幕多

營業中

休息中

朋友request 試試呢間舖見openrice無水軍攻擊又食評ok 過黎試試星期日晚6點去到門口係後街排左10張檯2人檯左右共排左50分鐘，後街算幾乾淨，無小動物期間有staff出黎問你飲唔飲sparkling清酒同客互動，又有派水所以感覺都唔錯，排得唔辛苦入到店內 座位比較迫坐得近嘅關係感覺嘈雜左少少2人叫左2個拉麵，原拉麵已有蝦，118，可以加餸，每款+38左右，7點入座，已經有1款是日精選賣完青口同蠔size 份量如圖味道黎講湯底有心機煲嘅拉麵口感ok蝦唔算新鮮唔彈牙蠔大隻但唔入味青口，有青椒，所以少辣但唔係隻隻辣辣度唔平均行過見到無人排可以一食但唔太值得登排一個鐘

幕多雖然只售賣一款湯麵🍜但單憑這碗麵就足以令其一炮而紅💥每天都吸引大批食客前來大排長龍👯‍♂️一嘗這份小店匠心獨運的味道💌———————————————————————湯麵一上枱經已蝦香撲鼻🦐食用前店員還會在食客面前淋上蝦油😳令香氣再得以進一步提升⬆️湯底質地非常濃稠，蝦鮮味極級濃郁🤩但不會太鹹太油膩👌🏻重口味得來又不會令人吃不消，調味上平衡得恰到好處👍🏻即使把湯底喝光也不會口渴😇而湯麵上的三隻醬油蝦size正常，蝦頭部分有少許蝦膏🤌🏻而且蝦身部分經已去殼，啖啖肉方便進食🥹其心思值得一讚👍🏻但蝦肉的醬油味道就比較淡🫢只有少許甜味，欠缺醬油的鹹鮮味🤔而且蝦肉肉質略嫌過分實淨，影響了口感🙁追加帆立貝和鮑魚十分鮮味😚肉質鮮嫩爽彈，未有如醬油蝦般質感太韌的情況出現🤓但同樣醬油味偏淡，調味方面可以重手一點🤨———————————————————————另外值得一提的是在排隊期間，店員不時會向食客提供酒類和樽裝水🥂這種關心客人的舉動絕對是難得一見🥰雖然幕多的出品未算最完美，但這次光顧令我深深感受到這間小店的心思和熱誠💕這份匠人精神實在值得敬佩🫡

《幕多》醬油蝦🦐濃湯麵 🍜📍尖沙咀漆咸圍1-3號多福大廈地下A號舖呢間店應該都不用多介紹，求其網上 search 一下，都大把網民，大把 Youtuber 介紹過。我都唔係第一次食，不過之前冇寫食評，今次補返。以下係食評：香味 (4/5)個蝦🦐湯本身都夠晒香，上碟時，仲會額外响個客面前加蝦油。香味撲鼻，都冇得輸。稍稍可以挑剔一下係，除左蝦味就聞唔到其他味了，少了點層次感。湯 (4/5)就好似個名咁，真係相當濃郁嘅蝦湯，鹹度剛剛好唔會過鹹，creamy，濃稠，好好味。醬油味基本上比個蝦味冚左，只有薄薄嘅醬油味，唔係話好覺。麵條 (3/5)我就麻麻地鍾意。中細直麵，個麵煮到偏腍，配埋個相當濃稠嘅湯，口感糊糊地。配料 (5/5)呢個價格，配三隻中size嘅鮮蝦，又新鮮，肉又結實，仲要剝埋蝦殻，近乎係完美。基於人貪得無厭嘅心態，我會諗，如果多塊豬叉燒就真係完美喇，不過因為呢碗係蝦拉麵，我就諗吓算了，冇因為咁扣分。另外加左 $38 追加左醬油蠔，有兩隻，新鮮，肉嫩，鮮甜，又係近乎完美。整體 - 值得推薦 👍👍👍👍 基本上，無論你對拉麵要求有幾高，如果你食過呢碗麵，我相信你都會相當滿意。

睇到YouTube嘅飲食節目，介紹呢間餐廳嘅［醬油蝦濃湯麵］好食，主持人訪問老闆時提到佢哋每日人手剝40斤蝦，再炒香蝦殼熬製出濃湯底，而每日限賣180碗，賣晒就要第二日㗎喇！主持人又提到每日都大排長龍，如果嚟食就要早少少嚟排隊。於是我就心郁郁想嚟試吓。今日放假就叫埋老公一齊嚟食，嚟到好彩等咗大約半個鐘就可以入坐，差唔多入座前，店員就比咗張卡我哋點食物。我哋點咗兩碗［醬油蝦濃湯拉麵］，一個追加醬油小食［生蠔］，一個追加是日精選［帆立貝］，一坐低好快就嚟食物，店員一放低碗麵，就去攞壺蝦油淋喺碗麵上面，店員一走開，我就急不及待試吓佢個蝦湯底，湯底香味濃郁，果然真材實料，啲蝦已經剝咗殼，食得好方便，蝦身爽彈鮮甜，拉麵軟硬到適中，好食！醬油生蠔：肥美，味道鮮甜，配搭埋醬油汁食更鮮甜可口。帆立貝：味道鮮甜，口感豐富。整體環境比較細，座位比較迫，食物質素係好食嘅，值得推介！

Save低咗好耐嘅蝦湯拉麵見OpenRice 寫有落場時間成日太遲起身都嚟唔到😂今次問咗員工，佢哋話而家都冇落場時間🫨🫨下晝2:00去到，等咗半個鐘就入到去等嘅時候佢哋仲派水同埋清酒🍶超好🥰😍🦐醬油蝦濃湯麵 $118碗麵嚟到會即刻淋啲蝦油上去🤤🤤湯底係濃稠嗰款，感覺有啲似擔擔麵😆可能因為咁佢都會比較濃味，未必個個都鍾意超欣賞佢啲蝦係剝咗殼🤣啱晒啲懶人嗰啲蝦都好爽身，有咬口😋味道係唔錯，喺第二度食唔到同樣味道，值得一試👌🏽🦐醬油糖心蛋 $15/1隻半熟程度啱啱好，真係做到流心效果😋😋😋食拉麵點可以冇糖心蛋😌必叫🦐醬油蠔 $38/2隻蠔嘅大細適中，但係醬油味道一般🦐醬油蟶子 $38/1隻嗰日嘅是日精選係蟶子，唔係超大隻，普通👌🏽

真係行運呀，竟然唔駛排隊，蝦味濃湯麵，網上話老闆每日人手剝40斤蝦，再炒香熬製濃蝦湯底，所以每日限賣180碗，賣晒就無架喇，勁矜貴❤️果然真材實料，飲咗大半碗湯都無乜口渴😋隨麵附送嘅醬油蝦因為已經剝咗殼，所以可以食得好有儀態🤭另外每日限定嘅醬油貴妃蚌都好新鮮🤤

今次嚟到慕名嚟到呢間喺尖沙咀嘅人氣蝦湯底拉麵店。由於知道要排隊，所以來之前已經食定少少嘢打底。今次到店嘅時間係星期六下午12點幾，前面都有大約10個人排隊，排隊嘅位置有簷蓬遮住太陽，亦有少量座位供排隊客休息。總共等咗大約半個鐘就可以入座。今次試咗佢嘅招牌濃蝦湯底拉麵，店員喺出餐嘅時候會喺拉麵上面淋上蝦油，過程中已經散發出香濃嘅蝦香味，拉麵嘅蝦係用醬油浸過的基圍蝦，蝦頭嘅蝦膏好食，而蝦肉嘅口感亦爽口新鮮。另外我哋亦都有嗌兩款醬油小食，分別係鮑魚同蜆，都浸得入味，而且口感煙韌，整體嚟講算合格。但店舖面積不大位置不多，所以如果繁忙時間到店你要有心理準備要排隊

同朋友大概七點到，等左十分鐘就有位，都幾好彩🤣等位途中店員攞水俾我地飲，好貼心🫶🏻💕醬油蝦濃湯拉麵一上檯已經聞到好香蝦湯味，店員淋蝦油既畫面真係期待值拉滿🥰食落都冇令人失望，蝦湯好濃郁好好飲，拉麵口感都唔錯，最鍾意係面頭既三隻海蝦，剝好咗殼好方便，肉質紮實味道新鮮👍額外加既溏心蛋都好好味，夠入味蛋香亦十足🥰💕醬油蠔店員話因為啲蠔細啲所以比咗兩隻，感覺因為size細咗食落相對鹹啲，醬油味淡啲啲會更好，不過隻蠔都好厚肉好香蠔味，所以都滿意👍

朋友大約7:10度去到，前面有3,4張枱等緊我諗我哋都等咗2x公鐘，不過有位坐住等同涼涼地都ok等位期間老闆會問大家想飲清酒定水仲會時不時出黎添酒😂•麵款有拉麵/刀削麵揀，我哋都揀咗拉麵醬油蝦濃湯麵 ($118)個湯好濃，好好飲拉麵口感都適中最好係唔使剝蝦殼😂好岩我呢d懶鬼•我哋2個都加咗醬油蠔 ($38）明明見人哋d相得一隻，唔知係唔係賣到尾/無平時咁大隻，所以每人有2隻蠔好肥美，不過醬油未算好突出•朋友加咗溏心蛋 ($15)佢話好好味，真係好流心！•總括黎講唔錯，老闆員工都好nice仲有無限添飲清酒😂，好正！可以一試不過未值得要排好耐隊去食

估唔到尖沙咀有間以蝦湯底為名嘅拉麵好彩星期日二點左右只係排咗幾分鐘就有位我見到都不停有人排拉麵只有一款可以追加小食但種類唔多蝦湯底勁濃配少少辣油味道好惹味蝦又彈仲要拆埋殼加多$15有糖心蛋以拉麵黎講都幾高CP如果有D荀free蛋會再開心少少

位於尖沙咀的幕多，店舖小小✨好受歡迎～經常有人龍。餐廳只係主打一款湯底，就係🦐醬油蝦濃湯🦐麵款就可以揀拉麵或者刀削麵🥢另外有醬油小食～蝦，溏心蛋、鮑魚同是日精選，今次試到嘅北寄貝讚讚！好鮮味，配搭自家辣椒醬油好有風味( ˙༥˙ )bookmark咗一段時間꒰ ⸝⸝ɞ̴̶̷ ·̮ ɞ̴̶̷⸝⸝꒱一試冇失望！係非常濃郁的蝦湯👅口感濃稠，上枱後店員會淋上蝦油，蝦香味UPUPUP(๑•̀‧̫•́๑)而且蝦係剝好殼，更方便享用。～🤤

在最近一次的用餐體驗中，我點了一碗蝦湯麵，對於這道菜的期待卻徹底落空。首先，價格實在過於高昂，卻只提供了少得可憐的分量，不論麵還是配料。如果味道好，也可以彌補價錢，份量的問題。可惜，湯底的味道讓我感到失望，外表仿佛是白色嘔吐物般，毫無蝦的鮮味可言，而食完卻極度口乾，這是的味精帶來的反應嗎？其他地方食拉麵從未出現這反應。更糟的是，另點的蟶子裡竟然還有沙，這讓我對食材的處理質疑重重。這樣的蝦湯麵，真讓人難以啖口，令人失望至極。整體而言，這碗蝦湯麵不僅貴且量少，還伴隨著讓人作嘔的外表，完全不符合它的標價。這樣的餐廳實在不值得我再光顧，對於追求美食的我來說，這無疑是一場浪費時間與金錢的失望之旅。聽友人說從前不是這樣的，難道這是倒閉的前奏嗎？

無意中發現呢間隱世小店，見到裝修好靚好特別，就入去試吓。入到嚟好懷舊，以紅色為主，好chill好寫意嘅小店。店員超級nice！Menu好簡單，只有一款湯底：醬油蝦濃湯，可以揀拉麵或刀削麵底，我哋就揀咗各一。第一啖一定係試湯底先，好濃郁嘅蝦味，因為湯底係由蝦頭每日新鮮熬成嘅，真材實料，好有驚喜！本人覺得配拉麵感覺完美啲，因為比較掛湯。我哋連成碗湯都飲埋。Menu另外就係signature 嘅醬油海鮮。除咗menu上嘅蝦，鮑魚同海螺，佢哋仲有每日精選嘅海鮮，我哋就揀咗鮑魚、蟶子、生蠔同埋北寄貝。一食真係不得了，鮑魚勁爽口，蟶子同北寄貝勁鮮甜又爽口，生蠔好大隻又creamy，醬油咸度啱啱好又唔會搶咗啲鮮味，好味到我哋要encore！好耐冇食過咁驚喜嘅小店，可以無限次番嚟！

終於冷靜落嚟，話說大概在一個月前我與朋友來到這裏食龍蝦拉麵。老實說我覺得很好食。我的朋友額外叫多了一隻鮑魚，鮑魚上來的時候是原隻上。我的朋友突然之間在進食的途中，佢咬不開鮑魚，然後卡在喉嚨中間，驚動了全間舖頭，我們與舖頭的職員說叫救護車。然後我哋其他朋友盡全力協助這位被哽親的朋友，希望鮑魚可以吐出來，但也是徒勞無功。差不多過了2分鐘我的朋友面青，而且嘴唇發紫，因為呼吸已經很辛苦了！幸好其中一位食客有急救的協助，讓我朋友的鮑魚終於吐出來。當大家冷靜下來的時候，舖頭的人說原來沒有叫白車！也問我的那位剛逃出死門關的朋友有沒有買保險，他的仔買保險！OMG! 大家都未冷靜下來，叫我的朋友買保險! 第二原來他們一直沒有叫白車!如果我的朋友一直哽親呼吸不了，會不會很危險？希望這個店可以把鮑魚切開，而且把客人為優先！客人也是一條生命來的！其實叫一個救護車有多難？也不要在人在生死之後問人有沒有買保險？會不會有一點黑心？你的東西有多好吃也沒有用了。

週五放工去到7點，已經好多人排隊，見d人唔走，就知道值得等啦！菜單極簡單，去到只有一款湯底，只需要揀麵款，配菜多少同加唔加小食搞店侍應會連埋個蝦油一齊帶過黎係你面前落，個湯底真係好濃郁嘅蝦味，連d拉麵好入味，仲要好貼心唔洗剝蝦，非常鮮甜，湯底都幾乎飲晒仲叫左個小食，冇晒蠔就揀左個是日精選同鮑魚，真係好好食，鮮甜，食得出真係用心去整，下次黎會試晒d小食