張光記

營業中

休息中

有一排無入元朗，今日見天氣OK入去探個朋友順便食最近上網睇到介紹既張光記。其實呢個冬菇亭我唔系第一次幫襯，但上次咖啡通粉既體驗十分惡劣，所以無再去幫襯，估唔到原來入面仲有間歷史悠久既老店可以試下。去門口見好多人排隊，諗住有排等，點知原來都係等外賣，咁見到有位就坐喇。事前做功課決定食鳳爪排骨飯同牛肉球，同店員直接落單，大約等咗十五分鐘左右，算有啲慢但都OK既。冬菇亭環境一般，但對香港人嚟講係有種情懷，只係天氣開始轉熱，無冷氣唔系個個都接受。鳳爪排骨飯既鳳爪口感有啲爽，同酒樓淋滑口感唔一樣，而排骨更加係麵豉醃製，跟酒樓既都唔一樣。見阿姐上飯前會加三樣醬料，猜測可能系熟油，老抽同生抽掛，但味道唔濃，少甜味。牛肉球如傳聞中紮實，有牛味有口感，感覺真材實料。好快咁食完，呢餐合乎期望，都幾滿足。麻煩阿姐睇數，阿姐收錢嗰陣講句多謝，我都講句唔該，禮貌睇嚟基本，但唔系間間餐廳都會。