幕多

營業中

休息中

醬油蝦濃湯鮮甜 濃郁沙沙的口感蝦油更提香很推薦的蝦湯👍🏻麵條選的是拉麵嚼勁可以 掛湯力也足大蝦兩隻很好吃爽口~ 調味很鮮美剝了外殻的蝦子 還保留到了尾段👏🏻配料的蔥 建議選正常就夠了櫻花蝦該能更突出整體上 完整度以日式拉麵來說確有不足略單薄的蝦湯麵🍜但就港式湯麵而言味道 和足料程度皆很可以至少嚐得出店家的苦功和心思定價上略進取 故期望能更臻完美呢~

Wowwowowow 呢碗拉麵我覺得好好食可能我本身鐘意食海鮮所以岩哂我口味，成碗湯都飲哂蝦湯好鮮甜蝦味好濃郁店員好細心，知道我食琵琶蝦專登俾濕紙巾抹手加38$有小食琵琶蝦都係鮮甜彈牙好食既店係值得人讚賞所以都要打返個好評

一間小小嘅店面，但裝修得好精緻，環境企理舒服，有好多植物同埋裝飾，好似去咗露營咁，好靚～我哋就試咗呢度最出名嘅醬油蝦濃湯麵，食拉麵一定要加隻溏心蛋，咁就係最Perfect嘅組合😋哈哈佢係曲嘅拉麵，食落煙煙韌韌。面頭嗰兩隻大蝦，全部剝晒殼！勁方便，唔使自己剝殼，可以食得出係新鮮嘅，唔係急凍冰鮮蝦，所以好鮮甜煙靭，好味～我哋叫咗店員幫我哋加咗啲蝦油（佢問我哋點解知道有得加🤣🤣我話因為我哋睇咗網上啲人講）雖然好邪惡，但係好香😋 濃郁嘅湯再加埋麵一齊食，正！見到有啲人話麵有浸鹼水味，但係我又唔覺得喎，幾好味，兩啖就食完😂但係糖心蛋個質素有啲參差，我個隻好好彩係流心嘅，但係我朋友嗰隻就煮得太熟咗啲😂Btw啲店員態度都好好好nice!

搬左去元祖鋪對面, 今次第二次黎食, 鋪頭大左一倍有多👍🏼中間3pm 落場, 2pm 左右趕去入座, 今日只提供蝦湯拉麵 (我無所謂, 正正為咗呢個面而再食), 另外追加咗蠔.蠔非常飽滿$38 算抵食蝦湯拉麵 $118 一貫高水準表現, 2 隻蝦都唔細, 仲要剝埋殼, 蝦腸已清 (有人剝殼嘅蝦係最好食🤣)波子汽水 有三款口味, 叫左原味, 仲幫你開埋, 服務👍🏼👍🏼👍🏼👍🏼👍🏼舖頭只收現金, 但無加一下次早啲嚟, 今日冇晒鮑魚, 賣晒🥲如果夾硬要講有咩唔好, 入門口張枱, 攝咗紙皮都係搖搖下, 小問題, 完全唔影響下次嚟再食

📍️小店位置喺小街🍜門面好sharp好吸引😍呢間店超級多人流架👅終於有機會同朋友去試吓😁🦐醬油蝦濃湯拉麵 🌈估唔到佢個湯底會咁濃郁🔥濃到有d似沾麵嘅湯底🤤味道濃郁但絕對唔會口喝✅果然係真材實料呀💯上面仲有鹹鹹香香嘅櫻花蝦😍另一驚喜位係佢嘅醬油蝦係已經幫你剝埋蝦殼添👍食嘅時候啖啖肉又爽口🉐上枱嘅時候店員仲會幫你加啲自己做嘅蝦油🈵令到成碗麵嘅鮮味更上一層樓👍正呀喂🥳🦐醬油蝦濃湯刀削麵 🌈呢度餐牌只主要有三款麵食🍜今次黎度只有主角醬油蝦濃湯拉麵🍤所以另一碗我哋就揀咗另一個麵底刀削麵🔪拉麵同同削麵比較之下🤔我個人更加喜歡佢地有咬口嘅刀削麵喇👍煙煙靭靭嘅口感超正💯加埋一啖濃湯🔥冇得頂呀🥳🦐🐚醬油漬海鮮🌈佢哋呢度嘅醬油漬海鮮同樣做得好出色💯鮮醃味道剛剛好👍唔會因為醃過龍出現苦味 💯食落口仲有小小辛辣味👅好惹味🥳

平日經過成日麵見到多人排隊食，終於今日少人少少既時候，有機會排到隊食。舖頭入面只有6張枱，難怪平時排隊既人龍咁長。一入到去 menu 只有醬油蝦濃湯麵選擇 咁就試下佢la 。我揀左最basic 既拉麵冇加其他野。店員好好碗麵出到黎之後幫我加左d蝦油。碗麵既湯底好香 好濃郁 仲帶有蝦既少少甜味 唔會太咸 。拉麵亦冇太硬或太軟，仲有口感。蝦都好細心咁剝咗蝦殼 令到客人易食 唔洗整污糟雙手，但佢既味道係冬陰功味！令我嚇左一跳🫣湯底真係好出色，齋睇湯底係值得依個價錢。但係如果以一碗麵嚟計，就唔係好值。冬陰功味既蝦完全唔襯碗麵，一食落去破壞咗湯底嘅味道。而且d麵掛唔到湯 就咁夾住d麵嚟食嘅話完全冇蝦既味。總括而言，湯底係超班既，但麵同配料都配唔上佢。作為一碗麵來講，我只可以講係合格。

係一間專食蝦湯拉麵嘅拉麵舖 未入門口已經聞到好濃嘅蝦味傳出嚟一坐低個女仔行埋嚟就話冇豪湯同埋鮑魚湯拉麵 只得蝦拉麵 即係三種湯嘅拉麵只得一種 仲要冇刀削麵，只有普通嗰種拉麵心諗乜都冇，即係只係得返一種蝦拉麵賣咁被迫就只係食嗰款啦 再追加咗個筆記簿同埋兩隻生蠔 就算佢只係得一款蝦湯拉麵 靠呢一款蝦湯拉麵都夠做 真係好食 個蝦味非常濃 仲加咗啲蝦油落去個面度再濃啲 一路食個麵就一路飲湯 變咗最主要喺度不斷飲湯，因為真係太好飲個蝦湯我一向覺得食拉麵或者食湯麵，飲埋個湯係好重味精或者好重鹽味都身體唔太好，一路都唔飲湯的 但係呢個湯係例外真係忍唔住不斷飲過蝦湯 個北寄貝好大嚿好肥 佢係有少少麻辣味道，好香好惹味 個生蠔都係好大件好鮮味 波子汽水有好多口味，比其他居酒屋或者食壽司嘅地方多 有柚子蘋果檸檬原味 呢間拉麵舖只收現金

去到已經見到好多人排緊隊🚶🏼🚶‍♂️排咗大概30-45分鐘入座夜晚八點幾食已經冇咗好多嘢得返蝦湯拉麵可以揀🍜拉麵一嚟到職員就會幫手淋醬油先講吓個湯本來冇expect蝦湯有咩驚喜估唔到佢又真係幾香濃仲有一粒粒嘅蝦仁🍤正過一幻個蝦湯👍🏼對比9分嘅蝦湯個麵條就比較失色😀感覺似韓國嘅所謂拉麵比較硬身😗個蝦肉好結實🍤好似啱啱做完gym嚟🏋️總結:蝦湯一流👍🏼但係會唔會為咗呢碗麵排咁耐就由大家決定啦~環境：💘💘💘味道：💘💘💘💘服務：💘💘💘💘價錢：💘💘💘Encore指數：💘💘💘💘

週末黎到落左橙色閘，心諗又咁好彩🤯再望一望，原來嗰間係前身，依家搬左去對面先岩，仲要唔駛排隊直入🤓食物同服務質素唔錯，不過大概係個湯太過香，加埋近住條後巷，一路食都有好多蚊滋，要搞搞個衛生🤧▪️醬油蝦濃湯麵（8/10）💲118當日店鋪只係做呢一款湯麵，上檯之後就會有專人落蝦油🤫面頭兩隻蝦都已經係剝好左殼，肉質爽彈，食到有啲辛辣幾惹味🌶️個湯頭應該熬製左一段時間，有好濃郁既蝦味，仲有唔少櫻花蝦，尾段感覺較稠膩同埋重口味，但絕對唔係死鹹嗰種😛麵款可以揀拉麵或者刀削麵，我就揀左前者，曲身既都幾掛湯，軟硬度適中🍜▪️溏心蛋（7/10）💲15睇相有人嗰啲係全熟，但我呢隻係全流心，一咬啲蛋漿噴曬出黎，呢hea到無影橫切面，但蛋香就差咁少少🫣🔎 整體評分（8/10）

兩個人求其搵，又好耐無食拉麵，試一試！真係估佢唔到！蝦望落普通無特別！重諗，咬一啖吾得就算 ～ 點知，不但肉質彈牙，鮮甜，個蝦頭重要係非常入味，但個種鮮味又吾同個湯底喎，湯底濃郁鮮甜，真係超出預期！重有個隻糖心蛋就！由料、麵、湯全碗好味過好多嘜嘜過江龍多多聲，其實係咪穩世小店只係我哋兩個小去嗰區搵食？香港真係重有好多用心嘅美食，好感動！多謝仍然堅持制作美食嘅你哋！

⭕️短評：尖沙咀漆咸圍內街不起眼的位置，隱藏了這間小小的拉麵店，但仍持續有排隊的人龍，看來有一定的質素，一入店，濃郁蝦味已撲鼻而來。果然，蝦湯湯頭是吃過之中數一數二濃厚，加上蝦頭油，令蝦味很突出。蝦湯可媲美大坑拉X來，或附近的海三X麵，非常好。但，麵不夠掛湯，其他配料也普普通通，配不上這麼好的蝦湯。💵Budget: $150 pp📍 幕多 尖沙咀漆咸圍1-3號多福大廈地下A號舖=====================

一到12點,準時入座,一入店舖,被香濃既蝦湯味包圍住,好蝦者一定好幸福.order 咗一位蝦拉麵,聽到店住一碗碗blend,大約幾分鐘就到第一啖湯好濃,好香蝦膏味,重蝦既油脂味,海鮮咸香味,唔知係咪因為加咗啲蝦油.咸度對我嚟講適中.拉麵亦都好彈口.蝦有兩隻,蝦本身有調味,少少日式醬油辛辣調味,新鮮,彈牙肉質我基本清曬個湯底去.食完有六七成飽.總結來講,我自己就好滿足,好鍾意.一定會番來試其他口味！！

店舖款式不多，但做好一樣已經可以作為主打食物，令人回味無窮。見到店主嘅用心製作，每位客人都食得好滋味，連湯都飲埋😋蝦湯是純天然，沒有放味精。蝦湯裏都加了自家烹調過的特別醬油，能夠帶出蝦獨有鮮甜味。▪️醬油蝦濃湯麵($118)🍜湯底用大量鮮蝦殼熬製，食得出湯底熬左好耐🤩湯底會加入攪碎嘅蝦肉，再灑上櫻花蝦，所以好濃好creamy。上枱時仲會幫客人加蝦油提鮮！增加鹹香風味，鮮蝦湯底更加香濃😋重點係會剝埋蝦殼，等客人食得方便~蝦肉還很彈牙，味道鮮甜！▪️蝦(+$38)🦐醬油漬海鮮容易過度醃漬，變得有苦味。但呢到嘅海鮮醃得剛剛好。又帶有辣椒微微的辛辣味，味道很有層次！▪️聖子(是日精選)(+$38)店員介紹左聖子俾我，果然好新鮮十分彈牙。▪️溏心蛋(+$15)🥚蛋黃帶橙紅色，而且十分大隻，食上黎十分滿足。▪️波子汽水(+$20)🧊超耐冇玩過可以自己整粒波子落去嘅波子汽水！揀左桃味，而且包裝都好靚💖.✍🏻整體:中意食蝦同飲濃湯嘅一定要黎試！就算平日嘅晚餐時間都好多人黎食🤩係一間用心製作嘅拉麵店✨

星期日下晝兩點幾去食，都要排一陣隊。環境都算舒適，服務態度OK可能當日晏去到，已經冇晒其他選擇，只有佢最出名嘅蝦拉麵，不過本身就係衝着呢碗拉麵去，所以冇乜失望感覺我覺得係香港最好食嘅蝦拉麵😋價錢$13x 係有少少貴~但真係好好食湯底超級濃，有好多櫻花蝦而主菜蝦又非常大隻，而且剝咗殼😆😆上菜後，佢再幫我哋加咗蝦油，令湯底更濃郁如果唯一要挑剔，就係佢隻糖心蛋麻麻哋，有啲熟得滯🥹鍾意食蝦味拉麵嘅拉麵愛好者，絕對要去試!!

下午兩點飯市後，唔使排隊，一飲湯底已經知道係誠意之作，好好味濃郁豐厚蝦size夠大，口感彈牙，夠新鮮，仲要已經剝好殼蠔的size都唔小，而且是凍食，個汁好香可惜今日無鮑魚同海螺，試唔到，下次再試🤭之前見有人post話服務態度差，但我覺得無乜問題，我唔識開佢個門就有個女仔由𥚃面出嚟幫我開，好溫文咁問我想坐邊同比menus 我落order。疑似靚仔老闆收order，我見佢對其他客人都好好，仲會幫客人開門，又會同客人查詢好唔好食，我真心覺得服務態度ok喎！支持小店經營，老闆加油💪