幸匠燒 (新城市廣場一期) (已結業)

早排去沙田行開街先知6樓新開咗間日本菜－幸匠燒，同原先係尖沙咀分店主打串燒截然不同！呢度嘅Omakase每位$1088，價錢唔算貴，今日終於嚟咗食！前菜：和牛炸春卷、梅酒啫喱、海髮菜對梅酒啫喱印象特別深刻，裡面有原粒梅，好開胃！炸春卷香口！刺身：金木雕配鮮汁啫喱－刺身新鮮帶爽，仲配埋少少帶酸嘅啫喱～間白魚背炙燒左口魚邊－燒到魚油出晒黎，呢個正！甜蝦蝦籽配海藻－3樣食材加埋口感好豐富，甜蝦好鮮甜～壽司：深海池魚配海膽－魚脂較重嘅深海池魚配埋海膽，兩者都好邪惡！秋刀魚－面頭有少少薑葱，唔駛擔心秋刀魚會腥，呢度處理得好好～立貝－配上柚子皮，味道清新鳥貝－配上蛋黃醋，感覺好新穎，估唔到又咁夾～赤貝－好爽口日山和牛－好少係香港食生牛肉，原本都有啲怕怕，因為真係好紅，但食落又真係好好食，真係做到入口即化！超推介！大吞拿魚腩，油脂最重嘅部位，師傅再輕輕燒過，再迫多啲魚油出嚟，食落齒頰留香！一樣大推！沖繩海膽卷－呢款要挑戰一口食晒！蘆筍卷配上海葡萄、帶子、甜蝦同海膽，面頭加上綠色魚籽，打卡一流！食落層次仲好豐富，味道超鮮甜～鮑魚飯－新鮮鮑魚再配上鮑魚醬，鮑魚夠彈牙鮮甜，唔怕嚼到口累，賣相仲好靚添！最後

放工出沙田嗰邊搵好野食～ search到呢間啱啱開張🤤🍣 好耐無食日本野啦yeah！🇯🇵雞泡魚干（$58）雞泡魚干食落超香口🥰配埋沙律醬做前菜一流～不過略嫌擺耐左之後就硬身咗少少🤣特上刺身拼盤 （$568）大大盤超架勢，有成十款刺身咁多🤩有拖羅、油甘魚、海膽、甜蝦、帶子、左口魚、三文魚😋全部刺身都好新鮮🤤而且全部係厚切！特別一讚係海膽好鮮甜，夾埋青瓜食一流🥰拖羅油香四溢，近乎入口即溶💯燒三文松葉蟹卷（$158）松葉蟹卷有四件，三文魚燒至半熟，火炙後更加逼出魚油香😚不過整體唔太驚豔～壽司拼盤（$258）食日本野點少得壽司🍣當中最驚喜係三文魚籽🤩每粒晶瑩通透，口感脆嫩😍咬落去油香同鹹香都非常突出🤤串燒（免治雞肉棒、雞腿肉 $47/1）本來都好鍾意食呢種雞肉棒😋醬汁甜度啱啱好 ，雞肉棒入邊有雞軟骨粒粒，令個口感豐富咗好多😆點埋蛋汁食perfect😚清酒煮蜆（$98）蜆肉份量完全唔孤寒😋全部大大粒，配埋清酒煮令鮮甜味更出！

前幾日同朋友一齊嚟呢間度食飯，啲嘢好似都好高級咁！日本野就係聽到都唔會厭！我哋當日都幾肚餓，嗌左勁多嘢食～ 咁梗係唔少得壽司拼盤啦！拼盤有三文魚子、油甘魚、三文魚、海膽⋯數極都數唔晒！海膽鮮味濃郁，而且口感超正，一啲都唔怕腥！真係好新鮮呀🤩🤩我哋仲嗌左個三文魚松葉蟹卷，呢款係火炙三文魚包住反卷～ 燒完之後油香味更加重，仲要松葉蟹味道十分鮮甜，所以整體都覺得幾滿意！已經其實好飽，不過都係忍唔住嗌多幾樣野，整體來講呢間雖然有少少貴，但係味道真係唔錯！

之前係海港城食過，係主打串燒，性價比很高，最特別既莫過於佢啲福岡豚肉草莓卷👍🏻👍🏻，仲可以飽覽維港景色👍🏻👍🏻成日經過都好多人排隊。但聽聞最近係沙田新城市開左分店，有埋壽司刺身仲有幾個位係for Omakase，可以講係「沙田首間omakase」。上星期四即刻約沙田朋友去食，好彩有位(可能新開未有太多人認識)。呢個價錢黎講，食物很不錯，整體環境，氣氛同服務也好好。師傅健談幽默且專業，令我地成餐飯食得好開心都學到好多野。我個人係會再次幫襯！如果住果區，真係好值得一試！

本着冇期望冇失望嘅原則，隨心走入咗呢間餐廳。一坐下，他們先介紹入會優惠，優惠下有三個前菜可以選擇，我們選擇了「芝士」作為前菜，芝士香滑，魚腸比較鹹，但兩者配合梳打餅，配上啤酒確實不錯。酒盜芝士甘酣三色冷蕃茄$38三種蕃茄，三種味道刺身拼盤 $358新鮮薄燒鰹魚沙律$78層次分明

我間唔中就會去新城市覓食 咁岩見到呢間係新開就去試下 我係lunch time去既 佢地有個lunch set 我叫左吞魚腩蓉定食 佢個set係包括有味噌湯 沙律 蒸蛋 仲有個菜 其實食前菜我已經小小飽😂😂食晒成個定食我係勁飽 呢個定食我覺得個味道係正常操作 但想坐得舒服啲 環境好啲都係一個唔錯既選擇

鐘意食日本嘢嘅朋友仔有福喇！兩間都位於尖沙咀海港城，分別係超人氣出哂名難book位，主打日本和牛壽喜燒嘅日山Hiyama; 而另一間則係之前介紹過，食日式串燒嘅幸匠燒Shiawase，兩間竟然合體並係上個禮拜登陸沙田😍 日山嘅設計偏向和風木系，簡約雅致; 幸匠燒個邊就以紅色同黑色為主調，偏向走時尚型格路線，門口位置當然唔少得佢哋嘅signature 打卡位鳥居隧道 ⛩ 店內除左提供兩間店分別主打嘅菜式外，仲新添左沙田店限定嘅壽司同Omakase (需要提前預訂)✨ -雞泡魚干 ($68) 餐前點少得啲佐酒小食呢~ 雞泡魚干經過醃製再烘乾，食之前再經烤焗，食落帶鹹鮮，海鮮嘅香氣十足，過口癮一流🍶 食嘅時候要襯熱食，如果唔係好快變硬~ *特上刺身拼盤 (10款) ($568)內含十款唔同款式嘅刺生，包括 拖羅，油甘魚，海膽，蝦，帶子，右口魚，池魚，三文魚 以及 鯛魚。極度奢華而且食完真係大滿足✨海膽夠鮮甜，帶子超厚切抵讚👍🏻 拖羅嘅油脂感幾重，接近大拖，可惜有啲位有筋~*燒三文魚松葉蟹卷 ($158) 店內有唔少創作卷，配搭賣相都相當吸引，例如鰻魚芝士，山葵日山和牛肉卷等😍 依款燒三文魚松