廿一堂

營業中

休息中

自從某日式大型商店進駐荃灣後，鄰近的商場都開了不少餐廳食店，最近就試了這間燒肉丼店「廿一堂」。🔸 廿一燒豚丼（上）飯面鋪面燒豚肉（目測約有七至八片），中間有些紅薑點綴，豚肉有黑椒調味，很香口，肉片看似略肥，但因為燒的關係，吃落又不覺太油膩。跟餐送的綠茶糯米糍太黏，黏住隻碟仔。🔸 廿一盛燒丼（下）另一碗是牛肉拼雞肉丼，因為最近堂食做半價，所以點了這個。同樣飯面鋪滿肉肉，但牛肉略為乾身，而雞肉就較嫩，燒肉汁頗多，味道亦不錯，撈飯一流。

假日，與家人來到海之戀商場搵食。此店要先下單，後入座的，下單的店員態度良好，即使我再三更改下單內容，他也十分有耐性。我點了A餐，包括有薯餅、厚多士、牛乳炒蛋加配$6鰹魚湯讚岐烏冬，另外飲品用$12升級了抹茶紅豆冰。賣相一流，垂涎三尺。可能是店內的冷氣太強吧，木盤上的食物都已經是冷掉的。厚多士配了牛油，可惜牛油太硬了，牛油不能在多士上抹開，亦未能溶化。我參考了媽媽的食法，把一半炒蛋放上多士，想把牛油溶解，可惜炒蛋不夠熱，「炒蛋多士」入口，牛油仍然是冰冷的。 炒蛋雖然不夠熱，不過還是滑的，亦有奶香味。薯餅方面，是冷的，不過它是脆的，味道不錯。本來對於這個鰹魚湯讚岐烏冬期望不大，不過先呷口湯，竟然夠濃魚湯味。烏冬口感煙韌，不會因為擺放時間太長（我吃得太慢了）而軟掉。抹茶紅豆冰，我覺得略甜，不過抹茶味足夠。而在紅豆方面，即使喝到最後，依然是每一口抹茶裏面都有紅豆。 在環境方面，由於每一枱要相隔1.5米，所以座位方面絕對舒適。光線充足，而且面對海景，美中不足的是冷氣太強勁了，故扣了些少分。總括而言，食物質素良好，不過冷氣太大，令食物難以保溫。 絕對有下次。

整體裝修環境都係好日式快餐Feel，比人感覺都係整潔同乾淨。每個餐都跟一杯野飲＋一個大福，所以價錢對快餐店黎講都中規中矩。但荃灣呢間分店係可以一邊望住個海一邊食，就真係唔係間間快餐店做到～加分加分哦～還有一點，餐廳appreciate 顧客自己將餐盤送去收盤處哦🤗所以大家記得食完自處理啦😃廿一燒牛丼 $55佢既燒牛肉係薄切，一塊一塊約正方形，食一啖係感受到有牛味，仲會有一陣燒肉既味道，雖然眼見到有好多黑椒，但食落唔算好辣。醬汁有少少咸，但因為唔多既關係，配飯一齊食同堆配埋菜甫（酸酸尾尾）都可以中和到。但一碗$55既牛丼黎講，算足料，都可以一啖牛一啖飯，快餐店黎講有驚喜！都叫值得推介～廿一咖喱唐揚炸雞 $66唐揚炸雞應該岩岩炸起，好熱辣辣～舊舊雞都好大件！但偏乾，炸漿屬煙韌個種。咖喱份量好多，完全係可以每一啖飯都有咖喱，但味道就一般、正常，似屋企自己用咖喱磚開。相對牛丼較為普通，但價錢卻貴十蚊。

嗰日朋友介紹話依間幾好味，話嗰度嘅牛同日本差唔多，咁我哋就即管去試，老實講話同日本差唔多我就唔覺😂！但起碼叫做食得落口，都算好味嘅同埋唔會話覺得好硬🤔咬吾到 食完之後就同日本餐廳一樣要放返啲盤去餐廳指定個位置依樣野覺得幾好🥴

係疫情底下，香港人旅行無得去真係叫苦連天，連relex一下既機會都無，就唯有放假去買下日本野，食下日本料理咁啦今日去左荃灣行街街，一心係去Donki尋回日本既味道，點知～勁多人拿拿淋行左個圈就迫返出黎。見到間廿一堂，一間食日式燒丼專門店，仲要即叫即燒，點都要入去試一下我地叫左一個廿一燒牛丼，燒牛就真係有D燶燶地既焦味，相當配上泡菜和一杯忌廉，另一個叫左廿一炭燒鳥丼，雞肉相當嫩滑，又有D燶邊咁，真係食多碗飯都仲得最重要係個《返却口》當每位客人用餐完畢後，都必須像在日本一樣自行執拾好，這點幾好，又可讓港人學識自律和責任總結係如果思鄉的話真係不妨一試，真係止到咳同埋價錢真係好平民化，我們2人用餐都只是$132，相當超值

新例生效前一晚，呢度已經跟正嚟做店員先問客人是否堂食，堂食就先度體溫，然後落完單入鋪㩒張冇卡仔既枱坐。呢樣幾清晰既，見到個厚燒牛舌飯幾吸引，上枱果陣比預期細碗好似某牛肉飯專門店既早，下午茶細飯咁不過牛舌都有4大塊既，的確係厚切。食落去冇乜太大驚喜，而且好韌，好難咬得開。個醬汁撈飯都ok既，但如果收人70蚊碗飯，份量係咪應該增大少少呢？杯汽水都係細杯，百事汽水都冇所謂都唔駛裝咁多冰俾人掛，飲幾啖就飲晒泡菜 辣度不足，偏酸麵豉湯不過不失總結嚟講真係好一般

餐廳位於商場地下層，連接西鐵站出口極為方便，店鋪走日式快餐路線，性價比極高。廿一燒牛丼 ($65) - 牛肉多米質優，套餐連面豉湯，大福/泡菜及飲品，又好味又抵😋鐵板角切和牛配燒魂丼 ($88) - 和牛肉質嫩，醬汁味道濃，配以溫泉蛋紫菜飯，誠意之作👍🏻廿一厚切牛舌丼 ($70) - 牛舌實在太多太厚了，真的以為在跟牛牛接吻，牛舌烹調時間適中，不過熟好咬口，單吃牛舌已飽了 服務員態度非常良好，還會主動替顧客處理托盤，又教顧客如把餐盤放回取口處便可獲得$2現金卷以方便下次使用。現在如消費滿$100更可獲贈搓手液一樽共同抗疫。

已經無幾多間店舖會收遲過 8pm…荃灣 Donki 真係好好行! 血拼前要先醫醫肚, 發現新開的廿一堂, 有我喜愛的豚肉丼, 正! 店面大, 座位寬闊, 日式的裝潢! 安頓後先到店門外點選食物, 再到枱前領取食物, 同快餐店一樣! 當然亦可使用售票機, 不過部機接觸不良, 信用咭機顯示已過數, 但機面無顯示已成功購買及已購買之食品, 好彩後台睇到張單…應該話好彩我都係做呢行, 如果唔係未必會留意到部咭機, 所以都係直接買比較穩陣! 燒豚丼 $65 ~ 包括丼飯, 麵豉湯 及 大福, +4仲有杯檸檬七喜! 鰹魚湯讚岐烏冬配關東煮 $69 ~ 包括麵豉湯 及 大福, +8 有巨峰椰果梳打特飲! 鐵板角切和牛配燒丼 $88 ~ 好有牛肉味, 燒得香香的, 肉質嫩滑, 紫菜及溫泉蛋拌飯, 絶配! 註: 甜品大福, 軟糯幼滑! 

喺中環買咗廿一堂食過都正常嘅，荃灣分店啲員工服務態度同埋啲食物都勁差！叫咗佢換一次個豬肉飯，搬完之後仲比之前嗰個更加燶，好似有心同你鬥氣咁！所謂甜品嗰個糯米糍，佢哋應該一個疊一個咁放，所以除咗最上面嗰個，下面嗰啲全部都係爛嘅！

荃灣市中心d 商場呀食店呀，餐廳呀我就成日都有經過幫襯下但講真一句荃灣西站個便個d新商場，新食店就真係今日之後我都未去過今日就專誠同d朋友一行幾人黎到海之戀朝聖一下個商場太新好多商店都未開最多人都係個間激安真係超多人行完後就找食行完後就決定來左呢間日式西餐廳呢間餐廳類似麥當勞甘要自己找座位人不太多一入去就有位座位幾寬敞某d 位仲有小小海景看到見到d 人係海傍散步感覺幾寫意我叫左個海鮮湯烏冬個湯幾入味味道濃郁d 飽魚粒不是淡的感覺幾豐富仲有個湯同飮品正

假日到荃灣的海旁邊散步， 不知不覺間就走到海之戀商場， 逛完著名的日本超市後，順路來到剛開張不久的廿一堂日本餐廳。在門口的點菜機器買了燒牛肉飯套餐，然後就可找位置坐下，等待叫號，自行到櫃面取餐。期待滿滿，日式套餐味道應該會挺不錯的。鐵板角切和牛套餐～套餐份量不算太大，飯面有一隻放涼了的溫泉蛋和紫菜碎。 盛載牛肉的鐵板出奇地一點都不熱，把牛肉連汁倒進飯內同食， 牛肉非常的韌， 感受不到店家有用心在煮食上， 味道非常一般，令人感到失望。麵豉湯味道可以。送上的甜品，原來是一隻雲呢拿雪糕糯米糍， 建議早點食用。

最近荃灣新開了不少新店，而屬翠華集團的日式快餐店廿一堂亦在海之戀商場設分店未查資料前還以為此店來自日本，所以進店一試店內裝潢很有日式感覺，亦算寬敞下單方式是用電子顯示屏自行點餐及付款，有不少長者根本不懂用，所以引致其他人被迫排隊毫無服務可言我們約下午5時到場，竟然還可以點午餐於是太太點了鐵板角切和牛配燒魂丼角切牛份量不多，而且有點韌且味道一般麵豉湯有點偏鹹，如果沒配上雞蛋去補足，肯定不合格而我點了日式咖哩燒牛金菇漢堡扒定食，金菇卷只有一件而咖哩汁味道相當普通，只有漢堡扒份量算不少且香味充足，但整體還是失色總括來說，此店試過一次已足夠，帶著後悔離開

OP Mall 開左廿一堂，今日同老公過咗去試一試。去到嘅時候大約下午三點幾，由於有武漢肺炎嘅關係，街上嘅人都少咗好多，但係店舖內大約都有三份一嘅客，都比預期中多人。店舖可以用自助落單機，亦都可以去櫃檯付款，付款之後就可以搵位坐低，螢幕會顯示你嘅單號，到你就去食物櫃位攞嘢食👍🏻我就叫左一個三文魚子厚切牛脷飯，要巨峰🍇提子梳打特飲。三文魚子都唔算少，重點係厚切牛脷真係好好食，好林好juicy。個特飲就麻麻哋，下次可以唔使加錢轉。另外跟餐有一個大福，入面全部都係忌廉，個人覺得普通。而我老公就叫左個鐵板和牛丼，老公話個溫泉蛋紫菜飯好加分，和牛方面生得滯，不過係幾好口感。老公加錢叫咗個抹茶紅豆特飲，都係普普通通。買單食咗$163，咁嘅價錢，咁樣嘅質素 ，不過不失啦

同阿爸行完山，好需要補充卡路里。係荃灣新商場海之戀搵嘢食，廿一堂就係西鐵站C2出口對面。6點黎到，有兩三枱客，窗邊望海位已經有人坐。所以坐只好坐入d，離遠望海。環境都算闊落。我叫咗新將開期間限定的三文魚籽燒豚丼，配麵豉湯。大福同泡菜二選一，我就選擇咗大福。飲品就轉抹茶紅豆冰，當獎勵下自己。阿爸就叫咗廿一燒牛丼。一上菜第一下對兩個餐都有d失望，因為都幾多燒焦，但係食物都唔可以以貌取人，食落個豚肉好甘香，亦都唔乾，有油脂。一件一件咁送飯食又邪惡又好味。米飯本身吸收咗一d燒肉汁，加埋甜甜地嘅三文魚籽，令人一口接一口食飯，整到最後做單獨食豚肉。至於阿爸個燒牛丼望落好似牛肉乾咁乾，食落有d好細件嘅牛肉的確似食緊牛肉乾，但只係佔少數。焦嘅效果嘅好處係食落好重嘅燒烤味。相比乾，個燒牛丼最大改善之處係鹹咗少少，配飯食就唔多覺，單獨食就會。加12轉配抹茶紅豆冰絕對係好選擇，相比其他日式連鎖店，呢杯抹茶味算濃，加埋粒粒分明嘅紅豆，都唔會過甜。美好嘅一餐由大福劃下句號。溫馨小提示：用餐後要自己收拾架～

本身諗住喺荃灣donki買壽司食，點知比人掃晒...唯有改去海之戀商場新開嘅廿一堂試下啦~廿一燒豚丼配麵豉湯、美年達、大福 $65半肥瘦嘅豚肉燒得香口，紅薑唔會太辣，配埋炒香咗嘅洋蔥，撈飯食不錯。麵豉湯中規中矩，大福餡有cream，唔太甜，味道不錯，唔揀大福的話可以揀泡菜。廿一厚切牛舌丼配麵豉湯、忌廉、大福 $70喺仙台食過厚燒牛舌真係返唔再轉頭，呢度嘅牛舌係就係厚，但仲好清楚睇到脷胎，好嘔心...食落係淋，但冇焦香味，而且仲有少少牛羶味添...