平昌

營業中

休息中

今次去左旺角兆萬一間好出名既韓燒 叫平昌 係13樓全層 一出𨋢就係 真係好似去左韓國街邊燒肉店 好似有同事係韓國人我地叫左個大君 2個鐘任食任飲比埋餐牌大家睇 主食都係牛 同豬 有啲小食係韓式即食 好似年糕 泡菜 辛辣麵都有得叫 真心唔錯 落單方法都好易 係塊板寫好晒你想要既野 佢就會自動送黎 輕輕鬆鬆佢個燒肉版大約每次放到4-5塊肉 兩邊都係蛋醬 可以等埋黎食 每次燒到咁上下都有人幫你換燒版 真心好有服務推薦大家叫調味豬梅片 同埋調味牛舌 佢個淹味係好韓個隻 仲要每份都係2-3塊 （如果你係2個人） 你又唔會食到飽晒 但又唔會試唔到味 我仲叫左個鯖魚黎燒 呢隻又係出色 條魚燒到岩岩好 又有魚油 魚肉味勁出 重點係 你可以再叫 如果你係海鮮fans外我都叫左好幾樣海鮮有蠔同帶子 都好出色 可以話係迎合左香港人口味飲品方面就啤酒 烏龍茶 大路野 都係任飲 我會建議 啤酒 成件事就fit 晒

今日同男朋友去咗呢間非常地道韓式燒烤餐廳 呢度係任食放題 晚市分兩個等級 我哋揀咗比較平宜嘅大君set😆 首先佢就上咗生菜俾我哋包住啲肉食 前菜包括泡菜同芽菜 同埋一碟醬料 包括辣醬 燒肉醬☺️ 呢度飲品係飲添 有忌廉鮮奶 蘆薈 烏龍茶 可樂 仙草😃 酒精飲品就要另外加錢如果想點菜 就要用白板筆將食物嘅號碼寫係交卡上面再交俾職員😎叫嘢食好快就上到🤤肉類方面我哋叫咗啲調味牛肉 LA牛小排 調味牛舌 牛肋骨肉 牛肉個味道醃得啱啱好🤤 亦都叫咗啲梅頭肉 豬腩片🤤如果叫原味嘅都可以自己調味😆仲有海鮮 我哋叫咗啲海蝦 蠔 扇貝 魷魚 都幾新鮮 同埋都算大隻 質素幾好🙈仲叫咗啲熟食 好似炸蝦 鵪鶉蛋 鵪鶉蛋個味幾特別 炸蝦都幾香脆😆仲嗌左個海鮮湯 食完暖粒粒😍

人生很壓抑嘅時候，就係要食韓燒食到忘記煩惱🤣大君御膳($218加一）已經好多選擇，所以就無揀到貴啲嘅世子御膳。食物選擇好多，唔同肉類、海鮮同熟食都有。因為同檯嘅各位都係牛魔王，所以主要都係嗌牛。依度啲生肉上菜個陣都排得好整齊，好方便逐款肉咁試。坦白講真係好難得有韓燒係做到咁多款肉都咁好食！.調味烤牛肉：絕對係首選！係唔需要燒嘢技巧都可以好食嘅牛肉。放上烤板上面炒一陣就食得。啲肉醃得好濃味，配生菜食超正，但就咁空口食又唔會覺得鹹。牛舌：夠大塊又唔會切得太薄，食落口好有咬口。鍾意食牛舌嘅絕對唔可以錯過。LA牛排：預先有醃好嘅牛排又係無得輸！每塊肉都好厚，又係夾生菜嘅good choice!豬頸肉：邪惡之選😈 食落有肉、好爽彈。//熟食推介//.海鮮葱餅海鮮蔥餅個size好似手掌咁大，share黎食就岩岩好。食落好香脆，味道又岩岩好，唔會好鹹。等緊啲肉煮熟個陣過下口癮就perfect!.水冷麵食熱辣辣嘅韓燒，點可以唔食返啲水冷麵降下火呀！水冷麵個啲麵好有咬口，個湯又少少酸，好開胃。份量唔會好大碗，食完都唔使驚食唔落其他嘢。*依度嘅泡菜好好味🤤惹味得黎又唔會好辣（講起又想食）*不得不提依度se

老實講食物對得住價錢唔差 下午時間去冇乜人 啲樓面個個三五成群咁掛住睇手機 舉親手叫極唔該都要幾次先有反應 特別有個parttime黑口黑面講野又勁串 黎食個野要受氣😅

今日去咗旺角行街，行到攰攰哋又到晚餐時間，去咗兆萬搵放題，原來好多間都係要預早book位架！行咗兩間，呢間雖然都話要訂位，但佢哋話如果我哋唔介意食少啲時間可以8:00前交枱都比我哋入去食！入咗去坐低，待應叫我哋揀邊種餐，我哋揀咗$238果個餐！Menu入面有唔同種類嘅肉類，亦都有一啲熱食，例如海鮮豆腐湯、韓式煎餅、辣炒年糕⋯⋯食物質素不過不失啦！而且食物亦尚算新鮮，只係種類選擇不太多。待應們換鐵板的速度亦好快，的確唔錯，相比起好多韓燒餐廳叫極都唔郁差好遠👍🏻👍🏻如果想食韓國燒烤嘅朋友仔，都不妨可以試吓

燒肉品質一般，而沒有味道，最重要員工態度差劣和禮貌，夠鐘時員工走過來沒有說話立即釋放火，留低一埋未熟的食物。使客人未能進食，而且浪費所有食物。這食肆未能接受不會再次幫襯。

我好中意韓國架♥️所以好中意食佢地既燒烤啦、傳統嘢都好鍾意。記得對上一次去食韓國BBQ係散叫既，兩個人食都要成8舊水落樓，所以都唔捨得成日食。朋友推介我食平昌，二百零蚊一個人任食120分鐘👍🏻時間非常之充裕，可以慢慢享受唔使狼吞虎嚥！地方都幾大，佔用左全層，一開𨋢門即刻聽到強勁嘅韓國歌曲，環境就同韓國既燒烤餐廳一樣，好有韓國嘅氣氛。佢有兩個plan選擇既（星期一至星期四）太君御膳 ：218 + 10%世子御膳 ：298 + 10%分別就係貴啲嗰個多少少嘢食，有牛腸、醬油蝦，牛護心等等…..不過當時我哋覺得太君都夠食就選擇左平果個先！牛舌正，叫左幾轉薄得黎又有咬口！個牛排都正，其實即係牛仔骨，味道濃甜甜地好味👍🏻另外用生菜包住薄既豬腩肉好過用厚果隻，因為可以一啖塞晒入口，可惜依到無供應糯米椒同埋蒜片！除咗燒肉之外，佢仲有好多其他傳統韓國食物，如果中意食果d泡菜鍋、海帶湯、海鮮泡菜鍋就岩晒，可以不停飲！仲有個推介👍🏻就係醬油鵪鶉蛋，勁入味！120分鐘完全係夠時間食，因為落單雖然係人手落，但係上檯嘅速度都好快，完全唔會有等食既環節出現。同埋啲服務都好好，佢哋會不停幫你換煎板👏🏻👏🏻總括而言呢間

Marinated meats are excellent, the rest are average. Not a place for you if you prefer to eat and have a good chat with friends. You can only stay in the restaurant max 2 hours and the staff will keep on reminding you that you need to leave soon, which affects the overall experience. Staff are polite though and helpful. Other bbq places can give a better value to what you paid for.

今日約左朋友上去食，食物質素唔新鮮，通風唔算好，唔信自己比錢上去食一次。樓面夠人手，但個個企哂係到，企喺到吹水，叫個樓面落單，佢同我講唔得閒，最後無理到我地。出菜位返而得一個人，樓面唔識去幫手，感覺傳菜果個先係長工。去洗手間既時候經過出菜見到廚房既人無帶口罩,而且無用手套。大家自己分析。

正常這個時候，應該在韓國玩樂中現在無去旅行，就來食個地道韓燒解一下想思之苦吧！餐廳有兩款套餐可選，大君御膳跟世子餐點了$218大君御膳，整體質素都不錯有多款肉、海鮮、小食、麵飯類揀外面自助區有韓國啤酒，韓國汽水小菜無限任添 有泡菜 芽菜跟生菜也有爐邊蛋點了幾款熟食，有無骨炸雞，忌廉蟹肉薯餅，炸芝士全都是剛炸起，熱辣辣烤肉怎可能少了辣拌冷麵，很開胃！牛胸腹肉，牛肉眼，牛肉味濃，薄薄地很易燒也有T骨牛扒跟牛腸香草五花肉，豬肉肥瘦均勻不過我們最愛還是護心肉，很入味，食起來軟淋串燒有雞軟骨，雞腎，調味也調得不錯海鮮我們主打食青口跟三文魚，encore了幾次。

平昌係一間正宗韓燒放題，係由韓國人開架～～用既料全部都係靚料，嗌咩有咩😻真係好抵食🤩🥰韓燒都仲係咁多人鐘意食，我地去到已經坐滿哂人，唔book枱都有機會食唔到吖😆😆佢有幾款放題可以簡，分別有大君、世子同埋國王放題，我同朋友叫左大君放題，每人$218，可以任食2個鐘😻😻邊食燒肉邊傾計😝😝大君放題都好多款式，有牛肉、豬肉、雞肉同海鮮，除左燒物之外，仲有啲熟食小食供選擇🤩，等燒肉煎熟既時間食就最岩😙餐廳提供左泡菜、芽菜等既前菜、醬油，爐邊仲有爐邊蛋🥺🥺熟左之後就可以開動進食～～😚😚飲料區都好多各色各樣既野飲，總有一款岩你飲😻🥂任拎任飲，真係值回票價😊👍🏻我地都叫左3 round，真係樣樣都出齊😋。叫得韓燒放題，琳琅滿目嘅選擇又豈止於此呢？😍朋友一拎起餐牌已經被少見嘅韓燒海鮮放題吸引住，生蠔！帆立貝！任嗌！😽😽唔係太好腥味嘅可以燒完再點燒肉醬汁，等住嘢食、烤板無位😛又可以加伴碟檸檬汁直接嘗鮮☺️。平時打邊爐嘅發脹無味帆立貝可能就食得多😆呢道親手燒嘅帆立貝唔單只夠曬肥美、肉質結實有口感😚😚仲保留到原來嘅海鮮鮮甜，記得唔好錯過。👍🏻👍🏻😛至於燒肉，有好多款可以簡，有醃咗或者冇醃既，最值得推介既係LA

今日同朋友去旺角食韓燒，朋友介紹咗呢一間韓燒，喺兆萬中心，聽到都打咗突，明明兆萬就係一個劣食塔，但係朋友都堅持話呢一間韓燒都OK，於是被說服左去都試下。入去我地有得簡唔同既Set，我地簡左貴少少果個。餐單除左有肉類，仲有海鮮同韓式熟食。閑日七點半已全場full house，要坐到最入，人氣旺盛。落單比較傳統，要用手寫。一坐低已經有啲醬料同前菜，大大份。海鮮：帶子唔錯，但係因為無乜油，易痴底，要注意⚠️肉類：推薦牛胸腹同豬頸肉。熟食：推薦煨雞、辣冷麵。另外佢沙律都唔錯👍🏿除左前菜外唯一可以點既菜飲品：種類多，有黑啤任飲👍🏿仲有水、茶、仙草凍等等服務：OK，店員頻頻幫我地收碟同主動換鐵板👍🏿上菜速度正常，唔會漏單。環境： 由於多人，所以都比較嘈。我地食左三四轉已經好飽，連個爐邊蛋都食唔晒，我見其他顧客都不停refill佢，自問大食既話，真心抵食。總結，依間韓燒比其他同類餐廳多款式，肉類海鮮質素OK，仲有唔同既熟食，都算對得住價錢，唔係兆萬以往既劣食。適合一大班人食，總有一款岩大家食🥳

早幾年韓燒盛行，果期真係成日食韓燒。呢幾年都少食左，今次朋友話想食，就重拾番果個味道😜呢間野地點超方便，係兆萬中心13樓，地鐵站一出行幾分鐘就到放題可以揀大君御膳或者世子御膳，今次我地就揀左世子御膳，多幾款肉可以揀，食足120分鐘世子set牛肉就多左牛前胸腹肉、T骨牛扒、牛肉眼、烤牛腸揀，個人最like肉眼，口感唔韌亦都冇雪味豬方面就最推薦香草五花肉🐷，豬肉肥瘦均勻，燒到脆邊咬落去軟淋淋，好想食多幾片。學埋韓劇入面啲主角咁夾埋生菜同泡菜一齊食，即時感覺好韓風😳海鮮都有好多款，帶子、花蛤、蠔、三文魚等等，都算新鮮，款式多到食唔晒熟食叫左幾樣黎試下，個人覺得無骨炸雞同埋忌廉蟹肉薯餅都唔錯，炸得夠脆，等燒肉熟嘅時間食料理就最啱。趁天氣涼涼地仲嗌左個辣海鮮豆腐湯暖下身，入面有魷魚粒同埋蜆肉，細細碗唔會食爆quota，可以試下其他食物飲品種類唔算十分多，不過有齊啤酒🍻汽水🥤同茶🍵，想飲米酒就要另外收費平日黎都幾多人，建議早少少book。食物黎得唔算快，可以提早落定，雞蛋食完仲可以叫佢添，300蚊左右食到放題韓燒都幾抵，如果有埋甜品會更完美💘

前排煲韓劇 成日都見到韓燒 搞到自己都想食🤭聽朋友介紹就訂左呢間韓燒 大君膳食set每人 $218 食120分鐘 ☺️肉類選擇多 唔係求其用低質肉材敷衍客人 熟食味道都達到一般韓式餐廳既標準 我就叫左冷面 湯底酸酸地 凍得既開胃😋除左餐牌上既食物 仲有小菜無限任添 當中當然唔少得泡菜 芽菜同生菜用黎包肉食 🥬餐廳宜家做緊魷魚遊戲主題 侍應都着晒紅色工作人員服裝 帶曬頭盔 時不時播魷魚遊戲主題曲 勁有feel 🦑韓燒底盤燒竉咗 或者用到差唔多 餐廳都會好快手過嚟換個新 呢間既服務真係抵讚 態度好好🥰 口罩袋都會提供 再全面啲嘅會建議餐廳可以提供濕紙巾比客人 🧻除咗紅肉仲有唔少海鮮俾我哋揀 燒生蠔 鮮蝦 腸仔 雞扒菇等等飲品方面亦都一個大雪櫃喺餐廳嘅入邊 衛生狀況都都保持得幾好 有好多唔同款式嘅飲品 幾符合大眾口味😽😽

🥓🥩 旺角 平昌🇰🇷同朋友去咗旺角食好耐都冇食過嘅燒肉！呢個「世子御膳」晚餐$298一位，有超級多款肉、海鮮、小食、麵飯類揀！ 仲有飲品同雪條任食添，抵🤩！🐮🐥🐷 肉類肉類就有大槪二十種，我最鍾意食雞肉、牛小排、牛舌😚 雞肉夠滑，調味適中；牛小排調得好夠惹味；牛舌薄薄哋，口感味道並重😋🦐🦪🐠 海鮮海鮮類入面我最鍾意係帶子同醬油蝦！帶子一大粒，啖啖肉，任叫超爽！醬油蝦有啲人會生食，我就燒完先食，食落超香，甜甜哋咁好鍾意😋另外仲有各種蔬菜、小食、熟食、飲品、甜品，我都好鍾意燉雞！值得一提係侍應們態度同服務都非常周到，抵讚🥳🥳