帕維亞意大利餐廳

營業中

休息中

坐低唔夠兩分鐘，就有籃香噴噴熱辣辣既麵包上枱🥖🧈首先講下蒜茸包，香脆唔在講，可以做到面脆中間軟熟，外脆內軟又香口！個芝麻包同樣做到外脆內軟，中間加塊凍冰冰既牛油🧈，冰火芝麻包，好似食緊零糖份菠蘿油咁！前菜芝士焗紐西蘭青口🧀青口隻隻都大大隻咁，面頭芝士脆口，下面溶左既芝士juicy，青口鮮甜，脆口、juicy、鮮甜同一時間刺激味蕾真係冇得輸！其他芝士味唔算超級重，少少芝士既咸香，帶出青口既鮮甜同海鮮味，由於我覺得青口好食得有D過份，所以一問老闆娘之下，發現原來佢地係用新鮮既青口黎焗，所以隻青口好食到咁！意大利帶子牛肝菌雲吞🇮🇹🥟無論係香港/英國/法國我都食過聲稱最出名既意大利雲吞，但真係…..可能全純厚皮意大利雲吞唔係好岩我個人口味，但係！Pavia既意大利雲吞黎個大反轉，採用又薄又煙靭既雲吞皮，內餡有粒粒帶子，加埋極香既牛肝菌忌廉汁，令我第一次對意大利雲吞有好感👏🏻👏🏻🙌🏻主菜燒澳洲牛肋骨 約500-600g (2人)通常牛一上枱，我會即刻用叉輕輕力按下舊牛，睇下佢會唔會太生/熟，一按，就知廚師高手，係最好食既medium rare!再望下舊牛，靚到好似牛扒咁，二話不說切開佢，一放入口

出九龍城食飯，刻板印象都係去食泰國菜。而坐落喺打鼓嶺道嘅帕維亞餐廳，默默地專注做意大利菜接近十年。品質口碑一直唔錯，不缺乏一班棒場熟客。牛油果大蝦沙律頭盤先嚟一客沙律，牛油果揀得靚，口感豐厚十足。大蝦已經拆殼準備細心。Olive Oil 加上黑醋嘅沙律開胃得嚟味道冇得輸。意式酥炸魷魚圈送酒一流嘅小食，每一塊魷魚圈口感都彈牙十足，薄脆帶陣陣鹹香嘅味道，加上炸粉唔厚值得加分。食到停唔到口嘅反應非常基本。忌廉龍蝦湯餐湯係最愛嘅龍蝦湯，忌廉味唔算太重，口感好厚好creamy, 龍蝦似都十分足料！燒美國頂級肉眼扒Grill 出嚟嘅肉眼扒香味撲鼻，三成生熟度控制得宜，肉汁方面鎖得非常出色。side dish 係燒秋葵同即製嘅手打薯蓉，誠意十足。

今日帶女朋友去九龍城食西餐，入到去裝修都有西式既感覺，座位坐得舒服夠闊，牆上有「廚師推介」，而餐牌都有好多不同既食物，一開始上左餐包，有蒜蓉包及芝麻包，包既溫度都夠熱，之後上左一份意式簿切生牛肉、牛肉的質地鮮嫩，配上芝士及菜，獨特的口味體驗，讓人回味無窮。再上左一道南瓜蟹肉湯，湯有濃濃的南瓜味道，但蟹肉的味道就比較淡，不過湯的質地柔滑，入口即化，最重要湯夠熱，暖胃又好飲。主食係帶子意大利飯，意大利飯既口感係偏硬，粒粒分明，帶子的鮮美，質感都好好，唔會柴口，飯既汁都好濃厚，份量都好足夠。再黎係一份牛仔扒，牛肉的選擇十分重要，廚師同我地講係用小牛既肉，而這道菜品中的牛肉質地鮮嫩多汁，入口即化。搭配上醬汁和薯蓉，錦上添花，可以一試。最後，叫左兩杯飲品，與女朋友慢慢享受食物，享受氣氛。

放工過嚟九龍城搵老友聚舊，佢帶我嚟這意大利🇮🇹餐廳，在舒適環境下，好好享受晚餐。餐廳裝修以橙色為主，加上牆上有趣嘅掛畫，一下子像置身於意大利。✨白酒煮新鮮紐西蘭青口賣相很可愛，攞放得如孔雀開平😆，青口好新鮮，以白酒、高湯、蒜片、香草及紅椒等配料一起煮，味道鮮甜帶酒香；用蒜蓉包沾上白酒湯汁，很有意式風味。🐟法國煙燻BB鱔沙律煙燻BB鱔肉嫩口，交織著淡淡的煙燻香味，配以新鮮沙律菜，健康好味～🐖生燒西班牙紅毛豬骨呢個係店員介紹的，比較特別，因選用西班牙 Batalle 紅毛豬骨，外皮燒得微脆，肉質結實，肉味都幾濃郁，而且油脂均勻；要讚一讚廚師把燒好後的豬骨及肉切開，我哋食得好方便👍。

呢日喺九龍城，想食泰國菜、日本菜 以外嘅美食🤣，即刻諗一諗，記起呢間西餐廳，就決定行過去開餐😋「法國🇫🇷煙燻BB鱔」：BB鱔 肉嫩帶微微嘅煙熏香味🤩，溫度係少少凍，配埋爽脆嘅沙律菜、青瓜、小蕃茄 一齊食，幾清新🤩「白酒煮🍾新鮮紐西蘭🇳🇿青口」：新西蘭🇳🇿青口大大隻，好新鮮，所以肉質鮮甜，仲幾厚肉，兼帶有白酒嘅清香🤩「香辣蜆肉扁意粉🍝」：Spaghetti alle vongole 係意大利🇮🇹其中一款 最普遍兼流行嘅 pasta 🇮🇹，亦都係 傳統嘅 Neapolitan cuisine🤩，意大利人🇮🇹有兩大煮法：bianco 或者 rosso，呢度係 bianco 嘅煮法，除咗蜆肉之外，加大量蒜片、橄欖油去煮（bianco 煮法 係唔加蕃茄），意大利麵🇮🇹吸收咗 橄欖油、蒜汁、同埋蜆肉流出嚟嘅汁，好美味🤩，呢度亦都煮得有啲 al dente，仲加咗辣椒帶微辣，啱我胃口🤩

📍#帕維亞意大利餐廳 (九龍城)九龍城打鼓嶺道85號地下▪️▪️▪️▪️▪️▪️▪️▪️▪️▪️▪️▪️▪️▪️九龍城用心經營多年意大利餐廳，環境舒適，服務唔錯😊.✨#巴馬火腿沙律💰$138巴馬火腿用料高質，配上新鮮沙律菜同秘製醬汁，味道有所昇華。✨#煙肉芝士焗薯皮💰$98餐廳選由用美國入口既薯皮，入口香脆，配上煙肉同芝士，成個配搭好夾。✨#白酒煮新鮮紐西蘭青口💰$208餐廳選用紐西蘭青口，加入適量嘅白酒後仍然食到青口嘅鮮味，肉質非常飽滿，用料新鮮。✨#燒美國頂級肉眼牛扒💰$438大理石紋脂肪分布較平均，肉眼扒牛味突出，口感細嫩，肉質柔軟，唔會好韌。旁邊仲配有炸薯角，整體非常豐富。▪️▪️▪️▪️▪️▪️▪️▪️▪️▪️▪️▪️▪️▪️

❤️餐前蒜蓉包 + 芝麻包呢度嘅餐包好有誠意 蒜蓉包熱辣辣脆卜卜 蒜香十足 芝麻包仲好味粒粒芝麻脆卜卜 可以選擇點油醋或者鮮牛油 好美味❤️美國煙肉薯皮呢個薯皮係我食過最好味嘅薯皮🏆因為外皮勁酥脆 唔會淋啤啤 有大量煙肉同埋芝士 雖然好邪惡，但真係好好食 熄埋旁邊嘅沙律菜就唔會覺得漏 必食！❤️美國肉眼扒肉眼扒好大塊 7成熟 我最愛 肉質夠嫩 牛肉味濃 而且帶點肥膏 雖然好邪惡 但係舊肥膏好甘香 呢到環境好舒適 店員會介紹今日邊款食材最好 安安靚靚同三五知己gathering 係晤錯嘅選擇📍帕維亞意大利餐廳 (九龍城)九龍城打鼓嶺道85號地下

📌Pavia餐牌以意大利經典菜式為主係九龍城食泰國菜以外嘅好選擇🔖餐包 🥖分別有芝麻包同蒜蓉包2款芝麻包外脆內軟，伴以鮮牛油特別香蒜蓉包蒜味頗香濃，脆口又好味🔖巴馬火腿沙律出街食飯想健康啲，我地會揀沙律食🥗沙律份量大大份，沙律菜新鮮翠綠仲有鹹香巴馬火腿加倍開心🤍🔖煙肉芝士焗薯皮擺盤精美，焗薯皮香氣濃郁薯蓉質感軟綿，加入芝士、煙肉食到薯蓉香甜同配料嘅鹹香，味道有層次外皮焗得香脆可以連皮食添🔖大蝦忌廉汁意大利飯大蝦肉質爽口，蝦頭藏住不少蝦膏忌廉汁完美融入意大利飯，相當creamy口感同味道都balance得好好

今天來到 我們叫了香煎帶子雜菌意大利飯、牛仔扒、生牛肉伴火箭菜和南瓜蟹肉湯等美味佳餚。😋首先，我品嚐了他們的特式菜之一，香煎帶子雜菌意大利飯。這道菜以新鮮的帶子和香濃的奶油醬汁為主要特色。米飯煮得剛好，帶子鮮嫩多汁😍，醬汁的濃郁口感與帶子的甜美味道完美結合，還有，芝士的香味令每一口都帶來了美妙的享受。😎接下來，我嘗試了他們的牛仔扒。這份扒肉配以炭烤的香氣和入口即化的口感，真正展現了牛肉的鮮美。肉質柔軟多汁～😳我作為湯品愛好者，我當然不能錯過他們的南瓜蟹肉湯。😍這款湯品濃郁滋味，南瓜的鮮甜和蟹肉的鮮美相互融合，帶來了一種豐富的口感和層次感。每一口都讓我感受到了溫暖和滿足。😝我也嚐試了他們的生牛肉。這道菜以新鮮的牛肉片為主，配上芝士和火箭菜。每一口都充滿了肉質的鮮美和誘人的風味。總結而言，喜歡扒類美食，這裡就能找到適合的選擇。而且，他們使用新鮮高品質的食材。☺️

朋友生日，一於食好啲😎其實就係自肥，呢間巳想試好耐，今次到我話事喇😏意大利菜好多時都會俾人錯覺又貴份量又小，整體叫咗幾樣又要顛覆大家思想了，頭盤叫咗意式薄切生牛肉🥗，分量比想像中多👍🏻仲有我最愛嘅火箭菜，相當開胃蘑菇湯、龍蝦湯🥣兩者都好香濃，龍蝦湯入邊有小龍蝦，增加層次香辣蜆肉扁意粉有蒜片及紅椒帶起成個意粉嘅味道，唔食得辣嘅朋友都可以試吓北海道帶子意大利飯有大大隻煎香帶子，亦有少少蘑菇，軟硬度適中👍🏻薄餅脆邊既意式風味薄餅🍕有巴馬火腿，水牛芝士，蕃茄，火箭菜，馬蘇里芝士，鍾意食芝士嘅朋友必定要叫香煎智利海鑪魚柳，薯蓉做底好好食，魚肉一疏疏好好食九龍城除咗食泰國菜都仲有好多唔同嘅菜式可以慢慢發掘，呢間我真心推介🤓

上次我同同事們帶班在新界讀書的小學同學仔坐旅遊巴士到九龍寨城公園，欣賞一下文物景區，例如以前中國式衙門，在修復和重建後成為展館的。 欣賞後來到一間西式餐廳幫襯下， 這間餐廳都有十多年在九龍城， 曾食過一次所以知道好有心！午餐已包餐湯及麵包🥯，主餐餐飲。黑毛豬豬鞍肉質多汁香口， 煎得剛剛好好不會太熟， 靚豬不駛煎太熟，所以特別好味😋餐廳雖不大， 但滿有溫情的感覺！Pavia 意大利餐廳🇮🇹地址：九龍城打鼓嶺道85號地鋪

早前同媽媽到九龍城買野， 行經一間比較少見的是意大利🇮🇹餐廳 所以入去食個午餐！食物估不到水準好高，又夠正宗，香港人一定鐘意💟南瓜🎃濃湯前菜的湯好香濃，新鮮南瓜口味又綿又香好吃😋北海道帶子意大利飯煎香了的日本🇯🇵帶子大大粒又爽口，加上啖啖忌廉汁飯超滿足黑毛豬豬鞍廚師🧑‍🍳功架十足，加上本身入料黑毛豬優質靚料，食得出用心烹製成的，肉腍香噴噴， 使我垂涎三尺， 忍不住食哂！最後一提老闆娘好親民，同我傾吓偈， 原來餐廳牆身的畫都係附近學校學生畫的， 好有豐富色彩鮮艷的感覺！

朋友介紹嘅一間位於九龍城嘅意大利餐廳- Pavia環境舒服有驚喜，服務質素一流，員工態度親切🩷餐前麵包 🥖& 忌廉蘑菇湯🍲坐落有兩款餐包各兩片，芝麻包咬落外香脆內鬆軟 而蒜蓉包重蒜蓉味和牛油，兩款配搭正宗意大利食法，沾上黑醋及橄欖油，十分有驚喜🥳小小一碗蘑菇湯，綿密香滑，香氣濃郁，超美味😋慢烤魷魚盤依家係魷魚當做嘅季節，值得一試‼️主打嘅前菜魷魚盤，品種非常特別，味道爽口又鮮甜，保留到原隻魷魚上盤及原汁原味🤭大廚將魷魚洗得好乾淨，以慢烤方式煮到岩岩熟透，還配搭黑醋汁及新鮮蔬菜，加添了顏色🌈清新又開胃茄汁大蝦天使麵賣相擺盤唔錯，天使麵做得有彈性，大蝦口感十分爽口😚味道每一啖都重鮮蕃茄汁和蝦味，味道出奇地好食，配埋小量的蔬菜、小番茄🍅燒西班牙黑毛豬依道燒西班牙黑毛豬主菜十分出色！擺盤好精美，上菜香氣濃郁，令人垂涎欲滴🤤肉質細嫩多汁，口感食出不同層次，味道鮮美，配菜有薯蓉，秋葵及紅蘿蔔🥕增添了整體層次感🫣這道菜品十分出色，如果鍾意食黑毛豬嘅你，這道菜絕對係個不容錯過的選擇🤭💗📍 帕維亞意大利餐廳九龍城打鼓嶺道85號地下

之前聽朋友介紹過九龍城有間高質意大利菜🫕終於有時間拜訪下😆一入門，有小小港式裝橫，播緊外國抒情流行曲，個環境已經好舒服🥰有種放左工番屋企嘅感覺💓主廚甘師傅會出黎同客人吹下水，一開始劈頭就話：「我地做熟客生意，幾乎所有人都會黎第二次。」哇！有冇咁犀利🤨真係要試過先知🤭師傅介紹我地食時令魷魚桶，又上左好好飲嘅蘑菇湯同餐包俾我地。值得一讚係芝麻包好香，個面有微微熱過，好脆，仲有得點橄欖油同黑醋tim🥰黑松露煎魷魚桶 時令價錢甘師傅做左意大利菜超過30年，由一碟魷魚桶就睇得出心思🦑肚腩屋企都有煮過魷魚桶，知道入邊有條骨，甘師傅咁細心就當然會拆骨啦😋而且完全去左鯹味🐟表皮用黑松露加蜜糖煎過，但一啲都唔熱氣😍魷魚好新鮮，有咬口🫶🏼食完魷魚食伴碟沙律🥗茄仔大蝦天使麵 HK$268咩係好嘅意大利麵呢🍝食過米芝蓮2星意大利餐廳Octavium 嘅肚腩可以好肯定同你講，呢度嘅意大利麵係拍得住高級餐廳👏🏼好嘅意大利麵要好識收水，醬汁應該要均勻咁掛係麵條上邊，而且麵係要煮到岩岩好，唔可以太軟都唔可以太硬，非常講究🤌🏼甘師傅嘅意大利麵完全係做到呢個效果👍🏼畫龍點晴嘅係4️⃣粒鳳尾蝦，又大隻又爽口🍤仲去屎開邊好似花咁

位於九龍城呢間意大利餐廳之前已經聽朋友介紹，食過都讚好。餐廳採用大量當地時令食材，菜單以正宗意大利經典傳統菜式為主，當然要試吓啦蘑菇湯、龍蝦湯，龍蝦湯入邊有小龍蝦，蘑菇味香濃，口感恰好不會太膩🤓香辣蜆肉扁意粉，蜆肉肉質挺實有嚼勁，韌韌彈彈小鮮甜意式薄切生牛肉，有我最愛嘅火箭菜，唔駛用太多汁都一樣好味北海道帶子意大利飯有大大隻煎香帶子，亦有少少蘑菇，軟硬度適中👍🏻薄餅脆邊既意式風味薄餅🍕現烤現製的薄餅上枱巳聞到一股濃香芝士味，滿口香濃芝士🤤香煎智利海鑪魚柳，底部有薯蓉，而魚皮煎得香口，呢個魚無得輸👍🏻呢度不論帶情人、朋友還是孩子來開餐都適合。