巴打火鍋館

營業中

休息中

朋友極力推介呢間火鍋比小🐷，自然反應緊係問”係咪真係咁好食架”。最後Book左星期六夜晚，都幾多人，建議book位! 先黎湯底，已經好足料😋有海鮮、豬腳，好香濃，我地點左：👍🏻推介脆炸油炸鬼: 可以即食又得，浸一浸火鍋食又得😛甜酸醬好match即炸響鈴 ($5x): 好乾身好脆，吸哂火鍋湯既精華自家手打五寶丸: 自家手打丸好彈牙，5款都好食花鵰雞件($6x): 好香花鵰味，雞好滑海蝦 ($8x): 好新鮮，夠爽口彈牙個人喜好選擇👇🏻巴打牛三色 ($38x): 有手切牛、牛頸脊同牛胸油，牛胸油係牛胸前肋骨上既一塊筋膜類肌肉，極為珍貴，口感香，較爽身；牛頸脊脂肪較少，牛味較重，小🐷鐘意手切牛多D😅較嫩滑牛骨髓($5x): 好滑，不過唔係個個人鐘意食好滿意既一餐😌材料新鮮又好足料，overall食物質素都幾好👍🏻如果多人食可以試多幾款，值得一讚係有d款式有小/大碟，少人都打到邊爐🤪

朋友生日，今次去左位於元朗（近yoho) 嘅巴打火鍋館，我地5個人，訂左枱先有位，一入到去店員話比我地知，醬油費要每位$15，首先講下主角雞煲，我地order 左一隻雞，但隻雞好細，冇乜肉，我地揀左小辣，但感覺上係完全唔辣，得個咸字，似沙爹醬，之後仲越食越咸，咸到苦。非常難食！我地叫左單上面嘅食物，因為太多嘅關係，先甜後苦，我先講下好食嘅食物，推介有紫菜響鈴，好脆嘅響鈴包住左紫菜，味道好夾，泡一泡5秒鐘就食得。另外震店牛筋丸，內裡有爆汁，好有牛味，其次係即炸魚片頭，好香皮好脆，但要趁熱食。另外海中蝦都好新鮮，夠大隻，上碟時仲係郁嘅。講完D好嘅，到講下D唔好食嘅，首先係桶蠔，唔新鮮，食落口一陣酸味，好怪，好似變壞左咁。另外餃子併盤，多數係菜餃，肉少，有幾隻裡面是臭的，好唔新鮮，似係放得太耐，變壞左。而其他食物都係中規中矩，不是特別好食，但價錢偏貴，唔會再有下次。

琴晚約左表姐吃飯啦！然後表姐夫訂佐位響呢間吃。之前同老公都吃過一次！之前係叫鴛鴦鍋，好好吃咁次表姐巨地揀左香濃豬骨湯底！個鍋一上台已經聞到好香！等到啲湯滾左即刻筆左湯飲！個湯超入味，十分好吃！配菜全部都好新鮮！響鈴好脆好好吃！服務就更勝一籌！下次一定會再來吃過！衛生方面都好好！

講到食！元朗區真係好多選擇！任食火鍋好多，但對食物有所要求的就可以去試試巴打火鍋館！本人會推介椰子🥥新鮮雞煲，真係放椰子水做湯底，再加上馬蹄。放完隻新鮮雞，第一時間就係先飲左個湯先，味道真係好香！秒剎！湯同新鮮雞一陣就食晒！係時候加返個湯叫返的火鍋食物，手打墨魚🦑滑必食，仲有蟹子粒。黑色的牛柏葉，爽口！牛肉鮮味！自製餃子🥟必食的韭菜餃子！店舖的響鈴，熱辣辣脆脆的，又大份，真係要試！飲料可以試吓鹹柑桔檸檬，真係好大杯，抵飲！

有時候我哋去到太夜時間都唔知食乜好，夜得太多嘅話好多餐廳都已經關哂門😐。但元朗其中一帶位置就開得好夜，而且好嘢食都唔少架喎👀。天氣一凍最想就係圍埋打邊爐取取暖，而我今日就去到近元朗YOHO，一間叫巴打火鍋館，入去暖下個胃先👄。🎈香濃豬骨湯底 $78其實餐廳入面仲有十幾款嘅火鍋湯底畀你去揀😧，不過我留意唔到啲招牌推介湯底，就揀咗個簡單少少嘅湯底。不過唔好睇少一個咁簡單嘅湯底😌，湯底料十足，有豆腐、豬骨肉、蕃茄、`粟米、紅蘿蔔，豐富得好緊要嘅湯底，性價比勁高👍。🎈巴打牛三色 $388分別有三款係(牛頸脊、手切牛、牛胸油)，每款都好新鮮，賣相亦都好吸引✨。牛胸油就比較唔常食得到，原來一煮就會縮，而且食落幾彈牙，爽口😜。另外兩款牛肉根位唔太多，肉質不錯，唔洗咀嚼太多就入口，推介大家點嚟食👍。🎈鮮滑三拼 $98 餐廳入面有多款自家手打丸同魚滑，既然款款都想試，就不如點三拼啦🤤。有墨魚、鮮蝦、鯪魚滑，魚滑係我打邊爐必點之選，每款用料都好足💪，魚滑入味，不過QQ彈就無咁膠質，不過98蚊食到三款分量十足嘅魚滑就超值喇👅。🎈黃金炸魚皮  $58咸蛋炸魚皮，上碟時啲魚皮仲有暖暖嘅感覺，唔知係咪啱啱即叫即炸

店舖似係將幾間舖打通，間隔麻麻，但就幾大幾多位！價錢同出面差唔多，但款式夠多、夠新鮮！而且每碟都好多、好大份！湯底味道唔太濃，叫左個鴛鴦鍋，有一邊係麻辣，但只有辣味，冇咩麻香味。不過除左尼樣，大致上都唔錯！可以試下！

今日多野攪都係出街食😆😆😆兩個人真係唔多選擇🤦🏻‍♀️🤦🏻‍♀️🤦🏻‍♀️泊低車經過巴打見冇勿人等即管試吓有冇位🙈🙈🙈次次想去食冇訂位係冇位🥺🥺🥺今次好好彩有位呀！等佢清理後可入坐🥰店內裝潢設計特別好似返左七十、八十年代💞空間較細講嘢大聲會好大回音🙈我哋坐低左佢除左火鍋重有小炒都幾多元化👍🏻火鍋都好多款😊但係兩個人真係吾知咩好🤣🤣🤣湯底好多款👍🏻我哋叫左個番茄牛腩湯底🤗到最重要旣牛呀🐂🐂🐂十下十下牛唔好食會影響晒🥺🥺🥺我見到👀有牛胸油呀⋯⋯呢個一定要食💯💯💯但.........兩個人👉🏻👈🏻 E 見到個巴打三色有牛頸脊/牛胸油/手切牛🔪嘩!正啦三樣有齊啱曬人小又想多款過口引😆😆😆小女人❤️重有D 野可以叫半份👍🏻👍🏻👍🏻半份秘製黑松露水餃/白鱔片/菜芯苗/黃金炸魚皮🙈🙈🙈要停呀！唔係食吾曬🤦🏻‍♀️🤦🏻‍♀️🤦🏻‍♀️所有野到齊😋😋😋開餐😆個牛睇見到口水流啦🌟🌟🌟牛胸油爽口🥰🥰🥰牛頸脊👍🏻👍🏻👍🏻牛味重😬😬😬手切牛有 D失色唔夠香同鞋身🙈🙈🙈黑松露水餃不過不失都重黑松露香味😊白鱔片新鮮👍🏻黃金炸魚皮好味🥰🥰🥰送啤酒一流👍🏻菜芯苗麻麻地都吾係苗🤣🤣🤣可能唔係時候呢餐都飽飽架😋有機會下次多D人試下其它湯

元朗多野食，但你帶住架車，就好難搵到合適既地方。所以今日選擇yoho 附近，勝在易搵位。入到去俾有特色既牆吸引，好像舊式茶餐廳般，用來影相扼下Like係得既。今次叫了個椰汁竹笙雞，貪佢隻雞半隻上，就唔怕人用頭頭尾尾雞件。後來發現今次飯腳5人中，有3個係湯怪，所以每人三碗就KO 左個椰汁湯，不過入面既雞有少少失望，over 左。我們叫了牛頸脊，新鮮及低食的。至於其他，豬腰、三色滑、淮山，不過不失吧！總結一句，都是抵食的，加上侍應門親切友善，所以我會再來的

三五好友食晚飯又諗唔到食咩，都離唔開打邊爐。個晚好多間都full晒，誤打誤撞就決定試下呢間。我地叫左鴛鴦鍋（番茄薯仔牛腩+沙嗲），但白色個鍋點睇都唔係沙嗲，食落仲有椰子味，於是搵店員問，店員望左一望就勁hea話係，其實佢都唔肯定咁，服務差d！‼️️提提大家：火鍋醬料係要$12一位‼️‼️店員唔會講，到埋單先知，有d燥‼️🔻美國雪花肥牛（$108）🔹份量好似少左d🔹味道正正常常啦🔻自家手打牛丸🔹味道唔錯，有d黑椒味🔹算juicy🔻新鮮黑柏葉🔹賣相還好🔹味道幾好，依然keep到牛味👍🏾🔹夠爽脆（唔好淥太耐，淥到縮晒就會un）🔻萵筍片🔹切得好薄好易熟🔹好味👍🏾🔻新年流流，店員仲送上砂糖柑👍🏾食物質素唔差，火鍋配菜都幾好味，但唔算有驚喜。服務唔夠又收加一，醬料仲要$12蚊位，回頭率唔高。

再黎，打邊爐。今次係朋友話正，先黎一黎。(巴打招牌鍋 $198，本地新鮮手切牛$168，3秒脆響鈴(6件)$42，自家手打墨魚滑$78，花雕醉雞件$68，菜心苗$32 )呢個巴打招牌鍋火鍋湯底幾多料有扇貝,豬手,粉腸,豬肚等等。個湯叫做鮮甜既，直接飲左幾碗，都無話好口渴。至於個本地新鮮手切牛，牛味幾濃既，但係少少嚡同韌。脆響鈴，呢個係必點試既東東，響鈴上枱都熱身既。而且浸係湯度3秒，仲係卜卜脆，超好食。又唔會好油益味。自家手打墨魚滑，花雕醉雞件同菜心苗，好普通，唔值得品評。食物質素上係唔錯既，但價錢有少許偏貴。不過我真係都幾鍾意個湯底。

未涼已經係咁打邊爐, 再凍啲真係唔得了。本來想食雞煲， 不過book唔到位，呢間都係勉強book到，元朗雞煲邊爐成行成市，都依然一位難求，香港人真係好鍾意打邊爐。做定功課，一早決定要試椰子雞煲待應會捧出3個椰青，喺你面前將椰青水倒入鍋，煲裏本身有椰子和馬蹄之類配料今次兩個人食，只叫了半隻雞，$148，雞都會在你面前倒入，雞多肉新鮮。老實講, 我對它的期望都幾大佢仲會刮埋椰青嘅肉落去，其實係好食嘅，但冇想像中咁好味，因為食落只有椰青水嘅甜味，實在係太甜甜到同打邊爐有啲唔襯牛頸脊，係好滑好淋脆脘片, 都好味, 不過有點薄, 下次都係點骨腩好啲豆腐正常。仲有一個黑柏葉，竟然唔記得影，比想像中硬好多, 有幾片直頭咬唔入，冇牙力嘅朋友要再三考慮整體來說, 感覺比一般打邊爐企理, 用料亦新鮮，算係有良心，唔怪得滿座，不過見到有一半人都唔係食邊爐而係食小菜, 下次要試下。

放假得閒，同媽媽去打邊爐。呢幾年食任食火鍋，無一間ok。所以而家鍾意逐碟叫。叫左個招牌鍋。入面有d豬骨同帶子。手切牛肉唔太新鮮，仲有陣雪味。羊肉就ok,4個人食左800蚊。

我們一行六人相約入咗元朗食晚飯，想搵一間冇限時的火鍋店😍😍，在西鐵站附近大約行10分鐘左右，就見到呢間巴打火鍋館，而且佢在平日的時間是沒有限時用餐的，但星期五六日的日子就有限時的。我們叫了手切肥牛海鮮鍋蠔半隻雞黑柏葉牛丸唐生菜蘿蔔每樣食物都很新鮮而且好好味海鮮鍋滾了第一時間就食左d海鮮先😋😋😋裏面的海鮮有蝦、蟹、扇貝、蜆、蠔樣樣都好鮮甜好新鮮而且個海鮮湯超正😍😍last 我地叫左個響鈴嘩！呢個新鮮炸架超好食呀😍😍😍

巴打算係我既邊爐飯堂之一，食材新鮮，多選擇，價錢合理，湯底正！所以我唔明點解會得咁少好評😕佢個椰子雞湯底真係一流，店員首先會比你飲左個湯先，再叫你落野食，因為一落左其他食材就試唔到佢個椰子雞湯有幾清甜！另外芫茜皮蛋湯底都係推介的～打邊爐基本配菜，好似響鈴、肥牛、丸，全部都幾好，夠新鮮～仲有小食推介一口炸豆腐，估佢唔到咁鬆脆，你會食極唔停口！雖然呢間係散叫，但一分錢一分貨～好食過好多任食邊爐店架！

誤打誤撞入左去但唔會再幫襯第二次， 跟招牌巴打鍋嘅扇貝唔新鮮又有沙， 紅蘿蔔有渣， 豬腳有勁多毛， 另叫嘅五寶九98蚊得10粒都唔緊要， 但唔新鮮， 墨魚丸仲要勁腥仲要係咁送錯野黎， 招呼一般