平昌

營業中

休息中

事頭婆慶生話食韓燒，找到這間食評唔錯嘅店所以嚟試下，味道唔錯有驚喜，換燒盤速度唔錯，在場員工見到嗰盤燶燶哋即刻幫你換唔使客人叫，現場環境音樂較大，同埋限食個半鐘，人小還可以，如人多大食會略有不夠時間

好耐冇去食燒肉一食梗係去食啲放題任揀呀今次想去旺角近近地嘅平昌地點就腳而且食物種類多店入面有大君同世子套餐既然係食我哋就揀咗世子套餐因為係食世子套餐可以食埋大君套餐既食物基本上其實大君入面套餐已經好多嘢食但世子當然咗再多少少唔同嘅嘢食一嚟到已經有小菜包括有大豆芽泡菜仲有生菜等緊你同埋已經有咗兩款醬汁包括油鹽汁同埋特製醬汁你自己選擇依度我種類非常多牛都分咗T骨肉眼牛胸豬又有五花腩同埋梅肉仲有豬皮基本上我就嗌左唔同肉比自己試吓唔同嘅味道完咗唔同肉之後我仲叫咗豬皮豬腸因為火候可以自己控制所以我就燒到吹脆身d岩自己鐘意食香口野除咗肉之外呢度仲有海鮮蝦.魷魚.蠔.帶子都有除咗係燒嘢食先來呢度仲有熱熟食概然係韓國燒肉其中我就叫咗紫菜湯大醬湯同埋炸雞拌料其實都好足食食吓熱野同埋炸嘢之外仲嗌左個沙律嚟食總括嚟講呢度食物多喺要求下店員可以不停幫你燒板確保自己可以燒到靚到多野食鍾意食韓燒嘅朋友都可以trytry

依家好出名有套魷魚遊戲，成為城中嘅熱話，呢間韓燒放題店，oppa職員就係着住佢哋套衫一踏入門口見到,即刻諗起呢套戲坐低之後店員就會將蛋漿到喺爐邊，一陣間就有美味既滑蛋，未開始食已經聞到好香嘅BBQ味道另外仲有Kimchi同芽菜今日我同媽咪揀咗世子set因為可以有多啲食物選擇，冷盤仲有醬油蝦好新鮮又入味非常爽口入夠入味燒烤食物仲有好多款選擇一定有款啱你胃口牛空腹牛肉眼牛舌T骨扒肉類嘅選擇都有好多如果怕肥膩可以包生菜食就更加好味 L A牛扒係有埋骨牛味亦都係最濃郁兩邊燒到有焦香食落更加好味，脂肪同肉既比例非常平均，滬深肉油脂少，又爽口豬肉方面我就推介香草五花肉，香草好香五花肉又肥瘦均勻叫完一次又一次食到停唔到口而海鮮裏有蝦魷魚🦑帶子全部都好新鮮，虎蝦啲肉係彈牙啖啖肉叫咗重複幾次鰻魚一早已經調好晒鮮味，燒返熱就可以食仲有無限量嘅飲品供應，如果飲燒酒就要另外再加錢熟食都有好多款選擇，煙鴨胸沙律配芝麻醬鴨胸大大件鹹鹹地連沙律菜一齊食味道啱啱好，泡菜炒飯好入味，因為飯夠乾身，所以就唔會黐埋一舊舊非常滿意，韓國最出名嘅水冷麵炸雞石鍋飯等等應有盡有仲有我最鍾意食嘅粉絲，一定係一應俱全如果燒到攰，可以直

最唔衛生嘅韓燒如果OpenRice見唔到我出呢篇食評真係懷疑佢哋兩間有合作，本身見到有咁多好評去試吓點知就見到有隻小強，同店員講佢竟然即刻掉頭走然後拎咗張紙巾嚟執走咗佢，一句關心都冇，定係已經發生過太多次所以見怪不怪？然後令一疊海鮮煎餅入面竟然有隻曱甴bb跑咗出嚟，樓面好多都好忙，我哋都費事同佢地喺餐廳度大吵大鬧，但必須要同大家講千祈唔好幫襯，除非佢哋衛生同服務方面有所改善，否則永不考慮再返黎！！

我經常都會同朋友去旺角食飯，成班老友最鍾意就去食放題，個個都好大食，最好就係去任食任飲。今日就去咗旺角兆萬中心13樓，平昌食韓燒🔥因為之前都食過，價錢公道合理而且食物嘅質素都幾高。我地食世子御膳，每人都係298元，係旺角好少搵到啲咁經濟，性價比高嘅韓國燒烤牛肉有9隻款式俾你揀，仲有豚肉，海鮮，雞肉，肉腸，菜，熟食，真係有幾十款食物可以選擇，我地差唔多全部試晒，每隻款都好好味，我自己就最鍾意LA 牛扒，因為肥瘦均勻，脂肪比例好平均食落口非常嫩滑而且仲有好香嘅牛肉味。牛舌都係唔錯，切到好薄，燒一燒就食得，而且仲係好爽口如果鍾意食辣，佢個辣調薄切五花腩片同樣做得好出色，調味啱啱好有少少辣味，加上口感非常爽口，一流豬頸肉都係幾好味，燒到啱啱好有少少油香，而且肉質非常嫩滑爽口，兩邊燒到金黃色，仲有焦香味海鮮全部都好好味，虎瑕真係不得了，蝦肉非常爽口彈牙，鮮甜味十足燒生蠔亦都係我哋最愛，生蠔都算大隻，而且每隻都好新鮮，食落口又多汁又香蠔味鰻魚都係必食嘅推介，魚肉結實爽口，食落口有啲魚油香味，仲要大大舊，真係好滿意扇貝，扇貝都係好大隻好新鮮，鮮味十足炸物方面，最好食就係炸蝦，炸蝦外面炸到金黃色，熱辣

好耐無嚟兆萬食放題，今次就約咗朋友去十三樓嘅平昌燒肉🥰 我哋揀咗貴啲嘅世子餐，一齊食得盡興啲。世子餐($278)其實係add on大君餐，所以有好多嘢食(本身大君都多🤭)咁店員一嚟就有倒蛋漿係爐邊。另外，有幾位店員仲係韓國人嚟添。除咗肉類同小食外，放題仲有蔬菜、粉麵類、雪條同任飲，咩都有得食😗405 牛前胸腹肉 (世子)胸腹肉切片上，中間位置會比較多脂肪比例，肉味濃，有油脂香，質素幾好。406 T骨牛扒 (世子)大大件T字骨，可以一次過食牛柳同西冷😋 因為佢哋個爐都好快熱，容易燒熟，所以好快都燒好。牛扒牛味出，有肉汁🤓404 牛肉眼 (世子)肉眼一向肉味濃，唔會有太多嘅脂肪，又唔會好韌😜334 調味牛舌叫得最多嘅就係牛舌👅 本身自己都好鍾意食牛舌，燒肉必叫🥰 牛舌薄切，燒一、兩分鐘已經ok, 調味後會有鹹香味同少少蒽花，牛舌又唔韌，幾好😆411 帶子 (世子)世子就包咗帶子，我另外都有叫扇貝。帶子當然大粒啲，又離咗殻😗 帶子都幾厚身，肉質可以keep到嫩😆433 脆炸一口芝士 (世子)我哋叫完再encore幾次，一口芝士呈三角形，外皮有炸衣包住，又熱又脆卜卜，餡料全部都係芝士，唔會過鹹

20211110今日對我嚟講係一個非常特別而一言難盡嘅日子。好開心可以喺平昌見到去年嘅工作人員，坐到去年嘅座位，可以回想好多開心難忘往事⋯⋯。服務態度依舊咁好、有禮貌、細心；食物水準依然咁高質、食物整潔新鮮；有多款飲料任君選擇，當中有韓國啤酒同韓國汽水𠻹😋😋😋😋😋。喺韓國，生日嘅人都會飲碗海帶湯嚟慶生，既然你都韓國人開嘅餐廳，我都入鄉隨俗下先😂😋。今日好開心可以喺平昌品嚐到一餐富有懷念味道嘅好料理，真係超級滿足👍🏼。

入秋時節 最啱一班人韓燒放題！冇得去韓國但又好想掛住地道韓燒？呢間就最啱你，呢度氣氛十足，座位坐得密密麻麻，最啱三五知己圍爐吹水，，舖頭非常熱鬧，而且不斷loop韓文歌，非常到韓國嘅氣氛！,而且餐廳入面仲有間bts嘅主題房，牆壁上寫滿bts嘅幾首首本名曲及每位成員嘅可愛肖像畫， 如果你係bts迷嘅話就一定要book位打卡喇！餐廳有兩個餐可以選擇，兩個餐食嘅都唔同，今次我哋揀咗大君套餐，包豬牛雞肉同埋海鮮，仲有幾款韓式熟食！原味最能食得出肉嘅鮮味，大家不妨可以學我每款部位都嗌一碟試下先，覺得好食再大量點餐😄 肉方面部位都幾多選擇，而每款肉亦有分三種：分別係：原味、醃製、辣味醃製，個人最鍾意都係食原味👍大醬湯、海鮮辛辣麵、泡菜煎餅、炒年糕等！食肉食到悶都可以試下其他熟食！我就試咗佢嘅海鮮辛辣麵的確係幾辣！怕會食到太飽嘅話，同朋友仔share試下都唔錯！ 炒年糕唔會好大份，當小食都得！上菜上得好快，而且服務好周到，餐廳侍應都好足夠，值得一讚如果店員見到你嘅鐵板已經燒焦咗佢會立即幫你換，而家換嘅頻率都幾密，所以成程都食得好愉快！

朋友生日嚟食韓燒嚕😙 搵到起旺角嘅平昌 韓式燒肉😍 我哋6點鐘入去 食兩小時任食 我哋揀咗大君御膳 都有好多選擇啦😇 店員帶我哋坐低 係識講廣東話嘅oppa😆 見到枱面已經有泡菜豆芽同埋生菜 跟住佢就開爐再倒啲蛋漿係個爐邊 咁我就睇吓大君御膳個餐牌有啲咩嘢食啦 基本上係分牛肉🐮 豬肉🐷 雞肉🐥 海鮮🦐 蔬菜 同埋料理 揀到想食咩就起個牌度寫低食物嘅編號同埋數量 交俾佢哋嘢食好快就會送到嚟枱面😌 等緊個爐熱同埋嘢食嘅時候就可以出去拎嘢飲啦😇 嘢飲方面都有唔少嘅選擇 全部都係韓式嘅飲品👍🏻 咁我哋都叫咗唔少嘢食🙈杏鮑菇 茄子🍆 魷魚 半殼扇貝 半殼生蠔🦪 鯖魚柳 辣味豬五花腩 豬梅頭片 簿切五花腩片 雞翼 豬頸肉 LA牛排🥩 特別推介 辣味薄切五花腩片好好食😋 不過一定要睇住佢燒 燒到啱啱好熟 再加埋生菜包住嚟食 真係冇得頂😍👍🏻 熟食料理方面 我哋就嗌咗 海鮮蔥餅 涼拌海青菜 牛肉海帶湯 炒年糕 炒粉絲 豬肉泡菜湯 同埋水冷麵呢度就推介海鮮蔥餅 雖然佢係熟食 但放喺爐上面燒多一陣 燒到個邊邊脆脆地 就更加好食😋 食到咁上下 千祈唔好忘記咗個爐邊蛋 當佢表面熟咗中間仲係半熟嘅時候就要

平日夜晚黎到旺角食韓燒放題，見到好多人等位，好彩一早有預約啫，咁多人證明冇揀錯地方啦🤣🤣佢晚市放題分左兩個價位，分別係大君（$218) 同世子（$298), 世子級可以揀既肉類同小食都會多一d,為食既我地就揀左世子，想試多d 唔同款🤤🤤牛肉🐮🐮方面我地叫哂世子級既4款，牛前胸腹肉，T骨牛扒，牛肉眼同牛腸，最好食係牛前胸腹肉，薄薄地易燒易食，另外大君級既調味烤牛肉。調味牛舌同牛肋骨肉都好好食，整體來講覺得有調味嘅更加好食🤣🤣豬豬🐷🐷我地最鐘意就係護心肉，調味夠入味，肉質夠軟熟，豬皮都係調好左味，好有驚喜好好食，另外必叫既豬腸就只有辣味，食落有d 太辣🤣🤣不過辣得過癮既雞我地淨係叫左串燒，雞腎調味幾好，串好左又易燒，雞軟骨就大大粒，都係鐘意食炸既多d🤣海鮮類有好多選擇，半殼蠔，魷魚，鰻魚，帶子都幾好食，鰻魚整返熱就食得好方便👍🏻👍🏻小食類醬油系列好高質，最鐘意佢個醬油蝦，夠入味好好食，另外醬油鵪鶉蛋都好好食，我地仲叫左個忌廉蟹肉薯餅同水冷麵，有正常水準，都唔錯呀😌😌📍 平昌 (旺角)旺角西洋菜街1號兆萬中心13樓#香港美食 #香港必食 #hkfoodie #hkfood #hkfoodbl

最近一套韓國劇集紅遍全世界 而係香港想一邊嘆美食一邊欣賞在特別日子店員換上魷魚遊戲裝扮去招待我地，偷偷自拍🤳一張店員會先將蛋漿倒入爐邊等一陣就可以有美味嘅滑蛋韓式燒肉當然要叫唔同款式牛肉食肉食海鮮，已經回本好多人都係呢度聚會～五花肉牛脷牛肋骨肉應有盡有一塊塊新鮮 雪花紋均勻嘅牛肉只要燒一陣已經香味四溢雞肉雞翼蔬菜都係任叫可以打造自己鍾意嘅韓式料理除此之外，韓國料理泡菜湯 炒年糕 海鮮豆腐辣湯炸物小食 總有一款啱自己享受住咁濃厚嘅韓國氣氛同朋友嘆住美食 真係開心

星期四夜晚8:00兩個人食間野晚晚都好旺再提早book枱一直都覺得平昌係呢個價位入面最多食物款式揀質素最好嘅韓燒 ❤️‍🔥果然今次都冇失望 一入到去見到啲店員着哂魷魚遊戲costume已經覺得成件事好開心😂 叫左最平嘅大君御膳食物質素一如既往唔錯有爐邊蛋 五花肉 牛肋肉 牛舌 海鮮煎餅 海帶湯 👍🏼👍🏼啲肉唔會話雪到硬bang bang咁 呢幾樣我都不斷encore 雖然坐最入 但都唔會好難搵店員 佢地會定時入嚟收碟望下有冇需要 好唔錯 大概$240蚊一位呢個價錢呢個質素 比起出面其他韓燒 真係幾抵

今日約左朋友食晚餐，一路都未有頭緒食咩，直至搵到旺角呢間平昌就決定食韓燒。最先吸引我既係餐廳環境，裝潢布置都同韓國既烤肉店好接近，好有去左韓國食烤肉既感覺。餐廳分二個menu,世子同大君套餐，第一次黎試左大君套餐,包左豬牛海鮮同韓式熟食。肉類方面，值得一讚既係佢有薄切定厚切肉比人選擇，而且醃肉都做的好出色，好夠味道但又唔會搶左肉既鮮味。海鮮方面，推介魷魚圈同海蜆，海蜆夠大，我同朋友都encore左好多。韓式熟食都唔可以錯過，款式選擇多，有齊炒年糕、海帶沙、純豆腐海鮮湯等特色既韓國料理，而且水準都幾唔錯。

跟照片的描述差好遠，首先衛生麻麻，通空都麻麻，食到一半就已經好鬼熱，唔夠冷氣，亦坐得好逼，張台好細。野食都同廣告大出入，肉類好鞋，所有野食都稱唔上好味😣沒有下次

𨋢門一打開 我就會心微笑左一下, reception除左有位韓國人外,佢旁邊仲企左個著魷魚遊戲服既朋友仔😂😂睇黎大家都睇到上晒腦。入到去坐低咗我哋就睇下餐牌, 嘩原來都幾多嘢食, 佢哋分別有兩個價錢有兩個menu 一個叫大君 一個叫世子, 而世子menu嘢食比較高階一啲。我哋喺世子menu叫咗帶子,雞腎, 薯餅,牛肋肉,護心肉同香草五花肉,仲叫左牛肉眼同t骨牛扒.火爐極速燃燒下,嘢食都好快熟旁邊更加有蛋捲畀大家享受。雖然未去到韓國高級燒烤食材水平,但係嘢食都係新鮮, 冇雪藏味！我哋仲叫咗海帶湯同海鮮豆腐湯, 兩者相比我喜歡海帶湯多一啲可能肉類已經好豐富, 海帶湯可以中和返一啲。另外佢仲有醬油蝦可以畀大家嘗試 不過我哋太飽啦就已經冇食到。而大君menu其實都好夠食㗎我哋都響大軍menu上面叫咗雞肉串, LA牛排同 牛肋骨肉 少量五花腩等等呢度飲品都係任飲嘅 仲有埋啤酒添所以如果喜歡大飲大食嘅朋友仔就好啱呢度！