廿一堂

營業中

休息中

仲記得6月頭，一個人去左依間位於荃灣海之戀既日式親民專門食丼既餐廳。 餐廳環境一流，平日夜晚人流唔算多，最正既係對住海景，夜晚景色別有一番滋味。 可惜唔記得左影相。 食物質素亦都唔差， 叫左廿一厚切牛舌丼，牛舌普遍算腍身，係個別一兩塊好韌，要咬耐少少。 另外加配既芝麻手羽，表皮香脆，肉質細嫩，唔錯

很喜歡荃灣西,海之戀商場入面有好多餐廳都看到海,有平有貴!呢間我特別喜歡這間的午餐,符合我搵食的三大標準,平靚正!🐱燒鳥丼$58 調味很好，燒汁很好吃,雞肉軟嫩又多,喜歡😍🐱燒牛丼$59燒汁都好食但肉比較乾靭,不推介🙈🐱跟餐的大福超級好食，軟綿綿，綠茶味濃👍🏻🐱加$8 的北海道薯餅好脆大大塊👍🏻🐱加$8的特飲兩杯都好好飲😋連鎖店雖然係自助，但係大間、舒服、乾淨，窗口位都幾多，可以欣賞海景著海景食飯。Chillax!

平日夜晚人流唔太多，早入座仲坐到個窗邊位，睇到下夜景🌃。座位之間都唔算太埋，可以慢慢嘆佢既火鍋。​​牛肉壽喜燒湯 ($82)​兩人都叫左同一款火鍋，🐂牛肉肥瘦適中，鍋入面既蔬菜🥬都不過不失，芝士竹輪卷🧀同年糕福袋都好食。 將白飯轉配左烏冬(+$8)同壽喜燒湯十分夾，飲品轉配左凍宇治抹茶(+$8)，抹茶味🍵唔夠香濃，甜味較多，寧願飲返汽水。​​食完自己拎返餐盤🍽出去，仲可以禁個電腦螢幕攞張$2優惠卷下次黎食再用。​

星期六同朋友食左個好豐富嘅午餐。荃灣西西鐵一出閘就係，不但不用等位，仲有無敵大海景睇，超級加分！點左兩份午餐，即叫即燒，要等差唔多15分鐘才有得攞餐；📍廿一炭燒鳥丼$68我覺得雞丼比起牛丼更加好食，雞肉夠滑同埋入味，份量多，夠送飯。📍廿一燒牛丼$69牛肉燒得有啲乾，要咬耐少少，失望耶！📍巨峰乳酸梳打（➕ $8）好鍾意呢杯飲品，提子味好香，而且有大量嘅椰果，加埋乳酸梳打，非常之醒胃，好飲又好食！北海道炸薯餅（➕ $8）一塊拳頭左右手的日本風味的薯餅，香脆！📍宇治抹茶（➕ $8）現場都好多人叫呢杯飲品，朋友話好飲，茶味夠濃，決定下次試吓。📍大福跟餐送的，外皮Q彈，入面好滑，不會死甜，好味😋

望住海景🌊食早餐🍽，並不一定要去光顧消費高的餐廳/酒店。這天，我倆用了平民價錢，都可以享受到一頓豐富的早餐，悠然自得咁望住個海景一邊食，一邊欣賞景色，好chill啊😎食店是自己入去選擇位置的🛋🪑，點餐則分為排隊或者使用自助點餐機服務。店舖坐位算多，幸好， 我倆能夠選擇到窗旁的位置🤩法蘭克福腸、午餐肉公仔麵🍜、牛油厚多士🧈、牛乳炒滑蛋🍳，配凍奶茶：午餐肉煎得好香口，炒蛋用咗牛乳炒，格外嫩滑👍🏻北海道薯餅、牛油🧈厚多士、牛乳炒滑蛋🍳，配凍奶茶：薯餅炸得好金黃，香脆，對於不想吃太多的人，這個份量恰到好處🍽早餐的味道相當不俗，唯獨是凍奶茶🥤，是以綠茶作為茶膽，與我平常飲開的港式奶茶，截然不同，味道有點怪怪的，這是我不太喜歡的🙁

平時都會經常來食廿一堂 位置方便 又可以自助落單 6月16日晚上到荃灣海之戀分店 但係自助落單電腦出現問題 叫了收銀職員幫手check一check 她下按了兩按 然後離開回到收銀位置 電腦並沒有回復正常 但收銀職員也沒有繼續跟進 我唯有在收銀櫃位落單 但這位收銀職員 好像很忙地 不停按電腦 我站在她面前等了大約一分鐘 下單前後她並沒有說一句說話 畀錢時她他就用手指大力地不停篤八達通的位置 好像很不耐煩 要著客人盡快畀錢 最後我有向店長提出這個問題 希望他跟進這一位職員的態度問題

是日天氣酷熱，我地嚟咗荃灣西海濱打算chill一chill, 就俾我地發現到呢間平民化燒肉快餐店。食客可以選擇自助購票或者專人購票。購完票之後就等嗌number, 自行出去取餐。講起餐廳嘅環境簡直一流，寛敞開揚，仲可以望住海景邊傾邊食，人生一樂也！食物質素都算不俗，牛舌幾腍，可惜有幾片連住喉管位置，因此較韌，要好用力咬先咬得開。作為快餐店質素，都係將貨就價啦。而豚肉丼就不過不失，豚肉唔算得上有好濃嘅豬肉味，但燒得幾香，有些少燶邊，尚可接受。而家屯馬線全線開通咗，要過嚟荃灣西食嘢又方便咗好多啦！

淳淳豬🐷今日生日🎂帶左佢去海之戀行下玩下玩到肚餓搵嘢食廿一堂燒肉丼係用日本🇯🇵食材燒肉即叫即燒好新鮮熱辣🤤
丼飯用日本山形縣生拔米🍚粒粒分明米香十足😌
再加埋自家製燒肉汁有佢獨特既味道😋除左食佢嘅廿一燒豚丼🐖我仲叫咗💁🏻‍♀️廿一炭燒鳥丼🐓好香炭燒味燒烤汁做得好好👍🏻啲雞肉入晒味啖啖都係肉 淳淳🐷食到唔停口😆💁🏻‍♀️鐵板角切和牛配燒魂丼🐄勁好食🤤好岩我口味牛肉粒加洋蔥汁🧅啲牛一啲都唔韌再配埋個加左紫菜嘅飯香上加香🤩完全無諗過咁平嘅價錢可以食到好味又大份量既丼😍我叫到成枱野食3個丼🍛🍛🍛加2杯特飲🥤🥤加多個北海道炸薯餅🥔都係2百蚊左右炸🤩絕對值得推薦比大家食😎

一周前去遊下荃灣最大D超市，誤打誤撞出左西鐵C口，一出就見到間廿一堂見到餐牌幾吸引，咪試左個人氣#1號餐應該是太餓又幾好食,KO左至記得...O！冇拍照就冇得寫食評 但感覺良好...有下次嘅話咁快今日難得我呀"no Hair”清假，便特登同佢再去一趟。 因有經驗，入店內先找位置，識坐一定揀窗口位,有無敵大海景嘛睇下圖 呀遠眺青衣北橋，南橋在背後冇影啦！係咪先，哈！坐低嘆下個景, 再施施然出去門口點餐，可自助用機或者點餐專員幫你。👇#5套：生薑汁豚肉軟骨丼 $69豬軟骨3大塊，肉夠味軟骨夠冧, 巧有骨膠感覺 LIKE呀 隻溫泉蛋放中間，一篤穿蛋汁撈落飯超好味 選飲「麵豉湯」非常夠熱,味道適中,好！ 每個套餐都有粒抹茶小福送👇#4套：厚切牛吞丼 $64牛舌4大塊 (餐牌相有5塊噃) 厚切剛好，入口有豐足質感， 醬汁調得幾合我胃口(我非重口味) 美味 +$8轉「 巨峰乳酸梳打「小冰。個樣一般，但飲落酸咪咪涼浸浸，32度天氣一樂也。這個午餐真係嘆後記：望下開飯友『朝食』餐牌，發現同下午茶一樣㗎 哈哈哈哈哈

是日經過海之戀，想晚餐完先回家，經過見到有壽喜燒，疑慮咗一陣要不要食，本身我是壽喜燒迷，可惜現在多數的壽喜燒湯底都鹹到令我卻步咗一段時間唔敢食，掙扎完畢，食吧，即使唔好食最多冇下次😅可是剛開始買的時候收銀阿姐就已經令我大開眼界，阿姐話可以加錢將飯轉烏冬，我問佢：係讚岐的粗烏冬還是稻庭的細烏冬？阿姐：就係烏冬⋯⋯⋯再問多句：咁係粗烏冬還是細烏冬？阿姐：總之唔係你講果d烏冬，我地d烏冬係日本返來㗎⋯⋯⋯⋯⋯⋯🙄🙄🙄🙄🙄🙄🙄🙄🙄🙄🙄🙄🙄🙄回來後上網爬文看圖，網友寫係讚岐烏冬，看圖應該都係🤦🏼‍♀️ 如果可以tag呢間餐廳，真心建議你地做好training，做生意真是唔係hea到咁囉😓唔繼續問了，飯一定穩陣..入座搵位等叫號碼，又係要尋找答案，不停叫號，因為當時人數不多，我估應該到我啦掛，但是我刨曬成張收據，都搵唔到類似的三個數字的號碼，唔理啦，照出去問啦，竟然真是有份，原來我的號碼係388，好彩之前有影低收據，點刨都刨唔到388出來🤦🏼‍♀️🤦🏼‍♀️👇👇就係呢張單👇👇邊度有388👇👇托盤左下角飛仔寫388👇👇拿回食物又開始另一個迷茫，有個姐姐負責拎爐過來，類似吉x家咁，好啦，等佢慢慢啦，但是⋯等

晚上約9時到達，趕限聚令10時完成。由落單到送餐十分有效率，以這個價錢沒說，食物質素也可以。如果去Donki血拼，可以考慮到這裏用餐，因為真的很近啊！最喜愛它近海景的位置 （忘記拍照) ，是一大賣點！鐵板角切和牛配燒魂丼套餐 $90套餐富豐，除和牛及丼外，有麵豉湯，大福餅及飲品和牛：雖然不是入口即融的和牛，但以這個價錢，沒有筋，有牛肉味，加上蒜片，煎得很香，不錯。燒魂丼 ：是紫菜+溫泉蛋，配上日本米大福餅 ：沒有期望，所以沒有失望，餡全是cream，所以只吃了一點麵豉湯 ：有些海帶，味道可以廿一燒牛丼套餐 $66除牛肉丼外，有麵豉湯，大福餅及飲品跟和牛套餐比，這個當然較遜色，多有肥肉，對男士來說份量較少。

2021年3月27日 海之戀廿一堂分店位於荃灣西鐵站C2出口，一出到去就已經見到，交通方便。有部分窗口位可以望到海景，有天然光線滲入餐廳，好舒服、乾淨企理。全間餐廳都係以自助形式運作，自助三步曲：自助點餐丶自助取餐丶自助回收。首先在門口位置的點餐機進行點餐，可以選擇用支付寶、WeChat pay 丶八達通 ⋯⋯黎比錢。比完錢後就會有張收據🧾。進入餐廳之前需要量體溫丶掃「安心出行」，入到餐廳之後就自己揀位坐，然後等叫號碼去取餐。最後食完之後就要自己捧返去回收區，好似日本咁。我奉勸各位無手尾嘅人唔好黎食。餐廳為估勵更多人有手尾的習慣，推行自助回收環保奬賞，就喺回收位置旁邊有個螢幕，按一下就有張收據，就係可以憑券買任何套餐可以有$2優惠。完成自助三步曲就會有獎勵。我當日黎食早餐，叫左蕃茄濃湯豚肉炒滑蛋三色螺絲粉，飲玄米茶。只係$28 ，我覺得非常超值，環境舒適。又平又好食，仲可以望住海景食早餐，感覺好寫意。

今天去了荃灣海之戀的「廿一堂」吃下午茶，好味又抵食。愛吃肉的朋友怕只吃輕食set唔夠飽所以叫了他的至愛「廿一燒豚丼」，豚肉燒得香口充滿肉香，適量的醬汁加上日本米飯🍚，飯粒每粒都飽滿完整，充滿飯香，套餐還配上飲品及大福作甜品。我選的抵食輕食餐「日式魚餅鰹魚湯讚岐烏冬」$39，魚肉串燒帶有陣陣串燒香味，日式魚餅則爽口彈牙，鰹魚湯清甜，烏冬有它特定的標準，口感柔軟有嚼口。吃完來一口清香玄米茶，很好👍🏻。

《 日本連鎖快餐店都出沙嗲牛？》其實我一早都唔係好食早餐，尤其假日就更加係訓到自然醒先起身啦。有日難得早起到喎，見肚餓就狗衝出去食早餐～🍜 A2. 和風沙嗲牛肉公仔麵真心講，我本來都唔對佢地嘅沙嗲牛麵有高期望，直至到我入口一刻就改觀了。首先因為湯另外上嘅關係，公仔麵唔會被浸到軟爛，而且湯汁沙嗲味重，雖然有啲偏鹹但味道仍然不錯。沙嗲牛肉亦算嫩滑，餐廳並無馬虎，沙嗲牛仲然會配上沙嗲醬。個人比較意外係配上蔥段後，多左蔥香味又幾特別。表現黎講個人認為不比茶餐廳弱，甚至比某部分茶餐廳優勝！‼️題外話⋯⋯薯餅可以唔使叫☺️

於20/2（六）到達餐廳，叫了2個外賣午餐：厚切牛舌丼（$62），鏗魚湯讚岐烏冬配關東煮（$60），皆配有玄米茶及大福。另外，外賣需要加$3，但有九折。厚切牛舌丼：有4塊厚的牛吞，不會過分難咬，算是比較淋的牛舌，但飯較少，比較適合女士們。鏗魚湯讚岐烏冬配關東煮：鏗魚湯與烏冬是分開放的，關東煮不多，蘿蔔很軟，滷得很深色，但沒什麼味。至於大福，則有黃豆粉在外面，裏面是cream，不過不失。總括來說，2個外賣份量較少，味道不錯，但較適合細吃的人士們。