇滑嫩有咬口，淨食豆腐都夠飽！兩個人三個餸加兩碗白飯，其實好足夠！最後想食埋個燉椰皇做甜品，但係侍應阿姐話已經俾客人落單時hold起晒，唯有飲恨，下次再嚟食！

這天晚上我約了朋友去佐敦吃晚飯，經過家人的推薦，我們便決定來到這間中式酒樓試一試，店內環境寬敞明亮和清潔衛生，酒樓十分細心，有免費無線上網提供給客人，店內客人很多，證明食物質素有一定的保證金牌脆皮燒雞($38)燒雞非常皮脆肉嫩，非常新鮮，燒的時間控制得很好，份量非常多，酒樓做優惠價，只需$38有半隻雞，非常抵食鮮菠蘿拔絲咕嚕肉($120)咕嚕肉外脆內軟，非常新鮮，味道微酸帶一點甜，食物是即點即煮的，所以食物溫度非常不錯，菠蘿雕刻得很有心思，十分鮮甜，車厘茄新鮮，富有水份上湯焗開邊海中蝦($228)伊麵非常軟身，海中蝦爽彈鮮美，非常大隻，十分足料，完全吸收了湯底的味道，上湯經過長時間熬製，非常入味，份量非常多鐵觀音可以消滯，提神，十分健康整體來說，食物的質素非常高，食物的份量非常多，食物的選擇非常多，食物的用料非常新鮮，食物的賣相非常吸引，價錢相對合理，而店員亦有良好的服務態度和積極，所以我認為這間餐廳是值得再去惠顧

今晚與家人在「彩薈軒」吃晚飯，地點位於彌敦道，佐敦港鐵站附近，交通四通八達，極為方便。踏入大堂，我被設計風格帶點古典美所吸引，座枱擺設寬敞，坐得舒適。金牌脆皮雞~驚喜價$38，非試不可，皮脆肉滑，值得推介！鮮菠蘿拔絲咕嚕肉~酸酸甜甜的濃稠醬汁，掛上鬆脆可口肉塊，帶有拔絲效果，好看又好吃。懷舊港式椒鹽鮮魷~咬落酥脆可口，魷魚肉鮮爽彈，百吃不厭的懷舊港式小菜。上湯焗開邊海中蝦 配伊麵底~很欣賞海中蝦 雙飛切法，好看之餘吃起來又方便，海中蝦鮮嫩爽脆、份量蠻多，伊麵掛上鮮味上湯，味道剛好，香濃不過鹹！甜品款式很多，很吸引！可惜眼闊肚窄，因為已經很吃得很飽了！後記:優良的服務，要給服務員點讚呢！

今晚突然想食中菜，記起佐敦有一間新開的酒樓，口碑不錯，所以約朋友 前往試試。這裏環境寬敞，枱與枱之間不會太近。 看看餐牌，有些菜式正做特價，有金牌脆皮燒雞，只是38元，清蒸龍躉斑才是88元，實在超值。喜歡吃魚的我當然選了龍躉斑，我果然沒有選擇錯，魚肉非常嫩滑，廚師掌握蒸魚時間恰到好處，雖然只是88元，但也有一斤二兩重，非常抵吃。我們還點了一個鮮菠蘿拔絲咕嚕肉， 雖然這味菜式很多酒家也可吃到，但這裡的拔絲咕嚕肉脆粉不是太厚，吃下去淡淡肉，加上拔絲皮帶點脆，非常可口。今次我要隆重推介的是酒香蝦腰蒸蛋， 真的不能不讚廚師手藝非凡，蛋蒸得滑滑的，蛋入面加入很多食材， 例如冬菇、萵筍、鮮蝦、蝦子、櫻花蝦，各有不同口感，很少酒樓可吃到這個菜式，而且這麼出色， 極力推薦大家要試一試啊！整體而言，第一次光顧但印象非常難忘，除了服務態度殷勤外，食物質素真的無庸置疑，這是我必會再光顧的 原因。

同長輩食飯食中餐一定係最穩陣嘅選擇,上個星期同屋企人嚟咗佐敦嘅彩薈軒,呢度都算係好寬敞有幾闊落舒適, 我哋都算早去，所以就唔使排隊直接可以安排入座！當晚做緊燒雞特價,我哋一坐低就叫咗半隻燒雞,燒雞皮脆肉嫩,仲熱辣辣！跟住叫咗個得獎酒香蝦腰蒸蛋,蒸蛋上面鋪咗滿滿嘅蝦肉，仲有蕃茄粒小小嘅蝦仔，仲有啲冬瓜粒，每一啖入口都非常嫩滑，送飯一流！金沙黃金蝦拼南瓜, 呢個係屋企人想試嘅,每隻都鋪有滿滿嘅咸蛋王，蝦肉新鮮,每件南瓜都煮得剛剛好,食落鮮甜有滿足感！餐廳姐姐好頻密幫忙換碟同加水！服務很不錯,下次要試一試茶市！

係樓上睇完醫生就順便黎飲個早茶。兩個人叫左3樣點心：流沙飽，蝦腸粉同埋佢攞獎既春卷。野食都黎得好快，而且3樣野食都好好食，流沙包個包都幾厚，咬落有口感，可以好好裝住入面既流沙唔會一咬就爆曬出黎，我反而中意咁樣既設計。蝦腸粉好滑，落埋豉油唔會咸👍🏻蝦身乾淨唔見有蝦腸，亦都夠蝦味唔覺有雪藏味。春卷外面望落去似好硬咁，一咬落去係好鬆軟，中間芝心增令口感豐富，食3件都唔覺得膩，真心正。茶方面叫左香片，一開蓋就好香既茶味，飲落甘醇，佢唔係用茶包，要沖多幾次先唔太有茶葉沖落個杯度。環境方面好欣賞佢枱與枱之間唔會好迫，坐得好舒服，地方夠大。可惜佢有限時90分鐘，如果唔係都可以好好enjoy嘆下茶。

今晚在放工後在佐敦晚飯，突然想吃蒸魚，見到這家彩薈軒有特價，菜牌頗經濟實惠，就來一試水準。餐裝潢時尚得體，座位寬敞舒適，環境乾淨企理，侍者招呼周到有禮。餐牌選擇各式各樣，亦有不少優惠套餐組合，價錢大眾化，今晚兩個人簡單叫了三個菜式。金牌脆皮燒雞 $88半隻脆皮燒雞份量二人剛剛好，雞皮薄脆香口，肉質嫩滑，入口味道豐厚濃郁，蘸上醬汁特別醇厚和味，滲透骨肉，吃來有齒頰留香之妙，為雞肉增添一道鮮味。得獎酒香蝦腰蒸蛋 $108蒸蛋入口如豆腐般嫩滑，質感輕柔不塌，味道清淡帶鮮，加上鮮蝦、蝦皮及蝦籽的三重鮮味，以及鮮菇、蕃茄等清新口味，十分下飯。清蒸生猛龍躉班 $128龍躉班即叫即蒸，所以味道新鮮是必然的，其次是火喉拿捏精準，輕輕一夾魚肉剛好離骨，但肉質仍保持細嫩而厚實，蒸魚豉油調配甘甜適口，相信廚房內的一定是大師傅。原個椰皇燉燕窩 $52原個椰皇上枱，甜品以椰奶作為基礎，所以呈奶白色，加入燕窩滋潤，一呷香濃味厚，香甜可口，腴而不膩。

同媽媽去行完街佢話想飲茶，就去左啲間午市時間只限坐一個半鐘 掃QR code 電子落單，價錢一目了然🔆瑤柱海鮮福建炒飯價錢比較偏貴，不過都足料同埋味道都唔錯，而且仲好大份，2個人食唔曬仲可以打包一碗留今晚食😆😆😆🔆魚肚滑雞扎大大件，正宗用魚肚整唔係用豬皮，雞肉同冬菇都比足料，大大份，芋頭夠曬粉，孚味好味！ 👍🏻🔆滷水豬手豬手去左8成骨，得反小小骨，大部份都啖啖食，岩老人家，而且都好大碟，食極都食唔完咁！ 幾好味！ 三樣野，份量都好足，整體都唔錯！

當今晚的晚餐在一家「彩薈軒」具有傳統韻味及創意精神的中餐廳裡享用，這裡的料理無一不透露著廚師的精心巧思和對食材極致的追求。今天品嚐的三道菜肴，每一道都讓人回味無盡鮮菠蘿拔絲咕嚕肉：這道經典創新的鮮菠蘿拔絲咕嚕肉，是一場視覺與味覺的盛宴。外層的拔絲糖衣包裹著酥嫩的咕嚕肉，咬下去首先感受到的是外層脆甜的口感，隨即咕嚕肉的多汁與鮮嫩在口中綻放。拌入的新鮮菠蘿塊帶來一絲絲果香和微妙的酸甜，平衡了甜蜜的拔絲，真是令人讚不絕口。得獎酒香蝦腰蒸蛋：這道蒸蛋十分嫩滑，每一口都像是絲綢般柔順滑過味蕾。蝦腰的加入更是錦上添花，鮮美的蝦腰在酒香的映襯下，鮮味倍增。這道得獎的佳餚，無疑是對廚師高超技藝的最好證明，每一口都讓人感受到廚師對食材與味道搭配的深思熟慮。金銀蛋浸時菜：最後上桌的是一道清新的時菜，它將傳統的金銀蛋（鹹蛋和皮蛋）與時令蔬菜完美結合。蔬菜的清甜與金銀蛋的鹹香交織，形成了一種獨特的口感和層次

有親戚從外地回港，特別找來這間彩薈軒聚聚。女服務員醒目提我們燒鵝要訂，於是我們趕得上訂了半隻呢。聽說各人品嘗後說味道很好，怪不得是這招牌莱。 還有一個套餐包含有燒味拼盤，上湯龍蝦伊麵，清蒸生猛龍躉班，蠔油冬茹鮑魚時菜，蒜蓉元貝蒸粉絲等等，味道十足又飽肚，個個都滿足啊。

一大班親朋戚友，酒樓係最好聚餐嘅選擇，勝在款式多，又可以一大班人一齊坐，是日我地就到了佐敦嘅彩薈軒食中菜。晚餐~~燒味拼盤啫啫蝦干通菜煲蠔油冬菇鵝掌時菜上湯龍蝦伊麵清蒸生猛龍躉班茜芹腰果牛柳粒金箔芝麻卷整體食物質素中規中矩，適合一大班親戚朋友歡聚。

呢個親情宴好抵食，佢既餸好足料而且價錢合理。 🦞上湯焗生猛澳洲龍蝦呢碟龍蝦算係多肉，大隻，個伊麵底好足料。🐮碧綠炒牛柳粒螺片螺片都很爽，牛柳冧冧的有汁，蔬菜平平常常，不過不失。🐷柚子香荔京燒骨呢個骨炆得都幾冧有酸酸既柚子味。🐟清蒸遊水龍躉斑條龍躉好足分量，食落啲魚肉又滑又香。🦐蝦乾野菌浸生菜膽生菜很爽脆，味道不錯。🐓原隻脆皮燒雞呢個脆皮燒雞個皮好脆，啲肉好嫩。🍚荷葉珍珠糯米鵲晚市有點心食絕對係非常特別，而家佢呢個糯米雞造得幾好食，有好香既荷葉味同糯米味，啲餡料都好特別。💫金獎旋風流沙包呢個流沙包好軟，奶黃餡熱辣辣嘅湧出來實在好正。 ♨️桃膠糖水 本身想食椰皇，但後來改食了滋補既桃膠糖水。呢個糖水都幾足料，啲桃膠浸到好大粒，加埋紅棗、蓮子同龍眼肉，整體唔會太甜，養顏又好食。奉送汽水、茶及白開水。#彩薈軒 #碧綠炒牛柳粒螺片 #上湯焗生猛澳洲龍蝦 #柚子香荔京燒骨 #清蒸遊水龍躉斑 #蝦乾野菌浸生菜膽 #原隻脆皮燒雞 #荷葉珍珠糯米鵲 #金獎旋風流沙包 #桃膠糖水

Wechat pay, Alipay, octopus card, union pay. 全部都唔收。用餐時間90分鐘茶錢$17 @食物： 虎皮椒辣到死。唔食得好辣嘅就唔好叫。龍朝野菌卷，溫度就夠熱，但係裏面太硬。炒米粉，棉花雞，鹹魚肉餅飯都幾好。