幸匠燒 (新城市廣場一期)

好食、抵食，book位仲有7折添!!! 7大2小埋單唔肉痛。以為禁晒D海產唔俾入會唔新鮮，點知一樣咁好食<3<3 登記會員每一次黎都送一人一隻燒蠔!!!!!! 兩位兩歲小朋友好乖，食左好多飯又有蘋果汁飲 'O' 必叫😋芝士年糕、🍍燒菠蘿、🍄黑松露蛋豬扒飯菇味香濃，好大盒好足料⭐呢到已經成為我家飯堂，食完晚飯仲可以落一層去龍龍公園🐉，所以小朋友全程食得特別乖。好食要宣揚，但私心如果到時多人咪難搵位....…查看更多

第一次黎時係有驚喜，那次叫牛舌飯，牛舌外脆內juicy，今次係我推介同事再黎，今次叫松露魚籽雙色丼，坦白講有小小失望，飯入面太多青瓜，可能熟食比較出色，或者下次要再試多次食其他餐牌上嘅選擇，但係值得試的一間食肆，食物快上枱，員工斟水次數好密，感覺好好。…查看更多

今日同朋友嚟到新城市廣場，諗住晏晝試下呢間日本餐廳。嗌咗個壽司12貫。落咗唔夠10分鐘，就已經有前菜同麵豉湯，同埋茶碗蒸。麵豉湯飲落冇苦味，幾清甜。茶碗蒸好足料，抵讚！壽司亦都好新鮮！呢餐非常滿足…查看更多

唔推薦大家光顧，服務差，可以一個鐘都未上starter,上菜次序完全唔跟sequence ，三催四請先上頭盤，仲要黑面。差過食連鎖餐廳。食左個幾鐘都未上齊野，先話個燒爐壞咗，咁你應該早啲話比客人知，唔係要等到個客忍冇可忍先交代一聲！極度懷疑下面客人點可以一次過影哂所有食物同框，因為啲食物冇可能一次過上晒🤔除非佢等2個幾鐘唔食，然後相機食先。串燒即上唔夠熱不特止，都唔知熟唔熟，等多過食，呢間餐廳簡直係浪費時間同金錢。咁嘅服務同態度仲好意思收加一！難怪週末peak hours佢都可以冇人排隊，直入唔洗等，因為係大伏…查看更多

吞拿魚腩蓉丼 $138上菜嘅時候見到鋪滿整個飯面嘅吞拿魚腩，精神當堂為之一振。吞拿魚包就食得多，吞拿魚腩就真係好少食，都有少少驚會唔會成個飯太腥。而魚腩當中夾雜咗少少薑蓉，所以一啲都唔覺得腥。食落口感非常唔錯，鮮嫩嘅吞拿魚腩蓉入口即溶，魚油豐富。魚腩蓉面有一隻溫泉蛋，我就選擇咗將溫泉蛋搞爛，難將佢同魚腩蓉同飯撈埋一齊食，口感一流。另外，丼飯用料新鮮，而且份量一啲都唔少。我覺得都算物超所值。成個套餐仲配有前菜，味噌湯同埋蒸蛋，以佢嘅前菜亦都一啲都唔馬虎，例如味噌湯唔會太鹹，蛋亦都唔會蒸得太老。至於餐廳嘅環境亦都非常舒適，裝修係仿日本神社嘅風格，令到你好似置身喺日本咁。如果係坐卡位嘅話，枱同枱之間仲有屏風遮住，一來又衛生啲，二來私隱度亦都好高，成個lunch可以話係一個愉快嘅經歷。…查看更多

通往幽靜神殿的幸の晚宴🎎 餐廳以日本神社為靈感，正門大道上面有好多鳥居⛩️，夜晚時透出明亮嘅燈光，好似行入一條通往神殿既夢幻又幽靜神聖嘅通道咁🛣️！「幸の晚宴」二人套餐，餐單上有好多款美食。首先係先付，味醂魚乾醃得好入味🐟，魚肉咬落去鮮甜多汁，配上微微甜味嘅味醂醬汁，好開胃！脆炸白蝦外脆內嫩🦐，每口都好鮮美，真係令人回味無窮。 之後嚟緊係沙律🥗，新鮮青翠，色彩繽紛，令人食慾大開。沙律醬汁酸甜可口，帶出蔬菜嘅清新風味，真係好開胃。刺身部分係時令刺身三品盛，有北海道帶子、甜蝦同金槍魚中拖羅。刺身新鮮嫩滑，每塊都好鮮美。北海道帶子鮮甜多汁😋，甜蝦嘅口感鮮脆，金槍魚中拖羅有濃郁嘅魚味，而且切得好薄，入口即化。 接下嚟係燒物，有串燒六品🍢，包括鶏翼、雞腿肉、黑豚肉、極上牛舌芯串、秋葵同蘆筍。串燒烤得剛剛好，肉質鮮嫩多汁。鶏翼燒得外脆內嫩🐔，雞腿肉鮮嫩多汁，黑豚肉帶有濃郁嘅豬肉香氣🐽，極上牛舌芯串嘅牛肉鮮嫩彈牙👅，秋葵同蘆筍都燒得剛好🌾，保留咗蔬菜嘅原汁原味。然後係和食部分，有清酒煮蜆同明太子幸福玉子燒🍳。清酒煮蜆有淡淡嘅酒香🍶，蜆肉鮮嫩彈牙。明太子幸福玉子燒係一款獨特嘅料理，有著濃濃嘅日本風味。燒得恰到好處嘅幸福玉子燒外脆內軟，每一口都帶有明太子嘅鮮味。 御食部分有迷你牛肉烏冬同一口鰻魚飯🍚。牛肉烏冬湯底鮮甜🍜，牛肉嫩滑，烏冬麵彈牙有嚼勁。鰻魚飯外脆內軟，鰻魚肉質鮮美，加上酥脆嘅飯粒，味道絕佳。最後，甜品時間到啦！時令甜品帶來一絲清新嘅甜蜜🧁，給予完美嘅結尾。除咗美食之外，90分鐘內可以盡情享用各式飲品，真係好暢快🍻！ 整體而言，每一道菜品都經過精心烹調，味道鮮美，質量高。而且餐廳嘅設計獨特，營造出舒適嘅用餐環境。加上FOODIE會員尊享價$688😳，更加抵食，快啲嚟感受幸・匠燒帶來嘅美食與幸福吧！…查看更多

呢間餐廳以日本鳥居同神社作概念，令食客舒適享受傳統串燒料理⛩️🍶幸の晩宴 ($1088/ 2位)💗味醂魚干 雞泡魚乾燒得乾身又唔會太硬，帶味醂甜味，再蘸上沙律醬🐡💗脆炸白蝦脆炸椒鹽白蝦脆卜卜超惹味，忍唔住一口接一口🦐💗幸.廚師沙律廚師沙律以新鮮爽脆沙律菜同蕃茄為主，面頭加入大量蟹柳、蟹籽🥗💗時令刺身三品盛北海道帶子肉厚鮮嫩；甜蝦黏糯鮮甜；金槍魚中拖羅肥美柔嫩🍣💗串燒六品雞翼皮脆肉嫩；雞腿肉嫩滑Juicy；黑豚肉油脂豐富；極上牛舌芯脆嫩爽彈；秋葵爽脆粘滑；蘆筍爽嫩清甜🍢💗明太子幸福玉子燒 玉子燒鬆軟滑捊捊，夾住芝士同滿滿明太子，明太子濃郁惹味，上面再加埋大量沙律醬同飛魚籽🍳💗清酒煮蜆清酒煮蜆特別鮮味，粒粒飽滿無沙🐚💗一口鰻魚飯 蒲燒鰻魚柔軟刺少，米飯淋上香甜蒲燒汁🍚💗迷你牛肉烏冬清湯鳥冬順滑煙韌，加上嫩滑牛肉片🍜💗時令甜品 草莓忌廉卷蛋帶清香士多啤梨味🧁；黑糖布甸和菓子口感煙韌🍡…查看更多

幸匠燒充滿日式風情，門面的紅彤彤的鳥居和紅葉飄搖，有偽旅行的感覺。餐廳空間感寬闊，卡位以竹廉分隔，帶點點禪意，私隱度極高，是朋友相聚的好地方。幸の晚宴包羅萬有，湊合鮮味的刺身，及多款精緻的和食，令人幸福感滿滿!先付:味醂魚干/ 脆炸白蝦魚干薄脆可口，鮮香油潤，沾上蛋黃醬，更加開胃! 熱呼呼的炸白蝦，酥香滋味，入口清脆，令人意猶未盡。幸 •廚師沙律沙律十分清新，一絲絲蟹柳，入口滑嫰柔順，表面舖上海量蟹籽，鮮味誘人。爽脆的沙律菜，口感輕盈，加上酸甜多汁的蕃茄，是清新開端。時令刺身三品盛三品盛擺盤精緻，有北海道帶子•甜蝦•金槍魚中拖羅，由淡身吃到油脂豐沛的，慢慢細嚐。帶子肥美圓厚，入口滑溜、綿軟，鮮香吸引。甜蝦晶瑩剔透，肉質彈牙緊緻。拖羅油潤豐盈，緩緩在口中溶化掉，散發魚油甘香，令人大飽口福。串燒六品（每款1串）6款串燒: 鷄翼、雞腿肉、黑豚肉、極上牛舌芯串、秋葵及蘆筍，經過簡單的鹽燒，雞腿肉保持緊嫩，鷄翼外皮酥脆，陣陣炭燒香氣，肉裡肉汁香嫰可口。黑豚肉質地厚身，口感飽滿焦香，十分回味。牛舌芯十分矜貴，是除去舌尖、舌根後，剩下的最滑溜位置，表面油光亮澤，質感綿彈，細膩肉香散發口腔，惹味誘人。最後吃爽脆的蘆筍及秋葵，清新味蕾，平衡油膩感。和食淸酒煮蜆/ 明太子幸福玉子燒蜆肉軟滑挺身，浸泡在温熱清酒汁內，口感滑順，鮮香中沁出昆布清香，令人垂涎。玉子燒入口感綿彈，當玉子甜香，碰上惹味明太子，鹹甜交替，以蛋黃醬點綴，配搭鮮明，滋味停不了。御食一口鰻魚飯/ 迷你牛肉烏冬鰻魚飯香噴噴，大口咬下去，肉質軟滑無骨，蜜甜滋味，把米飯拌勻甜香的醬汁，啖啖窩心。烏冬綿滑彈牙，牛肉粉嫰薄身，質感軟嫰，烏冬吸收了牛肉汁甜湯，叫人滿足。甜品粉系和菓子，以香桃和茄子造型，趣緻可愛，口感Q彈，內裡填滿紅豆蓉，令人甜入心扉!…查看更多

之前喺新城市6樓飲茶嘅時候已經發現到呢一間餐廳，呢排見到佢個二人餐更加有優惠添✨✨✨ 先付，沙律脆炸白蝦和味醂魚干作為前菜，非常適合佐酒，白蝦炸得酥脆不油膩，味醂魚干較乾身，帶有微微甜香；沙律爽脆清新，蕃茄原片而上，清甜萬分，滿滿嘅蟹柳絲帶來一點鹹香✨刺身北海道帶子、甜蝦、金槍魚中拖羅，刺身都頗有質素，食落新鮮～帶子相當清甜；甜蝦帶點黏稠；中拖羅軟柔粉嫩✨燒物鷄翼 、雞腿肉 、黑豚肉、極上牛舌芯串 、秋葵 、蘆筍、每款各一。記住循序漸進的品嚐串燒，雞翼外皮香脆；雞腿肉有汁帶雞香；黑豚肉爽嫩，肥瘦適宜；牛舌心爽口有油脂感；最後以兩串蔬菜解膩作結✨和食清酒煮蜆味道相對較清，蜆肉肥美亦全部開殼，食出鮮甜；明太子幸福玉子燒絕對係誠意之作，蛋香濃郁，而流心嘅明太子更帶來舌尖上嘅快感～✨ 御食一口鰻魚飯份量都唔少，鰻魚肥潤豐膄，加上香甜嘅醬汁，令人不禁完成了整碗米飯。迷你牛肉烏冬，剛好清一清喉嚨，暖一暖胃，烏冬口感極好，食落滑溜！✨甘味👍🏻環境寬敞有私隱度，枱與枱中間都可以拉下竹廉，更有日本風情。…查看更多

同朋友沙田新城市呢間居酒屋食晚餐，餐廳環境闊落而且播住日文歌都幾有feel😃店員嘅服務都好好，成日過黎睇洗唔洗fill野，今次叫左個2人晚餐，高質得黎都好豐富，食得幾飽👍🏻🔸 二人晚餐（HK$1,088；如果係FOODIE會員就係$688）🔸 前菜 - 味醂魚干魚干脆卜卜，上台時仲係熱辣辣，除左可以就咁食到味醂味，仲可以沾沙律醬就另一種滋味啦😜🔸前菜 - 脆炸白蝦細細嘅白蝦口感都酥脆，做開胃小食都唔錯🍤🔸沙律 - 蟹肉蟹籽沙律沙律都幾大碗，有番茄、蟹柳同蟹籽，夠曬fresh🥗🔸刺身 - 北海道帶子、甜蝦、金槍魚中拖羅擺盤都幾啱打卡，三款刺身都幾鮮甜🍣🔸燒物 - 串燒六款串燒包括雞翼、雞腿肉、黑豚肉、極上牛舌芯串、秋葵、蘆筍😎最驚喜係牛舌，厚切得黎都好好咬，牛味都好突出～🔸和食 - 清酒煮蜆蜆肉無沙，而且都幾大粒，湯底係有陣陣嘅清酒味😄🔸和食 - 明太子玉子燒玉子燒好厚身，蛋味好香甜，入面仲有明太子同芝士，每啖都好滿足😋🔸御食 - 一口鰻魚飯&迷你牛肉烏冬食完前面都已經有少少飽，再食埋鰻魚飯同牛肉烏冬，細細份可以一嚐，啱啱好呀🤣🔸甘味 - 和菓子最後就有甜品，造型好得意嘅日式和菓子，係番茄外形同白桃外形，內餡係紅豆蓉，甜度啱啱好🍡🔸飲品 - 巨峰乳酸 & 白桃汁另外都叫左2杯飲品，甜度適中，果香味好清新，配以上嘅日式菜式都好match🍹…查看更多

有半年冇嚟食 食物水準又好似高咗🫣同樣食返#幸の晚宴 二人餐餐牌轉咗價錢更加優惠咗Foodie app會員$688 (原價$1088) 真係抵好多!!二人餐有9道菜（10款不同菜式）前菜2款：魚干同炸蝦🍤都好香口 好啱送酒個人尤其鍾意❤️魚干好咬口 好易食到停唔到沙律：好大的一碗 材料新鮮 食完飽咗一半刺身3款：北海道帶子 甜蝦 金槍魚中拖羅肥美清新 鮮甜滑嫩 油脂飽滿串燒六品：牛舌芯 雞腿肉 雞翼 黑豚肉 秋葵 露筍即燒熱辣辣 冇過多調味料 惹味好食熟食2款：清酒煮蜆 明太子玉子燒蜆肉勁大粒肥美 鮮甜冇沙好乾淨玉子燒嫩滑扎實 中間流心芝士明太子醬 超好味😋主食2款：一口鰻魚飯 迷你牛肉烏冬鰻魚飯的鰻魚一啲都唔一口 鰻魚肉冇骨 味道不錯烏冬煙韌 牛肉老咗少少 整體清淡甜品：檸檬卷蛋糕 和菓子檸檬味偏酸多於甜 配搭偏甜嘅吉士餡和菓子 幾夾整體食物款式多樣化 食材新鮮 賣相精緻座位有竹簾隔開 私隱度高 職員細心有禮 主動加茶 按客人用餐進度上菜用Foodie 會員價 抵食～#居酒屋 #串燒 #日本菜 #新城市廣場 #幸匠燒 …查看更多

就快生日想食好啲慶祝一下，睇過餐廳呢set套餐menu幾豐富、預早book咗位嚟試下幸·匠燒 幸の晚宴 ・先付・Grilled Dried Fish·Mirin味醂魚干> 口感偏紮實、比較啱咀嚼控要唔停咁𡁻，味還算香Deep-fried White Shrimp脆炸白蝦 > 即席炸起非常酥香，入口有淮鹽鹹味，唧啲青檸汁味道會無咁單一・沙律・Shiawase Signature Salad 幸・廚師沙律> 鍾意食卜卜脆蟹籽嘅客人應該幾喜歡呢個沙律，蔬菜新鮮蕃茄又大又甜，整體份量很多・刺身・Seasonal Sashimi Platter (3 types)Hokkaido Scallop·Sweet Shrimp·Fatty Tuna時令刺身三品盛北海道帶子 •甜蝦 •金槍魚中拖羅> 個人較愛帶子嘅鮮甜、唯獨太薄切唔多夠喉；甜蝦蝦頭有膏蝦肉冰爽，中拖羅亦都好夠凍口味清淡・燒物・Assorted Skewer Platter (6 types)Chicken Wing Chicken Thigh ·Pork·Deluxe Ox Tongue·Okra·Asparagus 串燒六品（每款1串）鶏翼・雞腿肉・黒豚肉・極上牛舌芯串・秋葵・蘆筍> 串燒應該係餐廳嘅拿手菜，個人覺得牛舌芯係最好味：香濃牛味唔騷、中間位呈粉紅色咬落多汁爽脆又有彈性，一啲都唔韌和硬；其他串燒水準正常味道算是不俗・和食・Stewed Clam·Sake Soup清酒煮蜆> 蜆肉無沙已當贏、唔使咬到牙都崩！用清酒煮醇香味出、蜆仔細細粒但飽滿鮮甜Mentaiko Tamagoyaki明太子幸福玉子燒> 真係比到幸福感，玉子流心芝士又拉到絲，呢款真心好食・御食・（Choose one/二選一 )Mini Unagi Donburi 一口鰻魚飯> 鰻魚口感還不錯亦幾香，醬汁偏甜有蛋絲米飯托底，絕對不能一口食晒Mini Beef Udon迷你牛肉烏冬> 牛肉比到嫩滑口感牛肉香，烏冬滑溜偏軟身湯底清澈，整體都幾好味・甘味・Seasonal Dessert 時令甜品> 和菓子造型精美、視覺效果100分。餡料有紅豆蓉食落唔過甜，外皮比想像中實淨、不太煙韌Peach Juice > 淡淡桃子香氣甜度適中，細細杯可慢慢品嘗▪︎ 用餐限時90分鐘、夠鐘前半小時女職員會過來提醒，一夠鐘就算未食晒枱上食物、女職員會拿外賣餐具來收拾食物、效率奇高！90分鐘到、客人一定會還到枱！▪︎ 餐廳職員普遍都有禮貌，當中有位男職員令我留下深刻印象：他身穿黑色制服外型較成熟沒戴眼鏡，說話敦厚態度從容不迫，不會咄咄逼人準時交枱；儘管坐在有簾較私隱的位置內、每次申手他都留意到過來幫忙，沒事時不會眼望望昅實客人，這男職員幾attentive。個人在餐廳服務方面打分、這男職員給5分、其他職員4分、那位女職員給0分(另有段故不提也罷)，拉勻服務分數就係3分…查看更多

沙田居酒屋推薦🏮呢個dinner set性價比高先付🌟味醂魚干 以味醂醃製後再烘乾 香脆可口蘸埋沙律醬更滋味🌟脆炸白蝦炸得好酥脆 味道鮮美沙律🌟幸 ・ 廚師沙律蟹肉蟹籽沙律🥗加蕃茄 清新又醒胃刺身🌟北海道帶子,甜蝦 ,金槍魚中拖羅三款刺身都好新鮮 鮮甜味十足燒物🌟串燒六品 串燒有六款包括鶏翼 ,雞腿肉 ,黑豚肉 ,極上牛舌芯串 , 秋葵 ,蘆筍 每串既火喉都控制得好好最鍾意係厚切牛舌芯 柔軟得黎又夠爽滑咬落仲有肉汁滲出💯和食🌟清酒煮蜆粒粒都漲卜卜好厚肉又唔會有沙簡單配上清酒🍶 已經好好味 酒香氣十足🌟明太子玉子燒口感嫩滑既玉子燒包裹住滿滿既明太子😋御食🌟一口鰻魚飯/迷你牛肉烏冬暖胃之選 👍🏻甘味🌟時令甜品賣相造型好可愛既和菓子🍡內餡係紅豆蓉🫘 口感煙韌軟糯👍🏻…查看更多

早排放學經過沙田，見到幸匠燒嘅晚市套餐幾吸引，於是同朋友去咗試佢嘅幸の晚宴，二人套餐都只係$1088。前菜我鐘意食佢嘅脆炸白蝦，細細隻蝦仔，面頭撒上椒鹽同青檸汁，我地完全食唔停口，係一道非常適合送酒嘅下酒菜！沙律幸·廚師沙律非常大份，有滿滿嘅蟹肉，食完已經有少少飽肚。刺身時令刺身三品盛有北海道帶子、甜蝦同埋金槍魚中拖羅。所有刺身都好新鮮同埋好鮮甜，拖羅肥美，帶子鮮味十足。燒物串燒有六串，我地最鍾意食牛舌同秋葵。牛舌非常厚，十分有咬口；秋葵多汁。和食清酒煮硯裡面嘅硯超大隻！第一次食咁大隻嘅硯🤣御食雖然佢餐牌係寫一口鰻魚飯，但其實好大碗！珍珠米香甜，鰻魚好大塊。…查看更多

幸の晚宴門口打卡位好似令人置身日本一樣，職員話只要消費，就可以寫許願牌。見到二人餐只係$688（foodie會員價），幾豐富，就入咗去食！味醂魚干有咬口，又軟身，美味過癮，最佳餐前小食脆炸白蝦原隻白蝦炸至金黃香脆，可以連埋殼一齊食，十分香口。幸 ・ 廚師沙律沙律有蟹籽同蟹柳，而且日本蕃茄鮮甜清新又開胃。時令刺身三品盛 款款刺身都好新鮮，有北海道帶子 、甜蝦 同中拖羅，拖羅尤其肥美，入口即溶。串燒六品串燒拼盤有菜有肉，即叫即燒，鶏翼、雞腿肉、黑豚肉、牛舌芯、秋葵同蘆筍，塗上秘製醬汁同木魚碎，食落更加惹味。清酒煮蜆蜆肉大粒飽滿，完全冇沙十分乾淨，湯底有淡淡清酒嘅香味。明太子幸福玉子燒玉子燒鬆軟又紮實，除咗表面嘅明太子醬汁之外，切開後仲有流心芝士醬，驚喜十足。一口鰻魚飯。迷你牛肉烏冬主食可以揀鰻魚飯同牛肉烏冬，鰻魚汁濃肉嫩，烏冬煙韌彈牙，而且份量剛好。時令甜品造型精緻嘅和果子，手工一流，一粒係西瓜一粒係茄子，好可愛。…查看更多