影片
更多
2007-10-18
357 瀏覽
睇咗佢哋廣告做緊「Dreyer’s雪糕+草莓Tea Buffet」，睇落好吸引，同埋好耐以前都去過食Lunch Buffet，都記得食物同環境唔錯，加埋簽中銀卡有半價，於是上星期六走去試試，點知呻晒笨囉！個自助餐講明「Dreyer’s雪糕+草莓Tea Buffet」，廣告都好清楚寫明有五款雪糕（杏仁、曲奇妙趣、草莓、薄荷朱古力、石板街），但大部份時間都係得三款（曲奇妙趣、士多啤梨、石板街），後尾問侍應同廚師，先拎多一款（杏仁），依度已經搵鬼笨！跟住Ｄ甜品仲勁搵笨，雖然有近十款，但真係以草莓（士多啤梨）做主餡就真係得兩款（士多啤梨朱古力撻同士多啤梨啫喱），其他如白朱古力蛋糕、鮮果忌廉蛋糕只係裝飾上加咗Ｄ士多啤梨！總之，全部甜品都係好一般，仲諗住有三幾款芝士餅之類或慕絲餅，可惜，完全欠奉！廣告中仲話有幾款特色甜品（特色炸雪糕、特色班戟同雜莓雪糕窩夫），前兩者隱咗形，完全唔見，而雜莓雪糕窩夫要食咗半場，向侍應追問幾次先至有個師傅哩整窩夫，配雪糕就自便，但雜莓就欠奉喇，凈係得Ｄ朱古力醬同士多啤梨醬！老實講，哩個雪糕窩夫係全場至好食嘅甜品喇！一來窩夫即做，夠香夠軟熟，配Dreyer’s雪糕，冰火
個自助餐講明「Dreyer’s雪糕+草莓Tea Buffet」，廣告都好清楚寫明有五款雪糕（杏仁、曲奇妙趣、草莓、薄荷朱古力、石板街），但大部份時間都係得三款（曲奇妙趣、士多啤梨、石板街），後尾問侍應同廚師，先拎多一款（杏仁），依度已經搵鬼笨！跟住Ｄ甜品仲勁搵笨，雖然有近十款，但真係以草莓（士多啤梨）做主餡就真係得兩款（士多啤梨朱古力撻同士多啤梨啫喱），其他如白朱古力蛋糕、鮮果忌廉蛋糕只係裝飾上加咗Ｄ士多啤梨！總之，全部甜品都係好一般，仲諗住有三幾款芝士餅之類或慕絲餅，可惜，完全欠奉！
廣告中仲話有幾款特色甜品（特色炸雪糕、特色班戟同雜莓雪糕窩夫），前兩者隱咗形，完全唔見，而雜莓雪糕窩夫要食咗半場，向侍應追問幾次先至有個師傅哩整窩夫，配雪糕就自便，但雜莓就欠奉喇，凈係得Ｄ朱古力醬同士多啤梨醬！老實講，哩個雪糕窩夫係全場至好食嘅甜品喇！一來窩夫即做，夠香夠軟熟，配Dreyer’s雪糕，冰火口感，爽呀！Dreyer’s嘅杏仁同士多啤梨味又真係幾好食，因為杏仁雪糕裹面Ｄ果仁確係夠香脆，而士多啤梨雪糕裹面加添大大粒果肉，食落滋味好多。
至於其他食物一樣好唔掂，熱盤方面，炒飯Ｄ飯粒乾到硬，但Ｄ意粉又煮到好腍好爛，係得番個波菜撻好Ｄ外，都算無啖好食！而冷盤方面，沙律同肉腸都ＯＫ嘅，但Ｄ迷你法包中，有一款係三文魚法包，只係一開始出過一次就再無補充，而食落好唔新鮮，相信似係Lunch Buffet凈番繼續擺係Tea Buffet度俾客食！
佢哋仲有個即煮麵檔，諗住衰極有個譜，點知食落Ｄ材料麻麻地就唔在講，最搞鬼係Ｄ湯睇落夠色水，食落完全無味，俾佢呃晒！仲有個任飲陷阱，係就係任飲果汁汽水，但另外俾錢，坐低時侍應就唔會特別主動同你講，個價錢牌又唔算話好明顯，好易中招！
總之就非常失望，做半價抵都無用啦，食完成個老襯樣咁。
張貼
