彩福皇宴 (置富都會)

營業中

休息中

朋友十分喜愛🐑羊腩煲，一到冬天就即刻要食，佢話見到彩福推出左，就今晚去食下😆估唔到咁旺場，全場爆滿，見好多人食🦀大閘蟹套餐，問下伙計，佢話要預訂無得walkin食。除左點羊腩煲，見個龍鳳雙輝都好抵，但二人只能選一款，咁就食雞啦。⭐豉油雞半隻$38有半隻雞，酒樓喎，呢個價錢抵到喊😆雞嫩滑入味，份量都唔少。⭐雙冬羊腩煲期待的羊腩煲😋煲一陣就滾了，開蓋就聞到香噴噴嘅南乳味，羊肉有好多件，其他配料有枝竹、冬菇、筍、馬碲等，唔羶得黎仲全部都好入味，真係想要碗白飯汁都撈埋😆⭐唐生菜附送的生菜，已灼熟，一般都係生嘅生菜🤔勝在夠大碟。⭐原個椰皇燉燕窩食完濃味野就想食下甜，點左個椰皇，原個蒸，仲用紙封口防止倒汁水，好滑加上🥥椰汁香甜，好食噃。⭐芋圓薑茶湯丸仲叫左湯丸，薑茶好夠薑味，微甜，湯丸係芝麻餡都幾好食，但芋圓就唔得了，太淋又無味。兩個人食左五百蚊，有加一茶芥等，差唔多啦😋

今日下午11:45 一去到攞飛，個樓面巳唔睬人，我講左幾多位之後等佢俾飛我，佢零反應，掛住用speaker 講野。我明白，於是繼續等，之後第二個女人黎到拎飛，呢個樓面俾佢唔俾我。我問佢未俾飛我喎，佢仲大聲博我，話你拎住電話吖嘛！這有咩關係？之後拖多2-3分鐘先俾飛我，全程黑囗黑面，仲要拉住d同事望住我指指點點。真心咩料吖你？我地唔係cheap客，8人飲茶都食左$1580食物係唔錯。但成間鋪頭所有職員都態度差劣，亳冇CS service 可言，十間九唔應。等俾錢等左20分鐘，真係慘過乞食

農曆四月初八(星期五)，佛誕假期，中午陪媽媽到紅磡香港體育館浴佛，之後在紅館附近吃午餐。置富都會就在紅館對面，挺方便的。媽媽喜歡飲茶吃點心，彩福皇宴2人枱要等9個，等了30分鐘才有位。是日午餐，我們點了以下的：#普洱茶：濃淡適中，解油膩，挺好！#彩福蝦餃皇：商家招牌點心，皮薄饀足，蝦肉滿滿，富彈性，好吃！#魚肚高湯鮮竹卷：皇鮮竹卷吃多了，這個比較清淡，我更喜歡高湯的！#金萡芝麻卷：芝麻味濃，微甜不膩，very nice！#燒味雙拼飯：點了叉燒拼油雞飯，叉燒有筋，不好吃；油雞比叉燒好吃多！服務：埋單收錢等好久，效率勁低！

鮑魚燒賣今日放假又帶👶🏻去playhouse玩😆玩完見肚餓就去咗playhouse附近飲茶🫖☕️試咗佢哋嘅得獎點心😋😋正啊！🌟小朋友最愛一定喺黃金流沙包🤤中間黃金流沙鹹蛋餡料甜甜哋又夠晒香👍🏻必食🫶🏻🌟鐘意食香口野嘅必試芝心海皇千絲春卷啊🙌🏻外面酥脆部分喺麵包絲嚟，配上車打芝士汁混合海鮮配料，唔錯㗎👍🏻🌟鮑魚燒賣上面粒鮑魚大大粒😍 夾埋以黃金比例混合豬肉與蝦肉嘅燒賣一齊食，口感好特別😋

每月都有一次家庭茶聚， 今次帶家人去試下紅磡這間， 之前試過其小菜唔錯， 今次要試下得到金獎既點心先🧡， （5⭐️最高）⭐️蝦米腸 （5⭐️）$36腸粉嫩滑，蝦米及芝麻好香口， 而且上菜presentation 好靚🥰， 配上「三寶醬」則辣椒醬、甜醬及麻醬，係香港人街頭必食之選🎉原隻鮑魚燒賣皇 （5⭐️）$42鮑魚大大粒， 嚇親我啦😂，蝦肉爽口鮮甜，肉質鮮味之餘又彈牙， 小子最喜歡😍。黃金流沙包（5⭐️）$37竹炭粉與麵糰的揉合，在包面上做成奇趣的旋風圖案，一打開， 一陣陣濃烈的黃金流沙鹹蛋餡料流出， 食既時候要小心，因為即叫即蒸，熱辣辣🤩。 芝心海皇千絲春卷 （4.5⭐️）$40一款中西合璧既作品， 春卷以車打芝士汁混合海鮮配料精製而成，配上由麵包絲作包圍，炸至黃金色， 酥脆無比。潮州蒸粉果 （5⭐️）$34粉果外皮口感滑嫩，晶瑩剔透，餡料十足，配惹味非常。魚片粥（5⭐️）魚肉入口幼滑，而且粥底煮得好又綿又滑😀上湯菜心（4.5⭐️）嫩口而爽口既菜心， 以上湯沉煮， 味道岩岩好🤙鳳爪排骨飯（5⭐️）多肉而且份量岩底岩好一人份量， 肉質幼滑而不太肥🧡牛肉球（5⭐️）$28滋味爽口牛肥球， 大大粒， 又有馬蹄在

打電話book枱食lunch，個接線嘅啲態度已經唔多好當日有親戚先到，嗌咗茶差唔多半個鐘都未有，正常都會催催啲部長啦。自問我哋都好聲好氣問，一個啡長髮紥辮嘅女部長態度極為惡劣發脾氣回應仲爭啲同親戚嘈交。我唔知人手短缺定啲人唔做嘢，有啲就企定定玩電話，有啲就吹水，得幾個人做嘢。但係都唔係將你哋對同事不滿發洩落客人身上下話？最好笑係發現張枱有張上手嘅單，懷疑都係等唔切茶就走人另外某啲樓面員工行過見到有吉籠吉碟唔收，只係企喺側邊行嚟行去，隔離張枱棟到啲吉籠半張枱高都冇人收傳菜嘅姐姐都好態度過做樓面，咁不如調轉啲崗位嚟做啦唔洗你哋四萬咁口笑啦唔洗酒店式嘅服務態度喇只係有人與人之間嘅尊重啫呢間公司係唔係冇CS department?或者教啲樓面做正常人嘅department?不過值得一讚嘅食物唔差蒸點去到炒麵飯都算好味只可惜啲樓面完美破壞對呢間食肆嘅印象換晒啲樓面或者生意會更好

📍石門京瑞廣場 彩福皇宴📍就嚟過年，一家人嚟食團年飯，揀咗彩福皇宴。佢有一個set都幾抵食：豐裕宴 $4380一席，免收茶芥加一。👍🏻乳豬一隻👍🏻龍蝦伊麵👍🏻蓮藕炒螺片👍🏻柚子水蜜桃炒蝦球👍🏻玉環瑤柱👍🏻清蒸龍躉👍🏻原隻鮑魚👍🏻炸子雞👍🏻臘味糯米飯👍🏻椰絲芝麻湯圓仲包咗一打罐裝飲品，同埋一支紅酒。再送咗$200現金券，下次可以用。每一道餸嘅份量都好足夠，而且味道都有水準，同屋企人食得好開心！

一心諗住食出名既片皮鴨, 點知坐底睇餐牌唔見. 再問下侍應先知人手不足及好似送鴨來供應商收爐冇得食. 唯有食其他野啦! 我地叫左個三寶D餐...濃湯鮮菌浸菜苗 - 個湯幾濃, 有D似濃湯寶添 清清地, 菜都算甜 OK!彩福金獎脆皮雞 - 雞肉係幾嫩滑, 略嫌生左D, 骨位直情生, 只食到大約8成肉清蒸沙巴龍躉班 - 1斤2重SIZE啱啱好, 夠熟亦嫩滑, 肉質唔會太"鞋"  略嫌豉油咸左D, 鐘意甜番DD原個椰皇燉燕窩 - 燕窩份量唔算小, 椰皇夠滑味道清甜.總結 : 如果入座前知道片皮鴨暫停我地唔會入去食. 一定轉場! 食物質數同價錢乘正比, 服務都交番足. 換碟招待上菜都做足. 下次再來一定係有片皮鴨食先到 

自從限制令放寬以後，很久沒有和一大班朋友吃過晚飯，所以我們相約好來到紅磡置富都會中的彩福皇宴品嚐一下他們的佳餚。這間餐廳的裝潢設計以綠藍色作主題，感覺非常柔和新派，完全沒有傳統茶樓的沉悶氣色。大廳是五角形的，但中間並沒有橫樑和直砫，完全適合婚宴和公司聚餐。看過餐牌之後我們點選了幾款主打菜式。招牌雞煲鮑翅湯水是廣東人的傳統，今次我們先點選招牌雞煲翅。給端上的時候，店員先把雞煲鮑翅放在旁邊的小餐桌上，先把足六両的魚翅為我們平均分配，再為每湯碗倒入熱呼呼的雞湯，實在令人垂涎欲滴。雞湯雪白亮麗，並無半點有油份，看似非常健康。味道鮮甜味美，濃而不膩。魚翅爽彈嫰滑。生猛澳洲大龍蝦我們來光顧的時候，剛剛好是彩福龍蝦節，意思彩福整個集團推廣龍蝦特價的時間。當然不可以錯失這個良機。我們點選了上湯芝士焗製，再另加伊麵底，稍稍等了一會店員便捉一直隻澳洲大龍蝦給我們看看，解說大約一斤半左右。給端上的時候，份量非常十足巨型，簡直是有點誇張。龍蝦殼是橙紅色的， 非常鮮艷。龍蝦肉爽口彈牙，沾上芝士後，更使味道香口美味。但是其實我最喜愛吃伊麵底，伊麵爽口軟稔，平均地沾上芝士，濃稠醬口，芝士味度香濃誘惑，令人垂涎欲滴。

好耐冇食過中菜，原來而家中菜都幾創新！今日同屋企人黎食下小菜，見到一個 Seafood Love Sake既Menu, 原來中菜都可以配上日本清酒，真係估都估唔到！我就叫左個蔥香豉油皇虎蝦碌配月桂冠特撰清酒！ 個虎蝦碌大大隻，口感又夠彈牙！加上蔥香豉油提升左蝦碌鮮味，又唔會太過鹹，真係幾好味🤤食完一啖蝦碌之後飲一啖月桂冠特撰清酒，個清酒香氣優雅，口感柔軟，更能將道菜式既鮮味昇華到另一層次，原來中菜都配日本清酒都唔錯

今次黎到彩福皇宴真係幾有驚喜，估唔到中式嘅酒樓都有crossover喎！平時去酒樓既飲品都不外乎汽水、啤酒、橙汁等等，估唔到而家仲有埋日本清酒，仲會有埋建議配咩食，真係幾創新既嘗試！原來而家有「SEAFOOD LOVES SAKE」活動，將日本清酒與廣東海鮮菜式配搭菜單估都估唔到既係配搭係老壇酸菜魚 x 月桂冠特撰清酒！ 呢道菜色除左魚肉重要之外，酸菜都可以話係老壇酸菜魚既靈魂，酸酸辣辣既味道令人難以忘懷，魚肉夠滑又唔腥。配埋月桂冠特撰清酒，口感豐盈，將整道菜既甘辛酸辣提升，呢個組合真係想像唔到咁夾

seafood loves sake 新派配搭，嘗盡知味，跟上餐桌新風潮😍 要趕上尾班車就快🚌 係11月中就開始咗架了，為期一個月，得40幾間餐廳可以品嚐到呢一系列嘅配搭菜單😍呢嗰活動我係彩福發現，之後去多幾間😉 今次叫咗豉椒炒蟶子皇，就有月桂冠京釀祝米大吟釀🍶 兩樣加埋$338 鮮嫩肥美口感彈牙的蟶子皇，配上香濃豉椒醬，是香港一大招牌菜式。估唔到同清酒嘅同香濃的醬汁調和配合，令人齒頰留香🤤 呢隻清酒係用京都伏見水，飲落較軟滑，都幾啱女士享用🤭

由於今晚睇演唱會，順便喺海逸book埋酒店黎個concert staycation6點半落去置富都會入面間彩福皇宴見到餐牌真係笑左演唱會三寶諗到呢個噱頭嘅人真係好叻👍我地睇到嗰一刻想法係：唔係唔叫呀🤣濃湯鮮菌浸唐生菜：用左日常嘅菌類做配菜，同唐生菜配合得完美無縫。有口感之餘，加上食材新鮮，鮮甜味道令人愛上，係清新中帶點甘甜嘅菜式。金獎脆皮雞：真係冇改錯名，賣相佳，皮脆如薯片，雞皮乾爽酥脆，咬落去真係索索聲，雞嘅皮下油脂唔多, 但雞肉係意想唔到到嘅嫩滑，柔嫩多汁，鹹香甘美，味道剛好，非常可口。清蒸沙巴龍躉斑：的確酒樓蒸魚真係唔會唔好食，信心保證。條魚都唔細架，我食到尾都覺得好飽。龍躉斑有鮮濃魚味，細嫩肉質，鮮嫰無比。3個菜份量都夠，四百蚊食呢個質素又真係唔錯。食完岩岩好夠鐘

隨著疫情的緩和,這次終於約到了一段時間未有一齊聚餐的幾個好友,關於地點選址及餐廳,經過各人的意見,商量之後決定定於紅磡國際都會的彩福皇宴;由紅磡港鐵站過去食肆所在的商場也相當方便,商廈/豪宅/酒店/紅館都環繞在四周,加上瀕臨海濱,此處氣氛景致十分良好!好友們先後到齊,掃了出行碼針咭量了體溫就入場;放眼極目,從門口的裝潢佈置,到內裡的擺設構圖,全場主題的以粉白色點綴著粉藍色,天花垂下盞盞的歐式水晶吊燈,而且佔地寬廣,兼擁高樓底,極具氣派與優雅!酒樓經理引領我們到近門口的一張大枱坐下;這邊廂的餐台椅子款式大氣,枱與枱之間間距闊落,置身其中十分舒適!好友們坐低之後,有講有笑一齊研究菜單,加上酒樓經理的心水推介後,很快就點了菜;此店的上菜速度絕對不容小覷,才點了菜沒多久,第一道前菜很快就上來了,而且其他菜式也是間距時間不用等太久就遞上了;經理推介的前菜--冰鎮南非五頭鮑魚配胡蔴醬沙律菜,據其說法是每晚最快沽清,我們也剛好拿到兩個的份額;說真的,此道菜賣相的確平淡了一些,但究竟有什麼魔力可成為搶手菜式呢?答案就在味道方面!本身選取的南非五頭鮑魚用冰鎮方式處理,大大地保持爽脆彈牙的口感;估計或醉或

在紅磡附近放工，又好想食片皮鴨就openrice了一下餐廳推薦，見到這間的片皮鴨不算貴，兩個人價錢合理就試一試。酒樓裝修新淨華麗主打婚宴慶典，坐得舒服，服務又好，很主動換碟。【片皮鴨】端出來時都幾脹，不是乾淨淨，部長會即場片出來，份量有成兩大碟，其實四人分享最適合。饀餅皮好薄又夠熱，包著脆皮的片皮鴨好正，而且又有鴨油香味，令人一舊包一舊，食不停口。【炒鴨絲】韮菜芽菜炒鴨絲，味道有點像小炒皇，但是鴨肉味香濃，令到配菜都充滿鴨香味，必食的二食之選。其實送飯吃最佳，可惜吃不下。【楊枝甘露】稍稍遜色，西米太淋。