平昌

營業中

休息中

朋友喜歡食韓燒, 但由於疫情, 我唔想去果類放哂出來任夾那種打來問過這間, 是剔紙然後上菜,比較衛生,  而且價錢好抵來到見到枱與枱之間都相隔一段距離, 所以也算安心!看一看點菜紙, 即刻想轉場, 少得可憐, 有一部份食物只供晚市, 但即使晚上來, 其實款式也不多另外餐廳配給也好孤寒, 我地二人剔4件, 都只比2片有附上生菜夾肉吃, 但沒有蒜頭爐邊有蛋醬, 但內裡并沒有芝士飲品選擇也很少餐廳都會幫客人換爐, 但好奇怪, 佢地唔會跟你說一聲, 當你見到佢時, 佢已準備好, 亦沒給你時間夾起食物, 就义起個爐, 而且即使食物掂到上面個抽氣扇, 佢地都唔會理會......

旺角食燒肉呢間平昌係幾唔錯既選擇，價錢唔太貴,＄198就可以任食，而且野食選擇都算多，呢間鋪仲好似係韓國人開🙈現場係勁多人，入座前會量體温，仲有提供消毒液，所以都食得安心佢有幾種set，我地就揀左大君御膳，個名好似韓國皇室食飯既意思😚炸蝦條炸得好令好金黃，炸衣唔會太厚，食落都唔覺太油膩🙈但熱氣野都係唔好食咁多，所以佢比兩件就啱啱好炒年糕年糕煙韌，唔會好辣，有就翻香港人口味，但始終都係中意食韓國正宗既辣炒年糕先夠過隱🙈🙈辣海鮮豆腐湯呢個係新鮮滾熱辣咁上，其實如果送飯會好d,但食任食又冇理由食飯，就唯有飲個湯算，但佢個辣係用辣汁調味，要攪勻先飲，我就咁飲就唔小心嗆親🙈海鮮蔥餅呢個都煎得幾香，份量都適中，但如果可以落少d麵粉效果應該會更好肉類有好多豬同牛肉既唔同部位唔同調味揀仲有d雞推介薄切既，快熟又唔洗驚燒過火/唔熟海鮮平時燒肉好少見既海鮮佢都有好幾款，cp值好高作為一個bts迷，食到尾聲先發現自己坐係畫哂bts成員既房入面🙈真係估唔到呢度會用bts黎做牆畫，加分💕👍🏻

呢間平昌係我一個月前去嘅，本身想去佐敦嗰間，先發現原黎冇開了，剩下旺角分店我地去親都係食standard嗰隻套餐，今次都唔例外😂最主要係最平嘅套餐已經有我地最鍾意食嘅厚切五花腩同埋燒鰻魚旁邊嘅配菜任refill嘅，有需要可以問店員添。店員依然係有部分係韓國人哦，所以可能要用簡單英文溝通醬料有三種：麻油、燒汁、辣醬一開爐，店員就會為大家淋上鍋邊蛋，記得唔好燒到太老啊，太老雞蛋就會鞋會硬厚切五花腩好有嚼頭，而且油香濃郁，所以我最喜歡，配上醬料，泡菜，卷埋生菜，一啖食落口，肥而不膩叫咗魷魚、蠔、鰻魚、同埋雞翼魷魚我都幾推薦，燒完唔會點收縮，口感係彈牙而唔韌。鰻魚我好中意啦！好肥好飽滿，由於佢本身已經燒好，所以只要稍微燒返熱佢就食得，因為肥美所以好好食，我每次黎一定食佢5、6舊😍蠔就縮水比較厲害，所以如果想飽肚，叫多d其他肉吧😂豬頸肉、牛舌、薄切五花腩都唔錯。平時食燒肉好怕調味掩蓋肉味，但呢度反而唔錯，調味唔會太重，可以令到味道唔會太單調埋單都係百零蚊一個人，都唔貴，所以我覺得standard buffet幾抵食，平平地就食曬我想食嘅野

有朋友生日，揀左好耐，都唔知食乜好，咁岩就見到openrice就介紹平昌，就係咁就決定好同朋友三人齊齊黎食平昌，因為佢1800前入座有85折，所以就訂了1800。佢點餐方式係用張卡片比你，一次過寫低d號碼，再比店員的咁我開始就點左都十樣野到，咁過左一個字到就黎左個沙律，同三四樣野，甘初初都無為意的，過左三四個字燒完枱面果三四樣野之後，成個沙律都食完，但其他野都無黎到………然後舉手問返，店員就叫我地再寫過啦，所以我就諗明顯係留左單……其實我又真係唔明…你話d柯打係分開好多張紙，留左我都覺得合理，但明明就一張卡寫低晒，一次過入都會留左一半，就百思不得其解好喇，講下個鴨胸沙律先…佢既菜集中係紅包心菜，九芽菜，呢兩隻菜都係偏苦既菜，就算淋左幾多胡麻醬，都係蓋不住咁多既苦味我同朋友就點左285果個set，原因係見到佢個牛肉眼，不過就有點點失望，因為佢成舊都好冰，要燒勁耐先食到，唔知係咪因為太小人叫，所以先咁呢唯一值得一讚既係個韓式粉絲又整得幾吸引，賣相唔錯，食落又幾好味。最後總括黎講，其實大部份既肉都無醃過，無乜味，唔知係咪因為平時食開日燒多，慣左有鹽燒牛舌等等唔同既醃味，而韓燒係本身唔會醃，靠

偽韓妹子又出動外出開餐，口痕痕想食韓燒，但又想食石鍋飯、辛辣麵，心大心細既我終於諗到不如食乜都有既韓式放題，所以試去左乜都有得食既“平昌”😻·韓燒價錢有3種，包括大君、世子及國王御膳，我哩啲貧窮既平民都係為左填飽肚啫，揀大君已經好滿足㗎啦😆 大君御膳可以任點餐牌上指定既肉類、海鮮、蔬菜、熱食等，飲品都係任飲㗎，自己去雪櫃攞就得~·店員會先上前菜，而燒爐邊亦會加上任食既爐邊蛋🤩 同朋友點左都好多款食物，🐮牛肉個人偏愛LA牛排及牛舌，LA牛排醃得入味，味道甜甜地，很不錯👍 牛舌質地有彈性，感覺都幾有嚼勁。🐷豬肉方面特別推薦豬五花腩，啖啖肉之餘，燒香後透明脂肪部份煙韌彈牙且不肥膩😋·海鮮方面亦絕不失色，半殼石蠔、半殼扇貝、虎蝦、魷魚、鰻魚… 海鮮燒熟時間會比較耐，建議預早開始燒會更好。而海鮮質素亦不俗，扇貝、虎蝦及魷魚refill左好幾次呢~·由於狂食燒肉關係飽飽地😆 所以熱食我地只係試左水冷麵、辛拉麵及炸蝦條，味道同質素絕不遜於其他韓國餐廳👍·絕括而言，這家韓燒放題性價比不錯，店員仲有啲韓國oppa添🤩🤩

兆萬不嬲多放題店，成日有人派傳單我地今次就揀咗呢間韓燒放題試試～—我地揀咗最平嘅大君御膳 星期四食$198—呢到環境好韓🤣餐牌都多野食～有熟食、燒烤嘅牛、豬、雞同海鮮出面有個飲品櫃，有啤酒、汽水同一啲韓國飲品～一坐低就送上前菜，呢排因為疫情仲送咗兩枝酒精搓手液🧡韓燒最正就係有爐邊蛋～～野食送得快，數量跟據人頭數比～份量啱啱好—推薦嘅野食：—海鮮蔥餅蔥餅嘅邊邊煎到脆卜卜～好香口，好食😋—牛肋骨、照燒肥牛片、牛舌呢個價錢呢個質素一啲都唔差～性價比高，牛肉冇筋，調味幾好👍🏻—調味雞翼雞翼調味做得好～幾惹味，雞肉嫩～—要讚嘅係員工周不時都幫我地換燒烤爐同收碟👍🏻 服務都好好—埋單計埋加一$218一位，幾抵食，會再黎👍🏻

如果你想食彊屍肉，想吸油煙，想比侍應小既，可以黎幫襯！1）食物質素極差 - 啲肉好似放左幾年咁，有啲食物未退冰就攞出黎（2） 衛生抽風都差 - 好似無抽風咁，油煙焗住哂，所有枱櫈，餐牌，落單紙，全部都油淋淋，痴立立，極恐怖，衛生情況好差（3）侍應態度惡劣，兇返客人轉頭 - 韓仔派張單去枱面，乜都無講；轉個頭再落單，有個惡女侍應就唔比落，態度勁差話last order 左，我地話「下，幾時last order 呀無人講過喎？」惡女話「放低張單咪就last order lor ! 」我地堅持無人同我地講過，惡女大大力搶走張單話「最後呢張！無架喇 ！」我唔係黎乞野食既，你有規矩講得清清楚楚我一定跟，但你地做錯做漏又屈客，就算倒貼比我都唔會再黎！祝你早日執笠。

最近武肺盛行，不過見尋日係白色情人節，中午同男朋友諗住食韓燒開心下，去到人唔算多，有1/3客左右，店員幫我地量完體溫同簡單講下收費就叫我地埋位坐，正想坐低之際，店員又叫我地去近門口第二張枱坐，都無所謂既，我地都行左去諗住坐，點知個店員又再叫住我地，話原來經理係想我地搭枱橫觀成個場無一枱客要搭枱，而周圍都係吉枱，我地R晒頭問點解要我地搭枱， 初初店員話因為我地坐嗰D圓枱可以坐到五個... 真係呆左，而家除左我同男朋友之外又無五個/甚至其他客入坐，點解呢個時勢仲要安排我地迫住坐，同人搭枱？跟住我地唯有唔食打算走，個店員話唔關佢事，叫我同經理講（我諗佢都好唔明白呀經理咩安排）我個人好直接，都真係走左去同經理反映，可惜佢個腦唔識轉彎，認為兩個人就一定要搭枱，大枱要留番比之後黎既客，咁我地都無野好講，去食第二間算數事出突然，無影低相片，但我以前都有同朋友食完飯寫過食評，絕對唔係打手，奉勸大家如果Walk-in要小心最後送上一張我地之後揀既餐廳張貼的告示作結。想開開心心食餐晏都咁難，無奈~

每次食燒肉都係首選平昌肉質好 新鮮 就算最平嘅套餐都已經好夠食最推介係牛 時候牛燒完都唔會乾 而且仲好juice 對於偏好牛肉嘅我嚟講好好味 再點少少蒜油成件事已經好正但爐端燒就可以做得好啲 只係得蛋漿 如果好似其他鋪頭咁有泡菜蛋漿同芝士就好完美店員服務好好 定時幫我地換鐵板 不過就要book位先 walkin好難有位 同埋通風系統好似比較差啲啲 室內油煙味比較重店員都好似大部分係韓國人有少少係韓國食嘅feel整體都係唔錯嘅

年終出了花紅,趁住早下班就和愛人食韓燒慶祝一下 平日晚上7時多,客人坐了一大半,氣氛挺好的 收費是跟據不同餐牌決定的,費一點當然是好享受一點吧 我們點了大君御饍,食物款式也不少價錢是$198一位,小朋友,長者$138 單是牛肉都十多款 飲品也有很多款式 店員都是韓國oppa,(好cute!!)親切又nice 邊爐蛋是任食的,店員會不斷為你加添蛋漿,一會兒就會燒成又嫩又香濃的蛋條 一下子就點了一大盤生肉,在等的過程實在難耐,幸好還可以點一系列的主食 石鍋飯,韓式煎餅等都是任點的我最喜歡這個泡菜湯,即叫即做,材料十足 入面有大量泡菜,肉排豆腐等好足料,和平時在韓國餐廳散點的沒有分別 炸蝦也是好吸睛的,足足一只碟般大,入口時還是脆卜卜的 韓式冷面,面質爽口彈牙湯底味道酸酸甜甜,好清爽,是好地道韓國口味 牛舌和牛肋骨肉是我的最愛 用生菜包食,食起來口感沒那麼膩 海鮮有生蠔和海蝦,足足有一只手掌般大!而且很新鮮的 鰻魚也很推介,鰻魚本身是熟的,稍為燒一下就可以食了,肉質細膩,沒有腥味 這裏的肉類雖然不能和高級精肉比,但性價比十足,食得開心滿足,足足有餘

今晚和阿女撐枱腳，她是韓迷，當然食晚飯都要指定吹韓風，她揀了去平昌，還説我一定讚不絕口啊我們訂了六時半，並且準時到達，一開電梯門，已見到韓國靚仔在恭迎我們。這裡是任飲任食的形式，餐牌有三款供選擇，我們揀了$198 的大君御膳。任飲的飮品選擇好多，很多都是韓國的牌子飲品第一round 我們叫了一些肉、魚、扇貝及蠔，食材非常新鮮，五花腩肉很有肉味，口感很好，雞翼醃得入味及味濃，海鮮也不錯，很有鮮味，而鰻魚肉質彈牙，烤熱後更顯得鮮甜第二個round 我們叫了牛肉、薄切五花腩、雞串、杏鮑菇及甜薯，牛肉及薄切五花腩很有驚喜，牛肉很有肉味，完全不會有靭的感覺，亦沒有筋，而薄切五花腩烤完變得卜卜脆，很有食豬肉乾的感覺爐邊有埋烤蛋，好正食物的確令人回味無窮大醬湯很地道，材料亦足，阿女最like 呀海鮮豆腐湯很夠辣味，惹味十足，size 剛好夠一個人飲，而海鮮葱餅亦地道，配埋豆腐湯一起食很夾最後來一碗辛辣麵加蛋，肚子被填到滿滿的，確是大大大滿足啊

早左收工，就同老公食埋飯先返屋企，見涼涼地就行左去平昌食韓燒😋肺炎疫症令到好多食店生意差左，不過平昌算多人啵，而且門口已有消毒用品供食客消毒👍🏻👍🏻好貼心👍🏻值得一讚好彩兩個人唔駛等位，好快有位🤗侍應講解左有幾款buffet揀，咁我地只係得兩個人，咁就揀最平果個buffet, 一打開個餐牌，都好多肉類選擇👍🏻一坐低就先點幾樣鍾意食，食物質素好高，每件都好大件，牛利必點，厚身，爽口其他肉類都正到不得了，厚身不得止，好有肉味，唔覺落左好多鬆肉粉👍🏻放了所有肉在燒爐上好滿足👍🏻特別果塊魚，燒完好好食😋食到咁上下，食番啲蔬菜類，同埋將燒好既肉，包住生菜食，可以減去肥膩感另外值得一讚就係當燒到咁上下，侍應見到我地啲鐵板太痴肉果陣，就會自動幫我地更換一塊新既👍🏻👍🏻非常之好的服務🤗

牛肉味道比堅韓牛好，而且價錢更平，可以一戰！今天來到這裡，帶著餓餓的肚子，能吃到這麼好吃的燒肉，簡直令今天的心情更為愉快，好開心這裡的店員也樂意為人服務，大家絕對要試！

呢日想食燒肉，即刻上網睇下旺角有邊間好食，見到有人介紹呢間好食，所以就book位黎試下。一上到去成個場爆哂勁好生意，睇黎無揀錯地方🤣一坐底店員就會整個爐邊蛋我地食，等佢熟等得好心急啊🤣旁邊既小菜都可以任添的，食燒肉一定要夾生菜🥬有得任添真係好好啊～等緊爐邊蛋熟既時候突然靈機一觸加d泡菜落去整個泡菜蛋，好夾架原來好好味🤤大家黎食都可以試下咁整😆等緊d肉熟既時候就可以食下d熟食，呢到好多唔同種類既熟食，如果多人既話真係可以樣樣叫哂每人食d試齊哂。肉質好新鮮，我極力推薦照燒薄切五花腩同埋牛肋骨肉，呢兩樣我地叫左五六轉先捨得收手😂食燒肉就係要咁樣架啦👆🏼真係無得頂啊👍🏻

服務服務員幫我地揀位，但我地想要窗口位，佢帶左我地去坐。坐定左之後，另一位服務員走埋黎同我地講，“唔好自己揀位”。明明咁多張吉枱，做咩唔坐得，又唔係reserved左。唔坐得你就咪帶啦。食物無論叫乜野數量，都唔會比足，一半都冇。交左幾張單之後，就話截單。雖然有生蠔但燒完之後勁細粒，幾乎冇肉。人地隔離東大門，永遠足料永遠唔cut單，出面仲有各國食物任食，但收費仲平你20蚊。設施個燒烤pan勁細，都唔知燒乜。枱中間有條好粗既柱，頂住隻腳，坐又坐得唔舒服。