康瑞甜品

營業中

休息中

上次約定奧莉花師奶同野口同學黎深水埗行批發街掃平貨，話咁快又約到今日喎，食左少少野先有氣力作戰架嘛。一反常態，奧莉花師奶提議先小食甜品行一陣夜晚再食正餐，驚食完正餐食唔落甜品，老喇，新陳代謝慢喇。《康瑞甜品》咁出名，緊係要黎試下喇。又唔係話出名到爆哂棚喎，可能因為岩岩開鋪，下午茶時份又唔係食甜品時間喇。要試緊係要試佢招牌菜特色仙草百配，配就即係配埋芋圓、地瓜圓、小丸子。食一啖，其實又唔係真係咁特別的，仙草係涼的，但唔係好凍，芋圓地瓜圓小丸子係軟糯的，但無咩味咁，其餘仲有啲薏米，西米露，紅豆，材料係豐富，但無咩特別。不過價錢係幾平既，$25一碗，咁多料，可以邊度揾。

極高回頭率仙草芋圓百配👍👍店內招牌 : 仙草汁百配（$25）配料 : 小丸子，芋圓，地瓜圓，大豆，紅豆，西米，珍珠有日心血來潮😉，想食現時流行嘅芋圓，一睇各大報章，雜誌比拼後，此店人氣最高，而且個個都讚口不絕，試過之後，真係一試難忘。所有配料的硬度都恰到好處👍特別 : 芋圓同地瓜圓，粒粒都QQ彈牙，好有咬口😍😍。整碗仙草甜度適中😚，仙草入口冰冰涼涼，唔似一般甜品店一粒粒方形硬的仙草，而係新鮮好似豆腐花咁滑溜嘅仙草😮，清新可口，清甜不膩😋。我同家人一試就迷上左依到嘅仙草百配，閒時經過此店都會特地買碗番屋企食，風雨不改😍。強烈推薦👍🙆，經過深水埗一定要行去試下，可能你都是會同我地一樣，一試鐘情😏。

每次去深水埗食完夠曬鑊氣大排擋，當然要食番個糖水滋潤下，而康瑞就係最正既選夠擇之一。無他野，大件並抵食，不過繁忙時間可能位置比較緊張，各位要注意。等我地睇下深水埗熱門糖水鋪既真面目啦招牌大大隻字，"自家製芋圓專門店"，仲有一塊寫住仙草芋圓，大家都識做啦，第一次黎食既朋友可以一試。好啦，即刻睇睇個糖水先除左賣相吸引之外，d 芋圓仲好Q彈，有唔同顏色，下面有仙草帶黎另一種口感，多重享受。筆本食既係1 特色仙草百配Menu, 選擇都唔少

有日約咗朋友上嘉頓山睇日落，影靚相~影到天開始黑，肚開始餓，於是去揾嘢食!係西九龍商場食咗譚仔之後想食甜品於是係朋友介紹下去咗揾康瑞食芋圓本身完全唔知呢間係食芋圓同甜品好出名嘅，所以無預到會多人…跟google map揾咗一陣，係遠處見到十幾人係門口等位嚇親好彩等咗十幾分鐘就有位入去食啦～叫咗個 招牌雜錦乜都有嘅西米露，好滿足!佢有紅豆芋圓仙草西米小丸子，啲料算足，又有得揀熱嘅 芋圓夠QQ, 又唔會太甜不過地點有啲啲遠，離地鐵站十分鐘左右。

是日要去深水埗買電話卡，當然都會去搵食啦。除左食左超好味既劉森記，腸粉之外，今次仲食左新野-康瑞甜品。我都係剛好上openrice 搜查時搵到，不過要4pm先開門，好彩唔係差好耐時間，就諗住慢慢行過去，食完就走人。行到去街口發現有人排隊，其實都唔知發生咩事。心諗應該唔係排隊食糖水卦走近了就覺得應該係排隊喇，有理無理排埋一份先。大概等了5分鐘，見到開門喇。謎底終於解開，大家真係等開門食糖水，有老有嫩，今次仲唔係食到好野。沒想到是大家都在等開門吃糖水，真是奇景。被安排坐到4人枱，大家為的都是吃台灣仙草芋圓甜品。款式不算多，大約十多款。比較精重點是每款都只是$25。比我之前吃過的便宜很多特色仙草百配，有小丸子，芋圓及地瓜圓。當然不少得紅豆及仙草啦。這款是凍糖水，在炎熱既夏天吃最爽，透心涼糖水不會太甜，材料很豐富，每一啖都夾雜著不同口感。芋圓，地瓜圓不太粉，煙煙韌韌。另一款是暖胃薑汁配，點解咁熱要食佢？因為我喜歡薑汁，辣辣地。但我錯了，熱天真的不應該吃熱糖水，出哂汗。薑汁味重，配上蛋花，但蛋花不多，令到賣相食相都有差，整碗薑汁配比較稀，吃著很空虛。但我想冰凍既冬天吃會加分。下單到上枱時間很快，

睇住舖頭由小舖搬去大舖，面向繁忙嘅街道，他們的手工製芋圓很具台灣特色，涼粉加埋淡奶，十分好味，而且最重要的是他們價格不是太貴，一般甜品舖頭售賣的芋圓最少也要30多元，而他們只需要20多元便能夠享受到台灣特色味道。整體甜品不是太甜，很適合我自己的口味。

專登坐車到深水埗食芋圓，我本人比較貪心，所以點了一客凍仙草百配，所有芋圓，地瓜圓，小丸子，仙草，紅豆，西米，珍珠，小丸子，薏米都有🤗只售$25，份量正常👍🏻👍🏻好好味，值得專程坐車去食老公側點了一客椰汁西米百配👍🏻👍🏻我同老公一致認為哩間芋圓地瓜圓是全香港最好食，有口感，粒粒平均，已經好想計劃幾時再來🤗食完回家途中不斷回味及讚賞十分其待下次再食希望冬天時可以試一下薑汁蕃薯百配😋

老字號，出咗名，水準好一般。材料馬馬虎虎，隔幾條街就搵到更好選擇。我食都冇食完就走咗。啲奶只係花奶，豆都冇粒，同我晌台灣食到的差好遠，感覺未到家，燒仙草的清香味一啲都冇，求求其其。

一直，把「康瑞甜品」，放在必試清單內。惜，每次，總擦身而過。 這日，堅持在附近蹓躂個多小時，再會合小姐，一起去還願…… 門口，設有洗手盆，供客人使用，窩心之舉﹗特式仙草百配芋圓、地瓜圓和小丸子$25，個人而言，這個招牌甜品，的確是大件夾抵食的﹗不太甜的糖水中，除了有挺多口感與食味似龜玲膏的香滑仙草凍和煙韌軟糯富咬口的三色芋圓外，還有大小口感不一的西米、黑珍珠、小丸子、薏米和紅豆等健康配料，多吃有益，且夠飽肚。 椰奶紅豆沙$20，紅豆煲得香腍細滑，甜品富豆香和奶香。但相對特色仙草配，明顯地，失色了﹗ 意猶未盡，再點來一客冰凍香滑腐竹蓮子配芋圓$20，一解饞癮，以及相思之苦﹗ 糖水夠晒冰凍透心涼，片片腐竹浮於糖水面上，入口甚是幼滑富豆香。糠水內，除了煲得香腍的蓮子外，還有甚有嚼勁咬口的芋圓、地瓜圓和小丸子。 下次，介紹 「長洲冰室」的台式芋圓。

My first time to be there!!It’s in a very cheap price , $25 only and I can get a big bowl of dessert, so nice !The sweet soup are tasty, the ingrediates inside are tendor enough ! Highly recommend this one to everyone !!!!I will come there next time !

今日食完飯，女友話要食甜品，平時食開又雪糕又沙冰既佢，今日竟然揀佐間叫康瑞，話係就我~~點解話就我呢，因為我自己真係唔太歡喜而家D 甜品，乜都整沙冰又雪糕，乜味都有但真係好考個人個膽色~~我自己反而鐘意食傳統野，所以同佢出去食甜品，我一般都只係食....芝麻糊....所以我都好好奇呢間康瑞有幾咁就我呢...仲要都幾多人...入到黎，望一望餐牌，好似真係幾好野選擇唔多，無雪糕無果盤無沙冰，但望落全部都好似好正咁，睇相好似好傳統，但又好似好有特色。我先點佐個特色仙草百配，女友點佐個紅豆沙配芋圓，再加個糖不甩先黎係我個特色仙草百配，望落好似平平無奇一個涼粉，但掃一掃個底，唔簡單超級重料。試落口，真係好似唔係普通涼粉咁，唔該，有無人可以話我聽到底咩黎，好清新下，質感同涼粉一樣，但我覺得反而似龜玲膏。唔好以為佢個名叫仙草就係中藥野，其實一D 中藥味都無，個底仲好多種類野芋圓系列粒粒，好煙韌，好足料。以呢個價錢黎講，真係無得頂。再黎就係呢個紅豆沙+芋圓啦，真係紅豆沙，起曬沙，正﹗好綿，個底同個仙草配一樣落佐好多料，唔會怕單調，口感十足﹗其實我自己麻麻地甜野，但呢個糖不甩我又接受到，其實應該唔止接受

呢日係深水埗附近做野 做完野醒起bookmark左好耐既康瑞涼茶因為唔近地鐵站 好多時係西九嗰邊食完野就忘記左呢個糖水下晝差唔多5點 鋪頭比想像中大 有d學生放左學黎食見到有桂棗雪耳湯底揀 就揀左3號 諗住養生少少芋圓係圓柱形 老實講 芋圓無咩特別 地瓜圓就食到少少甜味 如果我只係為左芋圓而黎應該會失望反而個糖水湯底先係我俾好評既主因一個字：潤 唔係死甜 雪耳份量多 有兩粒紅棗糖水高質素 一碗糖水落好多配料珍珠 芋圓 紅棗 雪耳 小丸子而且價錢相宜 難怪咁多人黎門口有個洗手盆 呢個安排都幾貼心 可以走之前洗洗手

話D 餐廳好有善心, 份量比好多, 質素好, 又賣得唔貴, 性價比幾唔錯,通常我地都會叫「佛心來著」, 但唔知點解世界上宗教何其多, 又唔會叫「耶心來著」,「釋心來著」「孔心來著」等等等。其實我最想講都係康瑞碗仙草百配姐, 賣25蚊一碗就咩都有, 珍珠 意仁 紫芋圓  仙草 黃芋圓 紅豆 西米 咩都有, 份量又唔欺人, 講真, 買一杯珍珠奶茶加仙草都唔止25蚊啦,所以我覺得呢碗仙草百配真係好抵食。

芋圓是台灣最有名的糖水🍧芋圓是「煙韌」有嚼勁，帶有淡淡的芋香，台灣人喜歡把這種質感叫做 Q吧 ! 和地瓜圓真是最徍拍檔🤝自從在台灣返到黎之後，一直念念不忘那種口味。但香港之前一直找不到那個味道，直至有朋友推介「康瑞甜品」👏🏻由小店去到現在，人山人海。老闆親切有禮，推薦我地叫 - 特式仙草百配 $25內裡有芋圓，地瓜圓，薏米，紅豆，西米，珍珠，仙草。再加上花奶😋口感豐富，芋圓有咬勁及香味，仙草滑嘟嘟。其餘配料都覺得很健康。多吃2碗都不怕

近日變咗仙草控🧚🏻‍♀️🌱 食咗6-7間仙草飲品同甜品☄️😝 就咁比較仙草：sharetea第一 康瑞第二 👉🏻仙草滑嘟嘟的感覺🤩❤️ 仙草本身都好甜 有藥材味但唔過份 唔會話好似天仁咁有中藥味🌿👉🏻芋圓+地瓜圓煙韌👅夠甜👅芋頭番薯味好出👅每個aspect都好出色但得兩色圓圓😼想要埋紫色圓圓 🔮👉🏻底佢有花奶 開心仔 唔似點點甜無奶或者椰汁底🤥可惜全個甜品嘅扣分位係極甜 ☠️我食完之後無飲水 全程走到地鐵🚇都極脫水mode但料多都癡線 食到勁飽🤤如果想去嘅朋友記得留意 康瑞係四點鐘先開門㗎🚪