張光記

營業中

休息中

「四點鐘閂門，遲到連阿姐都唔吼你！」元朗大棠道熟食市場C11號舖「張光記」，呢間冬菇停大排檔已經over 40年歷史～.專程為咗排骨蒸飯衝過嚟，$50有找嘅蒸飯，底層鋪滿7-8粒半肥瘦排骨，醃到豉油香入晒骨，絲苗米粒粒分明彈牙到識跳舞，最邪惡係臘腸油慢慢滲落飯焦度😈.馬蹄牛肉球夠晒古惑，大大粒咬落「索索聲」，有種童年嘅快感～ .霉香鹹魚排骨飯係「重口味之選」，鹹魚不過不失，排骨依然keep住嫩滑。.☕️奶茶先係隱藏大佬！茶底濃到黐脷，撞埋花奶滑過溜冰場。溫馨提示：記住帶現金同埋早過兩點嚟～呢度收四點閂門

大家見到咁舊式既冬菇亭，會唔會好奇而走入去搵吓有咩好食呢？ 有次同長輩傾開，佢話原來呢間嘅盅頭飯好好食，好出名。住元朗嘅街坊通常都知道的。我從未試過，出於好奇之下去咗試吓。環境當然就要將就下啦，好在有好多個大風扇吹著。坐就坐摺枱。飯係粒粒分明。飯面淋上嘅豉油甜甜哋，幾好味。佢哋揀做排骨嘅部位剛剛好。有肉有骨又有少少脂肪食到。唔會好似出面有啲好唔勻稱或者太多脂肪好難咬。同埋排骨個味道調得幾好味，唔會好咸好甜，剛剛好。食得出製造嘅用心。鳳爪正常發揮。3樣嘢配合得幾好。下次可以再去試吓佢哋嘅粥品和中式點心。

放假特登一早入去元朗食下好嘢，知道有間冬菇亭叫張光記，出名食點心、粥品同埋盅頭飯，去試一試，叫咗個鳳爪排骨飯加凍奶茶，再加一個北菇蒸雞點心，個鳳爪排骨飯好大盅，啲餸都唔少，鳳爪好腍，個汁微甜，至於排骨唔算滑，上枱之前個飯冧咗豉油同豬油，佢嘅豉油味唔突出，但正正因為咁，令到豉油味冇蓋過豬油味，豬油味好出，如果豉油味重啲啲就perfect，所以個飯重點係豬油撈飯，至於個北菇蒸雞嘅點心，雞都算滑，冇蒸過龍，但係啲雞肉唔多，可能靚嘅部位拎晒去蒸飯，至於味道中規中矩，而且蒸出嚟嘅雞油亦唔算好多，唔會食到成口油，但係杯凍奶茶就差少少，一開始送過嚟嘅時候可能落錯咗走甜，所以一啲糖水都冇落，但係都飲得出茶味幾濃，但唔夠香，之後叫佢加返糖水，加完之後只係甜咗好少好少，唔知係咪又變咗少甜，如果佢最終係冇加少咗糖水嘅話，甜味嘅份量就唔係太理想，不過相信如果糖水嘅份量係啱，杯奶茶應該唔算太差，最後，冬菇亭就唔好諗住有咩服務，不過通常都係比較有人情味，但用餐體驗又唔覺得啲夥計同食客好相熟好有人情味，可能真係冇熟客喺度，三樣嘢埋單$65，一啲都唔算貴，但係以冬菇亭嚟講亦唔算平，但的確豬油撈飯，而家依個年代唔係周圍

今日幫襯元朗冬菇亭嘅張光記朋友介紹話佢哋嘅點心同埋蒸飯好好食今日又係嚟到元朗覓食嘅時候見到門口都好多人排隊一坐低朋友叫咗梅菜肉片飯我就叫咗鳳爪排骨飯佢哋係倒轉吸落個碗度所以影相嘅時候唔係好影到個面有餸其實啲餸喺晒個底本身仲想試吓佢嘅臘味飯但手因為我哋今次得兩個人食，所以一人一個飯就冇特別再嗌其他野啦排骨軟熟得來有咬口鳳爪亦都好入味個飯唔太腍亦都唔硬仲有少少煙靭添講講環境，嚟得冬菇亭食嘢都係食個情懷所以唔好期望會係好好，但係都乾淨嘅我下次會再嚟幫襯，下次真係會想試吓個臘味飯呢度食嘢唔係真係食香港情懷咁簡單而啲嘢真係好好食唔係一般酒樓嘅一式一樣嘅味道推介大家值得一試

有一排無入元朗，今日見天氣OK入去探個朋友順便食最近上網睇到介紹既張光記。其實呢個冬菇亭我唔系第一次幫襯，但上次咖啡通粉既體驗十分惡劣，所以無再去幫襯，估唔到原來入面仲有間歷史悠久既老店可以試下。去門口見好多人排隊，諗住有排等，點知原來都係等外賣，咁見到有位就坐喇。事前做功課決定食鳳爪排骨飯同牛肉球，同店員直接落單，大約等咗十五分鐘左右，算有啲慢但都OK既。冬菇亭環境一般，但對香港人嚟講係有種情懷，只係天氣開始轉熱，無冷氣唔系個個都接受。鳳爪排骨飯既鳳爪口感有啲爽，同酒樓淋滑口感唔一樣，而排骨更加係麵豉醃製，跟酒樓既都唔一樣。見阿姐上飯前會加三樣醬料，猜測可能系熟油，老抽同生抽掛，但味道唔濃，少甜味。牛肉球如傳聞中紮實，有牛味有口感，感覺真材實料。好快咁食完，呢餐合乎期望，都幾滿足。麻煩阿姐睇數，阿姐收錢嗰陣講句多謝，我都講句唔該，禮貌睇嚟基本，但唔系間間餐廳都會。

依間張光記我已經食過幾次了😋因我的呀肥很喜歡食排骨飯🙈佢之前都有帶過我去其他舖頭食排骨飯🙂但我食咗一次就吾會想再去食😅依間張光記佢雖然冇豪華嘅裝修睇落好簡陋🐱🐱但佢既排骨飯係我食完之後會想再去食多一次嘅飯☺️☺️☺️☺️佢有唔同嘅餸可以選擇🫶🏻我試過其他餸但都鍾情於排骨飯💕💕💕⭐️排骨飯/多色⭐️排骨飯多食即係多醬汁，佢嘅飯好鬆軟好好味很有飯的味道，排骨都很鬆軟💛💛💛十分推介大家食✅✅

我一星期都三四次光顧這間店,雖然這裏熟食大排檔，這裏沒有冷氣，只有幾擺風扇。有些吃完都成身汗，但我願意在這裏吃東西呢！這間店的排骨飯,梅菜排骨飯,牛肉飯,煮得好入味,排骨煮得好淋連骨吃都可以。還有白粥、豬潤粥、碎牛粥、炒麵、炒河還有咸肉糭、梘水糭、紅綠豆糭是自已包。每日都有客人賣十隻糭帶走。豬潤粥+炸兩腸粉,腸粉和油炸鬼很鬆翠,若果腸粉熱些更好。

今年第一隻糉終於開波喇未試過張光記嘅糉，又聽聞佢啲糉好味道，一於就試下先試左3款糉（不過唔記得影齊3款糉）分別蛋黃綠豆咸肉糉、蓮蓉梘水糉同埋花生蛋黃糉。先講蛋黃綠豆咸肉糉，料就好足夠架喇蛋黃都有油，又大粒，本身綠豆都夠嘅，不過因為我鍾意食綠豆，如果可以再多啲綠豆就perfect 啦而肥豬肉我就無食，因為我唔食肥豬肉反而隻蓮蓉梘水糉就好有驚喜！蓮蓉好滑，隻糉又軟淋淋，好似食緊甜品咁正至於花生糉，花生又多又大粒下次經過要再買

元朗仍然存在頗多"舊式露天冬菇亭"的其中一個區域,而且, 仲要係每個冬菇亭"人氣鼎盛"程度都頗為驚人, 近建業街那個, 比較出名的有成記茶寮, 添記燒肉,近968巴士總站那個則有"池記粥品"呢度冬菇亭就係正元朗市中心的中心, 每一間店都各有特色,就連蒸飯都有家名店, 一家是"泗記", 另一家就是今日介紹的"張光記""張光記"由早上已經開始供應蒸飯, 一早流流食個 "蒸飯" 先似返個“阿叔”架嘛 !!我今日食左, 梅菜肉片飯 + 凍奶茶梅菜肉片飯,  由於我係一個東莞仔, 自細就成日有梅菜食, 所以呢方面很有喜好的,呢個飯, 好味，入味(肉汁滲入飯粒) 好食，合味道, 一定會 encore !!!* 臨埋單時，聽到阿姐大叫：一個咸片 😂我下次去都要試下暗號 “咸片” 先 (咸魚肉片)

天氣開始熱又是換季時間,濕平前吃什麼好呢??那一刻突然好想吃飯,反正服裝店附近就是有飯吃的冬菇亭,上次吃過大良泗記,今次則試試同場另一家同有盅仔蒸飯的張光記。舊式露天冬菇亭完全不設空調,在這還有一點涼風的日子自己還能支持,加上店家的幾台大風扇,就算在後巷中的座位也算通風,完全可以接受。多款蒸飯中獨愛鳳爪排骨飯,這邊的盅仔飯都不以原盅奉客,以大湯碗來吃更豪氣。在元朗食肆中的白飯通常都有點水準,會否因為以往曾出生產絲苗米,一般元朗居民也愛吃飯之故呢??這裡的蒸飯飯量真足夠,飯粒未至於彈牙爽口,香軟中仍有點咀嚼勁,看似只有少量的濃味甜豉油,拌勻後卻是剛剛好,可以調味卻不會讓飯粒太濕糊,要是只有豉油撈飯我也會捧場的。明顯後加的鳳爪只有一隻,有點稠身醬汁煮過的鳳爪,雞皮鬆軟入味,筋腱也蠻夠Q,這店的鳳爪排骨飯會比排骨飯更對自己口味。碗底的肉排肉比骨多,醃過的肉排較滑溜有著淡淡的調味,少量脂肪令肉排更甘美,不過還是要小心一點小碎骨。桌面上已有備有茶壺茶杯供客人飲用,不過有笑容的阿姐也會問要不要飲品??凍奶茶少甜果然做到,只是紅茶味偏薄,整杯奶茶只感到來自花奶的奶滑,不過一杯凍飲在這天氣真的好難抗拒

平時我其實係幫襯開隔離【泗記】多,但【泗記】唔憂做成日突然休息,所以我一摸空就會幫襯佢。呢道食品比【泗記】種類多好多,有粥、粉、麵、飯、粽、油器及各類飲品等等! 我都係慣常食【原盅蒸燉排骨飯室18 + 凍奶茶$7=共$25】, 同【泗記】比【泗記】蒸飯貴一蚊,但跟茶水就平一蚊,即係打個平。先講【排骨飯】,排骨切得骨好碎,進食時較麻煩成日要o累骨,排骨肉少骨多感覺唔夠【泗記】新鮮嫩滑,飯粒我就唔係太滿意,可能係米質問題,成日有煲唔過核感覺,定係焗得太過時?! 豉油汁好濃味覺得有時太重色,但基本上都係好食。 再講【凍奶茶】,茶底唔夠濃奶亦唔夠,茶真係好普通叫做飲慣...都要杯頂下癮。如果講現場環境比【泗記】較肆正,同埋食物選擇種類比較多,想多選擇o黎呢道食,都不失為一個好選擇。其他食品我未試過,大家可以去幫襯試下啦!而且佢比【泗記】遲收檔,一般【泗記】下午14:30已經收爐,但【張光記】到三點半都有飯食。