影片
以上資料只供參考, 請與餐廳確認詳情
收工過開黎灣仔，自己最鍾意遊走小巷，路過大王東街女友話想食麵就走左入黎，地舖面距離地鐵站十分之近，五分鐘內必到，坐位係舒適版卡位，分隔都幾寛落坐得舒服，內部裝修就行返現代茶記風，望個餐牌見佢主打係腩粗，但好得意地麵店又竟然有西多，仲有個奶油多同紅豆冰tim！四寶撈粗 (腩、牛丸、雲吞、魚片魚蛋)粗麵充滿彈性同咬口，沾少少湯入口夠爽，最開心既係佢唔同其他港式麵食完會有(霞)氣留係口腔，我就真心鍾意個麵底一寶係佢既牛腩同牛丸都有重牛味，鍾意食牛既人有福了，肥瘦均勻，牛丸彈牙又濃味，唔似坊間啲唔知咩肉打出黎既牛丸，呢度值得一推二寶乃雲吞，因為我係食撈麵，個人口味我會將佢浸一浸隨麵附送既湯先入口，皮薄而入面既蝦都頗鮮，肉質甜美，好味！三四寶就係魚片魚蛋，比起其他兩寶佢排第三唔代表佢唔得，新鮮炸起都必然係水準以上，彈牙同魚味都有Feel切腩四寶撈粗同女友都一樣想食四寶粗，咁我唯有嗌切腩啦，成碗野唯一唔同就係滷過既牛腩同有埋牛筋，如果鍾意濃味啲同食牛筋既話就推介呢碗，牛味一樣香濃，其他就一樣紫菜湯冇諗過係咁大碗同咁大塊紫菜，唔知點解我飲到甜味，海帶既鮮甜令人有開胃湯既感覺，好味酥炸魚皮佢係用紙袋成份上，撕開袋仔，份量都算幾好，夾一舊沾下湯再食會更爽消脂青檸梳打本來想嗌紅豆冰架，但又怕肥，於是呢杯梳打就岩哂了，飯後用黎沖淡口腔既油膩感一流西多士冇諗過上枱既西多士係咁厚既，明顯比其他舖頭升級厚左，佢雖然冇花生醬係中層，但我食到淡淡既檸檬青香，唔知佢係點樣融入去既呢油菜可以揀生菜或者菜芯，大大匙蠔油車落去配合新鮮菜，唔夠仲可以再加，正另外我頗喜歡店家個辣椒油，佢地話係祖傳DIY用十幾款材料整出黎，我用黎配合撈粗牛腩簡直無得頂，辣度出色但唔會停留好耐，大家一定要試!!
繼續閱讀
六十年傳統手藝🇭🇰切腩🥩崩沙腩粉麵專門店🍜 高質港風味✨💯#sdm灣仔 #sdm銅鑼灣 #sdm小店 #sdm港式 💎 四寶撈粗 $72必食💯💯（😋：9/10）👍🏻：我嗌咗粗麵、雲吞、墨魚丸、牛丸、炆腩我會話 好食！真係每樣餸都above average😍😍 個人計最鍾意就係炆腩，炆得又腍又入味👅👎🏿：。💎 淨切腩四寶 $180必食💯💯（😋：9/10）👍🏻：四寶係切腩、魚蛋魚片、牛丸、雲吞，所以總共係有5樣嘢🤭勁豐富🤩切腩真係好有口感🤤牛味香濃，同平時嗰啲牛腩，真係有分別的🥹 雖然貴，但我認為切腩 必須一試❣️👎🏿：。💎 酥炸魚皮 $26可以一試✅ （😋：7.5/10）👍🏻：每日新鮮製造，係外賣包裝🥡 要自己倒返落碟🤣份量都多嘅，兩個人，我哋食唔晒🙈👎🏿：💎 西多士 $28可以一試✅ （😋：7.5/10）👍🏻：估唔到呢到有咁厚嘅西多士食🤣🤣即刻嗌嚟試吓🤭係最傳統個隻，入面冇花生醬🥜 👎🏿：💎 油菜 $26正正常常👌🏻（😋：7/10）💎 特飲 鮮忌廉朱古力 $18正正常常👌🏻（😋：7/10）環境：8/10 服務：8/10 價錢：人均約 $80-100性價比：8/10📍廣麪子 (灣仔)灣仔大王東街2-4號安興大廈地舖可以 follow @sikdmeh_foodie 支持下我哋😙 每星期都會更新唔同餐廳🍽 帶大家喺香港周圍食💛#灣仔美食 #灣仔 Cafe #灣仔打卡cafe #灣仔樓上cafe #灣仔好去處 #灣仔黃店 #灣仔甜品 #灣仔 #香港美食 #香港 #香港小店 #香港黃店 #黃店Cafe #灣仔會展 #灣仔cafe #灣仔美食 #廣麵子
繼續閱讀
這星期剛轉了新工作，每天也很晚才下班。有見今天工作輕鬆一點，約了好友吃晚飯，順便把之前台灣的手信交給他。廣麪子位於灣仔大王東街，港鐵灣仔站大約5分鐘便到。切腩雙併撈麵(⭐⭐⭐⭐⭐)魚片切得厚生，吃起來有嚼口。切腩牛味濃鬱，撈麵爽口。雙併湯粉(⭐⭐⭐⭐⭐)這個雙拼湯可各有三粒，墨魚丸爽口彈牙，雲吞皮薄餡靚，鮮蝦彈牙可口。西多士(⭐⭐⭐⭐⭐)西多士即叫即整，上枱是還是熱辣辣。吃起來邊邊煎得微微脆，蛋味濃鬱，配上糖漿，令人停不了口。淨清湯沙腩(⭐⭐⭐⭐⭐)沙腩是這裏的招牌菜，一場來到當然要一試。份量頗多，大約有十至十五舊。吃起來牛味濃鬱，肥瘦剛剛好，和肉膜相連，二至三人分享剛剛好。總括而言，這間餐廳質素評高，而且食物調味不太重，十分適合香港人的口味。~~~~~~~~~~~~~~~~~~~~~~~~廣麪子灣仔大王東街2-4號安興大廈地舖推介菜式：淨清湯沙腩👍🏻經濟實惠
繼續閱讀
Happy Friday， 加剛剛病好就搵麵食。 廣麪子喺灣仔大王東街，店舖唔算太大， 但坐落都舒服， 唔會太逼。 切腩四寶撈麵-牛肉肉質細膩，肉汁足，香甜入味。牛丸魚卵爽口，嚼勁十足。皮薄滑嫩，皮薄滑嫩，內裡肉質飽滿鮮嫩。表面光滑，質感細膩，軟硬適中，自家製辣椒油真係一絕，問咗老闆用咗十幾款材料精心炮製， 忍唔到手， 買咗支返屋企。西多士上枱時熱辣辣，外皮金黄酥脆，上面加埋牛油再淋上糖漿，内里绵软外面油而不膩。
繼續閱讀
今日黎到灣仔好出名既麵店，聽講係50年老字號，加上有唔少名人都幫趁過，確實值得一試。中午時間比較多人，人氣可見非常高。 切腩四寶撈麵 - 切腩肥瘦適中，好軟身，加上濃郁既牛味，好味。仲有魚片，雲吞，魚丸等，好豐富。撈粗都唔錯，香味好出既汁，粗麵比較彈牙，配合起黎成件事好夾。 切腩三併撈麵 - 墨魚丸加雲吞。墨魚丸都值得一試，好鮮好彈牙。蠔油撈幼麵雖簡單，但味道絕對值回票價。 我地另外叫左幾款小食- 鮮油奶多士，一份兩件，烘底所以好香脆，加上練奶牛油，好邪惡好正。 店員話依度既魚片係每日新鮮製造，叫左個原條切魚片試下。厚切既魚片非常彈牙，啖啖肉而且好鮮。推介。 叫埋杯消暑青檸配搭黎食真係好嘆。整體表現很好，老字號出品有保證，一定再黎。
繼續閱讀