幸福鳥 (K11購物藝術館)

營業中

休息中

近期週未都會去尖沙咀食午飯，😍今日就係K11見到間鳥居⛩️餐廳，好高級咁，入面除左普通嘅二人位、四人位之外，仲有吧枱🍺。抱住一個希望lunch 我食得起嘅心態去望下個餐牌，都幾抵食！🧐係k11 裏面，仲要環境咁好，午餐價都係$90-$140。🤓我鐘意睇住師傅煮嘅，所以坐左吧台。既然嚟到，當然要試吓佢嘅串燒。😛⭐️幸福串燒六盛盒本身以為就咁串燒會好dry，但原來啲串燒送飯都幾好食。😝佢每一個set都會有前菜。⭐️前菜有三款：漬蒜頭、豆腐沙律、溫泉蛋。平時嘅我係唔食蒜頭嘅，但見到呢一個好似幾特別，識落真係一啲蒜頭難頂嗰隻味都冇，仲好爽口。😋溫泉蛋我都糾結咗好耐究竟倒唔倒落去碗飯食。個人認為唔倒落去好啲。⭐️免治軟骨雞肉串👍🏼呢個係咁多串入邊我最鍾意❤️！雞肉好味，加埋雞軟骨，每一啖都好有咬口。😋⭐️雞脾肉燒⭐️雞肉長蔥燒你串雞肉比起軟骨雞肉串嘅乾同實。⭐️大蘑菇蘑菇出面燒到乾身，但入面仍然有水份，好味。⭐️秋葵秋葵上面落左一啲木魚絲，令本身味道淡嘅秋葵多咗一啲味道。⭐️雞手羽先⭐️幸福咖喱和牛牛腩丼👍🏼熱辣辣上台，個鍋都好熱。牛肉係和牛之餘，烏冬亦都係讚岐烏冬。

兩三個月前食過一次，心癮癮想食串燒就揀返依到食lunch~今次被安排左坐高枱好有氣派，又放得好整齊，望落去好舒服仲可以見住師傅燒串燒，好治癒雖然近個爐，但一啲油煙或者熱氣都無都只係無見一排，就連lunch menu都轉埋我地揀咗一個幸福串燒四盛盒同雞肉壽喜燒丼share雞肉壽喜燒丼$118好多料都係第一次食雞肉壽喜燒，平時都係食牛肉多幸福串燒四盛盒 $108最愛佢依到既串燒燒得又香，而且個醬汁同啲串燒真係夾到不得了濃郁得嚟又唔會過鹹4串入面我最鍾意免治軟骨雞肉串口感好豐富每人百幾蚊，環境舒服嘢食又高質素食完真係幸福了~~~

今日在尖沙咀見完客，便去附近的K11搵食，在商場地下，發現一間日本爐端燒餐廳－幸福鳥，膽粗粗之下入去試一試。幸福鳥的裝修相當精緻，入到去有種置身日本神舍的感覺。餐廳午市設有lunch set，除主打的燒物，還有咖喱和牛牛腩丼、咖喱和牛湯烏冬、壽喜燒丼等，套餐種類共八款，價錢$98至$138，嫌未夠飽，可以加$25多一個日向夏芝士蛋糕。今餐我叫左幸福串燒六盛合，串燒一有秋葵、大蘑菇、雞翼、雞肶肉、雞肉長蒽和免治軟骨雞肉，全部即叫即燒，上枱熱辣辣，除此之外，套餐還有麵豉湯、溫泉蛋、豆腐和積物和白飯，一人份量絶對滿足、飽肚。完美的一餐，又怎可以沒有甜味呢？於是加了$25要多一個日向夏芝士蛋糕了，它的味道和口感都係接近New York Cheesecake，芝士味香，口感屬硬身，不錯的甜品。這裡的環境優美，食物高質，我覺得很適合一班人晏晝食飯、吹水。

今日經過K11，見到依間門口用日本鳥居做裝飾既餐廳就俾佢吸引左入左去食野喇，唔單止外面，餐廳裡面既裝飾擺切都充滿左日式風味，相當有特色。聽店員介紹先知原來依間餐館無主打日式爐端燒既。我地下晝黎到有午餐可以選擇。既然主打爐端燒就梗係要試下佢既燒物啦！🤣🤣🤣午餐我地點左幸福串燒四盛合套餐同燒和牛定食。每個套餐都附有前菜小蒜頭同麻醬凍豆腐，另外仲有溫泉蛋同麵豉湯。幸福串燒四盛合入面有雞肉長蔥燒，免治軟骨雞肉串，雞脾肉燒同秋葵，每款串燒都燒得岩岩好，外面香脆得黎入面命有少少肉汁，唔會好乾。燒和牛定食用左高級和牛，輕輕燒至7成熟左右，點少少鹽或者芥辣就可以帶出到牛肉既鮮味。享用完晚餐店員仲邀請我地寫上許願板掛係店入面☺️☺️☺️依求地點方便，食物又好食，絕對值得再黎食過👍🏻

周末來到位於尖咀k11地下的幸福鳥享受午餐定食。入口靠近河內道旁。幸福鳥主打日式串燒，所以午餐定食中有兩個都是幸福串燒盛合定食。下午2點來說，人流都算多。白桃味乳酸 +$15調較得幾濃郁又唔會太甜。分別叫了幸福串燒四盛合及日式咖喱和牛烏冬。幸福串燒四盛合 $108附前菜：醃漬蒜頭、凍豆腐、溫黎蛋及麵豉湯。米飯採用日本產米，煙韌有口感。日式串燒4串，當中我最愛就是雞軟骨串。秋葵烤過後少了很多人都唔中意的黏液。免治雞肉軟骨串juicy又有口感。雞髀肉串燒得非常嫩滑。加上蛋拌勻白飯更滋味。日式咖哩和牛湯烏冬 $98遠處已飄來陣陣咖哩香氣～牛肉份量都多。同樣附上前菜：醃漬蒜頭、凍豆腐、溫泉蛋讚岐烏冬粗粗、口感彈牙爽滑。加了溫泉蛋落烏冬內口感更順滑。

去日式居酒屋食幸福午餐❤️餐廳有許願版，掛住一個個顧客願望見到呢個彩色嘅願榮光歸香港，真係有點感觸😢上次嚟過一次食串燒，今次試吓lunch set日式咖喱和牛湯烏冬🥘 $98咖哩香噴噴，牛肉肥瘦適中！不過個熱鍋有少少危險另外拎隻碗夾出嚟食方便又安全啲。燒和牛小排定食🥩🍚 $138肉質美味，燒得剛剛好係份量唔太夠😂好好味唔夠喉呀！環境好寧靜舒服，前菜沙律都好味百零蚊同朋友食lunch傾吓計都唔錯!

雖然新開了K11 Musea，但K11還有未試的餐廳。不用行太遠，近近地吃串燒。漬蒜頭，酸酸蠞，爽脆，開胃。溫泉蛋，滑入口，水漾中有少少蛋黃的厚。豆腐沙律，清新。雞肉壽喜燒，又有一隻蛋。這次把它拌勻，以湯的溫度把它慢慢煮至半熟。雞肉可以，尚算嫩。鍋內有不少洋蔥、菇和菜。飯的硬度、濕度都控制得宜，但差點飯香。串燒反而叫人有少少失望。菇和秋葵太乾，雞肉也是。只有雞軟骨算是可以。整體來說都可以，百餘元的午餐，坐得舒適，服務有禮。

今日星期日，帶左媽媽去食日本串燒lunch 同媽媽食左個幸福的午餐幸福鳥以串燒做主題，所以點都要點一客串燒的lunch set Lunch menu 有8款，價錢由$98 起都算經濟坐位很好，有空間感媽咪鐘意熱食，所以點左雞肉壽喜燒一set 有日本米，麵豉湯，雞蛋，蒜頭，芝麻醬豆腐壽喜燒有洋蔥就冬菇，雞蛋，雞肉湯清肉嫩雞蛋好滑，蛋黃味濃，用上等日本蛋我點左個幸福串燒四盛合勉治雞軟骨雞肉長蔥燒雞脾肉燒秋葵燒得香口，醬汁配搭出色啖啖肉又彈牙今日真係一餐好幸福的午餐

本身見新開張評分都唔錯，又見依家openrice訂座有85折，所以黎試下。食物方面，雞肉肉質比較嚡，而且有幾款食物都冇味道，想用鹽去調味，但鹽罐入面d鹽全部濕晒一舊舊，比較好既係清酒煮蜆，蜆肉大隻肥美。服務方面有待改善，9點半後啤酒買一送一，我問店員A可唔可以mix黑啤同白啤，佢唔清楚要去問經理，但等左好耐完全冇回覆，結果過左一陣竟然黎左兩杯啤酒，好奇怪，等緊回覆確定落單已經原來落埋單，之後我又問送酒黎個店員B咁係咪姐其實買一送一可以mix，佢又話要幫我問問，但最後依然冇回覆，然後等到個著西裝既經理見到我地舉手先終於解答到我地問題。兩杯draft beer都冇乜氣又唔凍，飲落麻麻地。不過環境裝修都唔錯，幾舒服。我明白新開張可能有好多方面都做得唔夠完善，但都希望可以真係正視問題。希望可以之後會改善可以有機會再黎試

餐廳裝修有日本風味，平日午市去已經滿座。好彩等一陣就已經有位。入到去環境都幾舒服，當然要試吓呢度嘅串燒。午市有不同嘅午餐，叫咗串燒套餐：有秋葵細細舊易入口，調味啱啱好。雞軟骨棒我鍾意食，呢個因為雞肉夠林，入邊全部都係免治雞軟骨，有口感。雞脾肉燒另一個風味，雞肉都算唔錯。雞肉長蔥燒，夾埋啲大蔥，幾香。大蘑菇唔會好乾，有啲蔬菜幾好。燒雞翼我覺得個皮燒得好脆，調味又好味，唔錯。跟餐有麵豉湯、麻醬豆腐、蒜頭及溫泉蛋。另外叫咗鱈魚西京燒，雖然份量唔算好多，但係魚夠滑，皮夠脆，好食。

位於k11商場內幸福鳥居酒屋充滿著日本風情，在店面設計了手水舍，神舍的許願牌和御守掛滿了整間餐廳的牆上，店內還有鳥居。有開放式的水吧位置，可以一邊觀賞廚師即席燒烤，讓氣氛非常熱鬧。居酒屋以串燒、爐端燒等為主。*當日沖繩菠蘿.膠原BB豬、活鰻、一夜干等都是已經售罄。非常可惜。以日本居酒屋的用餐習慣，首先先點酒水、然後慢慢一邊飲一邊叫一邊食。啤酒只有生啤和黑啤選擇，其他都是清酒。枝豆是居酒屋開胃菜必備之選。少少咸搭配啤酒或酒精飲料一流。幸福鳥（免治軟骨雞肉串燒）四種不同的味道：鹽燒、汁燒、芝士、激辛加入了雞軟骨增加了嚼口，免治肉質較軟身加入了軟骨，整體就會剛剛好，不太軟或太硬。四種不同口味都非常經典，最為特出的是汁燒口味，雞肉都吸收了汁醬的甜味，又不會太過火。華味鳥雞脾肉燒（鹽燒、汁燒、紫蘇梅醬、山葵）同樣有四種味道，最不一樣的是紫蘇梅醬。從來沒有發現紫蘇葉的獨特香味加上梅醬酸味，能讓雞肉的肉味更加特出。醬燒日本魷魚筒原隻魷魚上菜，單是賣相已經非常吸引。厚身魷魚不上彈牙，而且還十分爽口。觸鬚的部分以炭烤得乾身和脆口。（但是這個等了超過40分鐘，可能是當日漏單）*並不是試食。

食物總體不錯👍🏻。✅牛舌和牛肋骨很好吃😋，很 juicy，也不會太乾。💯✅雞泡魚干作為酒前小吃是一個蠻不錯的選擇。✅清酒煮蜆，味道不錯，並且處理過程很好，完全沒有沙👍🏻。✅燒乳豬很好吃，味道和份量適中。❎燒魚就真的很一般，不好吃，略嫌燒得有啲乾，肉質比較硬和味道一般😑。 ✅Sake 很好喝。✅炒雜菜，味道也不錯，但是份量很少。環境也很舒服和乾淨，侍應的服務態度很好，只是反應略慢。價錢不算平，大概$700/位。💸

和朋友到這家於K11開業不太久的日式餐廳晚飯，它名叫「幸福鳥」，很有意思的名字。這餐廳主要提供串燒和小食，每一款都很便宜，我們點了以下食物：幸福鳥（免治軟骨雞肉串燒）一客四件，用四款不同的調味醃製，包括鹽燒、汁燒、芝士和激辛，配搭新穎，肉質軟腍，肉汁亦豐富。鐵板日山和牛漢堡用鐵板盛載，厚厚的一大塊，很有飽肚感。用筷子輕輕一夾，肉質很鬆軟，牛肉味濃郁。咖喱牛肉湯烏冬很傳統的日式做法，用濃濃的咖喱湯煮成，烏冬粗身，滑不溜口，吸收了咖喱的味道。有多片牛肉，但較為硬身。京都特濃男前豆腐看餐牌的名字，感到它很特別。當店員送上來時，我們也對它的形狀感到很有趣。豆腐嫰滑，味道清新，加上表面一些薑蓉，刺激了味蕾。原條茄子我們看見鄰桌點了這道食物，被吸引了，於是我們也點一客。這是燒原條茄子，師傅靠他的刀功切了數下，再加上鏗魚碎，令平平無奇的茄子變成一件藝術品一樣。我們都很滿意這裡的食物質素，但店員人手不太足夠。

試新嘢!同幾位朋友食 lunch， 見新開無幾耐，又唔多人就試下啦！睇相都唔錯咁同朋友分別叫咗唔同set 雞肉壽喜燒， 唔算有咩驚喜，都係壽喜燒果種甜味。但個鍋本身有隻蛋，又送多隻蛋 如果有誠意少少可以轉其他前菜會好啲。不過無都算啦，午飯時間你想有咩誠意細串燒set, 4串唔多，啱食量細嘅人，味道唔錯，都幾香，燒得啲色都幾靚仔。不過串燒都係配啤酒正啲另外仲有個咖哩牛腩set，如圖片不符，只有幾粒牛腩，咖哩味道亦只係普通超市可以買到自己煮果啲，零失敗嘅咖哩味。可惜掛住傾同食無影相。總括而言，lunch 合格，未見突出。終於舖頭係賣串燒為主, 有機會試埋晚市先見真章!要一讚，店內服務都算唔錯,店員有不停主動加水，唔洗叫。亦有兩個似經理嘅人企喺門口，剛好做歡迎同送客，又剛好見唔到店內! 叫親落單佢哋就唔會見到，得一兩個細嘅做。唔知晚市係咪咁呢？

We came around 18:00 on a Thursday night and got seated without booking, we were told only one non- booking seat was available tonight! It’s amazing experience and the food were cooked with passion! We ordered the 4 ways chicken, chicken wings, ox tongue, Wagyu beef, grilled rice ball, pork with asparagus, corn and tofu. We also ordered 2 drinks, which was typical. Chicken 4 ways ( liked the one with the sauce the most!) , wagyu on the right and ox tongue on the top! ( we repeated the order of o