平昌

營業中

休息中

非常中伏的韓燒，OpenRice中關於這間餐廳的食評我個人覺得10分不真實。我就是甘被呃來吃突然好想食韓燒，之後在OpenRice找有爐邊蛋的韓燒。隨機找中這間韓燒，見網上不少人讚好評論，於是就帶長輩到這間吃。點知完全中晒伏^_^工作人員服務態度非常之差，黑口黑面冇服務。P幾次叫加單及換爐盆， 見到都視而不見。而且漏單好厲害，叫3份來一份，叫查單仲好似當你殺父仇人甘，有排未夠鐘不停催。講到食物，直頭差到極點。父母第一次吃韓燒，真是帶來壞體驗。啲肉又咸又一片死肉血色。原本以為中午有生蠔食都幾好啦，又平141一個人，點知啲蠔全部死嘅臭嘅。爐邊蛋三個洞，淨係倒咗兩個，倒佐咗少少蛋飲品只係一個櫃選擇好少我媽媽平時對食好冇要求好隨便，但係佢都完全食唔落話勁差。真係不少食物完全食唔落口，唯一好少少就係年糕和韓式煎餅。我同同事呻呢間店，我一講兆萬中心，佢就問我係唔係平昌，我問佢點知，原來佢都嚟過呢間體驗又係勁差。呢次係我第一次打OpenRice嘅食評，因為真係唔想咁多人中伏

這家店walk in都沒位置，提前在軟件上訂座，不過有點失望，沒有想像的好吃，薄片豬五花味道還可以，而且每次下單都不上齊！好幾個熟食都不是熱的，感覺不是馬上做的，飲料種類還可以，雪糕需要社交平台點like才有

好耐冇食過韓燒喇🥺有日興起想食 見平昌有幾多好評 就book定個星期四去食!(同一般放題一樣 平昌禮拜一至四既放題比五至日平$20架! )一出𨋢就覺得成個環境好似真係去左泡菜國既燒肉店😛有真Oppa企係counter 用唔鹹唔淡既廣東話招待😝雖然聽得有少少吃力 但係我覺得佢地好有誠意啊 廣東話咁難學都去學! 👍🏽👍🏽👍🏽呢度既既放題有分3個價位💁🏽‍♀️大君御膳 ($198) ; 世子御膳 ($278); 國王御膳 ($378)因為想食醬油蝦🦐 同埋試多幾款肉 所以揀左世子御膳! 講下幾款我覺得必點既食物啦👇🏽肉類篇🐄🌟牛肋骨肉(左前)、牛前胸腹肉啖啖肉冇筋之選👍🏽 前者肉質juicy 後者肥瘦平均~~呢兩款肉印象特別深刻 因為掛住食既我地 冇咩點睇火🤭 燒左長少少既時間 肉質都冇乾柴!🌟豬皮好有驚喜 咬落去既質感好似蒟蒻啊!又有種油脂香 最後encore左幾塊! 😌海鮮種類多~~不過蜆殼類海鮮需要燒得比較耐d 加上爐盤唔係成個都係平既 所以燒得有少少難度~~好心急既我地 覺得必叫虎蝦🤭見到有blogger話秘密食譜係蝦仁炒蛋🍤 大家可以試下~~小食/ 熟食方面💁🏽‍♀️🌟醬油蝦大大隻

今日先知兆萬有間咁有氣氛又chill嘅120分鐘韓式燒肉任食！一出𨋢見到個格局真係好有地道韓國feel，烤盤、抽氣、圓桶凳、工業風，casual得嚟好自在，點餐都好傳統，同韓國食一樣手寫落單，整個體驗完全似去左另一個韓國咁🇰🇷！揀左「世子御膳($278)」韓燒套餐，同時包埋大君御膳嘅食物，選擇非常多，有齊不同種類嘅豬牛雞肉、蔬菜、海鮮😍另外亦都有即食嘅澱粉質，煎餅、冷麵、石鍋熱湯、炒年糕、炸物應有盡有，有得享受燒肉過程之餘，基本上一定食得飽😘。✅必食護心肉肉味濃、五花腩爆油脂！✅海鮮有蠔、青口、半殼扇貝、帶子，算好有誠意，起碼唔係比即食帆立貝✅唔少得任飲啤酒🍻仲有少見嘅黑啤。唔想飲有汽飲品的話，非汽水類亦有烏龍茶、樽裝水提供👍🏻✅泡菜、芽菜、生菜、爐邊蛋無限refill！😍淨係前菜都食左幾碟😂✅店員會主動換烤盤✅上菜快，無扣單✅爐火足夠，食得暢快😚

味道正宗👍🏻服務態度優越🤪餐牌選擇多元化👏🏻位於旺角人流地帶 建議先預約因為都好多人🥳星期一至四 最平只係每位$198想食好啲既話 可以簡*世子* 每位$278小食方面 全部都好吸引😍萬勿錯過既 醬油蝦🍤 推薦✅我一共食左10隻🤣海鮮煎餅、鰻魚、炸雞、八爪魚沙律🥗🐙通通都好食😋 上菜既時候 仲係熱辣辣 一啲都唔馬虎😚海鮮類 好有驚喜😳 全部都好新鮮🤤竟然有生蠔🦪扇貝、油蛤、帶子、青口、魷魚🦑推薦✅呢個價錢 有甘豐富既海鮮 真係好掋啊🥰肉類選擇好豐富😍燒完 仲保持到個肉汁 好juicy!當中我最鍾意嘅係LA牛排、調味烤肉、牛肋骨肉、烤雞肉、薄切五花腩片餐廳仲提供埋生菜🥬用黎包肉食 絕配啊😋韓國飲品任飲✨

一上到去餐廳，第一下感覺好似去咗韓國咁🤣睇韓劇平時見到韓燒嘅情況，就係一樣，估唔到6點半左右上到去，已經坐滿場禁濟😆好彩都有位！！見到大君都好多選擇，夠食！我地就揀咗大君，每人200左右！都好抵食！🤣最欣賞佢哋好環保，唔係用tick tick紙，可以刷咗佢重用！一想到去就有前菜，同埋任食蛋！前菜來講最鍾意食芽菜，調味得好好食！有幾樣野我地重叫咗幾次😂五花腩！厚切㗎重要！！！佢未調味嘅，但有好多醬油比你點！佢個皮煙煙銀銀，肉味好濃！！海鮮本人麻麻哋，但我朋友話好新鮮，好肥美都好味！我嘅至愛係鰻魚！！估唔到韓燒有得食，煎個皮脆脆地，又熱辣辣，好正！！我食咗好多🤣平時好少韓燒有得食！朋友仲叫咗辛辣麵！熱辣辣，好大喎，而且味粉落足🤣佢好鍾意！海鮮煎餅就麻麻地，粉相對地多！Overall嚟講，好抵食性價比高！！

周末約左朋友去旺角買野，行到好攰於是就同朋友去左兆萬到食野，就腳又多野食，心大心細唔知食咩好，最後就揀左食韓燒，任食而且價錢又唔貴。餐廳分開左三款放題種類，食嘅野都會唔一樣，我地揀左大君御膳，抵食食物種類選擇又多。我地一坐低職員就倒左啲蛋汁係爐邊，之後等慢慢燒野食果時就有爐邊蛋食，仲比左泡菜、芽菜同生菜比我地，呢三樣都係食韓燒必備配料。仲有三款醬料，分別係麻油、韓式辣醬同燒汁。出面仲可以拎野飲，有茶、汽水都係任飲。我地第一輪就揀左好多野食，咩都心思思想食，但都係以肉類同海鮮為主。職員教我地一開始就燒左五花肉同牛肉先，因為油脂夠多，個爐有足夠油份之後所燒嘅肉都會燒得好靚。豬五花肉油香四溢，肉汁鮮嫩，肉味好香，加埋生菜、泡菜夾住一齊食更加好味又唔會覺得好油膩好滯。LA牛排牛味香濃，而且又唔會好多筋，都幾易咬，加埋泡菜食超正。牛舌我嘅最愛之一，唔韌易入口，燒完之後仲有少少甘香，邊邊位金黃香脆嘅口感〝配上醬汁食非常好味。烤雞肉肉質好嫩一啲都唔乾，好易燒岩哂啲韓燒初哥。水冷麵麵質夠哂煙韌彈牙，仲加左酸蘿蔔同青瓜作配搭，味道好清爽。牛肉海帶湯呢個湯好好飲味道好出，用料好豐富，海帶同牛肉都煮到好腍，

好耐冇食韓國野，今日同朋友嚟咗呢間都幾出名嘅黃店食任食韓燒。佢前菜有泡菜同埋芽菜，啲嘢食未到嘅時候食下都幾解餓。我哋都叫咗肉同埋一啲海鮮同蔬菜，我非常推薦佢個牛舌，佢薄得黎食落去又唔硬，但係又覺得好肥美，好好食！個牛肋骨肉都幾唔錯，佢有少少肥，但係食落去啲肉好新鮮，脂肪同埋肉嘅比例好好。呢個鯖魚柳都幾大塊，而且燒完啲肉都幾滑，加檸檬汁落去食味道一流。其實就唔係特別鍾意食五花腩，因為覺得佢啲肥都幾多，但係佢嘅肥可以令到個鐵板多啲油，燒起上嚟就冇咁癡底，所以都叫咗兩舊同朋友share。佢啲肉都幾香，不過肥肉就真係多咗少少。叫咗帶子蝦同埋魷魚，帶子都幾大粒同埋幾有鮮味，蝦就都幾甜，魷魚彈牙。個肥牛片都幾薄同埋食落去都幾肥幾正😋食咁heavy緊係要食下蔬菜。

出開旺角想食韓燒就試下呢間平昌啦門口有個哥哥仔好似韓仔咁點知一開口操唔太流利的廣東話仲聽到渠地真係講韓文架，而且都有唔少一去到就幫我地加爐邊蛋啦，仲有泡菜，芽菜同生菜一個火都好勁，好彩個抽風都好強力又可以放得好近今日系食最平個個大君set，但野食都好豐富啦有齊豬牛雞外，仲有d小食，粉面，最緊要係仲有海鮮呀都係任食既，有蝦，扇貝，鰻魚，蠔，寄生魚而且肉類都有唔少選擇，有原味既，有調味既，有辣味野飲就係出面自己拎既，仲有水同啤酒野食都黎得好快，搞到我掛住食都唔記得影相整體肉既質素都唔差，辣味五花肉包生菜食真係無得頂海鮮無限追加，狂燒蠔，鰻魚最後埋單都係二百幾蚊真係幾抵

旺角有太多放題選擇，心大心細唔知揀食邊間好呢間＄198韓燒放題幾抵咁😛未落order已經提供泡菜、芽菜、生菜係枱睇完menu有咩想食,係另一張過膠紙到寫number同份量落單,不過好似無論我寫幾多份,佢都只係按人頭咁比 哈哈 都好嘅廢事叫太多食唔哂但大家要小心啲menu比較油~韓燒主力緊係食豬~~ 呢到啲厚/薄五花腩肉好好食!! 燒哂啲油脂,香香脆脆 用生菜包住食會無咁heavy 可以食多啲~~食物選擇都有好多:叫左LA牛、魷魚、半殼貝、虎蝦 yummy yummy除左自己燒,仲有熱食選擇 等緊肉熟嘅時候食熱食就最啱啦豬肉泡菜湯熱辣辣,有豬肉、蔬菜料 可惜冇飯TT總結:個半鐘放題上菜快、食物選擇多、質素ok,呢個價位抵食!recommendation rating (out of five):

朋友生日，所以一早預約左平昌，接電話嘅係韓國oppa ，可以簡單溝通到預約。上到去嘅時候係爆場，所以早到都要等，但遲10分鐘就會被取消預約，所以都係建議提早到。上到去佢一嚟就會比小菜 包括泡菜同芽菜咁醬料就會有三種，三種都幾唔錯我地叫左198既任食最鍾意係個串燒 炸蝦 同埋薄切肥牛個串燒嘅肉係好嫩口 呢個炸蝦重複叫咗三次 每碟炸蝦有四條好食嘅點係 佢唔會有過多嘅炸粉 所以咬落去都好鮮味而薄切肥牛加埋左佢嘅醬汁 一個字正！佢仲有個辣嘅豬肉 都好正 呢個係我地枱人都不停叫既朋友叫咗個湯，但表示好多味精但不得不提嘅係，佢地員工非常盡責因為佢地會不停巡視睇下所有人嘅爐使用既情況 再幫你換爐 佢地真係好細心 因為就算食牛角都要自己舉手先可以換爐 但呢一度唔使 佢地真係會留意緊你地嘅情況 仲有！係呢度唔使收切餅費 都係一大加分位總括而言 我會返嚟再食其實仲有雪糕但我就太飽 所以冇去望有啲咩雪糕

平時夜晚7點幾先放工，早排餐廳因疫情收早，所以都推遲了幾個飯局。今次同朋友約埋放工去食韓燒，就揀咗個選擇較多的旺角。呢間位於兆萬的韓燒店，上網見到好多人好評，所以同朋友決定試試。晚餐價錢分平日同周末的，無分時間。晚餐有三個價位，大家亦可以參考門口的餐牌，睇下大家想食邊個價位的食物。我今次揀了中間個個世子御膳，如果食呢個餐，就可以任揀大君同世子餐牌上的任何餐物。安排坐位後，職員幫手拎了前菜、生菜，同埋倒爐邊蛋。大家只要將餐牌上食物的編號寫係過膠的落單卡上。係世子餐牌中的豆腐炒泡菜，將泡菜放係凍豆腐上，再灑上芝麻同葱花，食落好惹味。我們仲Encore了添。由於我對蝦有少少敏感，所以我去餐廳或者去韓國旅行，都好少食大大碟的醬油蝦。今次係餐廳可以逐隻叫，可以點到即止，最啱我又要食又要怕的心情。麻油的香味幾重，而且蝦肉好彈牙，又唔會有腥的味道，真係唔錯。香港人最鍾意就係食海鮮，除了有半殼石蠔，仲有一口帶子。如果唔夠喉，餐牌仲有魷魚、鯖魚柳、半殼青口，同埋油蛤。食肉獸的我，又點可以唔叫肉肉！淨係牛肉都有好多部位可以揀：牛肉眼、前胸腹肉、T-bone、LA牛排、牛肋骨肉、牛腸，仲有啲調過味的牛。係咁

韓燒放題 大君御膳set $198限時食個半鐘完全夠哂食物方面叫左辣調味豬梅頭 甜辣 肉夠淋豬五花腩 厚五花腩!!!肥同瘦位1:2 燒嚟食好正仲有薄切五花腩片 有原味 照燒 同辣味 幾款味 我自己就最鍾意原味😍熟食叫左海鮮煎餅水冷麵 (幾大碗下,酸酸地 食完油膩燒肉後可以refresh下熟食最推薦炸蝦條 好食!!😍😍飲品都係任飲,燒酒除外 有罐裝milky,氣水,咖啡,水etc.服務都唔錯,會主動幫我地換新嘅盤燒,自己叫都得👌泡菜,蛋都可以叫人refill

好好味又抵食嘅燒肉店呢度嘅午市燒肉放題都真係幾抵食，最平128加一就埋單但係嘢食質素同種類一啲都唔馬虎！豬肉、牛肉、雞肉、蔬果、海鮮一應俱全，而且仲有好多韓式小食添先講小食，個人覺得呢度啲小食係做得幾出色首先海鮮蒽餅真係必點，好好味油香足，成塊餅勁脆，充滿啖啖麵粉味，爽口，叫咗兩大塊！辣海鮮豆腐湯都係做得相當之出色，份量適中，但入面啲料仲多過湯，大量海鮮，好似唔使本咁，嚇咗我一咷水冷麵又係另一個相當出色嘅料理，當食燒肉食到熱辣辣嘅時候，冰涼嘅水冷麵即刻幫手降溫，一個字，爽！到燒肉方面，雖然午餐時段嘅選擇比晚餐時段少，但已經好足夠個人最鍾意佢醃好咗嘅肉，例如辣汁五花腩片同照燒薄切五花腩片，用咗韓式醬汁醃好咗，燒完出嚟更加出味可口！佢嘅石蠔質素都比想像中好，食完冇肚痛，應該都衛生想食CP值高嘅韓燒，呢間絕對係好選擇！

這日放工後到旺角兆萬中心，食韓燒雖然是星期三的晚上，但也人頭湧湧入左前先選擇邊一款韓燒我哋選擇咗最平選項：大君此餐牌內已有很多啱我哋食嘅選擇店舖職員好有效率，入坐後冇幾耐佢就幫我哋開爐同埋整爐邊蛋。另外，店員們也很細心，會好留意幾時會幫客人換爐面燒板。生菜連同燒肉、芽菜、泡菜一齊食，勁好味！充滿韓國風味！點野食嘅方法是用水筆在卡記錄，然後交店員，店員佢哋就會好快送上食物。肉類款式都好多，我哋每樣試咗啲我哋特別喜歡食牛佢哋肉類醃製嘅醬汁都幾配合及好味。另外，我哋都好鍾情於午餐肉芝士腸。店內也有不同的小食/熟食供應。飲品選擇都好多，有唔同味道嘅汽水、果飲品、茶等等。這間韓燒的感覺唔錯，店內嘅裝修都好有韓國特色，價錢亦都好抵。。難怪非放假日子也很多人