幕多

我非常喜歡吃拉麵坊間有不少出名的過江龍也未能得我歡心！早前吃過一間非常用心的本地小店，品嚐到店家用心的真材實料好味道。拉麵店位處尖沙咀漆咸圍內的幕多！擁有超養眼的紅色店面行過絕對不會錯過的。這天下午兩時許來到仍然全店滿座！幸運的是未有人龍所以等了約10分鐘便可入座，期間店員先給我們餐牌點選食品，餐牌內容非常簡單絕對是吃專注。店內設有十多個座位於拉麵店來說算坐得挺舒適，放在檯面的貨櫃紙巾盒也勁可愛啊。拉麵店每日也有精選美食這天有蟶子及貴妃蚌，實在太合我們口味一於全點上。不消一會所點美食全部來到我們面前！肚子已經非常雀躍地打鼓我們也不客氣要大快朵頤了。精選海鮮小食各$38/份全以醬油來調味！貴妃蚌和蟶子也沒有華麗賣相，看似簡單但吃下爽口彈牙加上幽幽的醬油提鮮是好吃的。拉麵獨孤一味只售醬油蝦濃湯麵$118但足以令我回味無窮。拉麵上檯的時候會在席前淋上自家提煉的蝦油！紅彤彤的色澤非常亮麗有了它能增味添香不可多得的小確幸。先呷口用上超過40斤的蝦來炮製的濃湯！濃稠的口感令嘴巴充斥幸福感，超鮮香確實真材實料是沒法輸味道。溏心蛋$16/隻浸得夠入味蛋香也迷人！橙紅色的蛋黃流心程度挺合我們心意，雖然不便宜但絕對不錯吃。店家採用日本曲麵喜歡它沒有討厭的鹼水味！軟硬適中的口感吃得我非常愜意。拉麵內附上三隻已去殼的醬油蝦所以吃得特別暢快！點到即止的醬油香加上新鮮爽彈口感帶來滿分鮮味。有質素的拉麵店絕對值得連湯也喝光！幕多是少數我會清碗的其中的一間。只是百多元一碗的拉麵有這樣高質素，吃得出老闆非常用心去炮製，希望小店越做越旺生意興隆我們才可長吃長有喔。…查看更多

一直久仰大名，終於有機會試！排咗約半個鐘終於入到去，途中店員仲好貼心咁提供水，感覺好窩心。🍜拉麵方面，賣相靚到可以打卡，記得一定要加蝦頭！第一啖已經感受到超濃郁嘅蝦味，湯底掛汁力強，拉麵彈牙，蝦肉結實有咬口，唔係腍啤啤嗰種，仲有調味過，整體非常出色。雖然食到尾段會有少少漏，但濃郁程度真係令人接受到，仲想再食！🦪除咗拉麵，佢嘅醬油海鮮都好有驚喜。今次叫咗蠔子同蠔，個人比較鍾意蠔，淡淡海鮮醬油味唔會搶走蠔本身嘅鮮味，聖子亦都好爽彈～不過如果唔太接受蠔味嘅朋友就要留意。⚠️小提醒：如果有蝦籽敏感要小心，我食完之後有少少敏感反應…但真材實料，味道好到我下次都仲想再挑戰一次！…查看更多

✿醬油蝦濃湯麵 $118上枱時店員會係面前淋上一圈蝦油,助攻令成碗拉麵更有層次🆙😝湯底蝦鮮味突出入口濃郁,質地有種奶泡感🍜不過非重口味人士,或許會覺得頗鹹🤓蝦身貼心地剝左殼,肉質爽彈🦐雖然麵質相對普通🥢但衝著蝦濃湯而來的人,相信絕對滿意🧡…查看更多

今日專登去試呢間人氣拉麵店，一入到去已經聞到超香蝦湯味！佢哋嘅醬油蝦濃湯拉麵（$128）湯底真係不得了，用咗大量蝦頭蝦殼熬製，濃郁到掛係麵條上每一啖都係蝦嘅鮮甜！麵質揀咗中太麵，咬口十足又掛湯，仲有兩隻超大醬油蝦，蝦肉爽彈仲帶淡淡醬油香，絕對係真材實料😍配料都有驚喜～慢煮叉燒入口即化，溏心蛋流心效果完美，仲有紫菜同蔥花提鮮！成碗麵由頭飲到尾都唔會過鹹，反而有種深沉嘅鮮味回甘，鍾意蝦湯嘅朋友一定會愛上！總括來講絕對係香港數一數二嘅蝦湯拉麵，雖然價錢中上但質素對得住價錢，一定會再encore！👏…查看更多

人氣醬油蝦濃湯拉麵，晚餐時間去到已經見到門口排長龍，好彩等咗半個鐘就入到去。雖然要等，但有侍應出嚟送嘢飲比排緊隊嘅客人，又有得飲住等，感覺好貼心。枱上拉麵時蝦香撲鼻，侍應仲會即場淋蝦油，非常香，湯底入口濃郁，蝦鮮味超突出，飲落好有層次。拉麵質感普通，唔太彈牙，掛汁力尚算唔錯，每啖都食到湯底精華。配料有三隻大蝦，肉質爽彈鮮甜的，冇雪味但食落感覺似係冰鮮蝦；溏心蛋就比較失色，唔夠入味同唔太流心。食到一半覺得有點膩，食唔哂麵，但都忍唔住飲哂全部湯。拉麵嘅重點係個蝦湯，好鮮味，但拉麵同配料就有改善空間。…查看更多