平昌

營業中

休息中

前排嚟呢度食韓燒，想揀呢度嘅原因係因為佢除咗有燒肉之外，仲有其他韓式料理都係任食呢個價錢，真係抵過出面單點的韓燒點好多裝修環境全部都係圍繞着Kpop, 幾韓風！ 仲有個韓國oppa招呼我地我地今次食左最平的大君料理韓燒有嘅泡菜生菜，仲有爐邊蛋都係任食質素都幾好！好有蛋香味令人意想不到嘅係最平嘅套餐竟然都有牛肋肉，而且質素都幾高，好嫩 又有牛味牛舌係薄切，要小心控制火候每一轉嘅牛肋肉同牛舌的質素都一樣包菜食即刻好韓式，又好味海鮮都唔錯，有石蠔、虎蝦同魷魚等。石蠔味道唔腥，都幾juicy，燒熟左都有一點海水味。虎蝦都幾彈牙，新鮮而魷魚就爽而不韌，我同朋友都encore左幾次辣調味豬梅頭片有少少香辣，調味得唔錯，口感ok燒調味鰻魚，本身鰻魚就已經熟，所以燒熱少少就食得。好有蒲燒鰻魚味！另外都叫咗幾款韓式料理辣海鮮豆腐，湯嘅份量啱啱好同另一個朋友一人一碗，好暖胃，豆腐好滑辣炒年糕份量亦係每人食兩件，最啱我哋可以淺嘗。幾欣賞呢度嘅食物真係會預人頭上，客人唔會食完啲小食就飽

新一年開始，朋友話要食餐勁，先至有氣有力減肥喎就陪佢去任點任食嘅韓國燒烤。旺角兆萬中心，地點方便，先喺樓下嗰幾層睇下嘢先，我哋book咗九點，諗住早少少上去，點知全埸滿座，真係要九點先有位， 估唔到咁夜仲咁多人每張枱已經預備好生菜，大豆芽， kimchi，仲有三款醬油。我哋揀咗大君御膳，每人唔使二佰元。有肉類，海鮮，蔬菜，熟食肉類除咗有雞，牛，豬基本嘢外，仲有鴨喎。 呢度有啲肉類已調好味，唔洗點醬油都好好味。LA牛扒唔講得笑，牛味濃，我哋叫完又叫 照燒薄切五花腩片，已經調好味，薄切嘅關係，燒一陣已經食得，味道調得剛剛好， 唔會過鹹海鮮有朋友至愛嘅石蠔，好新鮮。我就鍾意食鯖魚同鰻魚，燒起好香，鰻魚仲keep到好淋滑，仲有扇貝，虎蝦，魷魚其實我好想叫埋辣海鮮豆腐湯，但係朋友 係咁encore肉類，我自己一個又食唔曬， 但係點都要嗌返個辛拉麵，麵質軟硬適中， 加埋kimchi，烤肉，爽呀係咁叫，係咁食，仲有韓國飲品任飲，我唸朋友應該有氣有力進行今年嘅大計啦。

今日個friend約咗我黎平昌食燒肉，本身見到係任食，而且價錢咁抵，無麥特別期望！ 一上到去，已經有個韓國侍應招呼我哋，周圍嘅環境裝修令我好似去咗韓國🇰🇷咁，估唔到星期一黎都全場爆滿，真係要提早book位！ 淨係肉類選擇已經好多，而且質素不俗，賣相已經好吸引，我個friend推介呢到的五花腩，半肥半瘦，一點都唔韌，燒好後放在生菜、加上醬汁包住食，yummy! 而我最鍾意LA牛排，燒完唔會覺得老硬，還保留原有的肉汁。 除咗燒肉，仲有d菇類、海鮮燒！ d韓式食物款式亦唔少，我試咗辣海鮮豆腐湯，少少辣，好開胃😋炸蝦條香脆可口！ 另外，呢到服務周到，侍應會主動幫你換埋鐵板，上食材速度極快，亦唔會漏單！絕對有物超所值的感覺！

有時係旺角都唔知食咩好甘岩想食韓燒 望一望又去左試下平昌 係以前8090既鋪位同裝修改左少少甘囉任飲任食300埋單嗌乜嗌幾多都真係黎齊既仲有芽菜同泡菜任fill爐邊既蛋漿味道都唔錯唔會太稀.. 燒得耐仲脆皮添有個辣豬腸好好食！！不過其他肉類就一般般..肉味唔濃.. 可能係因為冷鮮而且品質普通唔會係靚肉🤔而且換盤唔算密..但係肉好多都係有汁醬既好易燒焦..鋪頭裡面好多都係韓國人..音樂聲有點大 唔係好聽到自己朋友講野

今日天氣突然間轉涼左好多，收工食韓燒暖一暖身，驅走寒意。男朋友話同朋友食過呢間大件夾抵食，一於試一試！入到去覺得環境好舒適，好乾淨，唔會有一大陣嘅燒烤油煙味，餐廳嘅通風系統似乎做得唔錯。店員招待殷勤，會主動前來收碟、換鑊、添加生菜及蛋漿，十分抵讚👍🏼食物方面，基本的五花腩、五花肉、豬頸肉等都有齊，亦有幾款醃肉的選擇。牛肉類亦有牛仔骨、牛肋骨、牛舌、肥牛等選擇。雖然是任點任食，但一點也不馬虎，肉類質素高，肥瘦適中，新鮮好味！特別一提，有我喜歡吃的帆立貝及大蝦，燒熟後入口鮮甜。除了烤肉內，更有多款熱食選擇，特別欣賞湯品也有很多款，總有一款合你心意。另有石頭鍋飯、辛辣麵等選擇，不怕吃不飽，絕對是正宗韓國燒烤之夜！

適逢放假日子我都會同男朋友四圍覓食👫今日中午咁啱嚟到旺角 大家就冇食到早餐 見有啲我就決定搵放題食 最後就去咗呢間平昌燒肉🇰🇷其實之前都想試好耐 只係都full Booking 最後今日終於有機會可以試下可能仲係1點幾上到去就安排到位置俾我哋 先講環境佢都唔算太大油煙味 🙆🏻‍♀️設計好啱後生仔 播住韓文歌氣氛輕鬆🎶我哋燒左大約兩個鐘 職員都幫我地換過兩次鐵板🤝值得特別推薦嘅係佢有蠔燒 竟然韓燒仲要係午市有蠔食 好驚喜😋好鮮甜 同埋唔係細細隻 好滿足其次就係佢個LA牛排🥩 好多燒肉汁 厚度啱啱好 唔會好韌👍🏻豬肉雖然望落有啲乾 🐖但食落都多汁 腌得好香除左肉之外 佢都提供好多熟食止下個韓國小食癮我最鍾意佢個海帶湯🥣啲海帶口感好滑 少少肉碎 同胡椒粉水冷麵好開胃 份量唔會太多 霸晒個胃年糕都好煙韌 另外呢度都有幾種湯飯食適合大胃既男仔💪飲品有健康飲料啤酒咖啡汽水🥤like左佢地仲送雪條😝中午特別抵食每人買單都唔使$200有咁多款肉都抵既希望下次有機會可以試吓晚市晚市會多少少選擇🍽

今晚突如其來想韓燒就上黎呢度，入座率都有九成，好彩仲有枱!! 有3款套餐選擇，當然愈高級，食物選擇種類愈多望見呢個大君御膳 ($198)，肉類選擇包括牛豬同鷄，少量海鮮及蔬菜，仲有多款熟食，就呢個啦枱上放上任食泡菜及前菜，當然唔少得生菜用黎包肉食啦，仲有蛋邊，等陣煮熟就食得!  任飲自己出去雪櫃拎偏好牛，落多幾款..........LA牛排牛舌，牛肋肉條鷄翼可燒至皮香肉滑，絶對要追加鐵板燒熱後就起動啦.............牛類最快搞掂，就LA牛排，牛舌最先出場牛肋肉條一口一條，偶有一條略帶脂肪位，甘香好味牛舌燒完都相當大片，軟滑中帶點嚼口，點少少油鹽可提升味道牛排已調好味，無需再點醬汁，肉質相當JUICY，每塊骨連肉，無咩肥膏連帶，食得輕鬆友人話要食炒粉絲，入口仍保持熱度，唔太油膩，唯味道稍為濃味左D我就要食煎餅，一客份量唔大，每人試少少，邊位香脆，食到蔥味海鮮類點左蝦同魷魚圈，魷魚圈相當軟腍，用黎燒烤都幾唔錯最後叫多碗辛辣麵，用泡菜送麵，韓國人食法............哈..哈......侍應不時主動收碟及換鐵板，今餐任食任飲相當滿足!

朋友想嘆韓燒，還要是任食放題，知道這兩大要求後我二話不說就決定到「平昌」，並上Openrice訂位。點解我獨愛「平昌」？一來出名抵食，二來食物款式多，三來是間良心黃店，早於8月初已給學生、記者、救護等手足提供優惠，向前線致敬。晚市放題有三個價位，全部任飲任食2小時。由於我們想嘆醬油蝦，於是就點了中價$298的世子御膳。點餐時，將號碼寫在過膠點餐紙便可，循環再用夠環保！款式方面，有牛有豬有雞有海鮮，有熟食有生食，超過50款選擇。當中我最喜歡吃雞肉串和扇貝，勁新鮮！不過，可能我們只得兩人，或是避免浪費吧，無論在點餐紙寫多少份量，送來的都只得兩份，結果要分多次叫才滿足！店員服務周到，上菜快收碟快，兩小時內換了近七次鍋盤，很細心！如果like了「平昌」facebook page的話，更免費請吃韓國雪條呢！

好朋友生日，便預訂這間韓式燒烤放題和她大快朵頤。跟平常的韓燒餐廳一樣，都有提供基本前菜，小編特別喜歡韓國泡菜，這間的不會過辣，味道開胃。燒烤一定少不了大量肉類，點了豚五花肉，牛五花肉，牛肋骨肉等等，肥瘦適中，口感不錯。其中最愛韓燒的原因是火爐旁邊會有位放置爐邊燒蛋，特別香口，燒的時候也令人特別期待。另外點了生蠔以及帆立貝，食材新鮮。點了碗海帶湯，在有冷氣的地方吃住燒烤，再有一碗暖暖的熱湯，令人滿足。

朋友話聖誕節前出去食飯聚下，今晚就去旺角兆萬中心平昌食韓國燒烤，可能係任食嘅關係，我發現真係好多人，全場坐滿。食肉嘅就最啱，豬、牛、雞、海鮮樣樣都有，牛排、肥牛片就最吸引😋朋友唔食牛就淨係食豬，薄切五花腩、梅頭片都好好味。另外，仲有烤雞肉、雞翼都好惹味！海鮮都有幾款，虎蝦🦐都幾大隻，仲有扇貝、鯖魚柳、蠔、魷魚🦑，不過就比較需要時間燒，因為時間有限，所以要爭取時間。仲有炒年糕、海鮮豆腐湯、飲品任飲。

臨近聖誕，同朋友黎平昌韓燒聚餐。佢分左幾個價錢，我地揀左最平個個，$218加一。任燒項目分左豬肉類、牛肉類、雞肉類、肉類、海鮮類同蔬菜類，仲有韓國料理。我地叫左唔同部位既豬同牛，全部都好韌，好難咬，我幾乎放棄晒唔食。雞肉係最好架啦，煙鴨胸肉好鹹，鰻魚唔好食，連杏鮑茹都好韌。所以我地要叫熟食黎醫下肚，炒粉絲、水冷麵、辛辣麵、炒年糕、牛肉海帶湯同炸蝦條，全部都好普通。建議想韓燒既人可以選擇其它餐廳，令人失望。

好耐冇食韓燒 咪搵咗一日約咗朋友出嚟食🤤 平昌有分唔同時段唔同嘅收費，但係全部都係食90分鐘就要交枱我哋嗰日係中午時間去到 128蚊一位，唔平唔貴啦 但係選擇都算幾多：肉類有豬牛雞嘅唔同部位， 仲有少少嘅海鮮（夜晚黑雖然貴啲但係選擇有更加多，有帶子同埋生蠔）。飲品選擇都算幾多，有啤酒同埋其他韓式飲品，仲可以加錢飲啲貴少少嘅燒酒類添。小菜係可以任加嘅，仲有隔離啲蒸蛋，同埋仲有啲煮好嘅熟食，就好似水冷麵或者炒飯，嗰啲畀你叫都係任食嘅。 成個場都好地道，好似韓國啲燒肉店咁佢張枱個設計都好方便，可以直接打開個凳蓋將個袋擺係凳入面，咁就唔使怕有煙味啦美中不足係冇甜品😭 食完都覺得有啲熱氣添 但係唔緊要佢呢個價錢算係不錯但講真作為兩個識得韓文嘅人嚟講，都係聽唔明個韓國老細講緊啲乜嘢😂😂嘻嘻🤭

今日人少少，去旺角行街之後就去食韓燒放題。 可能是價錢合理，而且食物質素也很好，所以非常多人，全場滿座。這裡的食材全部都是自己点選後，由侍應一份份送給我們。 看看餐牌，食物種類很多，熟食的有伴飯，拉麵，豆腐湯，年糕，蔥餅等等。。。大部份韓國熟食都有。而燒烤的種類也不少，雞，鴨，牛，豬，海鮮都有。自己就比較喜歡鮮蝦，非常新鮮好味，還有豬腩肉及五花腩片，燒烤後加生菜及醬汁，非常可口。竟然有午餐肉，燒午餐肉也是第一次，很特別。

未上去前見評價咁高有啲期望，但試完有啲落差，三百蚊一位既價錢應該仲有大把選擇。食物不過不失，好老實講唔難食亦唔好食，醬料選擇亦唔夠多。員工可能工作量太大，由打電話黎confirm當晚booking,到即場既服務都係呆呆滯滯，個個都做到木口木面，希望呢間公司既管理層多啲關心下員工既心理健康。

由於我地一行17人，一開始諗唔到食啲咩好但見到平昌有得BOOK位可以食到韓燒又可以裝晒我地咁多人，同埋之前食過好好食又新鮮，所以今次GATHERING就去呢到食啦！入到去佢安排咗最入嘅房比我地，夠晒空間比我地同埋唔會話坐得好迫！讚！上菜同肉方面都好快手，肉類好新鮮，任食都有好多款簡，仲有其實小食同埋熟食都可以比我地選擇！同埋佢有得FILL蛋，自己又加埋泡菜同芝士，一流！野飲方面雖然唔係話好多款，但都好好飲，已經好夠！我地亦都另外叫咗燒酒，可以暢飲一番！2個鐘頭好快就過，因為太多人嘅關係所以好快就食完走～多人等同食證明咗呢間真係一間高質同好食嘅餐廳！