平昌

營業中

休息中

好耐冇食過韓燒！黎左呢間任食既試下，估唔到質素又幾好😍————————🔸世子御膳 $278 (星期五至日 $298)佢呢度有分大君、世子同國王御膳3個set，我哋叫咗中間嗰個，咁就可以食晒大君同世子2個Menu。-呢度每款肉都有好多唔同部位揀，世子d肉梗係靚d，但款款都勁好食，好嫩同夠味，唔係cheap野！海鮮選擇都幾多，竟然仲有醬油蝦食，真係少係任食韓燒見到😍-熟食種類都好多！我地唔係叫左好多，但最印象深刻係個大醬湯，估唔到佢都幾足料😍送到黎仲係滾緊，味道唔係好鹹，又擺咗好多款蔬菜，好飲🥰-最值得讚嘅係d店員上菜/收店都好快，又好有禮貌，幾高質！評分：🌕🌕🌕🌕🌘

今晚同朋友慶祝生日🎂🎉佢話想食韓燒，就佢一次😆，我都好耐冇食過，佢揀咗旺角東兆萬中心嘅「平昌」😗餐牌有分3個價位:大君、世子、國王（價錢由低至高），有唔同嘅食物，食物嘅種類就梗係越貴越好越多啦，我哋就揀咗中等價位—世子御膳😎 可以一次過食晒大君同世子御膳Menu上面既食物😆餐廳好有韓國風味，大部份都係後生仔後生女，牆上面有好多漫畫。我哋坐咗喺最入面，冇出面咁嘈👍🏻👍🏻一坐低，侍應就會上泡菜、芽菜同埋生菜。我哋食肉獸上身，急不及待就即刻落單叫咗好多唔同嘅肉類！Overall嘅質素都好好，肉類紋理靚、望落鮮嫩！試過咁多款肉類之後，我揀幾樣我最鍾意食嘅肉類講吓啦：💯🐮牛舌👅 佢嘅牛舌都算係好厚身，咬落口感好正，十分多汁、有嚼勁！💯護心肉🐷 （右上角嗰舊）呢個好好食！係豬嘅特別部位，每隻豬只有好少量護心肉，燒香左之後肉味濃郁，加埋燒肉汁，超級惹味呀😍呢兩樣係我嘅至愛，必點！仲要係食多幾次先好走🤣！我哋重複點左四五次😆🤤💯鍾意食辣嘅朋友，我推薦你食豬腸，用咗泡菜汁醃過，都幾辣，不過好好食，唔算多肥膏。辣辣地即刻攞返罐忌廉溝鮮奶飲😝💯豬頸肉，燒完之後，好似冇咁多脂肪，會乾身啲但係都幾好食！😋😋爐邊

早前朋友話上網見到呢間韓燒感覺幾地道，評價都唔差，就話想試下，所以今日收工就同佢一齊去左旺角試。佢地分左兩個set，分別係大君同世子。大君本身已經包左大部份既食物，包括肉類，海鮮，菜類，熟食等等，而世子就有多少少比較特別既食物。前菜既豆芽同泡菜，泡菜比較辣，唔食得辣既朋友要量力而為～而豆芽超好食！爽口，調味亦好，我地係咁refill黎食哈哈！我地都叫左唔少野試，牛肉推薦LA牛排同牛前胸腹肉。呢兩款既油花同肉比例比較好，入口又香又好食。而我私心推薦既野食分別有豬皮，牛腸，辣豬腸，雞腎串，帶子同油蛤。第一次見燒肉會出現豬皮咁樣野，燒到個邊少少脆，稍為黏口咁就最好食！辣豬腸同牛腸都好甘香肥美，特別欣賞佢既牛腸唔係好難趙個種。另外雞腎串新鮮爽口，但建議拆出黎，擺埋一邊燒比較易熟。帶子要叫唔連殼個款，特別鮮甜，亦都好易燒。油蛤比較咸，但係咁樣燒幾好食！另外要提既係一樣特別既食物，醬油蝦。蝦肉新鮮爽口彈牙，調味咸咸甜甜，令人想不停繼續食。未試過既朋友強烈建議叫黎試試！

話說我真係好鐘意食肉, 所以平時都好鐘意打邊爐放題, 因為一定食得飽!同埋宜家放題既質素愈黎愈高, 今次就試左呢間韓燒放題~~食韓燒就勁鐘意食泡菜, 呢到都係任REFILL, 夾埋燒肉黎食會減低油膩感!除此之外仲有爐邊蛋, 不過唔知有無得REFILL, 因為太多野食, 食左一次都夠皮!!呢到要自己寫單, 不過無漏單情況~除左燒肉, 仲有D熟食, 我地試左炒粉絲, 海帶湯等等, 質素都唔錯!肉類方面都幾多選擇, 除左豬.牛.雞之外, 仲有D海鮮~每樣可以叫少少黎食, 我地試左好多款之後都覺得呢到既豬肉係最好食既!尢其是係護心肉! 因為個汁好甜, 燒完其實有D似叉燒, 好好食!同埋辣雞肉都好辣好惹味! 呢到既野食都唔錯, 只係爭左甜品! 但都可以ENCORE!

疫情期間對食燒肉既慾望都冇減退過, 屋企又冇工具可以燒, 都係出街食最實際~又唔駛整到成屋都係燒似味haha~ 呢日就揀左黎平昌試下佢個世子任食燒肉! 世子呢個SET就多左D 靚少少既牛同豬同埋熟食~ 醬油蝦都係世子限定! 想食就要叫世子SET~~~ 一入到去店員就幫我地準備燒肉板同埋蛋漿,你燒到咁上下個蛋漿熟左你就可以慢慢不黎食~ 我地都叫左好多款唔同既野食~ 熟食方面我覺得我叫既個D 都好好食, 其中我最中意係醬油蝦同埋海鮮煎餅! 海鮮煎餅D油香好正! 夠哂熱辣辣, 個邊仲要好脆! 好正! 另外送既前菜:泡菜都夠哂惹味! 水冷麵如果配埋黃芥末會好食好多~ 炒粉絲真係滿足哂我想成揪粉絲放入口既慾望! 雞翼,雞軟骨都係水準之作! 豬睟肉一定要包生菜食! 咁先食到多D! 因為包住菜可以去走個油利感! 燒海蝦同燒蠔都好好食………………….牛都係! 勁多選擇, 唔怕冇野揀! 飲品方面佢除左甜飲, 仲有無糖荐! 竟然仲搵到樽裝水! 岩哂中意健康既朋友~!

秋風起，當然要食下燒肉放肆下，呢間韓燒位於旺角，地方企理，唔會太迫，疫情間還算食得安心。今次就叫左278蚊位既 世子御膳 放題。燒肉：肉類既選擇好多，花多眼亂。食肉獸們一定不能錯過，由於種類太多，不能盡錄，略試一二後，覺得 牛胸腹，香草五花肉，牛肋骨肉 幾出色，油花均勻，肉味香濃，誠意之作。燒物：食燒物除左食肉類，當然唔少得其他串燒啦。雞腎，雞軟骨，雞肉串都好新鮮，無雪味，醃得好入味。當中豬大腸亦是十分出色、此外呢間韓燒還有少見既牛大腸，喜歡食內臟既一定要試試。海鮮類：包括 蝦，帶子，魷魚圈同蜆。食材算新鮮，無雪味，鍾意海鮮既一定要點。蛋：無限追加。蛋味十足，熟度自己調校。水冷麵：食左咁多熱氣野，飲啖啤酒，食啖水冷麵，風味十足。總結：肉類既選擇多，食肉獸不能錯過，上order 既速度亦很快，侍應換板既時間都算密，大約燒1至2轉 肉就自動幫你換，服務一流，值得推介。

好耐無食韓燒，朋友約左去食呢間平昌，地點勁方便，係兆萬中心！上到去已經好FULL HOUSE，好有韓國感覺，連D裝修都好有FEEL！價錢有幾款選擇，我地揀左中間價位既世子SET，其實最平果款都已經好多野食，不過朋友好大食，話食多D款喎！坐低就有泡菜同爐邊蛋，爐邊蛋加泡菜好好食！野飲自己拎，仲有啤酒～落左幾款牛肉，放埋係一碟勁澎拜，推介牛舌！醬油蝦都有！仲要好爽口，我地叫左幾次！塊T骨真係勁大塊！生菜都係任食，包住燒肉再加泡菜同大醬係最PERFECT！熟食仲有好多炸野，炸雞都有！另外海鮮煎餅都係好好食，新鮮整起，脆卜卜，細細塊唔怕太飽！食咁多肉都要食D飽肚野，所以叫埋韓國國民美食，辛辣麵五花肉都係必叫，護心肉有醬好似叉燒，甜甜地好好食！

有一日突然好想食韓燒ʕ •̀ ω •́ ʔ腦海突然諗起呢間食過晚市嘅平昌佢比我嘅印象都唔錯😙點知比我發現原來佢午市咁平🤩$128加一後都只係$140.8 ！任食！雖然呢個時段嘅食物款式少啲但午餐嚟講 我覺得已經好夠😎店舖嘅座位都係韓國烤肉店feel播嘅都係kpop～牆上仲有好多關於BTS嘅畫😍———————————————《豬肉類》➳厚切/薄切五花腩💘、豬頸肉💘、梅頭片✎ ℝ𝕖𝕧𝕚𝕖𝕨 ✎有幾款豬肉種類都有分原味、辣味、調味今次淨係試咗原味同調味兩款都覺得唔錯點佢一開頭比嘅韓式辣醬同烤肉汁已經好好食😋仲可以包埋生菜一啖食好滿足！🥰《牛肉類》LA牛排💘、烤肉、肥牛片、牛舌✎ ℝ𝕖𝕧𝕚𝕖𝕨 ✎我個人特別鍾意食牛排佢調味好中我口味所以encore左😆其實大部份肉類都唔錯㗎 《雞肉類》烤雞肉、雞串✎ ℝ𝕖𝕧𝕚𝕖𝕨 ✎雞肉非常滑雞串係平時食開嗰啲雞串（圖2）唔知你哋聽唔聽得明🤣係本身已經熟嗰啲 《海鮮類》魷魚💘✎ ℝ𝕖𝕧𝕚𝕖𝕨 ✎海鮮其實有幾款另外有蠔同靖魚不過今次我就冇試魷魚食起嚟比想像中好點少少汁味道好好 而且新鮮😝口感幾q《其他肉類》芝士腸、午餐肉✎ ℝ𝕖𝕧𝕚𝕖𝕨 ✎其實我未過午餐肉咁樣燒佢

武漢肺炎緩和咗少少， 同friend出動去食飯~~ 個friend想食韓燒， 但係搵親附近d韓燒都係同一個黑心福建幫集團開嘅，佢地開d新鋪用新名， 諗住搏你唔知(因為而家d鋪名已經臭名遠播), 好彩有check吓先， 大家真係要verify, 如果唔係真係食咗之後， 背脊骨落. 上網search吓，見有人推介呢間韓燒， 旺角都算方便， openrice又有得book, 一於試吓呢間上到去，門口reception係個韓國人， 佢講嘅廣東話已經好好，真係講得唔錯， 仲係有d口音， 要繼續努力呀. 我地揀咗個198 餐， 其實都ok, 如果揀上一級， 可以食埋醬油蝦，燒豬皮呢d~ 不過而家咁嘅時勢， 真係唔敢食呢d醬油蝦，等遲d先再試過啦~我地4 個人食， 張枱有d細， 個爐又細， 本來以為要燒好耐都唔飽，點知原來個爐好夠熱， 勁快就食得， 所以都ok~ 佢d嘢飲係響雪櫃自己拎，都係基本既嘢，普普通通，都夠飲， 唔似有d放題，多嘢揀到眼花。 佢有度好，係連啤酒都任飲， 有兩款俾你揀~ 我都飲咗兩罐黑啤~ 正 不過咁嘅時勢， 行出行入拎嘢飲都要帶口罩， 佢張枱又細，d袋放櫈入面，個口罩收

黎到旺角呢間韓式既燒肉店，真係好有韓味，入到黎就諗起金正恩，呃唔係，係金秀賢先岩，連店員d服裝都係好韓星化，尤其是係髮型呀！！！D頭髮可以遮曬雙眼都睇到野，真係好勢利！好有韓星味呀！！！言歸正轉，黎韓燒店既主題就梗係韓星，之奇，係燒肉先係。不過講左環境先，抽氣系統非常好，連我塊面d水份都抽乾埋完全唔驚有油煙味，非常乾爽枱同枱之間又有個矮間板，增加左同對面既私隱度，同可以防疫野食方面，熟食真係好正，炒粉絲同海鮮餅，世子餐就有，食完真係有親生仔既感覺！另外，仲有唔少海鮮，帶子夠曬大粒，好有肉地飲品方面，有黎自丹麥既嚟啤酒，口感清涼，係韓燒黎講就好少見，幾特別。仲有黑啤，用黎食燒肉一流。其他lotte品牌既飲品都有唔少

好耐未食過韓燒啦😁前排去左旺角既平昌食韓式燒烤🤣🍗🍖🥓分別有3個御膳套餐<大君御膳><世子御膳><國王御膳>我們今次選擇左<世子御膳>$278位(一至四)3款套餐都是放題形式👍🏻除咗常見的肉類還有多款韓式熟食選擇💕亦有爐邊蛋任食🥚配菜也是任食的👅🥗用生菜包肉感覺冇咁油膩🤣😁 邪惡感減少左🥳牛舌/牛肋骨肉/LA牛排較為推薦❤️👍🏻油脂分布平均不會太韌😄海鮮類分別有半殼石蠔🦪魷魚🦑鯖魚🐟等供選擇半殼石蠔細隻左小小😕相反扇貝就啖啖肉😁魷魚圈彈牙😆不過一定要點醬汁😃😃餐廳上菜速度好快👍🏻好少有漏單的情況而且烤盤燒焦了👍🏻😃店員都會主動換上烤盤服務態度滿意😄

已經食過幾次 以呢個價錢來講質素都算唔錯只係每次食都會有啲趕 因為多人食 所以一夠時間就要走🤔 飲品有點小選擇 🥤🧃但服務質素唔錯😊staff 有禮貌亦會主動幫我換爐具🙂上菜時間亦唔會太長 😉 平民價錢高質放題😋👏🏻

#旺角美食 #黃色經濟圈 #💛💛💛💛💛💛🔻 平昌旺角西洋菜街1號兆萬中心13樓/////成年冇去旅行，好掛住韓國啲好西，特別係是旦去一間燒肉都正到不得了，未有得去住，唯有喺香港食韓燒頂下癮，有得揀梗係撐黃店！燒肉放題分咗三個等級，分別係大君御膳、世子御膳同埋國王御膳，星期一至四嘅價錢分別係$198/$278/$378😳價錢都爭幾遠，我哋揀咗最平嗰種，選擇有雞、牛、豬，配以唔同調味，仲有帶子、魷魚等等海鮮，雖然唔係好多，但係好彩想食嘅都有！////🧃辣汁薄切五花腩片、照燒薄切五花腩片真係切得好薄，燒嘅時候好快熟同埋都夠脆，脂肪夠多，但因為薄切嘅關係所以唔會好快就好膩。辣汁係淡淡的辣，要來用生菜包住食就最啱。照燒汁就甜甜地，味道幾特別。/🧃LA牛排、牛舌 、牛肋骨肉牛扒燒完出嚟好多汁好有牛味，都encore左幾次，牛舌大大塊，未燒已經知道唔會差，燒完出嚟真係幾好食。牛肋骨肉係晚市先有嘅，比較嫩滑。/🧃烤雞肉、調味雞翼、雞肉串大推雞肉！係雞脾肉，肉質鮮嫩。調味雞翼都唔錯，大大隻，絕對唔會有雪味。第一次韓燒燒雞肉串，都幾搞笑，純粹過吓癮。😂/🧃半殼石蠔、魷魚有生蠔🦪燒，好開心，燒前都幾靚仔，燒

好耐冇食過韓燒，約咗朋友一齊同我哋食呢一間餐廳，入到餐廳我以為自己去咗韓國。因為好耐冇食過所以自己就揀咗第二高價錢黎食，佢叫做世子餐單！食物嘅種類有好多有豬牛雞海鮮，且仲有大量嘅熟食！坐埋位侍應已經俾咗生菜、泡菜同芽菜我哋，冇諗過呢度嘅泡菜都可以咁好食，而且個蔬菜都好乾淨新鮮！然後仲會有兩邊嘅爐邊蛋，就算燒成晚都唔會燶底！而我最鍾意食嘅雞軟骨呢度都竟然有！我最驚喜嘅竟然喺呢度有醬油蝦食！！醬油蝦佢個肉質都好彈牙，這個味道都好正宗入味， 自己都食咗唔少🤣豬牛雞肉方面， 除咗款式多之外而且啲肉質嘅質素都幾高，脂肪比例都啱啱好。個人覺得佢嘅鰻魚同牛舌都好好食，鰻魚肉質彈牙，而且鰻魚汁都好入味。仲特登嗌咗個青口試下，個人覺得自己燒嘅青口可能會比較好食😋海鮮方面除咗有扇貝同帶子之外，仲有生蠔！！如果上面有埋啲芝士就更加好啦🤣🤣

冇得去韓國玩，朋友又話想食燒肉，去咗食呢一間平昌，其實之前都食過，今次再食就叫另一個套餐大君set! 入邊有豬牛雞海鮮俾你揀,最特別係除咗一般燒肉放題食到嘅肉之外,仲可以揀多款韓式料理的飯同埋湯！唯一美中不足嘅地方係冇靠背椅，所以坐得會有少少辛苦，不過張凳可以打開放外套同埋私人物品，咁樣就唔會吸味，都幾體貼，店員喺服務態度都好好，幫我哋玩左幾次燒烤盤😍🙏🏻嘢飲方面平時放題好少有嘅啤酒佢都有！仲有好多韓國飲品都幾驚喜，個人最鍾意係荔枝烏龍茶，貪佢酸酸甜甜好開胃，中和返食燒肉嘅油膩感！幾款湯包括牛肉海帶湯、辣海鮮豆腐湯、肥牛大醬湯，當中最鍾意嘅就係海帶牛肉湯，有牛肉味仲有海量給咁多嘅海帶，燒肉有點膩的時候飲啖湯就最fresh ! 辣海鮮豆腐湯入邊有好多料，少辣非常開胃，兩個湯我都好鍾意！肥牛大醬湯就稍微鹹咗少少🤏配料方面有芽菜泡菜等等任加正！我最鍾意就係芽菜，小菜夾生菜同埋肉一齊食，口感好多層次同埋會冇咁肥膩！韓國料理方面叫咗冷麵同埋炒年糕，兩樣嘅配料都唔多，主要都係冷麵同年糕為主，水冷麵質口感好好，唔會好韌咬唔開，食落好爽滑彈牙，我好鐘意🥰同燒肉好夾！辣炒年糕少少飽肚，要多人share比