影片
更多
2007-09-28
197 瀏覽
估唔到咁大集團，咁大間酒店，都係靠唔住既．朋友收到電郵，星期一至四晚上食自助餐，優惠價$178(未計加一)每位，大酒店，都OK啦，於是昨日星期四就一行三人出發．由天橋那門口入酒店，唔熟既都唔知係酒店既入口，因為裝修既關係，攪到十足十成個地盤咁，算啦，反正都係去食野，出面裝修唔怪得佢，但係，比人感覺就唔好囉．入到去，都幾多人，但唔算太迫，可以接受．食物種類都算多，而且好快就會添加，服務都幾好，有禮貌，又好親切．煎鵝肝漢堡：味道唔錯，但太多油了．車仔麵：叫左一碗河粉，加菜，牛根．但我們三人不約而同都聞到有好濃烈粽子既味道，無打錯字，正正係端午節食既粽子既味道．魚生：都算合格，但唔新鮮，尤其三文魚，睇見都唔敢食，怕肚痛．咖哩牛腩：夠味，軟熟，小辣．鐵板牛仔肉：每位一客，由侍應分派，五成熟，好鬆化，可能落左好多梳打粉，而且超級多油．蛋糕：酒店黎講就唔惦喇，唔可能咁大間酒店，出品既蛋糕就好似茶餐廳既質數．(唔係話茶餐廳既蛋糕唔惦，只不過茶餐廳既蛋糕，唔會要求高，唔好食既都情有可原）冷麵：有驚喜，可惜發現得太遲了，走寶．（各位有機會去呢度既時候，本人極力推介，一定要食冷天使麵）青口：好鮮甜．好了，
朋友收到電郵，星期一至四晚上食自助餐，優惠價$178(未計加一)每位，大酒店，都OK啦，於是昨日星期四就一行三人出發．
由天橋那門口入酒店，唔熟既都唔知係酒店既入口，因為裝修既關係，攪到十足十成個地盤咁，算啦，反正都係去食野，出面裝修唔怪得佢，但係，比人感覺就唔好囉．
入到去，都幾多人，但唔算太迫，可以接受．
食物種類都算多，而且好快就會添加，服務都幾好，有禮貌，又好親切．
煎鵝肝漢堡：味道唔錯，但太多油了．
車仔麵：叫左一碗河粉，加菜，牛根．但我們三人不約而同都聞到有好濃烈粽子既味道，無打錯字，正正係端午節食既粽子既味道．
魚生：都算合格，但唔新鮮，尤其三文魚，睇見都唔敢食，怕肚痛．
咖哩牛腩：夠味，軟熟，小辣．
鐵板牛仔肉：每位一客，由侍應分派，五成熟，好鬆化，可能落左好多梳打粉，而且超級多油．
蛋糕：酒店黎講就唔惦喇，唔可能咁大間酒店，出品既蛋糕就好似茶餐廳既質數．(唔係話茶餐廳既蛋糕唔惦，只不過茶餐廳既蛋糕，唔會要求高，唔好食既都情有可原）
冷麵：有驚喜，可惜發現得太遲了，走寶．（各位有機會去呢度既時候，本人極力推介，一定要食冷天使麵）
青口：好鮮甜．
好了，入正題，在大堂正正中間，放左好多食物，而食物之中，有兩張桌子放了好多不同款式既飲品，起初經過見到有飲品，本來打算先取一杯，但由於手中有一碟食物，於是打算先回坐位，再出去取飲品．
回到座位既時候，朋友向我說，原來飲品要另外收錢的．($44 + $8.8 = $52.8 一位)．再仔細出去那桌子一看，原來有一張A4紙般大的紙牌，背景很鮮艷，其中寫著是另外收費．當然這沒有存心欺騙，但是，整個晚上，我眼見"中計"的人，不下十個．很多人都是看到飲品，但馬上拿杯子去取喜歡的飲品，根本不為意那紙板上寫什麼．我在想，當然這是自己的選擇，看不到，便是自己的錯，但是，既然要另外收費，為什麼不放在旁邊，而要放在食物的正中央既？
這一點也是小事，只怪自己沒有睇清楚，但戲肉來了．．．
埋單的時候，侍應將賬單拿到我們面前，我們三個人，其中一位要了飲品，看看賬單，竟然是八百多元．
我心算出，每位就算二百五十元，都係七百五十元之嘛，點解會收到八百多？問侍應幾多錢一位，佢話係二百九十八蚊一位．我連忙向他說，我收到你公司的電郵，是一百七十八元一位，為什麼現在要收我們二百九十八元一位？
那侍應回答：會唔會你地記錯左？又會唔會係另一間富豪酒店，而唔係我地呢間？會唔會你地收到另一間酒店既電郵，以為係我地呢間？
我地好肯定咁同佢講，一定係你地呢間富豪酒店，我地知道大概都係二百元左右，我地先會黎．
我地態度好強硬，無合理解釋，堅持唔會比錢，於是那侍應答應幫我們去查單．
如是者等左五分鐘左右，那侍應回來，給我們賬單，收費是$676.2，每位$178 另加一小費，總算合理．付錢走人．
我平時都唔會查單，尤其咁大間酒店，估佢都唔會呃錢卦，如果好似我咁，唔睇既話，白白無左二百元．天啊！！！
有單有據，無屈佢．
日期：2007年9月27日晚上19:39至21:40
人數：三位
收銀員：SXXXXX
張貼