廣麪子

嚟緊介紹間好正嘅廣麪子，專做地道廣式麵食，喺香港好受歡迎㗎！佢哋嘅嘢食真係「平靚正」首先講酥炸魚皮，呢味嘢真係「脆卜卜」到不得了！魚皮炸到金黃色，好似薯片咁脆，但係仲有陣陣魚香。就咁食已經好過癮，「咔嚓咔嚓」停唔到口。不過最正嘅食法係浸一浸湯或者點少少蠔油，外層微微變軟，內裡依然香脆，個口感層次即刻豐富晒。師傅話每日新鮮炸，唔會「腍啤啤」，保證你食上癮！跟住到主角切腩四寶撈麵，呢個簡直係「大件夾抵食」！「切腩」係佢哋嘅招牌，用咗靚嘅牛腩，炆到超級「淋滑」，入口即化，仲有好濃嘅牛骨湯味。「四寶」通常有魚蛋、雲吞、牛筋同豬皮，樣樣都入味十足。撈麵底更加係精髓，用咗全蛋麵，煮到啱啱好，唔會太淋，撈埋特製醬汁同腩汁，每條麵都掛滿味道，食落「煙韌」有嚼勁。加埋兩條青菜，平衡返啲油膩感，真係「冇得頂」！總之廣麪子呢兩款嘢，一個香脆，一個濃郁，完全表現到廣東麵食嘅功夫。無論係趕時間定想慢慢嘆，呢度都唔會令你失望。快啲去試下啦，包你話「返唔到轉頭」！…查看更多

作為灣仔嘅打工人必須要知道嘅50年歷史新裝修西灣河麵家既味道崩沙腩粉麵專門店鍾意食牛雜嘅有口福了切腩四寶湯河    -淡淡哋嘅大地魚湯底，清得嚟好甜主角切腩份量都唔孤寒，肥瘦適中，炆得夠淋又入味四寶方面，雲吞係傳統細粒嗰隻，皮薄餡靓入面隻蝦仲好爽彈魚蛋同魚片食落好有魚味，彈牙得嚟唔會好似擦膠最驚喜係牛丸，一咬落去真係爆汁㗎！好濃牛肉味啲河粉索晒啲鮮甜湯汁，又滑又溜，啖啖都係精華西多士    -厚切西多士邪惡到極點！麵包厚身炸到金黃外脆內軟，淋埋糖漿真係冇得頂酥炸鱼皮   -魚皮真係超大份呀！堆到成座山咁高 即叫即炸啱啱炸起熱辣辣，咬落去 卜一聲，脆到不得了鲜忌廉朱古力    -睇見面頭堆到滿瀉嘅鮮忌廉已經流口水～朱古力勁濃郁又滑溜，甜度啱啱好炸雲吞    -咬落 咔嚓 聲超脆口！蝦肉餡爆棚又彈牙點啲甜酸醬食簡直係絕配雲吞魚蛋牛丸撈粗    -超香濃嘅豉油皇味，撈勻之後每條粗麵都掛滿汁鹹香得嚟帶啲甜，粗麵本身煮得啱啱好煙韌有咬口，索晒啲精華豉油雲吞皮薄餡靚，魚蛋同牛丸一個字爽自家製辣椒油    -真係辣到噴火！幾十種香料熬到好香濃一打開樽蓋就聞到複雜嘅辛香味，辣得嚟好有層次唔會死鹹，點雲吞拌麵簡直係靈魂所在！堅正！雜果賓治    -童年回憶返晒嚟！超大杯抵飲到震～溝咗橙汁同菠蘿汁底，仲有勁多罐頭雜果撈埋一齊酸酸甜甜超解渴…查看更多

收工過開黎灣仔，自己最鍾意遊走小巷，路過大王東街女友話想食麵就走左入黎，地舖面距離地鐵站十分之近，五分鐘內必到，坐位係舒適版卡位，分隔都幾寛落坐得舒服，內部裝修就行返現代茶記風，望個餐牌見佢主打係腩粗，但好得意地麵店又竟然有西多，仲有個奶油多同紅豆冰tim！四寶撈粗 (腩、牛丸、雲吞、魚片魚蛋)粗麵充滿彈性同咬口，沾少少湯入口夠爽，最開心既係佢唔同其他港式麵食完會有(霞)氣留係口腔，我就真心鍾意個麵底一寶係佢既牛腩同牛丸都有重牛味，鍾意食牛既人有福了，肥瘦均勻，牛丸彈牙又濃味，唔似坊間啲唔知咩肉打出黎既牛丸，呢度值得一推二寶乃雲吞，因為我係食撈麵，個人口味我會將佢浸一浸隨麵附送既湯先入口，皮薄而入面既蝦都頗鮮，肉質甜美，好味！三四寶就係魚片魚蛋，比起其他兩寶佢排第三唔代表佢唔得，新鮮炸起都必然係水準以上，彈牙同魚味都有Feel切腩四寶撈粗同女友都一樣想食四寶粗，咁我唯有嗌切腩啦，成碗野唯一唔同就係滷過既牛腩同有埋牛筋，如果鍾意濃味啲同食牛筋既話就推介呢碗，牛味一樣香濃，其他就一樣紫菜湯冇諗過係咁大碗同咁大塊紫菜，唔知點解我飲到甜味，海帶既鮮甜令人有開胃湯既感覺，好味酥炸魚皮佢係用紙袋成份上，撕開袋仔，份量都算幾好，夾一舊沾下湯再食會更爽消脂青檸梳打本來想嗌紅豆冰架，但又怕肥，於是呢杯梳打就岩哂了，飯後用黎沖淡口腔既油膩感一流西多士冇諗過上枱既西多士係咁厚既，明顯比其他舖頭升級厚左，佢雖然冇花生醬係中層，但我食到淡淡既檸檬青香，唔知佢係點樣融入去既呢油菜可以揀生菜或者菜芯，大大匙蠔油車落去配合新鮮菜，唔夠仲可以再加，正另外我頗喜歡店家個辣椒油，佢地話係祖傳DIY用十幾款材料整出黎，我用黎配合撈粗牛腩簡直無得頂，辣度出色但唔會停留好耐，大家一定要試!!…查看更多

灣仔呢間人氣小店「廣麪子」！佢哋嘅嘢食真心高質，絕對係會令人想encore嘅選擇。首先必食嘅一定係清湯牛腩，個湯底清甜得嚟好濃郁，一飲就知係落足心機熬。牛腩炆到超級軟淋，入口即化，但又唔會太肥膩，送麵或者就咁食都咁正。另一亮點係原條切魚片，真係成條魚起片，口感鮮甜爽滑，一啲都唔腥，食落好新鮮。鍾意香口嘢嘅話，一定要叫個炸魚皮，炸到金黃香脆，就咁食「索索」聲，或者浸落湯裏面幾秒，半脆半軟咁食，兩種口感都正！食到咁上下，叫返杯凍飲就最圓滿。佢哋嘅鮮忌廉朱古力同鮮忌廉紅豆都係人氣之選。朱古力味濃滑，上面鋪滿輕盈嘅鮮忌廉；紅豆冰嘅紅豆煲到起沙，同冰凍嘅鮮奶同忌廉係絕配，飲完成個大滿足！…查看更多

平日夜晚黎，完全唔洗等。粉麵店黎講，座位唔錯。光猛乾淨。四寶撈粗：料非常足。麵彈牙，但覺得太咸，一定要撈啲湯食。魚蛋係新鮮唔彈嗰隻，但魚味幾出。黑椒牛丸好夠味，幾好味，大小亦剛好，但食到一粒細硬嘢(懷疑係骨)。牛腩竟然麻麻，肉都幾鞋。雲吞普通，雖然皮靚，但太淋。魚片頭正常。熱檸茶：係港式，但唔係極濃，反而鐘意，因為極濃會鞋口。總結：想去個粉麵店坐得舒服啲嘅，又唔貴嘅，呢間可以考慮，但一般就唔會專登黎食。…查看更多