平昌

營業中

休息中

📍平昌 （旺角）今次又想重溫旅行感覺 book左間韓燒🇰🇷 平昌價位都叫中價 有兩個Set 世子vs 大君 今次想食好d 回味韓國風味 就叫左高一級世子Set 🤣最鐘意食韓燒的爐邊蛋 🥚 同埋包生菜🥬夾肉 好juicy 💕成個Set當中有幾樣最值得推介俾大家 - 護心肉 肉質嫩滑 同埋淹得好入味 🤤基本上都encore左幾次‼️- 炸芝士 🧀 薄薄一層炸粉包住芝士 味道好濃 但又細細粒唔會好濟 未燒熟野食之前醫一醫肚之選-安東嫩雞 熟食之選🌟火喉剛剛好 真係入口嫩滑 係韓燒店的熟食都冇令我失望😊海鮮🦞類食品都唔錯 唔會有雪味 餐廳都有好多韓國飲品俾大家試 如果想試燒酒就要加錢 啤酒🍻都係Free 選之列 任食兩小時 食到八點幾都仲有人等住入 同埋餐廳人氣都係後生仔女👫👭👬 好有氣氛😌

上到去好似去咗韓國一樣，好多圍嘅韓燒爐，好有feeel🥳見佢原來有3個價比你揀！今日我哋就揀咗中間嘅，有多啲熟食同多少少肉類揀!!!我地坐底即刻睇menu，就寫no落一塊板再交比店員，店員極快手！唔洗5分鐘所以野都到齊🤣🤣🤣抵讚！！！一黎就有啲前菜！！俾你等食🤣🤣👍🏼仲要有爐邊蛋蛋😍😍😍ohhhhh半熟狀態超滑！！叫咗好多牛同豬！辣味豬頸肉好彩唔算太辣！！而且好入味！！覺得唔夠辣嘅人可以自己再加豆瓣醬就好好食😋有護心肉(相對比較硬，無再encore 🤣)五花腩-正！超厚切！！仲有塊大過塊面嘅T-bone!!!無呃你！！佔咗大半個爐！！！照燒鰻魚-高質！！無碎骨!!好多照燒汁！juicy!!!其中encore最多係牛舌！！一啲都唔會好un!!!要調咗味個個，好好食！佢嘅熟食亦十分滿意！！有忌廉蟹肉餅！一次有2大塊🤣🤣🤣竟然有安東燉雞！！！仲有試咗凍辣醬冷麵，下火🤣🤣👍🏼超大碗！！over all黎講好抵食，服務好周到！！店員好細心，見到你個底多lone就會幫你換！！👍🏼👍🏼👍🏼

放工同朋友出旺角行街，突然好想食韓燒，朋友竟然話佢冇食過好食既韓燒！好～即刻搵間好野食！呢間係兆萬上面，一上到去超多人！係平日都full晒！好彩我地等左一陣就有位～我地兩個揀左大君御膳$218我地主力食牛同豬，要推介的是LA牛扒同牛肋骨肉！超好吃！無論味道同肉質都好好～另外我自己非常愛牛舌，兩款味道的牛舌都好吃！同埋順帶一提，佢既辣味牛肉同豬肉都唔太辣，唔食開辣既朋友都可以試下～除左肉類，我最喜歡既燒鰻魚同燒蝦都有～呢個價錢可以任食呢ｄ野真係超超超抵！我地仲叫左D料理食，醬油鵪鶉蛋，海鮮蔥餅，炒粉絲，仲有水冷麵！醬油鵪鶉蛋好好味！細細粒令人食唔停咁，一定要試！炒粉絲麻油好香，正！我覺得燒肉熱辣辣一定要配個水冷麵！煙煙韌韌，又涼快～同埋呢個價錢，啤酒都任飲，太正啦！！

好耐無食韓燒啦! 呢日係旺角行街 見到呢間韓燒就去試下 ! $218+10% service charge per person 我地第一次食 所以揀左個比較平既大君set 但佢性價比都好高!佢有好多款牛肉 分別有牛肉, 肥牛片, 牛舌同埋牛助骨肉, 重有每款都有唔同既醬汁釀過, 好多選擇, 我最中意既係牛助骨肉! 超好食 好淋 好juicy 同埋好香牛味 而且個大細岩岩好可以放入口 好有口感!豬肉都係韓燒既重點 唔食牛既人都可以有好多選擇! 最傑出既一定係五花腩! 同生菜包著泡菜食簡直係一流!呢個大君set亦左重點既牛同豬 都重有好多唔同既選擇 海鮮同雞肉 重有大量常見燒得既蔬菜! 茄子 洋蔥同埋杏包菇都係超推介items!除左燒既野食 重有好多韓食既熱食! 水冷面係食完韓燒解膩既首選! 佢都有! 我地重叫左辛辣面, 炸蝦,海鮮蔥餅 同埋豬肉泡菜鍋 都係水準之上!總結黎講 性價比高 選擇多 食材新鮮 好服務! 都係我會再黎試既原因!

太耐冇堂食晚飯了，今晚同埋屋企人一齊去一間朋友推薦既旺角韓燒餐廳夜晚有兩個set 可以選擇，平小小可以揀大君，想多d肉類可以揀世子，我地要左世子set 埋單每人300出頭左右爸爸係食肉獸，所以點左好多肉，簡簡單單燒已經好好食，特別係牛肉眼，肉質較嫩多肉汁，T字扒因為太大塊就要燒耐d如果太肚餓想即係有得食仲可以點已經炸好既熟食炸雞,雞軟骨，安東燉雞等質素都不俗肉類種類幾多，餐廳仲有少量海鮮可以點，，蠔望落都算新鮮，燒完唔腥冇沙👍🏻墨魚腸食落好有台灣腸既味道🥺

Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架—————————————————————📍 平昌🐷幾年前食過一次，前幾日母親節帶埋🐷媽🐷爸第二次食！裝修左靚咗好多，都係有幾個韓國人係到！食物質素真係好唔錯！佢哋仲好有心思，母親節每枱媽媽都送咗枝康乃馨🌹仲幫我哋影即影即有，超級warm!! #chuchu推介 加分！—————————————————————❣️ 大君御膳 $218/1人咁嘅價錢真係好抵！佢仲有個貴啲嘅套餐，但其實呢個已經夠食！🥗韓式三小碟：泡菜、豆芽及生菜一坐低staff已經放低架喇！生菜好新鮮！包肉減低油膩感！🥚爐邊蛋呢個🐷最愛！如果食曬佢哋會refill！🥩牛肉有好多款式！有調味冇調味都有！LA牛排、調味烤牛肉、牛舌、牛肋骨肉……最鐘意牛肋骨肉！因為冇骨又有牛味！🐖豬肉又係好多款！辣豬肉好食！仲有豬腩肉、豬頸肉咁！🐥雞肉有雞串！雖然出面買一pack好平，但呢到燒黎食好味！🦪海鮮選擇好多！魷魚、半殼扇貝、調味鰻魚、蝦、石蠔！魷魚爽口彈牙！最欣賞石蠔，新鮮到🐷爸問人係咪可以生食🤣蝦

對上一次去韓國已經係2019年🥺真係好掛住d韓燒呀，今日同屋企人出旺角回味下今日只係星期四但已經坐滿人全場爆滿咁濟🥺舖頭侍應哥哥應該都係韓國人，我笑同屋企人講應該夠正宗🤣今次點既係世子set，貪佢多幾款肉可以揀前菜有芽菜同泡菜，食完可以任添我最鍾意就係牛前胸腹肉，牛肉眼，口感唔un冇雪味😍油花豐富，肉味濃郁，就算係放題都相當有質素Menu 種類都幾多架，除左豬牛之後，仲有少量海鮮同熟食強烈推薦呢個水冷面，睇落成碗紅色但其實不太辣，反而滑捋捋，夏天食最岩！另外牛肉海帶湯都值得試試，又營養又好食☺️

期待已久既韓式烤肉，店鋪分兩個價錢，我揀左較高價錢既套餐，因為選擇既食物會較多，連加一$350一位。入座後店員會先送上配菜和加入蛋漿，服務質素方面非常唔錯，職員充足，而且解答問題清晰兼且有禮貌。第一輪一定要燒海鮮，帶子大粒而且好爽口，蠔燒熟後仍keep到鮮味，個人覺得護心肉唔錯，肉質軟腍唔乾身。等待煮熟期間，可以食下d蛋或者叫d熟食食物，居然有韓國名菜醬油蝦，醬油入味蝦肉黏黏既口感好好食。同埋用菜包住肉一齊食非常正，一來可以解油膩感，二來生菜和肉一爽一腍口感好夾。食物款式眾多，食食下唔經唔覺已經食左幾輪，鰻魚都可以燒比較少見，輕輕燒一燒加熱一下就可以，辣豬腸都係必食之選，因為夠晒辣夠惹味，最後仲有雞腎串都係一定要食，細細粒可以容易燒熟裏面，食落易咬爽口。

最近多咗出街食嘢 一於輪流試吓唔同嘅嘢 😄知道呢間係韓國人主理嘅燒肉放題好耐 終於有機會試吓啦😋😋 我哋揀咗 大君禦膳$218/位（星期一至四） 除咗有各種🐔🐂🐷燒肉、海鮮🦐🦑、蔬菜🍆 仲有芝士腸 墨魚腸 午餐肉 等等仲有十幾款熟食可以揀 樣樣都好想試 但係我哋得兩個人 怕會食得好飽 所以都要揀啲嚟叫 唔想浪費呀嘛😅 熟食我哋淨係叫咗豬肉泡菜湯🥣佢都幾正宗 微微酸微微辣 好食😋 燒肉同海鮮我哋就Encore咗幾轉🤣🤣 飲品方面，汽水🥤啤酒🍻有汽水 可以喺外面嘅雪櫃自取 鍾意乜嘢就攞乜嘢就得啦😉 佢都幾厲害👍 今日係星期二 鋪面座無虛席 店員非常忙碌勤快 中間唔使我哋叫 都幫我哋換咗兩三次燒烤盤 服務細心周到👍 😍朋友推介 炒粉絲及海鮮燒餅 只好下次先試囉😄 超飽😅 🎈平昌 (旺角)旺角西洋菜街1號兆萬中心13樓kfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #foodblogger #meimei #852food #852food

真係好耐冇黎兆萬食野啦，一向都知兆萬多餐廳🙈🙈但真係第一次食🤭今次就同朋友食韓燒🇰🇷～～一入到去就有韓國人招呼我地，好親切友善😙😙眼見都有幾位韓國店員🤔唔講以為去左韓國咁添😂😂今次就揀左大君御膳😛，每人都係$218，以任食放題黎講，食物選擇方面都唔少🤭肉類方面有🥩牛肉、🐖豬肉、🐓雞肉類～～我地點左LA牛排、調味烤牛肉、牛肋骨肉、照燒肥牛片🥳🥳以往食既韓燒，都覺得啲肉好乾爭爭同埋冇咩味咁，但呢到啲肉類好多都有調味😆😆唔洗點點醬汁，一樣夠晒味😋😋呢到仲有海鮮類選擇🤪🤪我地點左魷魚、半殼扇貝、調味鰻魚🤩魷魚爽口彈牙，鮮味十足😚😚而其他小食熟食方面，就叫左涼拌海青菜、海鮮蔥餅、炒年糕、牛肉海帶湯、肥牛大醬湯🫶🏻涼拌海青菜超好食，好似食梗撈左醬汁既紫菜咁，所以都追加左一碟🤤🤤海鮮蔥餅真係好食到停唔到，煎到兩面都呈金黃色🤤🤤仲有豐富既海鮮料，加上唔會好多粉，好脆好入味😋😋肥牛大醬湯，睇落好似一人份量咁，但其實用料超多，兩個人食岩岩好，唔會過飽🤰🏻微辣既大醬湯，非常惹味香口😆😆

經過三個月無晚市堂食的洗禮，好似出獄的感覺😂😂要食到飽飽的，所以揀咗幹式放題😁因為之前食過一次，好食又唔貴😁性價比高👍所以今次又回頭佢有兩種menu 我哋揀咗世子menu咁兩個menu都可以叫😝有牛肉類，豚肉類，蔬菜類，海鮮類，每個大類入面都有好多唔同選擇牛肉分別有T骨扒，牛小排，牛仔骨等等，今次大發現有牛腸❤️❤️好好食，肥美爽口！豬皮亦係我最愛，本身應該係熟嘅所以燒起上嚟容易處理😁😁仲有醬油蝦都好味😁😁值得回頭😍

好耐無食過烤肉，今日係旺角同fd行完街就搵咗呢間係兆萬上面嘅韓式烤肉放題，間店裝修同韓國嘅店好似，座位都好多，入嚟真係似去左韓國！佢有分三個級別，我哋就食大君級別嘅，大君級別嘅種類其實都唔少，豬雞牛都應有盡有，牛嘅部份佢都細分咗好多個部位供應，全部都調好曬味！但講到嚟食韓式烤肉又點會無呢個必食嘅五花腩呢，油脂分布唔差，食落好香口！啲肉質大致上都係幾新鮮，肉醃得都好入味，配搭埋啲小菜同生菜包埋食真係一流！其中呢個大君級別都有海鮮可以點，有虎蝦，帶子扇貝，鰻魚等等，虎蝦隻隻都好大隻，食落都好新鮮！鰻魚都好入味，帶子就偏細隻少少但都幾甜口！另外佢除咗烤肉同海鮮之外，佢都有提供小菜同好多種類嘅熟食，其中必不少得韓國炒粉絲，炒年糕同埋石窩飯等等，呢啲都係任食嘅！仲有海鮮煎餅等等。全部都好地道，同平時係韓國餐廳食到嘅無太大分別！如果再想食豪啲可以升級食呢個世子/國王Level，種類會更多選擇！一定有你岩食嘅menu👍🏻👍🏻!

琴日夜晚同朋友嚟咗旺角兆萬食韓燒，價錢好抵，只係$238加一就有多元款式餸菜揀擇 。我同朋友都好滿意餐廳嘅五花腩、牛舌同烤牛肉。餐廳將肉醃製得適宜，味道恰好，而且放題時間有2粒鐘，時間充裕，上菜速度亦快, 服務唔錯，所以，呢間餐廳值得我同朋友再嚟！😋😋

好想去食燒肉…要大快朵頤咁食燒肉所以就揀咗平昌食燒肉任食今次我哋揀咗世子plan，咁就有兩個餐牌可以揀 入到去坐位唔算好迫，而且冇乜油煙打開餐牌款式真係唔少雞、豬、牛、海鮮、熟食、串燒都好清晰, 用塊板自己寫式乜嘢感覺都幾環保兩個餐牌加埋淨係牛肉選擇都有十多款，另外仲有豬肉又有十幾款， 食燒肉係今日嘅目的所以 ，我係不斷食不斷食肉嘅顏色睇落都幾新鮮，T骨扒好大塊一放爐就 打卡一流海鮮都常食嘅選擇都有， 蠔、帶子、扇貝、有青口， 店員仲好窩心提醒蠔一定要燒唔可以生食串燒都有唔少，但係我自己我哋就淨係叫咗雞腎同埋雞軟骨，食完一次又再叫一次， 醃料夠味食落甜甜地，不知不覺就食曬一吋， 雞軟骨夠軟裏面冇乜硬骨但係大家要留意啱啱燒起嗰支竹籤都好熱， 諗住拎起食就辣親手， 即刻有水泡仲有唔少熟食 例如鰻魚、炒年糕等……我哋就淨係叫咗鰻魚飲品選擇都算夠有啲無糖茶、又有梳打水食飽周圍望下四周環境見到啲插畫都幾有趣整體嚟講食肉獸會覺得好正下單後食物嚟得好快,兩個鐘係夠食,店員會主動換底板,所以唔會食到有燶味, 下次肉癮起再嚟過

本來1月已經約左朋友食呢間韓燒，可惜疫情原故無得食，難得重開晚市，一定要相約再食過🥳⚜️大君御膳 ⚜️世子御膳大君御膳（$218）可選肉類有牛肉、豬肉、雞肉類，而牛肉有9款，包括LA牛排、調味烤牛肉、辣調味烤牛肉、肥牛片、牛舌、調味牛舌、辣汁肥牛片、牛肋骨肉、照燒肥牛片；豬肉有9款，有豬梅頭、五花肉、豬頸肉等；至於雞肉都有3款！肉類款式都幾多，而各款肉類多數經過調味，所以燒完可以即食，唔洗點醬都好入味🤩🤩以呢個價錢已經可以食到海鮮類（蠔、魷魚、鯖魚、扇貝、虎蝦、鰻魚）性價比好高！海鮮好新鮮，鮮味十足！魷魚爽口彈牙，唔會韌！👍🏻👍🏻淨係食燒肉點夠喉，仲可以叫埋韓國料理，有海鮮蔥餅、炒粉絲、泡菜豬肉鍋、水冷麵等超過10款選擇，樣樣都想食🤪🤪水冷麵口感煙煙韌韌，湯底酸酸甜甜，零舍開胃！最值得一讚係侍應服務超貼心，經常主動幫我地換爐👍🏻👍🏻